مريم السعودية : ربتني أسرة تشادية وتبناني سوداني جزاه الله خيراً وتزوجت سوداني بالسفارة السودانية – شاهد الفيديو –

أخوانك لو رجال يصححوا خطا والدهم علشان يخففوا عليه الغذاب وعلشان غنت كمان تسامحيه لأنه عاش في وسط متخلف لا يقدر المشاعر الإنسانية ولا يرلااعي للدين حرمة ……..الله يغفر له هذه الخطيئة النكراء ززززززززززززواج المسيار وزواج الس سيان في الفحش .

غايتو الشينة منكورة …
المدعو ادم سوداني وليس تشادي …
وهو يمثل نفسه … واذا كان هناك مجرم فهو الاب “غفر الله له”
بعد مناداة داود الشريان للسلطات بالتدخل “وشد ادم” … اعتقد ان ادم “اكل هواء”
في حلقة اليوم تداخل الناطق باسم امارة مكة المكرمة واعلن اهتمام الامير خالد الفيصل بالقضية وانه اصدر توجيهاته للشرطة بمتابعة القضية وافادته بتقرير يومي لحين الوصول للحقيقة …
ادم ضحية جهله وطمعه …وسيدفع ثمن تواطئه مع الاب ….
البنت ستنصف خاصة بعد تدخل امير مكة …

غايتو أرجو الأنقاذ دى تفوتكم . والناس تموت وتشوف محن أكثر من مريم .
والدها أمتلك المال والسلطة وتسيد على والدتها بالمال والكفالة وأنجب مريم وتسيد على آدم بالمال والكفالة أيضا وتستر آدم عليها. وما أنكشف أمرها الا بعد أصبحت بالغة.
كم من سودانية مثل الهندية تعمل تحت أمرة صاحب مال فى داخل السودان يستغلها كجارية حلال عليه وطئها؟
حسب ما نوقش حتى فى البرلمان ويتردد نشره من زواج عرفى فى وسط داخليات البنات الجامعية, وما يتردد بالصحف من أخبار أستغلال البنات بالوطء أو الزواج العرفى حتى وصل أن نشر خبر فى الصحف السودانية بأن أستاذ جامعى أشترط على طالبته الوطء ليمررها فى الأمتحانات أو الرسوب وعدم الحصول على الشهادة.
أعداد سىء الحظ من أولاد السفاح الرمى فى الشارع أو تركه فى المستشفى , الى أن يكتب له الله بن حلال ويبلغ الشرطة ويأخذوه على المايقوما. أرقام الداخلين المايقوما فى تزايد مستمر.
فى ظل هذا الوضع وفى ظل الأوضاع الأقتصادية يمكننا تخيل كم (مريم) موجودة بيننا وما زالت طفلة. وكم آدم بيننا بدافع المال يتستر كما تستر آدم المنشور فى الخبر.
اللهم أنا نسألك الستر والعافية والمعافاة

كيف حصلت علي جواز سفر سوداني وهي لم تري السودان
هذه الحادثة لا تحصل في اي بلد في العالم الا السودان
لقد ارتبطت الشرطة بالفساد منذ القدم ولكن في عهد الإنقاذ
اصبحت الشرطة هي الفساد بعينه يجب اجتثاث هذا
الجهاز عين فاسدة لحماية المفسدين اما الشعب السوداني
النزية فله رب يحميه

سبب مأساة هذه السيدة ( نظام الكفيل ) لولا هذا النظام المقيت لما فرض والدها الزواج العرفى على والدتها الهندية اتقوا الله فى عباد الله يا … مسلمين .

السودانيين سذج وطيبين زيادة عن اللزوم وبئر للاسرار معروفين .

الله يغفر لهذا الرجل ويسامحوا وارجوا من اخوانها انصاف مريم وكلنا معك بما انك اصبحتي سودانية تستحقي الوقوف معك

المشكله كلو من ادم لانو البنت رفضت عن تتزوج من ادم…. بس شاهد الفيديو عشان تعرف الحقيقه…والله مسكينه ربنا يكون عونك

أهم ما فى القضيه كيف تحصلت على الجواز السودانى وهى ليست سودانيه ,وقد جاءها من السودان جاهز .. من المسؤول ؟؟؟؟هذه فضيحه للسودان , التحقيق , التحقيق , فى هذا التلاعب واجب وطنى ,, السعوديه ,, لاتعطى جنسيتها بسهوله بل الموضوع يخضع عندهم لاجراءت طويله ومعقده

كده نترك قضيتها للمختصين والأهم عندنا عاوزين نعرف شخص ابوها سعودي وامها هندية (باعترافها) كيف تحصلت علي الجنسية والجواز السوداني ؟؟؟؟ ألا يدل هذا اننا الدولة الوحيده في العالم التي حدودها مفتوحة ليدخلها ويخرج منها كل من هب ودب دون ان يعترضه اي مسؤل ثم وثيقة الجنسية التي وبالدول الاخري لايمكنك الحصول عليها حتي وان ظللت مقيما بعشرات السنين إلا في هذا السودان فاي وافد يدخل السودان فبعد اقل من اسبوع تجده قد حصل علي الجنسية والجواز السوداني !!!!!!!!!!!!!!!!القي نظرة علي مكاتب الجوازات وبالاخص ببورتسودان ستجد ان 90% من المتقدمين للحصول علي الجنسية أو الجواز السوداني هم احدي رعايا دول الجوار !!!!!!!!!!!!!!!!!

( وتبناني سوداني يدعى احمد المصطفى وتم استخراج جنسية وجواز سفر سوداني لي) الجواز ياربي مكتوب فيه سودانيه بالتبني والله بالميلاد والله مهزله هي هنا في السعوديه والجنسيه والجواز يصدران من السودان (يا سفارتنا هولب لب – ويا داخليتنا هولب لب – يالبلد المقسم بين الخلوق هولب لب ) وبعدين تم عقد زوجها في السفاره السودانيه على أنها سودانيه (وشلت من النيل صباه ومن جمال النيل بهاه)وانت سوداني بالميلاد لو مشيت سفارة السجم دي المرمطه تلقاها في الباب
وطن كلو ازيه

سبجان الله اى زواج غير شرعى يكون نهايته الفضيحة والعار
الراجل اموالوا كتيرة بس بدل ما يتصدق بها على الفقراء ينفقها فى الزواج
العرفى كم زيو دا فى السودان هنا ياربى من اثرياء البلد دى الحق واضح
والبركة فى التشادية التى تكفلت بالتربية ربنا يجعلها من اصحاب الجنة رغم فقرها
تحملت تربية هذه البت التى لا ذنب لها فى القصة او زواج المتعة الذى اتى بها الى الدنيا
الفانية نرجو من القائمين على مراعاة حقوق هذة المظلومة وهى دين فى رقاب المسئولين فى المملكة ….

اود طرح اسئلة :
1: هل دخلت الروضة و المدرسة وكيف تم تسجيلها اي باي مستندات من جواز وإقامة وووووو؟
2: قالت السوداني جاب ليها جواز من السودان ومشو السفارة وعقدو طيب الجواز هل فيهو تاشيرة خروج من السودان وتاشيرة دخول للسعودية ؟؟ وعند الزواج في السفارة هل تاكدت من هذة المستندات

قانون الجنسية السودانية يعطي لكل من تزوج بغير سودانية الجنسية حال ثبوت قسيمة الزواج وتصديقها من المحكمة الشرعية علي ان يكون هناك اولاد منها(والحته دي بلعبو فيها ضباط الجوازات بالطول والعرض.. خلو الحبش والتشاديين كلهم سودانيين .. بعض الاحيان بقسائم زواج مزورة ) ، لكن قانون الجنسية لايعطي بطاقة الجنسية الا بحضور طالبها شخصيا امام المتحري ووضع البصمة والتحري معه حتي لو كان رضيع عمر يوم، ورفع طلب غير السودانيين طالبي الجنسية لوزير الداخلية ويوقع عليها بنفسه بعد الاطمئنان لحالته .. ودي بتاخد وقت طويل جدا دائما … وقانون الجنسية السوداني يمنع التبني بنص الدستور ، يعني مفروض يكون مستحيل للشخص المتبني ان يخرج اوراق رسمية لطفله الاجنبي ..الا للمتبني لطفل سوداني وذلك بمعرفة دار الرعاية او وزارعة الشئون الاجتماعية (بموافقة منها) وشغلانة طوييييييلة … يعني بالمختصر البت دي لو جبناها بالشنقيطي ولا بي لفة القبة ولاسنار التقاطع جنسيتها صعبة شديييييييييييد … لكن مع وزير داخليتنا ده جيب لي اي خواجه عيونو زرق ولا فلبيني واقعد اشرب ليك كباية شاي مع ست الشاي وانا بخش اجيب ليك الوزير زااااااتو من اضانو يقول ليك انت سوداني مش بطاقة جنسية للأجنبي ..

والله حشمتو السودانيين فى القناة الفضائية جننتونا نحن عرب نحن عرب اها هسى الرجل ادم عبدالله دا عربى رايكم شنو واصلا الرجل دا بيكون من عرب كردفان او من عرب دارفور عربى مكسر وما مفهوم وما عارفين قال شنو حتى كتابة هذا التعليق. ومنكن الزول دا بيكون اخذ مبلغ كبير من اخوان مريم لاخفاء لحقيقة ولو لا وجود السودانى الاخر الذى تزوج الاخت مريم والسودانى الذى تبنى مريم لقمام السعوديين بحزف السودان من الجامعة العربية واخيرا اتمنى للاخت مريم وزجها حياة زوجية سعيدة وحتما ستحل قضينهم بعد تدخل الامير فى الخط الساخن وستاخذ مريم حقها فى المواطنة

الجواز السوداني في إيد كل من هب ودب والمسؤلين عن هذا الجواز أكيد ما سودانيين انا معاي هنا أرتريين وبالاسم سعديه الشفا داؤد وناصر الشفا داؤد يحملين الجواز السوداني ويملطشوا باسم السودان وأكيد عندهم الجواز الجديد أرجو من القائمين علي هذا الامر ان يراعوا للسودان الحبيب بلد الجدود يا وطني وبلد أحبابي

السؤال العجيب ——- كيف تحصل السودانى بسهوله على الجنسيه والجواز وكيف تم الزواج فى القنصليه بهذه الاوراق —————–

حضرت الحلقة وللاسف المقدم متحامل جدا على ادم المسكين والذى لايستطيع ان يبرر موقفة بطريقة جيدة وواضحة ولم يذكر هذا المقدم بسؤ ولو مرة هذا الرجل السعودى التافة الذى يرمى بنت فى عمر يومين ويطرد امها الى دولتها ولايعترف بغلطتة ولاببنتة الى ان يموت..سبحان اللة
وفى الاخر سوف ترمى كل البلاوى على المسكين ادم حسبنا اللة ونعم الوكيل

ياجماعة الخير كلكم زعلانين عشان الجواز (ماسمعتو بالجواز بالنظر والدفاع بالنظر)ونمتلك حق الرد في اي وقت (وا000 الفاتح جبرا)0

التعليقات كلها تدور في كيفية حصول مريم على الجنسية السودانية !! يا جماعة الحضري حارس المريخ طلعوليهو الجنسية السودانية قبل ما يصل السودان !!! واللاعبين الافارقة في الهلال والمريخ تتوزع عليهم الجنسيات السودانية زي كروت زين وفي نفس السنة يشطبوهم !! .. يعني الشغلانة فوضى علنية .. على الاقل مريم متزوجة سوداني

بعد الإعاذة بالله من التحدث بما لا اعلم.

لا اعلم لمذا كلنا نتحامل على الشاب السوداني والجهة التي استخرجت جواز سوداني لتلك الفتاة “الضحية”؟؟
يبدو اننا نجهل الكثير من قوانين الهجرة والتجنس في بلدنا! فهنالك فقرات مضمنة في القانون تمنح حق الجنسية السودانية لغير السوداني المتزوج من مواطن سوداني وايضا هنالك قوانين تعطي حق التجنس لكل انسان مُتبنى ولا اود الخوض في ذلك.
يجب علينا ان نفتخر بإنسانيتنا لان معنى الانسانية كبير، لا تجسده لنا نظم الكفالة والرق المعروفين عند جارتنا وغيرها من الدول التي تقبع في جهل مهيب، تردٍ خُلقي وعماً افقي.

الاخ سعودي الجنسية، انت تتحدث عن السودان، فعلينا اولا وعليك التريث والإلمام بحيثيات ما نود التحدث عنه، فالاشكالية تقبع في والد تلك الفتاة “الضحية ” والأسرة التي لا تملك اي وازع ديني ولا خلقي ولا تملك ضميرا إنساني بل ربتها طمعاً في الدنانير ونسيت ان هنالك خالق يحاسب على الكبيرة والصغيرة.

فشكري الى بلدي وكل انسان بلدي

آدم تشادي وليس سوداني

للتوضيح فقط ؟

يا عـــــــــــــالم

والقانون سيأخذ مجاراهو

قال الشاعر لبيد ويأتيك بالأخبار من لم تزود . الجنسية السودانية عملتها واحدة طبيبة لشغالتها وهي اريترية احضرها زوجها لها من بورتسودان لأن زوجته تعمل طبيبة واخيراَ تززوجها أريتري . كل شىء في ارض المليون متر مربع ممكن يكون . وايش هو الصعب وحتي ايام حكم أبعاج النميري مافيش حاجة مستحيلة ناس باعت اراضي بالغش أوراق مزورة وأخذت فلوس من المغتربين بالعملة الصعبة تحت غطاء السفارة كي منحهم عمولات .نحنا دائما ما المتبرعين بالسلاح لفلسطين وبالبترول للجنوبيين وأصبح شعبناجوعانين و مشردين
طيب سؤال : لو ما كان هذا البرنامج (الثامنة)تم ظهورة في هذه السنة ماذا كانت تفعل (مريم)؟
هل ستسكت على هذه الحالة الى مدى الأبد؟ أم فكر زوجها في بعض الطمع.

مالكم يا جماعة زعلانين على الجواز السودانى؟؟؟؟
وارغو الماسورة ادوهو الجوازخليك من المزة العجيبة دى…
ياخى دى مش مفروض يدوها جواز بس مفروض تبقى وزير دولة……

ما لقيته الا قضية هذه المسكينة عشان تعلقوا عليها بالعشرات. يعني شنو لو أنها أخدت جواز سوداني ما هي عربية وأنتم تدعون العروبة ما تخلوها سودانية عشان تزيد في عروبتكم وهم شوية اللي أخدوا الجنسية السودانية. سبحان الله مافي واحد دعي ليها ولنفسه دعوة طيبة تقيه وأبنائه وأهله شر تصاريف الدهر في نفسه وفي أبنائه من بعده.

يا شباب الجواز السوداني اصبح زي الجرائد تباع في الطرقات
السعوديون لا يريدون الجواز السوداني حتي لو كان بالبلاش ومعاها شوية قروش اما مريم المسكينة
حالتها فريدة نسأل الله في عونها
السفارة السودانية في القاهره يقوم بتوزيع الجوازات للمصريين بصورة مبالغة.
بدليل ان المصريين يقولون أستخراج الجواز السوداني اسهل من ركوب الاتوبيس

انشاء الله ربنا يوفقك

هذه البنت تستحق جواز السفر السودانى لأسباب إنسانية ويشكر زوجها السودانى على الزواج منها وحمايتها ولكن الموضوع يثير قضية أخرى هى سهولة الحصول على الجواز السودانى لدرجة ( العهملة ) وهذا دليل على وجود فساد فى الشرطة يجب إجنثاثه…الشىء الثانى هو إجراءآت التبنى لشخص موجود خارج السودان كيف يحدث ذلك ؟؟؟ أغلب الظن أن زوج هذه البنت وكما ذكرت كان يعمل بسفارة السودان فى المملكة فلا بد أن عمله فى السفارة سهل هذه المهمة وربما بل حتماً إن الموضوع به إستغلال نفوذ أو شبهة فساد ورغم إنسانية القصة ولكن على السلطات أن تتحرى كيف تم الموضوغ بهذه السهولة ؟؟؟؟

may god be with u

القصة دي كلها رغم قساوتها
لكن لفت نظري ( حصولها على الجواز السودانى)

كيف ؟؟؟؟؟؟؟؟؟؟؟؟؟؟؟؟

واحد من الجوازات يرد
الله المستعان

هذا الحدث امنداد لعادة واد الابناء الضاربة باطنابها في المجتمعات الجاهلية …..؟؟..

ياخى الجنسية السودانية دى خلى يدوها لاي زول حبشى صينى كورى بنقلاديشى هندى لانو جمهورية السودان كلهم اجانب يايين من نيجيريا وتشاد واليمن ومافى زول سودانى اصلى الا النوبة والانقسنا والدينكا والفور والمساليت اماغيرهم فهم قبائل وافدة وهسى قعدين يقولو لينا عندهم مكان ومناطق فى كردفان ودارفر ناس بتحشمو

ياشعبنا الطيب الي درجة الهبل والعبط ليس الموضوع هو تجنس هذه المسكينة المظلومة بالجنسية السودانية لأنه وببساطة شديدة لو تيسر لها الحصول علي اي جنسية اخري لرمت جنسيتنا في وجوهنا ورغم انسانية المشكلة الا انها كانت مضطرة للحصول علي اي جنسية يسهل الحصول عليها تبعا لللترتيبات النظامية في المملكة حتي تتمكن من البقاء فيها! ولكن نحن السذج الغافلين عن بلادنا وهوية شعبها اللذي مرمطت ووطئت بألأقدام ليس فس السفارات السودانية ولكن داخل الوطن الأريتريون يحصلون عليها بأسهل من شربة ماء من طوكر وانتهاءا بالخرطوم جنسية وجواز سفر ورقم وطني تركوا بلادهم بل هربوا منها واستقروا في الشرق وحصلوا علي المواطنة الكاملة ويسافرون من بلادنا علي انهم سودانيون وتعالوا انظروا كيف هي سمعتنا في الخارج! بل ادهي وامر هناك منهم من حصل علي الجنسية السودانية ويقيم في السعودية وغيرها علي اساس انه اريتري بجوازه الأريتري ثم يسافر الي السودان المغفل المغافل بجوازه الأريتري وهناك في السودان يستخدم جنسيته السودانية يشتري ويتملك لأنه سوداني ثم يسافر الي الخارج علي انه اريتري وهناك وفي الخليج يتآمر علي السودانيين ويحيك ضدهم المؤامرات والكيديات ويبرز حقده الدفين علي السودانيين لأنهم اكثر تعليما وثقافة موضوع هذه البنت اساسه انساني اما موضوع جنسيتنا فأساسه جنائي ضد الشعب السوداني واجرامي ضد هويته وهكذا وبسبب سقط الأجناس الدنيا يضيع السودان كما انفصل اهله الأصليون في الجنوب وعملية الأنفصال مستمرة ان لم ننقذ وطننا

انا أتعجب ممن قام بالرد عليّ !!
وكأني أشتم السودان وأهل السودان .. (معاذ الله) ..
انا لم أقل شيء يغضبكم أيها الأخوة .. كل ماقلته هو من غيرتي على دولة السودان .. وتعجبي بخصوص الجنسية أعتقد أنكم توافقوني عليه . فلماذا كل هذا الكلام وهذا الخطأ في حقي !!
غفر الله لي ولكم .. وأقسم بالله أني محب لأهلي في كل دول العالم ومنها دولة السودان .. أنا مسلم ياناس مسسسسسسسلم .