الخرطوم: الراكوبة
تقدمت الاستاذة نجوى فاروق محمد ابراهيم برفع الدعوى المرفق نصها عندما ذهبت لفتح بلاغ في نيابة جرائم المعلوماتية
النيابة العامة
شكوى مقدمة من / نجوى فاروق
السيد / النائب العام
بصورة لوزير العدل :-
بكل إحترام
أنا المواطنة نجوى فاروق اتقدم بهذه الشكوى إعتماداً على سلطاتكم المنصوص عليها في المادة 14/ب الإشراف الفني والإدري على العمل بالنيابة العامة. المادة 11/ط بسط سيادة حكم القانون. ومستندة على ما جاء بالمادة (3) من قانون النيابة العامة لسنة 2017م في المبادئ العامة التي يجب أن تراعى والتي تنص في الفقرة (و) والتي تنص على أن يؤدي أعضاء النيابة واجباتهم وفقاً للقانون، بإنصاف وإتساق، وإحترام كرامة الإنسان وحماية ومساندة حقوق الإنسان، والفقرة (ز) تُقرأ (أعضاء النيابة العامة ملتزمون بأداء وظائفهم دون تحيز، وإجتناب جميع أنواع التمييز السياسي أو الإجتماعي أو الديني أو العرقي أو الثقافي أو الجنسي أو أي نوع آخر من أنواع التمييز).
وما جاء بالوثيقة الدستورية الإنتقالية لسنة 2019م تقرأ (لكل إنسان حق أصيل في الحياة والكرامة والسلامة الشخصية)، ويحمي القانون هذا الحق، ولايجوز حرمان أي إنسان من الحياة تعسفاً. المادة 49 الفقرة (1) تحمي المرأة كما وردت في الإتفاقيات الدولية والإقليمية التي صادق عليها السودان. وذلك للآتي :-
أنا المواطنة نجوى فاروق ذهبت بتاريخ 21/ 12/2020م لنيابة جنايات ببحري مرافقة لإبنتي (مفاز زهير) وذلك لإكمال إجراءات البلاغ الذي قمنا بفتحه في نيابة جرائم المعلوماتية.
قام أحد موظفي الإستقبال بمنعنا من الدخول بسبب إرتداء إبنتي للبنطلون حسب ما ذكره لنا.
طلبت منه أولا تعريفنا بنفسه وهويته هل هو نظامي موظف في النيابة أو غيره؟ كما طلبت منه مدنا بما يستند عليه قانونا في هذا التصرف وخاصة وان المادة ١٥٢من القانون الجنائي لقد تم تعديله أن جاز له فعل ذلك بموجب المادة قبل التعديل.
استخدم المذكور عنف لفظي في مواجهتنا كما تسبب في إعاقة استخدام حقنا في التقاضي مما قد يؤثر في الاستمرار في البلاغ الذي حضرنا بسببه للنيابة.
لكل ما ذكر أعلاه وبما أشرنا من سلطات النائب العام الإشراف ومراعاة أن يتلقى المواطنين خدمة عملية تحافظ على كرامتهم وحتى حالتهم الصحية وسرعة الإجراءات.
كما على وزير العدل الرقابة على سيادة حكم القانون وتطبيق القانون وفق معايير حقوق الإنسان.
مع وافر التقدير،
نجوى فاروق
26 ديسمبر 2020م
لما تجيب ناس الأقاليم وتوظفهم في البندر .. سوف تكون هذه هي العقلية … يجب احترام ثقافات و بيئات المجتمع … مش قلنا ليكم السودان ده عمره ما يتقدم اذا كان نوع العقلية دي موجوده … سؤال بسيط ما هو اللبس المحترم في نظرك … توب زراق و جلابيه جاره بالواطه ولا شنو .. ما تراه غير محترم في بيئتك قد يكون اكثر احتراما في بيئة تانية … غايتو نحن الله يصبرنا بس …
صاحب التعليق احترم عقول الآخرين ودع الاستخفاف الان ياسيدي في عصر لايوجد به فرق من يقطن الأقاليم او المدن، الأخلاق اخلاق لاتفرق بين الحضر والبدو
واحد ساي
الحكاية ما أقاليم ومدينة .. الحكاية كيزان وفلول وعدم ازالة تمكين .
بتعليقك هذا (ي واحد ساي), انت وموظف الاستقبال سيان , بمعني مافي فرق بينكم انتو الاتنين … وانت زاتك ما دام عقليتك كده يبقى انت كمان زيه وربما اسوأ منه…
يا زول ساي بعد مراجعة تعليقك مراجعة دقيقة خلصت الى انك تحتاج الى اضافة حرف (فاء) قبل ساي ليصبح اسمك زول ف………اي
نائب عام شنو وقانون شنو؟ دي دوله فاشله يحكمها قانون العصر الحجري وهو البقاء للاقوى.
يا اخونا عصر حجرى شنو البتتكلم عنه ده نحنا فى العصر القردي كل واحد يفلق الجنبوا بى حجر . الفشل كل واحد مشارك فيهو حتى الشعب واحد واحد وفى النهايه حيكون الحل فى عوده الإستعمار زاتو.
بكون البنطلون ضيق والجسم ظاهر وكلة ائارة دعوة للتحرش ديل بكونوا بتاعين امريكا والا اوربا لكن لقلة عقل النساء ديلك باردين عشان كدة بثيروهم بالبس دة لكن هنا الحكاية مامحتاجة بااخى خليكم سودانين لو مامسلمين لاحول ولا فوة الاباللة العلى العظيم
حسي كان انتا ولا الزول المقدم فيهو الشكوى تلقى إماتكم لباسات ما لابسات… شعب منافق
انت شايت وين ياعبط ؟؟؟ الناس في شنو وال …. في شنو ؟؟؟؟!!!!
صحح كتابتك للفظ الجلالة
تحياتي
لا تستحق الرد لكن نقول شنو
بالله نورينا ماذا فعل النائب العام في هذه الشكوى فالأمر يهم الجميع ونريد أن نعلم بأنه حتى إذا كان الشخص لبسه فاح فعلاً ولكن دون التعري بالطبع هل يحق للموظف الحكومي منعه وحرمانه من حقوقه العامة من خدمات الدولة؟؟ هل يقرر في ذلك الموظف المكلف بتقديم الخدمة نفسه،؟ بمعنى آخر هل يجوز لموظف الدولة أن يمتنع عن تقديم الخدمة للمواطن إذا لم يستحسن منظره ولباسه؟ أم من يفعل ذلك يكون قد رف أداء واجب وظيفته ومارس التمييز وهو جريمة مثل جريمة صاحب المتجر الذي يرفض بيع سلعة معروضة لشخص معين طلب شراءها بسعرها المعروض!
والله بي نظرة موضوعية قصة هي جاية تفتح بلاغ دي حاجة وقصة البنطلون عامل كيف دي حاجة براها …يعني انت يا الموظف لمن تمنعها من الدخول ما حليت الحاجة الانت شايفها مشكلة وقد تتسبب بضرر اكبر بقصة المنع دي..ففيها شنو لو قدمت نصيحة واحتسبتها لوجه الله تعالى لكان اكرم واحسن واقرب للتقوى
ياخي خليك من بنطلون. لو جن عريانات أمفكو مش تشوف جايات لشنو أول شئ؟
والبسأل عن اللبس دة أمه أو حبوبتو رقصت بالرحط قدام خلق الله.
أعوذ بالله.
الشئ الذي أعرفه ان موظفي الأستقبال في المرافق الحكومية هم بتاعين أمن و كذلك الحرس الجامعي في كل الجامعات و هم فاقد تربوي يتميزون بالوقاحة و من أقاليم بعيدة زي ما قال احد الاخوان و ده لا يعني نقص في اخواننا من الاقاليم انما قصد منه عند تعيينهم طاعتهم الكاملة للأوامر ،، نحن لازلنا في مملكة بني كوز و لجان إزالة التمكين لم تزيل الكثير ،
بتاع الاستقبال شكلو كوز ولا مهووس دينياً
بتاع الاستقبال ده عديم تربية واصلا دي مشكلة كل الكيزان والامنجية والجنجويد وابات دقون البلعلوا لي الطرقات ولعدم ادتربية بتاعهم ده بحتقروا كل النساء لانهم بذكروهم ذامهاتهم الما ربوهم لانهن فاقدات لتربية اصلا وخلونا من اقاليم ولا مركز والكلام الفارغ ده
يلا يا الخائن العام حبر على ورق ورينا فلاحتك في امثال هذا البواب التافه ما دام جبنك وخيبتك والرشاووي منعنك من تحقيق العدالة من امثال برهان وكيزانه وحميدتي وجنجويده السفلة