معتصم جعفر يكتسح انتخابات الاتحاد السوداني لكرة القدم..ولا صوت يذكر لشداد

28 أغسطس، 2010

إنتهت انتخابات إتحاد الكرة التي اعيدت اليوم ، بعد قرار الفيفا بعدم شرعية الانتخابات التي اقيمت نهاية الشهر الماضي ، وتمكن الفائز السابق معتصم جعفر من حصد غالبية الاصوات والفوز بالرئاسة
بأكثر من خمسين صوت ولم يتمكن د.شداد المنسحب من حصد أي صوت يذكر فيما نال صلاح ادريس اقل من عشرين صوت .

وبذا يسدل الستار مؤقتاً في إنتظار التقرير المرفوع من مراقب الفيفا الذي حضر الانتخابات.

28 أغسطس، 2010

تعليق واحد

  1. شداد عرف عشان كده انسحب والله طالما الجماعه ختوك فى المنظار لوكان اترشحته براك تسقط فمن الاحسن احترم نفسك ولملم كرامتك ابعد بعيد مايحرجوك.

    رد

  2. شيلو شيلتكم حاج ماجد سوار يطلق رصاصة الرحمة على المغفور لهاالكرة السودانية وعدنا الى مربع الرياضة الجماهيرية وبعد كم سنة كدا سنكتشف خطانا الذى سنعود عنه بعد فوات الوقت وخربانة ابوكى بلد

    رد

  3. والله البيحصل ده اسمه مسخره فارغه

    واهدار للمال العام الاصله مهدر من زمان

    نعيش ونشوف مهازل

    قال أبوسوار قال :eek:

    منو وشنو ابوسوار ده :eek:

    دباب ؟؟ أها دى عاوز ليها صراخ على وزن صاروخ:D :D :D

    هذا زمانك يا مهازل

    رد

  4. حكى شداد فى مؤتمره الصحفى عن المسببات و تنازل عن الترشيح ليتفادى شرور الوزير و معاونيه – لا ننكر ماقدمه شداد للكرة السودانية و ماقدمه للفيفا ايضا
    وتاكدوا ان الكرة السودانية لا تقم لها قائمة فى ظل تدخلات السياسيين !!

    رد

  5. ماذ ا إستفدت يادكتور الفلسفة غير أنك كلفت البلد مصاريف زيادة وسمعه سيئة وكنت مفتكر نفسك حتعمل حاجة وبالله ما هو الفرق بينك وبين ياسر عرمان كل يعمل ضد الوطن.

    رد

  6. يا جماعه كدي إستهدو بالله وختو الكوره في الواطه دي !!!!
    كدي النشوف معتصم جعفر دا بسوي شنو :rolleyes:
    غايتو الشئ البعرفو عنو أنو الزول دا شبعان يعني قصة السف دي شبه مستبعده
    وبعدين الراجل أكان ماسك نادي النيل الحصاحيصا وبدأ معاهو من تحت و مشى بيهو كويس
    الله إرفعك يا الكوره السودانيه وإرفع سودانا الحبيب دا

    رد

  7. والله دا شكلو حيركب الكوره التونسيه—ويا كيزان استعدوا—لو ناس الكوره ديل ما لقو ليهم كوره—حتتعبوا—ويا مظاهرات ويا شوارع جاك بلا—–

    رد

  8. بسم الله الرحمن الرحيم
    الكرة السودانية انتو ما عارفين مشكلتها شنو ؟
    اقول ليكم انا المشكلة كورتنا السودانية واطية ليها عمل وعمل قديم عشان كدة ما تقوم ليها قائمة
    انا بكلم حاج منزو اطلع العمل ده عشان الناس تتقدم شوية

    رد
جميع الحقوق محفوظة، لصحيفة الراكوبة© 2025 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..