وزير الاستثمار يخاطب الملتقى الاستثمارى السودانى السنغافورى بجاكارتا

الآمن والبنيه التحتيه من طرق معبدةوطاقة متوفرةوعمالة مدربةوصدق فى القول هى الركائز الجاذبة للمستثمر فهل انت ممن يوفر هذه الظروف يا سيادة الوزير؟!

الحرامي ده لسه ساكي السفر والدولارات؟ بكره تسمعو بيه في الاسكيمو تفه عليك ياعواليق

أنت ناس ما عندك معاهم تمثيل دبلوماسي فكيف تطمع في إقامة تعاون استثماري معهم؟ أنك بذلك تضع الحصان خلف العربة. في سنغافورة ممنوع رمي اللبان وأعقاب السجائر على الأرض والأرصفة، فكيف لهم أن يقيموا استثماراً مع أناس يرمون سفة التمباك بالمكتب وبالبيت وبالشارع وفي كل مكان……. يا مصطفى يا إسماعيل… وفر على خزانة الدولة أموال دافعي الضرائب التي تصرفها في رحلاتك الاستثمارية حول العالم وهي رحلات غير مجدية وتتم بطريقة (يا أيدي شيليني ختيني في بيت الله الحلال البلال) بعد أن تضع أطلس العالم أمامك……

السيد / جعجعة إيه رايك بأن كل ما بني من قيم نبيلة وحميدة في السعودية بسبب الراعي الطيب ، قام بتدميره رئيس بعثة الحج لهذا العام . ماذا يصنع أبناءنا هناك أمام هذا الحدث ؟ يعني لو كان الموضوع يخص فريق رياضي أو فرقة موسيقية كان تكون مقبولة ? ولكن تكون مع حجاج بيت الله الحرام !!!
بعد جاركتا شوف الموضوع ده . وحات محبتك للمؤتمر الوطني.

سنغافورة كمان يا درش هى بلد ماعندك معاها تمثيل دبلوماسي ولا سفير ولا سفارة وفى مستوى حياة الأنسان السنغافورى عاوزه يجي يستثمر فى السودان
لو مشيت مستثمر فى سنغافوره يا مصطفى من غرفتك فى الفندق أون لاين يمكن تنهى كل معاملاتك وتسجل شركتك الأستثمارية كفرد أو مع فرد أو مجموعة سنغافورية
عاوزهم يجوا يخوضوا فى طين هيئة إستثمار مصطفى عثمان
ياخى العرب القريبين من بيئتنا خلقهم ضاقت وهربوا
أنت عمرك شفت سنغافورى فى الخرطوم
أنا ما شفت سنغافورى ولا فى الخليج
سنغافورة دى حاجة تانية فوق أمريكا بكذا سنة ضوئية
مين اللسمح لك تمشى لسنغافورة أوع تكون ضحكت على الرئيس وقلت ليهو حأجر كراع السنغافوريين للسودان
فى فيلم مصرى اسمه زواج بقرار جمهورى
صديق البطل شين شناء مره وخطيبته شناتها تزيد عن شنات خطيبها
قالت لخطيبها لازم الرئيس يجى يحضر زواجنا
خطيبها قال ليها
أحمدى ربك أنا حأحضر زواجنا
يا مصطفى
أنت ماتفرقش فى تفاؤلك عن الخطيبة الشينة دى
عاوز مستثمر سنغافورى يخوض فى وحل السودان
أحمد الله أن المستثمر الفلسطينى من جماعة حماس المالاقى ليهو ارض يخت رجله فيها حضر زواجكم
ياخى بلاش قرف
البلد خلاص أنتهت ووصلت الحد والشعب ماعادش حينتظر فرج يأتى من وراء أكاذيبك وماعارف انت عامل ايه للرئيس اكيد عامل ليهو عمل شديد انت بتزور جماعة حاج ماجد بتاع المغتربين
سمهم باتع

غباء مركب!! مافى زول نصيح بجى يستثمر فى بلد منهارة فى كل النواحى والفساد فبها يزكم الانوف والحروب مدورة من 25 سنة, الا يكون كاميكازى أى انتحارى.

As stated by Wael.abdin
World Bank Report
مركز السودان في ترتيب الدول على المستوى العالمي نود أن نشير إن عدد الدول المشمولة بهذا التصنيف هو 183 دولة
وجاء ترتيب السودان على النحو الآتي:
1- سهولة ممارسة النشاط الاقتصادي : جاء السودان في المركز رقم 154.
2- بداية وتأسيس العمل : جاء السودان في المركز رقم 121.
3- الحصول على أذونات البناء : جاء السودان في المركز رقم 139.
4- تسجيل ملكية الأراضي: جاء السودان في المركز رقم 40.
5- حماية المستثمر : جاء السودان في المركز رقم154.
6- دفع الضرائب : جاء السودان في المركز رقم 94.
7- التجارة عبر الحدود : جاء السودان في المركز رقم 143.
8- تنفيذ العقود : جاء السودان في المركز رقم 146.
9- إغلاق النشاط الاقتصادي أو المشروع : جاء السودان في المركز رقم 183 (الأخير).