باحث سوداني ينصح الرجال بعدم التعامل مع زوجاتهم في “السخانه”

مع السخانة البقت طول السنة معناها نطلق الحريم ونشوف لينا بلداً باردة

نحن افتكرنا التعامل دا بس فيما يتصل بضروريات ايام البكور اللى قال عليها البروف الحسّاس فى سوابق الازمان! الحمد لله التحذير انحصر بس فى الكلام”التزامن” بما ورد عن الكابلى ” حتى الكلام لو جانا يتفجر الغام ما بنردّو بنفس الحروف!
نحن حنتفجّر غزل! بس الاصلهم ما كانوش بيكّلمو من اصلو يعملو ايييه!

انتو دايرين الزول يتكلم زي ما انتو دايرين خلوهو على مزاجو ماتبقو ناس جافين لابد من بعض الطرافة

رغم السخرية لكن احترمت نصايحة. دي الطريقة الوحيدة لايصال معلومة مفيدة ترتبط بالواقع في الزمن دة.

يازول ساخنة شنوة نحن تعلمنا مع الحكومة وبيوت الاشباح في الصيف اما النساء انساك منهم … مستشفي العظام خير من مستشفي التجاني الماهي …..

خلااااااص علم الفلك سخن معاك بقيت تنظر في الفارغة والمليانة؟
الله يرحمك يا بروف ستيفين هوكينج, لو كان سمع بالمهازل البعملها الدكتور دا كان قدم فيك شكوي لوكالة ناسا عشان يسفروك بأول مركبة فضائية لكوكب عطارد عشان تشوف السخانة الجد يا بارد.
قال بنات حسناوات قال… طيب ما كان تدرس فنون جميلة ما دام عندك حس مرهف زي دا.
البروفات الاوف بتاعين اليومين ديل بقوا راكبين مكنة شمال, تلقي واحد بروف في الطب عامل فيها ولا بن عثيمين في ايامو , وتلقي بتاع زراعة ينظر في اطروحات في الادب المقارن.
الواحد كن سخن معاهو الشغل احسن يقطم, عشان قلة الكلام من شيم العلماء.

ده عالم فلك ولى منجم الدخل الفلك في الدراسات السايكلوجية والامور الطبية شنو انت عليك تقول درجة الحرارة بترتفع اما تاثيرها النفسي والعضوي دي ما حقتك لانها مش من اختصاصك وانا شاهدت ليك كم برنامج في التلفزيون لاحظت عندك تخبط كتير في العلوم الفلكية مقارنة بالبرامج التي نتابعها عبر النت والبرامج الوثائقية وهسه عندي ليك سؤال 0 الارض مسطحة ام كروية ..ما تنظر ده جدل حاليا مسخن بين علما وباحثين الايام دي .