القت القبض على 80 شاباً وشابة ..الشرطة تداهم مرقصاً لشبان يتراقصون على أنغام الموسيقى الغربية ويتعاطون الشيشة

كلهم يتراقصون هؤلاء على انغام موسيقى سودانية وأؤلئك على انغام موسيقى غربية

ياحليل زمن التربية

منه العوض وعلية العوض على شباب اليوم وشيبان اليوم وحسبى الله ونعم الوكيل

يا اخوانا هسع نحنا نقول تاني في إسلام في البلد دي؟؟؟ ما دام الشباب الذين نصروا الرسول صلى الله عليه وسلم بقوا يعملوا كده!!! يا للعجب يا سودان… وبرضو نقول نحنا حنتمسك بالشريعة… وانشاء الله حنحضر محاكتهم ونشوف ديل من وين بالضبط…والله والله والله ثلاثة … أخبار تكرهك سكون السودان ذاتو والله.

بالمناسبة السبت الماضي كان زواج ابنة صلاح قوش بفرفور وترباس والرقيص مختلط وعادي

هذا للمعلومية..

يا جماعة ما يكون ده party زي الكنا بنعملوا زمان كل يوم خميس ويجوا فيه الكبار والصغار ومافيه شئ مخألف لعاداتنا وتقاليدنا لكن البقينا نسمع بيه في الاخبار ونقراءه في الصحف عن شباب وشابات جيل الأنقاذ والبعملوا من حفلات عرض الأزياء وشرأب الشيشة المختلط يخلي الواحد يقول منو العوض وعليه العوض

انا شفت احدى الانقاذيات المرموقات ترقص مع البشير في احدى اللقاءات طبعا كان رقص دينى ولا شنو
والشيشة هل حرام واذا كان كذلك لماذا تباع فى السوق ومعلوم استعمال الشيشة وانتشارها معناها فى طفش وزهج بقولو البتغلبو حماتو يهمز امة

مافيهاش حاجة وتدخل ضمن الحريات الشخصية فهم لم يعملوها في مكان عام وبعدين تعالوا هنا ماهو الرئيس برقص وماعندو شغل غير الرقيص فيها ايه يعني لما شوية شباب وشابات بيرقصوا وبيدخنوا الشيشه أول مرة نعرف أنو تدخين الشيشة جريمة ..
بعدين والله ليهم حق يعملوا كده وأكثر من القهر الشايفنو في البلد دي الواحد يعمل أي حاجة ينفس بيهو عن نفسو ..

الحكومه ما عندها شغل الا متابعة اسرار بيوت الناس هنالك الملايين لايجدون الكساء والدواء والاكل حسبنا الله ونعم الوكيل فيكم

ههههههههههههههههه والله غريب لكن !!
عليكم غفور الرحيم و عليهم شديد العقاب ؟
النوبى كلامه صح
4

انا داير اعرف المشكلة وين فى الموضوع دة وكدى تعالو نفنطو حتة حتة :
اول حاجة قال يتراقصون على انغام غربية : الرقيص ممنوع . طيب لو كان على انغام سودانية كيف .
بس انا داير اعرف الغلط فى الحتة دى الرقيص ولا النغام الغربية .
قال يرتدون ملابس فاضحة : مقياس الملابس الفاضحة دى شنو؟ وحتى ولو كان فالقانون بقول تخدش الحياء العام ودى بتخدش الحياء الخاص ديل عالم داخل بيت يعنى ما فى الشارع ولا حديقة ولا ……
قال وقد ضبطت اعداد من الشيشة : هل تعاطى الشيشة ممنوع حتى ولو قصدو البنات منو القال ليهم اتعاطنها يمكن اتعاطوها الاولاد بس وما يتعاطوها كلهم يعنى شنو .
الناس ديل لو كانو بتكلمو عن ولد وبنت كان قلنا انهم بعملو فى الحركة الحرام ديك لاكن ديل 80 يعنى المسالة حفلة .
ناس الشرطة ما عندهم موضوع . بقو يسكو فى الفارغة ومقدودة
دة ما بعنى انى موافق على هيافة الشباب ديل بس المسالة حرية شخصية طالا ما انها داخل منزل .

ديل لو كان معاهم مخدرات وويسكي وممارسين للرزيلة كان بيبرد بطني اتهامهم وكان كتبوها بالخط العريض

وياناس الانقاذ اعمل حسابكم وخلو الناس تفرق قرفا فى حفلات زي دي ولو قفلتوها راح يفرقو زهجهم وقرفهم منكم مباشرة فيكم

والله حكاية غريبة,,,
طيب البشير دي ما قاعدة ترقص وعلي الهواء كمان,,,
والصغار بيشوفوها قبل الكبار ,,,
والعهدة علي الراوي قالو بقت ترقص رقيص بتاع مراهقين,,

والفي اغاني واغاني ديل شنو—بنات الحور في الجنه——

شوف دا الكرهنا الكيزان

النفاااااااااااااااااااااااااق يا منافقين—–

ويا ابو الشيماء—خليهو يمشي يعرض في لاهاي—-نحنا ما دايرين زول يعرض لينا——نحن نريد اكل ننننننن يعني زي ما بقولو الاطفال—-دايرين دواء—-دايرين علاج بالافرنجي—-دايرين تعليم—دايرين امن————فهمت—-ما دايرين رئيس بلد يتراقص—-عندنا بلوبلو والكاشف وريماز ووووووويرقصوا لينا——ما عاوزين رئيس للرقص—فاهم

80 نفر ياكيزان انتو متخيلين نحن عندنا قمبور الكضب ده والله نميرى فى ايامه الاخيرة دخلنا الفلم ده واقسم بالله انا شايف نهاية العرض جاية بسرعة وكل الدلائيل بتقول كده وابقو فالحين اكسبو شعبكم فى الايام الباقية دى عسى ان يضارى خيبتكم حبه

ابو الشيماء
متين البشير دا في واحد فيكم شافوا بيرقص ولا بيتمايع ؟؟؟ فرقوا بين الرقيص والعرضة (عرضة رجال وفرسان هي تعبر عن السوداني الاصيل والعرضة دي اساسا مرتبطة بالرجولة .
اي رجولة دي انجاجة الزول مرجخوخة و ما بعرف العرضة الزول عبوب بس بحب الرقيص خليه يرقص و يخنج المرجخوخة اللخوخة العبوب ، الذول بدلي و عبيط .
تقول عرضة وفروسية انتي يا زول مانصيح .

ههههههههه ويك ند مايرقصو خليهم مابترقصو في التلفزيون ههههه دسكو تيكا الله لاكسبكم

ياسوداني مغبون
انت كان داير الحاجات الذكرتها دي , قاعد عاطل ليه ؟؟ ما تشتغل والا راجي ينقطوليك العسل في خشمك وانت راقد هذا عهد ولي زمانه من كد ود ومن استراح راح

الناس ديل كتار!!! والله كتار يا اخوانا…!!!!

يا ناس الحفل المختلط من متين بقى ممنوع من قمنا الحفلات مختلطة و بعدين حكاية الشيشة الممنوعة دى بقت تحير لانو سوقها ماشى تمشى لاى سوق تلاقى دكاكين الشيشة لكن المحيرنى الرقم (80) ده بيت و الا استاد

أحد المعقبين أدخل البشير فى رده فمادخل البشير الأن في هذا الأمر ..
الإختلاط حرام مافيه إثنين ثلاثة .
لكن الشيشة دي يمنعوها ويتركوا مكوناتها تدخل الي السودان وتدفع عليها جمارك

البشير فعلا رقاص يا ابا زبيدة وامثالكم والحرية هبة الله لنا والبشير واعوانه هم من سلبوها وان الذين من حولنا يقبلون رؤوس ملوكهم ورؤساءهم فهؤلاء الرؤساء والملوك عملوا لهم بنية تحتية لمئات السنين من طرق في حين ان البشير يتباهى بطريق او طريقين طيلة الواحد وعشرين عاما ولا يوجد طريق واحد جنوب الخرطوم . و عملوا لهم كهرباء في حين ان البشير وكروش حكومته ارادوا استبزاز رخيص بالسد الذي لم يدخل على السودان كهرباء بل صارت الكهرباء اكثر انقطاعا بعد انشاء السد الذي كله عيوب وللذي لا يعرفها ان يسال اهل الشان من خبراء في الكهرباء وبناء السدود. وعمل القادة الاخرون على توفير مياه صالحة للشرب في حين ان البشير لم يقدر على ضخ مياه النيل بطريقة تجعلها صالحة للشرب في العاصمة فقط ناهيك عن القرى التي اصبحت خاوية على عروشها من ناحية الخدمات. والقادة الاخرون عملوا خدمات صحية جعلت المواطن السوداني يلجأ اليها للعلاج والامثلة كثيرة ولا ينكرها الا مكابر في حين ان مستشفى الخرطوم التعليمي مرتع للقطط ومياه الصرف الصحي خلف كل عنبر ورائحة العنابر تمرض الغير مريض اما اذا تحدثنا عن مستشفيات الاقاليم فحدث ولاحرج اما من ناحية الخدمات التعليمية فيكفي ان ثورة التعليم التي نادى ( البروف ) اياه فيكفيها ان اولاد البروف ومن معه في الطغمة الحاكمة لا يتعلمون فيها وللذي لا يصدق ذلك ليتأكد وسوف يجد ان ابناءهم في ذروة الحماس لتطبيق سياساتهم التعليمية ارجعوا ابناء البسطاء الذين يدرسون بالخارج لاقامة جامعاتهم المتهالكة والمبنية على انقاض مدارس وانتهزوا فرصة المنح واخفاءها وارسلوا ابناءهم وكوادرهم للتعلم بالخارج ومن نتائج تلك الثورة انها خرجت مدرسين لهم غلطات املائية ساذجة ناهيك عن الطالب الجامعي الذي لا يقدر على كتابة خطاب بطريقة صحيحة وهذه الثورة تمخضت فولدت كوارث تعليمية اما الخدمة المدنية فانها خصصت لهم وانها صارت سخرية لدى العامة والصغير والكبير والعاقل والمجنون يعلم الفساد الذي اصابها بالتعفن اما الخدمة العسكرية طبعا هي لقبائل معينة وان اردت ان تلتحق بها فعليك بان كون من تلك القبيلة ولك ان تتاكد من ذلك . والقادة الاخرون سعوا لرفاهية شعبهم وحاولوا تخفيف اعباء المعيشة على مواطنيهم في حين ان البشير ارهق المواطن بغلاء الاسعار المضطرد والضرائب والجمارك والدمغ والاتاوات والرشاوي والاختلاسات والفساد المالي والاداري الذي اهدر موارد الدولة وكلما افسد فيهم واحد اراحوه استراحة محارب ورجعوه مرة اخرى وهذه حكومة لا سائلا فيها ابدا ولا مسئولا والذي ينكر ذلك اما منتفع من ذلك او انه بعينيه سقم

الصورة وين والخبر وين ………………… !!!!!!!!!!!!!!!!!!