إلغاء سفر راكب سوداني بناء على طلب قائد الطائرة الكينية

قرار الكابتن الكيني صحيح واكيد غلطان الراكب السوداني وخاصة ان طاقم الضيافة عادتا يتلقي تدريبات مكثفة في التعامل مع العملاء وعليه لا اتوقع ان يكون الطاقم اخطأ

والحمدلله أنو ماشايل شوية حبوب منشطة وراس راسين بتاعت بنفو. كان،مش نزلوا الراكب وبس،كان كينيا أستدعت سفيرها والرجالة تكبر والنسوان تزغرد!!!ويقفلو السفارة فى العمارة!!!!!!!!

الزول ده بعد الكبسيبة فى الطيارة يكون قال ليهم ما عندى مفاهمة معاكم الا بالعصا,

نحن انفعاليون زيادة عن اللزوم ونعطي المسائل اكبر من حجمها والاخ لم يستفد من هذه المشاجرة الا التاخير وضياع يوم على الاقل. وإن دل ذلك على شي فأنما يدل على عدم اهتمامنا بالزمن وقيمته وربنا يصلح الحال ويحسن خُلقنا كما حسن خَلقنا ….

دي عوارتنا، الواحد فينا عامل فيها متجوعل وهو متجعرن، احمق زي ابو الدكيك، وين حسن الخلق ومكارم الاخلاق، بالله عليكم يا ازوال الواحد فيكم قبل اي تصرف، حق ياخد نفس عمييييييييييييق ويقول الله يطولك يا روح، ويستغفر الله.
لانو المسامح كريم، والرجالة في حسن الخلق والتعامل بحكمة وادب.
كلنا كنا زي ابو الدكيك النزلوهو دا، لكن الحمدلله ربنا شفانا من الحماقة والجهل.

نحنا شعب جاهل يفتقر لابسط مقومات التعايش مع الآخرين علي كوكب الارض، هو اذا كان رئيسنا نازل في خلق الله نبز و اساءه و شتيمه التقول لما يجي يتكلم مخو بهاجر من راسو لي ……، الشعب السوداني يحتاج اعادة صياغه من جيل المواليد و المواليد بس لأنو اي زول حصل سنه بكون دقاهو فيروس المتناقضات و حيبقي زول فاشل في التعايش مع بقية شعوب العالم، نحنا قافلين نفسنا في قزازة وهم، لما يبتسم لينا الاجنبي نفتكرو راضي عننا ٢٤ قيراط و لما يكون معانا جادي نفتكرو عدو في حين انو العكس هو الحاصل، لما يطالبنا باتباع التوجيهات نفتكرو بيتكبر علينا و عايز يصعبا معانا و طوالي نلجأ لتذكيره ب”كرري” حته واحده و بآخر الخيارات، و لما يسدي لينا نصيحه نفتكرو بيذلنا و يستحقرنا، عندنا مشكله كبيره جدا اسمها الانفه و عزة النفس الفايته حدها و قالبه ضدها و ما بتخلينا نشوف الصاح من الغلط و تبقي نوع من الـ علي و علي اعدائي و في وجود معطيات سهلة التكون نحس بانو ما احسن مننا الا الله الخلقنا و دي مشكله كبيره جدا بتبقينا في نظر الناس زي الكابتن الكيني و كأننا مريض نفسي يحتاج لعلاج فوري، العملو الكابتن اكيد كان آخر الخيارات لأنو افترض في اخينا الراكب التفهم و التحاور البنتهي بحل مرضي، لكن اتفاجأ بحموله من الغيظ و الحنق الغير مبرر و ده اكيد بكون متراكم لحدي ما تجي اي لحظه انشالله بي صرة وش و هاك يا كينيا النوريك السوداني بحل مشاكلو كيف!
حقيقه نحتاج نعيد دراسة الحياه و التعايش و فهم الناس التانيه الما سودانيه لأنو زي ما الله ادانا الحماشه اداهم عقل يدافعو بيهو، الحادث اعلاه يكشف مدي تفوق الكيني بلباقته علي حماقة الزول الوهم ده فالطياره طارت و الممغوص زادت مغصتو و بي طريقتو دي الا يركب حماقتو خليها تسفرو ده اذا ما جرا واطي و رخي و اعتذر في السفريه الجايه يبقي لا لم في دي لا في ديك و في النهايه تزيد سمعة البلد طين علي طينها، و بالمناسبه فقدنا الجنوب بنفس العقليه السوقيه دي، قال شنو مفتكرين انو طالما اديناهم حق تقرير المصير حيتفهمو و يقدرو و ما ينفصلو! كده و بكل بساطه انبطحنا و قفلنا علي كرت ميت، و لما الخازوق ركب طلع علينا الريس بكل بذاءه و كأنه يلوم الجنوب علي عدم تقدير مجازفتو هههههه عالم وهم في حالة الجنوب حسبنا العدو زول اخو ما بغدر بينا و في الطياره لمينا في طاقم مسكين لا يقوم الا بمجهود مقدر لتحسين الخدمات ووقعنا فيهو شتايم و نبز التقول اخونا كان ساكن معاهم في زقاق واحد، غايتو الله يهدينا و ينزل علينا سكينه تهدينا و ترسينا و تخلينا نشوف ٦ علي ٦

سامحوه يا اسياد الزول امكن زعلان ولا قهران . يعنى ماتكونوا عليه انتو وكينيا ارحموه.

الإشاره الى أن شعب السودان عايز إعادة صياغه ………..كلام غريب شويه …… والغشاره من الإخوه المعلقين أنو الراجل إتجوعل …. وجعتى …. وجعللت الموضوع كلو …. أقول
من من القبائل السودانيه لا يقول فى شعره وفى حديثه العادى أنا…نحن ….و و و من الإشارات التى تشير الى الإعتداد بالنفس طيب لمان تحصل حاجه زى دى تودوها طوالى للجعلى ليييييه
هل المقصود إنو الجعلى متهور والله مندفع والله سريع رد الفعل . ابدا والله والدليل من الأحداث والتأريخ يقول غير ذلك عندك المك نمر كتل الباشا كييييييييييييف
مايجب أن يعرف عن السودانيين ليس كما اشار إليه احد المعلقيين …… ولكن مايجب أن يعرف عنهم وبإختصار شديد أن ردود أفعالهم مثلهم مثل أية شعب فى الدنيا نتاج طبيعى لكل الظروف التى يعيشونها
وإذا كان الواحد منا فى حضور ذلك الموقف لوجد للمذكور العذر والذى أكيد أن له سبب قوى جدا ومنطقى جدا .

ودة واحد تانى كمانhttp://alrakoba.net/news-action-show-id-41314.htm

السودانين كتير منهم مقرفين , مرة جاى من القاهرة بس قامت الطيارة كِده كلُ واحد طلع جزمتو الطيارة بقت رِمه و عفنة شديدة لا تطاق و الله .