الخرطوم: الراكوبة
أعلنت القوات المسلحة اغلاق جميع الطرق المؤدية إلى مقر القيادة العامة فضلاً عن اغلاق شارع الطابية والطرق المؤدية إليه غداً الخميس تزامناً مع الذكرى الاولى لانطلاقة ثورة ديسمبر
وقال الناطق الرسمي باسم القوات المسلحة العميد ركن عامر محمد الحسن في بيان تلقته (الراكوبة) انهم يطالبون الجميع بالابتعاد عن المناطق العسكرية في كل الولايات؛ واضاف البيان “الحاقا لواجبات القوات المسلحة المعلنه في اتخاذ الترتيبات الاحترازية لتعزيز الأمن للحفاظ علي مكتسبات الثورة السودانيه والتي نهنئ أنفسنا وشعبنا السوداني بذكراها الأولي نطالب الجميع بالبعد عن المناطق العسكريه في كل الولايات ليوم غدا الخميس الموافق19/12/2019
ونعلن انه سيتم اغلاق كافة الطرق المؤدية الي مقر القياده العامه ويمتد الإغلاق ليشمل شارع الطابيه والطرق الفرعية المؤديه إليه
وتابع البيان” نؤكد أن القوات المسلحة ستظل علي عهدها حارسا أمينا لاستقرار البلاد ونزجي تهانينا لجميع السودانيين بأعياد الاستقلال المجيد وميلاد المسيح عليه السلام لجميع الطوائف المسيحية بالبلاد ونجدد ترحمنا علي شهداء الثوره السودانيه علي امتداد الوطن الحبيب”
اغلقوها كلها مافي زولا جايكم والفيكم اتعرفت يا قتلة المواطنين الاحرار.
بالله شوف !! يغلقوها في الوجه الثوار الأحرار أهل الحق شعبا و أرضا عشان يحتفلوا بذكراهم العطره و يفتحوها لزواحف ضاره دمرت الأخضر و اليابس من البلد و يخولهم يمرحوا فيها و يقندلوا و يتفشخروا بمال هذا الشعب و امكانياته المنهوبه من غير ما تسلعهم نمله ؟!!!!!! و الله دا كلام عوج و عوج و عوج لامن غلط . هوي يا ناس المدنية اللي فوق هناك في مجلس السياده و الوزاره ، الشعب دا بيراقبكم كويس ، و هوي يا ناس العسكر فتحوا عيونكم و امخاخكم المسوسه دا كويس و اعرفوا كويس انو انتو منعمين بفضل هذا الشعب اللي بتهينو في حقو ذاتو . اعملوا حسابكم من غضب الشعب دا تاني . احسن ليكم تتعاملوا معاهو باحترام و تقدير و ارفعوا قبعاتكم ليهو إجلالا و تكريما عشان هو يا هو سيدكم و سيد نعمتكم يا وهم ، مش الزواحف اللي بتتكبكبوا و بحق الشعب المسروق .