“د.الجزولي دفع الله”: تحقيق السلام في السودان رهين بإشاعة الحرية والديمقراطية
الخرطوم ? يوسف عبد المنان
شن البروفيسور “الجزولي دفع الله” رئيس وزراء السودان الأسبق هجوماً على اتفاقية نيفاشا ووصفها بالغامضة والمجهولة للشعب السوداني للسرية التي تعامل بها الطرفان الرئيسان المؤتمر الوطني والحركة الشعبية حتى انتهت بتقسيم السودان.
وقال البروفيسور “الجزولي دفع الله” في ندوة بجامعة المغتربين خصصت لقضية جنوب كردفان: إن تحقيق السلام ونجاح المفاوضات مع قطاع الشمال رهين بشرط وحيد أن تجري المفاوضات في مناخ حرية وديمقراطية، لا مناخ حظر وكبت وتغييب للرأي الآخر، وأكد أن جبال النوبة هي الأصل تاريخياً واسم جنوب كردفان مستحدث منذ وقت قريب.
ودافع مولانا “أحمد محمد هارون” والي جنوب كردفان بشدة عن اتفاقيات نيفاشا، وقال: إنها اعترفت بالمظالم التاريخية لبعض مناطق السودان، وأجابت على أسئلة عن علاقة الدين بالدولة والمركزية وأن الحكومة مقبلة على التفاوض مع قطاع الشمال وفق مرجعيات برتوكولات المنطقتين كأساس لإكمال ما تم تنفيذه مع مراعاة أية مستجدات حديثة، وأكد مولانا “هارون” أن الحرب أضرّت بمنطقة جنوب كردفان، وعطلت مشروعات تنموية كبيرة ومزقت المجتمع، وعادت بالمنطقة سنوات طويلة للوراء، ودعا لمشاركة كل القوى السياسية وأبناء المنطقة في المفاوضات بالإقبال على دعم المصفوفة الموقعة مع دولة الجنوب ومراقبة الحدود شعبياً والتواصل مع السودانيين الجنوبيين في الدولة الأخرى.
وقال اللواء (م) “إبراهيم نايل إيدام” عضو مجلس قيادة الثورة السابق: إن النوبة تعرضوا لظلم فادح من حكومة السودان المتعاقبة، والآن مغيبون تماماً عن المشاركة في السلطة، وينظرون للقصر فلا يجدون أنفسهم، وينظرون لمجلس الوزراء والبرلمان ولا يجدون أنفسهم، وحتى ولايتهم لا وجود لهم في إدارتها، وناهض “إيدام” أية فكرة عن حق تقرير المصير لجبال النوبة، وقال: إنهم الأصل في السودان فكيف يطالبون بحق تقرير المصير.
ودعا البروفيسور “سليمان الدبيلو” القيادي في حزب الأمة لإقرار مبدأ التفاوض مع قطاع الشمال بوضوح شديد والالتزام بما يتم الاتفاق عليه، واعتبر اتفاق (نافع عقار) دواءً لا يزال صالحاً للاستعمال ويعيبه فقط ثنائية الاتفاق.
المجهر
الحقيقة كلكم بتعرضوا برة الحلقة وتفكرون بالقطاعي والتجزئة القضية صارت بفعل سياسات هؤلاء الفجرة والفاسدين قضية وطن كله صار مهمشا حتي ما اصطلح عليه بالمركز فقد دمر هؤلاء كل المشاريع الزراعية والصناعية والبني التحتية والخدمات ووصل التدهور في كل شئ حتي للعاصمة التي يتزمر فيها الناس يوميا من انعدام الخدمات الصحية والمواصلات ……..الخ اضافة للتدمير الاكبر الذي طال الانسان السوداني قيما واخلاقا . القضية سادتي تحتاج لحل شامل وبما ان هؤلاء ليس لديهم استعداد للتخلي عن دولة الحزب دولة طبقة الراسمالية الطفيلية التي تعتمد علي نهب موارد الدولة لمصلحة دولة الوطن والمواطن فالخيار هو الثورة واحداث التغيير بكافة الوسايل
ﺳﻮﻑ ﻳﺄﺗﻲ ﻋﻠﻴﻨﺎ ﻳﻮﻣﺎ ﻟﻦ ﻧﺠﺪ ﺳﻮﺩﺍﻧﺎ ﻧﺴﻜﻦ فيه
يا عمك ابراهيم .كلامك الاول كلو صاح بس للاسف قولك الاخير انو الناس ما يطلبو حق تقرير المصير دا كلام غلط وما جايب حقو على الاطلاق ومش حق تقرير المصير وبس بل الاستقلال بامسك ونقطع بالقوة من النيل الازرق وجبال النوبة ودارفور بدون خطر خير اي واحد والبادى اظلم والماعاجبو خلى يدنقر يشيف وبلاش الوحدة العويرة دى الذى يقتل فيه الناس بهذه الشكل
جدادة الشارع طردت جدادة الحوش وسيد الحوش ذاتو بعدين قامت باعت الحوش واشترت عشش في تركيا وماليزيا ودبي
اما الحال يظل كذلك بالهيمنه والظلم والتمكين والا اي انفراج في الحريات سيؤدي الي الطوفان العارم بقيام الثوره السودانيه والحكومه الآن في حيره كبيره من امرها حيث انها الان تفكر في مخرج آمن فقط ولن تساوم على هدم ما بنته في ربع قرن فكيف يكون المخرج الايام القادمه ستكون حاسمه لكل شئ
الكوز د. الجزولي دفع الله هو كان جزء من مؤامرة وصول الجبهة الاسلامية للسلطة واستلم الثمن وظيفة إدارية وهو الطبيب باحدى المنظمات الاسلامية ويتحدث عن نيفاشا من اضاع الوطن ومهد لهؤلاء اغتصاب الوطن — ياعزيزي نيفاشا اتفاقية فرضت على حكومة اسلامية هزمت بالميدان يدعون بان الملائكة كانت تحارب معهم وتخرج رائحة المسك من موتاهم وبالرغم عن الدجل انتصر صاحب القضية (جون قرنق) ففرض شروطة على الخرطوم وبقوة السلاح
الجزولى انت وسوار الدهب الله يجازيكم
والله ياخوانا انا شايف البلددى حقوتتباع وآى زول ياخد حقه لآننا عمرنا ماحنتفق
وما فى زول رضيان باخوه , وأنا شايف نعمل أستفتاء على البيع ونوكل محامى بكده
بلا سودان بلاقرف يلآلآلآلآلآلآلآلآلآلآلآلآلآلآلآلآلآلآلآلآ.
يا جماعه ادوني فرصه ادي اي زول حقو اقسسم البلد حته حته اي زول بديهو نصيبو وبدانا بالجنوب
وقال اللواء (م) “إبراهيم نايل إيدام” عضو مجلس قيادة الثورة السابق: إن النوبة تعرضوا لظلم فادح من حكومة السودان المتعاقبة، والآن مغيبون تماماً عن المشاركة في السلطة، وينظرون للقصر فلا يجدون أنفسهم، وينظرون لمجلس الوزراء والبرلمان ولا يجدون أنفسهم، وحتى ولايتهم لا وجود لهم في إدارتها، وناهض “إيدام” أية فكرة عن حق تقرير المصير لجبال النوبة، وقال: إنهم الأصل في السودان فكيف يطالبون بحق تقرير المصير.
كنت عضوا لماذا لم ترفع الظلم منهم هل كنت تمومة جرتق تمثلهم اسميا كل مناطق السودان مظلومة وبما انني من مواليد الخرطوم منذ القدم كنت احدد السودان من الشجرة جنوب الخرطوم الي بحري السوق المركزي شمالا مرورا بام درمان القديمة الي الثورات الحاره ال4 اما وبانت وبعدها امبده والكلاكلات والحاج يوسف خارج التاريخ هؤلاء التهميش وصل حتي المواصلات والخدمات هؤلاء المساكين عانوا ما عانوه لو وجدو خدمات العاصمة القديمة لكانوا استقروا والله زرت مناطق قرب الخرطوم معيشتهم لو كانوا بقر لفروا وايضا شاهدتة اناس يشربون من الحفائر مع الدواب والماء مخلوط بالبول وفضلات الحيوان مسكين المواطن السوداني تسلط عليه مدعي العلم (دكاتره) ومثقفين والواحد يفكر اولا في الزوجة الجميلة والمنزل والسيارة والحوافز والمخصصات وطظ في البقية تعليمهم هذا حصاده حروب وفقر وجهل وتخلف وغدا سوف يفرون من البلد خوفا من القتل او المحاسبة
هههههههه البلد دى كانت حق النوبه وما قادرين يديرها فاصبح حقنا هم قليهم يبكوا صف وجنود يدافعوا عنا واى لف ولا دوران نحن قادرين نصدمهم باخوانهم الدارفوريين وبجيرانهم المسيريه بس نجردهم من الاموال ولما يكونوا فقراء يضطروا يدخلوا العسكريه ورجلهم فى رقابينهم ينفذوا التعليمات قال
هههه قال دايرين قصر القصر ما ليكم
اللهم أنصر السودان وأهله آمين .
ايدام ان كنت مكانك لسكت سكت حسك انت من اضعف وضيع قضية النوبة وحقرت الحكومة فى
اهلك اولا بخيانتك وطعن جماعتك من الخلف وكنت سبب فى نجاح انقلاب االفئة الضالة لولا خيانتك
لما ركبوا فى ظهر السودان 24سنة ورغم انهم خونة وغدارين مثلك لكن اكيد لن يثقوا فيك او
يحترموك وامثالك ناس مختو م وغيرهم فهمشوكم لانكم انبشتوا
ثانيا بعد ما ادوك وزارة هامشية لهوك بيها زى الكلب البلهوه بعظمة لم تفهم ودخلت فى هشق
رئاسى معروف للقاصى والدانى فى وزارتك ومن كانت مستشارتك ؟؟ وعقابا لك قنطروك حتى الوزارة
سحبوها منك وتشهد وزارة التربية ولاية الخرطوم لما كانت بشارع النيل على مقيلك وعسكرتك
والجماعة قالوا ليك مافيييييييش ابينا انت نوباى مع ان امها من نفس فصيلتك وانت اوسم
من اخوانها من هنا كان لابد من الاهانة الانقاذية لاهلك النوبة ومواقفك الكريهة كثيييييرة
اخرها عدم وقفتك فى قضية عوضية عجبنا ولا اعتقال جليلة خميس كنت تتبراء من اهلك النوبة مع ا
انهم هم الذين يجب ان يتبراءوا منك لسيرتك المخذية والان تتحدث عنهم وعن تهميشهم
يا دوبك فقت وانتبهت ؟
تعليق على الصورة اختيار الراكوبة دائما ابداع فى الصورة ارى تكشيرة وتبويزة نوباوية هرونية
واخرى بديرية بشيرية تخبرنا عن مصير مشترك مقبرتهما ستكون فى كردفان ان شاء الله
Agezouli is one of beni kooz and Naiel Iedam is one of them too now you have to reap what you sow pick the fruits of your bad planning for this great country educated Doctors and military officers collaborate together to dismantle a great country like Sudan
, to hell with your education and your guns
دا موضوع حساس جداً إذا تحدثنا عنه بكل صراحة سوف نجد أنفسنا في المعتقلات فنحن ليس في بر الأمان من قبضة السلطة بالرغم من أن الساكت عن الحق يعتبر شيطان أخرص : لكن نلتزم قول القائل : إن لم تناصر الحق فلا تصفق للباطل و سوف يأتي اليوم الذي يبين فيه الحق و ينتصر فيه مظاليم الدجل .
ابراهيم نايل انا بعرفو كويس من زمن كان بزور اخته وهى جارة لنا فى منطقه الشجرة
بالخرطوم٠٠ اقرب الى المتصوفه من الناحيه الدينيه بعيد كل البعد من جميع الايديولوجيات
والاحزاب السياسيه لكونه مجرد عسكرى محترف والاول بامتياز على دفعته فى الكليه
الحربيه٠٠ لسبب اجهله وفى ثمانينيات القرن العشرين قام بالرد كتابه على كاتبه صحفيه
كتبت وبشئ من الجهل عن سوء التغذيه وسط النوبه حيث اوضح لها ان ماذكرته هو العكس
تماما ودلل على وجودهم وبكثافه ملحوظه الجيش السودان وبالاخص فى المظلات والقوات
الخاصه وارجعه الى التغذيه الجيده ودعاها الى زياره منطقه جبال النوبه لترى بنفسها نوعيه
وكمية الوجبات الغذائيه التى يتناولها الناس هناك٠٠ عموما لوسار فى ذلك الدرب لربما كان
له شان اخر ان لم يفد السودان فلربما افاد اهله النوبه٠ ان اكبر سقطه لابراهيم هى مشاركته
الانقاذ والاهانه وراء الاهانه التى تلقاها منها مما ادى الى معاقبته شعبيا وسقوطه المدوى
امام عمار امون(حركه شعبيه)فى الانتخابات الاخيرة٠ المعروف ان ابراهيم نايل كان على
وشك ان يقذف به خارج المؤسسه العسكريه زمن الصادق المهدى لولا وساطه وزير
الطاقه انذاك!!!غايتو الشايفو انا موضوع حق تقرير المصير ود نايل مابقدر بوقفه لانو
مشى تلات خطوات قدام محل ماهو واقف!!!!!!!!!!!
والله يا هارون محتاجيين ليك هنا في ابشي تكون في بلدك رئيس ولا وزير بدل تحكم النوبه الما طاينك