السعودية تعتقل معارضاً إريترياً بوثيقة سفر سودانية
الخرطوم: أعلنت قيادات من المعارضة الإريترية، أن السلطات السعودية اعتقلت رئيس حزب المؤتمر الاسلامي الاريتري المعارض، حسن سلمان، أثناء ذهابه لتأدية العمرة.
وقال مسؤول العلاقات الخارجية في الحزب رمضان محمد نور في مؤتمر صحفي أمس بالخرطوم، إن سلمان دخل إلى السعودية بتأشيرة دخول صحيحة على جوازه السوداني صدرت من السفارة السعودية بالخرطوم، موضحا ان الحزب لا يعرف أسباب الاعتقال ولا يعتقد أن هناك أسبابا وجيهة تقتضي احتجاز القيادي الإرتيري في هذا التوقيت المهم بالنسبة للعمل السياسي للمعارضة الإرتيرية.
واضاف رمضان «أبلغت السلطات السعودية سلمان بأن اسمه ضمن المحظور دخولهم السعودية، دون أن تبين أسباب الحظر، ثم قامت بترحيله إلى جهة غير معلومة منذ السادس من أغسطس الماضي». ونفى أن يكون لسلمان أية مواقف مناهضة للسعودية تستدعي اعتقاله.
من جهته، قال رئيس المكتب السياسي بالحزب، حامد محمد الحسن، إن السلطات السعودية سمحت لسلمان بالاتصال تلفونيا مرات قليلة، ولم يتجاوز الاتصال طمأنة أسرته على صحته في اليوم السادس من كل شهر، وقال مسؤول الشؤون الاجتماعية والدعوية عبد القادر حامد ابراهيم، ان التحقيقات مع سلمان انتهت حسب ما افاد في آخر اتصال معه ولم يتم الافراج عنه، مشددا على ان سلمان لم يرتكب أي جرم سوى انه قائد سياسي.
ويعد الشيخ حسن سلمان، أحد مؤسسي حركة الجهاد الاسلامي الاريتري نهاية ثمانينيات العقد الماضي، ومن أبرز الواجهات السياسية الاريترية، ومن المفكرين المتميزين في القرن الافريقي، ومن رموز تيار الاسلام المعتدل.
ولم تستبعد مصادر اريترية في حديث مع (الصحافة) تورط النظام الاريتري في القضية، ومضت ذات المصادر الى القول بأن النظام الاريتري سبق وأن عمم على بعض الدول طلبا باعتقال قيادات اريترية معارضة.
الصحافة
معارض اريتيري وجواز سوداني ؟؟؟
ما كفايه وزير الداخليه اريتيري كما قال شيخ حسن وانه كان رئيس اتحاد طلاب اريتيريا في 86 لندن او القاهره ماعارف …
جواز لله يامحسنين
انتوا ما شفتوا حاجه والله كترة حبوش لافين هنا وشايلين الجنسية السودانية – الواحد فيهم يعمل ليك فيها حبشي ومره يعمل فيها سوداني عاملين زي التلاجه ساخن بارد —– نرجوواا من الحكومة عدم اعطاء الجنسية السودانية حفاظا لسمعتنا وسمعة بلدنا
تكون سوداني مية المية ..تمشي عشان تطلع جواز يعملو ليك ستين حجة و يفتشوك لي سابع جد .. و يراجعو دق السوط في ضهرك عشان يتاكدو انك جعلي ..و تلقى واحد زي دا حايم بي جوازنا و بعد دا يقولوا اسلامي معتدل؟؟ و الله كان معتدل شنبي دا يقوم في الزلط
السودان مستقطع من 8دول وقبايله مشتركة لها الحق فى كل الحقوق شئنا ام ابينا والماعجبوا اليحاكم الاستعمار الذى فعل فينا الافاعيل وانسانا حقيقة هامة( كلنا لادم وادم من تراب).
لما مشينا قبل سنوات علشان نطلع الجنسية عملوا معانا تحقيق ولم نستطيع اخراجها الابعد صعوبة سبحان الله تعطى للاجانب بسهولة لدرجة ان بعض النيجريات معاهم الجنسية ويشتغلوا خدانات عند السعوديين والسعودية تقول ان خدامتي سودانية
what is that country call sudan most of people in khartoum came from out of sudan i am really i do not know who is sudanese in khartoum
i do not want speak about KASALA oooooooffffffffffffffffff we have to clean up our country sudan for sudanese
;( ;( ;(
هو بس دا اللى…واخد وثيقة سودانية….إيييييك…ماكتار زيو
الجماعة ديل عملين لى إسياس عصاية نايمة وعصاية قايمة
الحكومة السودانية ترحل وتسلم لاجئين ارتريين فارين من الظلم والقتل تتركهم معرضين للتصفية الجسدية ضاربة عرض الحائط.بكل القوانين والاعراف الدولية . الرشايدة وبعض السودانيين في الشرق يتاجرون في بيع بعض الهاربين الى تجار الاعضاء في مصر ,,,وتستكثرون جواز على مناضل ارتري !! اسالو معارضتكم رغم اختلافنا معهم كيف عاملناهم في ارتريا ؟ لكن عزاءنا في الطيبين من اهل السودان وهم كثر ..
النيجريين والكمرونيين والحبوش لافيين بالجواز في اي مكان انتو قايليين جوازكم عندو قيمة كلو بي 200دولار الضابط يجبو ليك في البيت فساد من الشرطة
اسالو وزير الداخليه والمؤتمر الوطنى كم من ابناء اريتريا حصلوا على الجنسيه السودانيه واسالو وزير الداخليه كيف انتقلت سلطات الجوازات لمعسكرات اللجو لاستخراج الجنسيه من اجل الانتخابات الاخيره …والبلد راحت فى داهيه انتو نايمين
اقرؤوا هذا لكلام المضحك المبكى كنت حاضرا باصدفة امام ضابط الجوازات بالخرطوم وهو من ابناء احدى الاقاليم التى تدعى التهميش ونثور احدى النساء الكبيرة فى السن تجاوزت الستين ومعها حفيدها الذى يعمل فى السعودية ويريد ان يخرج لها جواز سفر للحج ولم يكن للمرأة اى ثبوتات مثلها مثل اى من فى سنها فى السودان خاصة فى الريف والمرأة لا تتكلم الا بالرطانة رطانة منطقتها ولا تفهم من العربية كلمة واحدة وهى تحكى للضابط برطانتها امور حصلت فى السودان وهى شاهدة عليها والضابط لم يكن مولودا فى تلك الفترة ومع ذالك رفض الضابط اعطاؤها الجواز بادعاء انها غير سودانية فى نفس الوقت يقول حفيد هذه المرأة انه يعرف العشرات من الاثيوبيين والارتريين والتشاديين وغيرهم يحملون الجواز السودانى ويسيئون للسودان وشعب السودان فهل فقع مرارة اكثر من ذالك ياسادة ياكرام
سودانيين فارغين ما عندكم اي موضوع شنو اول زول اجنبي ياخذ الجنسية السودانية ، ما في مليون اجنبي اخدين الجنسية السودانية فلسطينين ، جميع العرب ، ما هي فترة ويرجعوا ليكم الجنسية ، كل الدول تعمل كدا ، وخاصة دول الجوار .