الاتحادي في “الخرطوم” يدعو الميرغني لفض الشراكة مع الحكومة
الخرطوم ? حسن محمد علي
طالب الحزب الاتحادي الديمقراطي “الأصل” بولاية الخرطوم، رئيسه محمد عثمان الميرغني بالانسحاب الفوري من المشاركة في الحكومة واعتبر أنها لا تليق بمقام الحزب ولم تؤد لمصلحة الوطن والمواطن، وقرر الحزب مقاطعة العملية الانتخابية المقبلة بالولاية حال استبقت الوصول إلى اتفاق وطني شامل.
واتهم الحزب جهات لم يسمها بالسعي لتفتيت الحزب عبر حملة موجهة، وأوضح بيان صادر من محليات وقطاعات الحزب بولاية الخرطوم حصلت (اليوم التالي) على نسخة منه أمس (الثلاثاء) أن اجتماعا انعقد في دار الحزب يوم السبت الماضي لتنسيق العمل بين ممثلي محليات وأمانات الحزب بولاية الخرطوم باعتبارها جزءا لا يتجزأ من الحزب، وأقر الاجتماع أن تكون المبادرة التي طرحها الحزب هي مرجعية الحوار الوطني الذي يشارك فيه الحزب، ورأى الاجتماع أن المؤتمر الوطني غير جاد في الدعوة إلى الحوار وإنما يريد كسب المزيد من الوقت للتخلص من الحصار الداخلي والخارجي.
اليوم التالي
انتوا يادوب عرفتوا ان ناس الوطني الا وطنيين بجرجروا فيكم ساي . والله كلمة حق نقولها للاتحادي هزة فرصتكم الاخيرة لا تضيعوها هؤلاء قوم منافقين يعدون ثم يخلفون وعدهم فالانسحاب اولا مازا فعل الحزب طيلة فترة مشاركة هؤلاء السفاحين
هو علي كيفكم !عايزين تنسحبوا من الحكومة! يااخي لا لا. هها هههههه قالوا عايزين ينسحبوا
ياجماعه أنتو بتتكلموا جد. والله والله أموت لو الدب الأسود احمد سعد يطلع ليكم من الحكومة انتوا اول كلموا احمد سعد وأمسكوا استقالته في يدكم وبعد داك كلموا مولانا بفكرة الانسحاب !!!!!
هو يا ناس الله احمد سعد تعليمه شنو وخبرته شنو وهو زاته…. منو؟؟معليش يا امير أنا ما قاصدك،لكن جماعتك ديل السبب قالوا عايزين ينسحبوا وزعلوني نحن ما بنحب الكلام الفارغ بس نحن عندنا سؤال هو مولانا لم قرر يشارك شاوركم ؟؟عارفين انو حشد مجموعته وخلاكم أمام الأمر الواقع سوف نشارك ونشارك وهل شاور أحدكم في اختيار الوزراء؟؟
ياجماعه اختشوا وزيدوا اختشي انتوا مشاركين مشاركين وألما عاجبوا الباب يفوت جمل وعاش أبو هاشم الرجل القوي الذي يقود القطيع بكل حزم واقتدار…..باع!!
اتحادى اصل واتحادى تايوانى ياخى فكونا وامشو اكلوا ليكم فتة تنفعكم
الما خروف فيكم ياناس الاتحتدي ، يمرق و ما يقول باع. لانو سيدكم باع .دي دايرا قراية خلوة؟