فيديو: مياه الأمطار داخل صالة المغادرة بمطار الخرطوم الدولي

هذا لا يحدث الا فى بلد المشروع الحمارى

يا جماعة ما تظلموا الناس

ناس المطار دايرين يدربوا الناس على التصرف لمن طيارة سودانير تقع في البحر

اما ناس مستشفى حاج الصافي ففضلوا انو المرضى يموتوا غرقانين على الاقل يموتوا شهداء (موش احسن مما يموتوا من بنج زايد ولا دواء مغشوش)

و نحن نحسب ان في ذلك اكبر دعم للمشروع الحضاري .. تكبيييييييييييييييييييير

[جعلها الله أمطار خير وبركــــــــــه … يا كيـــــــــــــــــــزان !!!

شنو يعني عادي ….. متعودة دائما ً متعودة . يا جماعة البلد دي أدوها إستثمار للبريطانيين لمدة 20 سنة بعدين شوفوها و لا يجي أحد يقول لي إستعمار و شنو ما عارف ، كل الدول التي إستقلت مستعمرة لانها وببساطة أتت بأناس على مقياس المستعمر و أسوء من ذلك يأكل و لا ينفع البلد ، يا أخي آكل و أنفع البلد ، لكن تبلع تبلع بس ما بصير كدا .

الدول العظمي تدير العالم كما تشاء ما في واحد رفع عنقرتو إلا جابوا خبرو ( القذافي – صدام ) إلا جماعتنا ديل عاملين فيها عناتر و من تحت تحت محنة و ريدة شديدة . معليش نسيت إنتو عارفين كل حاجة ، ما أصلوا القضية مفهومة .

خلاصة الموضوع زي ما قلت ليكم نأجرها كم سنة ممكن نتفاهم على الموضوع دا ، ما أصلــــوا البلد صارت مبيوعة للصين و تركيا و ماليزيا وزي ما يقول شيخنا الموقر و هلم جرا … ممكن كدا نصير زي شينغهاي وهون كونغ ناطحات سحاب و كل زول يكون عايش في الطراوة فوق .

على فكرة الناس ما تتعقد من كلمة الاستعمار و انا بقترح أسميها إستثمار عشان ما يجينا ( كوز ) و يقول أنت بتقول شنو ، طيب أنتو العملتو في البلد الصارت ملكية خاصة لكم دا شنو ما قلنا ما تأكلو براكم … عجيب و الله !!!!!

يا سلاااااام على التطور الجماعة عايزين يعملوا الخرطوم زى مدينة البندقية

وين الوالي المتحلل ؟ كل سنه فاجئنا الخريف

يا جماعة انتو لسه ما فهمتوا ..الحكومة من اكبر امنياتها ان تكون فى سيول ة نص البيوت تتهدم و الناس يتشردوا فى الرواكيب ..عشان تصوركم و تعرض الشعب المسكين على الفضائيات عشان الاغاثة و قروش الاغاثة و يتاجروا فى مواد الاغاثة …انتو ليه نا عايزين تفهموا … الناس ديل بيتاجروا فيكم عديل … الا واحد فيكم يورينى قروش و مواد الاغاثة الفاتت راحت وين … افهموا يا عالم

فيديو مطار الأمطار داخل مياه الخرطوم موجود على الواتس و نشره الناشط صلاح جادات عل قناته في اليوتيوب
http://www.youtube.com/watch?v=V1IAeAUSEfg

ده مشاريعنا الحضارية و عاصمتنا مع العواصم العالم يبني فوق و دولة المشروع الحضاري تبني في مجاري السيل …. عنابر عايمة و مطار مائي … مطرة واحدة بس تفضح الجميع حكومة شركات مهندسين …

بكرة يجيبوها خبر عاجل في وكالات الانباء العالمية ,,,, شرطوتو عينا

مافي حكومه الشعب السوداني مسالم بطبعه ويعمل علي نجده الآخرين يعني موضوع الأمن اتحلي وقروش المغتربين تعمل في اعاشت الأسر من الأسر والأقلية تعمل في نطاق تحويلات المغتربين الحكومة تهنبت في كل ما تقع يده فيه دي كل الموضوع

بلد سايبه وما عندها وجيع والناس اتعودت على الفقر والضيق وشغلا الشاغل فكة الريق …

هذه الاحوال ستتردى لاكثر من ذلك … والجميع يعلم على من تقع المسئولية …

ياجماعه المهم مويه المطره دخلت بويييين,,,, بالابواب ولا بالشبابيك ولا شرررت من فوق,,, مالكم تسيبو الحاجات المهمه دى وتقبلو مشروع حضارى ومؤتمر وطنى وغيرو

سالت واحد من ناس المؤتمر الوطني كيف ماء الامطار تصل الى داخل عنابر المستشفيات وصالات المغادره في مطار الخرطوم ؟ رد علي وقال (احمدوا الله زمان الخرطوم غير مسفلته الحين لقد تغطت كل ارض الخرطوم بالاسفلت فمن الطبيعي ان تسيل الماء الى تلك المناطق وخصوصا ان مشروع صرف السيول جاري الاعداد له س اصبروا علينا خمسين سنه )

اسالوواحد مصرى حايقول ليكم خير ماهى الموية حاتمشى ليهم انتو فقريين

لا ماتخافو ان شاء اله بتكون مطرة خير

سلام ياجماعة الموضوع اكبر من كده حقو كل واحد مننا يراجع حساباتو ونصلح علاقتنا بربنا والله شيء مؤسف كيفما تكونوا يولى عليكم ماننسى ربنا يهدينا جميعا ويرفع البلاء عن الشعب المسكين وحقو ياناس ماتغرينا الدنيا ونغرق في نهم الطمع والجشع وحب النفس وننسى الآخرة والحساب والوقوف بين يدي الله يوم لا ينفع مال ولا بنون إلا من اتى الله بقلب سليم. مافي شي بنفع الانسان غير علمو الصالح حقو نراجع نفوسنا ونشوف العيب وين ونصلحو الفساد بقى في كل مكان ربنا يلطف في الزمن العجيب ده يارب تصلح حالنا وحال المسلمين جميعا