البشير يجري عملية جراحية في مفصل الركبة الاخرى

* و بكده يعنى “الوثبه و الحوار و الحوار المجتمعى!!” إتمهلوا شويتين تلاته لأنه الرئيس مريض, و طبعا دى “ظروف خاصه خارجه عن الاراده” و ما كانت فى الحسبان, زيها و زى المطر الكسر البيوت ده.
* انا سمعت تحت تحت قالوا “الرئيس” بعد “عمليات الركب” الناجحه دى حا إتسجل فى فريق المريخ!!

دى ركب عايزه ليها فريق هندسى عدييييييييل مش فريق طبى!!!

هىْء ركب التانيه !! يعنى عمره كامله ماشاء الله ,, يارب تحكم مية سنه يا ريس

تغيير الركب عنده ذي قزقزة التسالي !

ود كوبر دا مكار وتفتيحة فال قبل ما أنزل المعاش ويصادروا ممتلكاتي أحسن أجيه ركبي مع رعاية صحية وخدمات خمسة نجوم خصوصا يا معلم الدولار غير مضمون

غايتو يالبشير بقيت تشبه ودمبعلوا بس .. كلك تركيب وكل فيك حاجه من حته براها
ده دعوات الناس الظلمتهم يامجرم

مالو الزول دا بقي زي اللوري فرد ياكل الامود جنبي يعني ست وداد بقية قوز اربعين ولا شنو

السلام عليكم ورحمة الله وبركاته نتمنى ليه الصحة والعافية وللمسلمين

السلام عليكم ورحمة الله وبركاته نتمنى ليه الصحة والعافية وللمسلمين

با أخوانا الحصل لينا شنو؟ ليه نرضي برئيس صواميلو كلها ضاربة
وواقع واطا وكل يوم يغيروا ليهو صامولة عشان يشدوا حيلو.. دا
غير العمليات التانية السمعنا بيها والمعمولة سراً.. حسي البشير
دا ما بقى كوم من قطع الغيار .. هبوا إلى ثورتكم وسينصركم الله.

سؤال : انتو الزول دا عندو كم ركبة ؟
جواب : أكيد الزول ده عندو سبعة ركب.

وما خفى أعظم

يا دارَها فزعٌ يُزلزِلُ نومَها و تَحرقُ فَـرْشَ مَهْجـعِ طِفلها النـارُ
حلُّوا بأطوافٍ على خِزانَتِها فما سَلَمت ولم يَسلَم من النُّهَاب دينارُ
ذَهبٌ ودِيباجٌ واستبرقٌ نَضِرٌ وأثوابٌ وَشْيُـها صـدفٌ وأحجـارُ
مَغنَما لِفِتيتِهم أبَاحُوا كنزَها فَتَبادَلُوا أدوارَهم في نَهْشِها وتَبارُوا
وأهلُ البيتِ إن طَرِبُوا فحَاكِمُهم الأعرجُ الرَقَّاصُ والطبَّالُ والزَمَّارُ

————–
دارٌ صابها داءٌ به اضْطَرَبتْ فالأبُ قـد يُـوشِـى بـه ابنُـه البـارُ
وتوسَّعَت صِحافُ ذنوبِكم وقد مُلِـئت مِن عُهـرِكم، فلها كمٌّ ومقدارُ
لَصٌ وتجنيبٌ وارتكابُ معصيةٍ وكبائـرٌ من عـارِها يتَبَـرَّأَ العـارُ
لا يَسألونَ أخاهم عن المالِ الحرامِ متى اعتدى و تُفْتَلُ منهمُ الأعذارُ
وإذْ مَا حَفَّنَـا الوالي بِفَاحشةٍ بِفقهِ السُّـترِ غَطُّوها ، وأجَازَها الإِكـبَارُ
هذى شريعَتُكم وقد رُدتْ لكم ولنا في اللهِ واقٍ من شريعتكم وستَّارُ
أَنُنْهِى النَّشْءَ عنْ طربٍ وقُدوَتُهم الأعرج الرقاصُ والمِبْطَانُ والزمارُ !؟

كاروه بس ***الله يخداك يا البعيد

نسال الله له الشفاء العاجل وعلي الجميع الدعاء له بزالك

الزول ده كمل ركبوا فى الشعب السودانى
كل يوم ركبة فى 25 سنة(كذبوا كثير غشوا كثير وعودوا فرقعة فى الهواء ظلموا كثير قتل الابرياء فى جميع بقاع السودان شرد اولاد البلد الاصيلين خلاهم يجوبون مدن العالم
يوعد وما يوفى
وبعد 25 عام مولاى كما خلقتنى
مهاتير رئيس ماليزيا السابق فى 20 سنة حول ماليزيا من بلد لا يملك من مقومات الصناعة إلا شجر المطاط
الان ماليزيا من الدول العظمى فى 20 سنةفقط من دولة فقيرة الى دولة غنية
ليه؟؟؟؟؟؟
لانوا رجل عارف انوا ليهو يوم سيحاسب فية اليس هو والى اليس هو من انخبه الشعب لكن الذيين يتاجرون بالدين وهم ابعد ما يكون عن الدين وتعاليمه
ودعوات المظلومين تلاحقة
اليس بعد دعوة المظلوم دعوة
ربنا سيجعله عبرة لمن يعتبر
وهذه البلد لديها اسياد من قبل ا يولدوا ولها شهب فى فى2 مليون ميل مربع من شماله الى جنوبه ومن شرقة الى غربه
هم سيذكرهم التاريخ باسواء حقبة تمر على السودان// وسيحاسبون

بعمل في عمره علشان يحكم تاني فتره جديده ويفوز بالانتخابات الجايه …. كمان برضوا حيعمل عملية بواسير قريباً …

دا حنرقع فيه لمتين!!!! المفروض اختشي على دمو واستقيل .. هذا بلد ماهي حلال أبوه.

ابراهيم

زمان الأوبيل ريكورد بغيرو (يولفولو) ركب بكاسي تويوتا
و البلعب مع الرقشات بياكلو ركبو
الفول و اللحمة بتاكل الركب
العرضة و الصغرية بتآكل الركب
التقيل تقيل بياكل الركب
البمشي عنتيل بياكل الركب
المابغير الوضع بياكل الركب
البشلت البلد بتتأكل الركب
الجري ورا الدنيا بكمل الركب
الشلخ السلخ النفخ بياكل الركب
الما بركب عديل بيقع على الركب
الله يجازي الركب المابتدفر المركب

يا جماعة الخير ..

الموضوع وما فيه : الركبة البايظة الركبة الاخرى .. !

العملية الاولى ، خطأ طبى ..

إذا كانت إسبيرات الركب دى صينى ولا تايوانى فنحن والسودان بالف خير لأنه ما حيكمل المشوار الى 2015
أما أذا كانت أمريكى ولا يابانى أصلى الضحك شرطنا لأنه حيكمل الى 2020.

الجعلى الدكران عافيت منك لا ركب لا حلقوم وحاكم السودان 25 سنة # سير سير ياالبشير

صيانة عامة للإنتخابات العامة والأربعة سنوات القادمة… أمسكوا .

نتمنى له العافية يا أخونا بشبش زول ظريف وبتاع نكتة وما حتلقو زيو… بس عيبو الوحيد ما ادب المفسدين بما فيه أخوانه

من كتره النطيط والرقيص با ريس

واحد صاحبنا شغال في الحرس الخاص قال لي ممنوع اي مصور يصور بشة من تحت الركبه يعني كل الصور

فوق للركبه معادلة تحت الصره وفوق الصره

نسأل الله له عاجل الشفاء

نعم كما قال الاخ ود اللفة ,, لا داعي لشتم رئيسنا ورمز وحدتنا ورأس دولتنا الفتية بإذن الله , دعونا نكون متفائلين وأن نترك هذا التشاؤم الذ سرى في عروقنا نحن السودانيين, وكل الود لسوداننا العظيم ,, أطلعوا أنتم أيها المعلقون بالصحف أطلعوا من السودان حتى تدركوا كم هو عظيم هذا السودان .. ولا أزيد ..

لا اشمت بمرض احد ولا افرح بموت احد حتى ولو كان القشير لانها امور ربانية ولانى لا ادرى ما كتبه لى وعلى الله واقول سبحان الله ولا حول ولاقوة الا بالله هذه المخلوقات والمخلوق ده بالذات رغم انه يدعى انه الحاكم بامر الله لا يعلم وجميع المرضى منهم لا يعلمون ان المرض ابتلاء ليخفف الاوزار واسقاط الذنوب كما يتساقط الورق من الشجر وان المرض هذا انذار ولفت نظر الهى يا عبدى اعتدل راجع نفسك وارجع عما انت فيه خاصة لمن جعله حاكما مفترض من هذه المخلوقات ان ترجع الى ربها ويفترض من رئيسهم منذ ان اعترف امام زغرادات الرياض برعاية بعولتهن المتاسلمين بالسفارة السودانية ( دار المؤتمر الوطنى )بالرياض بان ما حدث له من ظلمهم كان عليه ان يسير على هذا النهج ويتوب ويستغفر ومجرد شمه ريحة العافية قام على الدغمسة والجغمسة وهو لا يدرك ان الله سبحانه وتعالى ابتلاه ليختبره وعافاه ليختبره ايضا ثم تكررت الابتلاءات والامتحانات مرة ركبة وقبلها حلقوم وبلغ العافية واستهل الجغمسات والانتهاكات للارادة الربانية وهكذا دواليك وهذا هو سوء الخاتمة والله اعلم والله ان كان الله راضيا عنه لتنحى ولزم التبروقة ووقف مصليا ومستغفرا لله طول عمره رغم انه سبحانه وتعالى يغفر ما بينه وبين العبد ولا يغفر مافعله العبد فى الاخرين الا ان يعفو هم ونحن ماعافين ليه وارواح فلذات اكبادنا واخوتنا معلقه فى عنقه واموالنا المنهوبة بمباركته لن نسقطها عنه و ونحن يا الهنا واموالنا لا نشمت اتباعا لتعاليم دينك الحنيف وتتبعا لخطى رسولك وحبينا صلى الله عليه وسلم ونسالك اخذ حقنا منه وتنتقم لنا بما تشاء وان ترينا فيه اياتك التى تقدرها له وان لا تغيبنا من هذه الدنيا الابعد ان ترينا اياتك فيه انك ربى منتقم وجبار وقهار انك مالك الملك ذوالجلال والاكرام خذ حقنا يا ملك الملوك سبحانك لا اله الا انت

ده يصل مرحلة شارون والعياذ بالله لانه شارون2 وافعاله مثله

نسال الله للرئيس عمر البشير الشفاء مرة أو مرتين خلال الأسبوع , وﻻ ننسى أن نسأل الله الشفاء العاجل عند كل صلواتنا للمناضل إبراهيم الشيخ ..فشتان ما بين الرجلين , الأول ظالم وسجان , والثانى مظلوم ومسجون .
هل يستوى الظالم والمظلوم أمام الله . ربنا حرم الظلم على نفسه , وعمر البشير حلله على نفسه وعلى سدنة نظامه , وابتدع سدنة البشير وأعطوا الظلم أسماء جديدة , مثل فقه التمكين وفقه السترة والتحلل من السرقات لأنصارهم وشيعتهم , وفقه البشتنة والتعذيب والتشريد لمن يختلف معهم .

الحلقوم ماحلاك من ناس غندور ومندور وكسارين التلج للترشح للرئاسة مره أخرى لكن شكلها الركب ماشه معاك باسطة فى الإقناع ..

المشي في موية المطره دي صعب مع الركبه الشايته ليفت دي، مع انك ما بتستاهل بس بنقول بالشفاء ان شاءالله

(ويطمئن الفريق الطبي المعالج لرئيس الجمهورية الشعب السوداني بأن كل الظروف الطبية والصحية لرئيس الجمهورية توكد علي نجاح العملية علي كافة المستويات بتوفيق من الله.)……. الله لا يطمنكم يا الفريق الطبي …… ولا نقول إلا …. لا حول ولا قوة إلا بالله……. يا رب لطفك بعبادك شعب السودان المساكين……. المرة الجاية غيار الزيت ونقضي السنة دي خنق علي قول البطري ود الخضر والسنة الجاية بإذن الله يفطس الشعب السوداني المسكييييييييييييييين

وماتنسي يادكتور بتاع ركب تغيير الياي ومساعد الياي وعمل شحم للمفاصل الاخري وباقي العكواصلو بشه المره دي عايز يعمل وثبة تالته عاليه ….الاولي والتانيه ماجابت حقها!!!1

يا جنرال .. الرٌكب والمقصات دي بتقلى ليها اسبيرات وبتتعمّر ..
المكنة .. بتعمل ليها شنو ؟؟؟

عن الرئيس السوداني عمر البشير، كتبت كوندوليزا رايس عن اجتماعها معه في الخرطوم سنة 2005: «كان يتكلم في بطء. ويحرك رأسه إلى الأمام وإلى الخلف، وإلى جانب وجانب. كان يبدو وكأنه تحت تأثير مخدرات».نشر بالراكوبة 26/11/2011
++++++++++
وحسب معرفتى الطبية (الغزيرة) فإن خشونة العظام تتسبب فيها كثرة الكلام
كما أن الإكثار من رفع الأرصدة يحدث تلف الأربطة
وإن الإنتقال المفاجئ من أكل الويكة إلى أكل المال الحرام يتسبب فى نقصان اللزوجة فى سائل المفصل
وعليه فإنه لا يحتاج إلى جراحة وعليه فقط الإستحمام فى شاطئ مدينة (Den Haag) وأتحداه أن يدخل الكلمة فى ترجمة قوقل من الهولندية إلى العربية دون أن (تتقطق) كل مفاصله

هاع هيع هوع هه وداد تلفت الجقة

نسأل الله أن يعود إلى المستشفى وعاجلاً ولا يرجع منها إلا على آلة حدباء

شكله بعد شوىة وكت داير ينط او يثب بالعربى حيكون زى الجماعة الفى الحج بيشيلوهم بعنقريب فى الطواف

الرد علي معاوية كورينا:
بتذكرني بالفلقونج هو الشخص الربيب الذي يتبع رجال الادارة الأهلية ويخدمهم دون مقابل يدفع له غير متبقي الأكل (فضلة الأكل)الذي أكل منه سيده وهو شخص منبوذ وسط الناس.
وأيضا اسم كورينا مرتبط في دارفور بالأسر التي تمتهن نفخ الكير في الحداده.
الله لا بارك فيك يا ابن كورينا لأنك تمجد شياطين المؤتمر الواطي الذين أهلكوا البلاد والعباد.

بكرة بركبوا ليك لغاليق يا ابو ركبة .

ردا على منو العوض فعلا منه العوض لامثالك شارون كافر والرئيسك البشير مؤمن بيقول لا اله الا الله , اتقي الله فى نفسك ياصاحب شارون .

ماااااااااا ركبة !!!
دي حاجة تانية !!!!!

دي الوثبة شكلها كانت علي صخرة

انشاالله يا عمر البشير تكون اعرج ومكسح

باقي عمرك دة وما تلقي اليرفعك

كل شيء عرفناهو، الركب كمان الزول دا كان بعمل بيهم شنو أصلو؟
تغيير ركب في 24 سنة
ومال لو عايزين يغيروهو كلو دايرين لينا كم سنة تاني؟

بيان رقم (1) نفي اشاعات

بعد الاطلاع على التقرير الطبي لتغيير (ركب) السيد الرئيس.. وبد الاطلاع على تعليقات السادة القراء يسرنا أن نصدر البيان الاتي..
أولا: ان هذا التقرير مفبرك ولا اساس له من الصحة..
ثانيا: ان هناك استهداف خارجي لكرعين السيد الرئيس من بعض المتفلتين من السادة المعلقين..
رابعا: ان العدد الكبير من القراء الذين شكّروا كرعين الرئيس واشادوا بها هو خير استفتاء…

خامسا: كما نؤكد للجميع بأن السادة/كرعين السيد/الرئيس .. ليست بها أي ركب من الاساس..

التوقيع/ مكيانيكي كرعين/ تخصص ركب

ماتقوم منها بالسلامة المرة دى

اها يا وداد مرحلة الركب عرفناها قضيتى عليها البلالى متين تدخلى عليها ؟

وعزة ربى ياالبشير السويتو فى رعيتك يلاقيك فى حياتك قبل مماتك
ويومك حيكون عصيب
كويس إنها جات على الركب بس أنتظر القادم عليك من ربنا إنه لقوى شديد

الركب من كترة الرقيص حتت بلى ونسأل الله ان يكون عاجزاً عن القيام بأعباء الحكم المتشبث به .

كتب الأخ سفيانوف :

ود على صديق
[سفيانوف] 08-12-2014 09:36 AM
للأمانة الأدبية كان من المفترض ان تطلع القراء الكرام هل هذه من تأليفك ام منقولة من اشعار شخص اخر يا الفرزدق ؟؟؟؟

——
وكان هذا عن بعض أبيات القصيدة التى تلى وقد أوردت بيتين منها:
يا دارَها فزعٌ يُزلزِلُ نومَها و . . . تَحرقُ فَـرْشَ مَهْجـعِ طِفلها النـارُ
حلُّوا بأطوافٍ على خِزانَتِها فما . . . سَلَمت ولم يَسلَم من النُّهَاب دينارُ
ذَهبٌ ودِيباجٌ واستبرقٌ نَضِرٌ . . . وأثوابٌ وَشْيُـها صـدفٌ وأحجـارُ
مَغنَما لِفِتيتِهم أبَاحُوا كنزَها فَتَبا . . . دَلُوا أدوارَهم في نَهْشِها وتَبارُوا
وأهلُ البيتِ إن طَرِبُوا فحَاكِمُهم . . . الأعرج الرَقَّاصُ والطبَّالُ والزَمَّارُ
—
أثر فى هذا الرد فها أنا أورد القصيدة كاملة وهى موجودة هنا فى الراكوبة
بقسم المقالات – قسم الشعر به

وآسف لإيرادها مكررا

صديق

—————————

يــا دار عبــلـة هل عقَّت أهلها الدارُ

صديق ضرار
[email protected]

يا دارَ عبلةَ: هل عقَّت أهلها الدارُ . . . فزُكاء قد رحَلت ودَنَا نَوءٌ وإعصارُ
شبابٌ بعمرِ الورد ضَاقُوا بها وما . . . ضَاقتْ بِرغـمِ الضِّيقِ عليهمُ الدارُ
وإنَّ الزرعَ كى ينمـو يشـقُّ الأر . . . ضَ مُخترقاً؛ وتَكسرُ سدَّها الأنهارُ
بضـرع عبـلة رُبُّـوا ، وقد شـبُّوا . . . يفضفضُ حولهم جُلبابُها الجَرجارُ
ولقد ذَكرتُك فانهمَرت دموعُ العينِ . . . نازفـةً ، فلنــا صحـبٌ وسُمَّـارُ
و لك الجاراتُ آزرةٌ، ومنتجعٌ . . . ولـنا سـوحٌ بعَـرْصَـتِها وتِسـيـارُ
و بحِضنِها دفءٌ نَلُوبُ بهِ . . . وبمَـرْبَعِها سُحـبٌ مُحَمَّـلةٌ وأقمارُ
جاءوا وقد دَرجُوا الِّلحَى غِشَّاً . . . فِعْل اللصـوصِ متى غَفْلَةً زاروا
على حربيةٍ مُدمِّرةٍ وألْويةٌ تقودُ . . . صُفوفَهم ، يحرِّكُهم شَبَقٌ و شنَّارُ
قالوا بأنَّ الله أرسلَهم لعبلة نصراً . . . يطهِّرُها ومن يَختَصَّه اللهُ يختارُ
فمضت تَسُدُّ الدربَ قافلةٌ مما . . . نعةٌ ويضربُ بنُحَاسِ الحربِ دينارُ
مدنٌ قبلَنا حَلُمت وقد نَهضت . . . وبِمَذبحِ التَّمكِينِ قَضَتْ تَهْوِىِ وتنهارُ
كانتْ مؤامرةٌ والشيخُ يَحْبكُها و . . . بجُنحِ الظلامِ تُحاكُ فصولُها وتُدارُ
أفتَى لِصبيتِه أنْ اعقِلُوا عبلاً بشدِّ . . . وَثَاقِـها وأن يُجتثُّ لسـانُها الثرثارُ
مَحظِيةٌ يَتَملكُونَ على الشِّيوعِ زِما . . . مَها ويُسيِّرُونَ خُطَّامَها ما دَاروا
لاقَتْ الفتوى هوىً في نفسِهمْ . . . فالـعِـرقَ دسَّاسٌ بِصِبيتهِم ومكَّارٌ
ولهم أعينٌ تَمرُّ جدارَ الدُورِ تَخر . . . قُه وفي التَّخَابُر شمٌّ وذَائقةٌ وإبْصَارُ
تَطُلُّ على النِّياتِ تقرأها وتُجَرَّ . . . مُـها وهل يَعلـمُ ما بِالنـفسِ وطَّـارُ
يَبغُونَ عبلةَ زوجاً لِيَقضُوا بها وَطَراً. . . وهَل يُعقَل أنْ يُرضِيكِ مِسْيَارُ
يَجلُونَ وَجهَكِ أصباغاً وترويةً . . . أيُصلِحُ ما أعطبَ السَّابُونَ عطَّارُ
يا دارَها فزعٌ يُزلزِلُ نومَها و . . . تَحرقُ فَـرْشَ مَهْجـعِ طِفلها النـارُ
حلُّوا بأطوافٍ على خِزانَتِها فما . . . سَلَمت ولم يَسلَم من النُّهَاب دينارُ
ذَهبٌ ودِيباجٌ واستبرقٌ نَضِرٌ . . . وأثوابٌ وَشْيُـها صـدفٌ وأحجـارُ
مَغنَما لِفِتيتِهم أبَاحُوا كنزَها فَتَبا . . . دَلُوا أدوارَهم في نَهْشِها وتَبارُوا
وأهلُ البيتِ إن طَرِبُوا فحَاكِمُهم . . . الأعرج الرَقَّاصُ والطبَّالُ والزَمَّارُ
ولو أنَّ كِسْرةَ خبزٍ ناشِفٍ فَضُلَتْ . . . تَسُــدُّ الجُوعَ يَطلبُ جـارَه الجـارُ
لَهبُّوا نحوَه هلعاً كيف يذكرها . . . ومَوفُورُ الخُبزَ في الأفرانِ مِدْرَارُ
بِضَاعتُهم تُسجِّل عَجـزَهم وتُنبـئ . . . عن ضَـعـفِ الحَـالٍ التـى صَـارُوا
فكلُّ صباحٍ لهم فيه مُكرَهةٌ ويَدَّ . . . عونَ بأنهم في حُكـمِ الخلقِ أَحرَارُ
وزائفةً شريعتهُم، ويعلمون بأنَّ النا . . س تَعلـمُ أنهم بحديثِ الديـن تُجَّارُ
لم تبق أىُّ نقيصةٌ بهم لَصُقت . . . إلا وِبقصـتها الرُكبـانُ قد سَـارُوا
دارٌ صابها داءٌ به اضْطَرَبتْ . . . فالأبُ قـد يُـوشِـى بـه ابنُـه البـارُ
وتوسَّعَت صِحافُ ذنوبِكم وقد مُلِئت . . . مِن عُهـرِكم فلها كمٌّ ومقدارُ
لَصٌ وتجنيبٌ وارتكابُ معصيةٍ . . . وكبائـرٌ من عـارِها يتَبَـرَّأَ العـارُ
لا يَسألونَ أخاهم عن المالِ الحرامِ . . . متى اعتدى و تُفْتَلُ منهمُ الأعذارُ
وإذْ مَا حَفَّنَـا الوالي بِفَاحشةٍ بِفقهِ . . . السُّـترِ غَطُّـوها وأجَـازَها الإِكـبَارُ
هذى شريعَتُكم وقد رُدتْ لكم . . . ولنـا واقٍ مـن شرِيعـتِـكم وستـَّارُ
أَنُنْهِى النَّشْءَ عنْ طربٍ وقُدوَتُهم . . . همُ الرقاصُ والمِبْطَانُ والزمارُ !؟
وذا الإنسانُ مَكارمُ الأخلاقِ تَعصِمُه . . . و بَنُو الاْخوانِ في اللذَّاتِ فُجَّارٌ
وقد عَفَت الديارُ رسُومها ، ومَضَنْ . . . صُوَيْحِباتُ عبلةَ عاتكةٌ وعشْتارُ
ولَما تَزلْ بجمالِها ورَوْنقِ حسنِها . . . ولاسمِها عند القبـيلةِ وقـعٌ وإيثارُ
يَدعُونَ عنتـرةً وألفٌ يقومُ لها . . . من فِتيةٍ على وجهِ المَظالِـم ثاروا
شباب بعمر النُّضجِ عادوا لها . . . وهـا عادَت تَفيـضُ عليـهمُ الـدارُ
وإنَّ الزرعَ كى يَحيا يشقُّ الأرضَ . . . يفلُـقُها ؛ وتمـلأ نهـرَها الأمطــارُ
من ضَرعِ عبلةَ رضَعوا وقد شبُّوا . . . يُهفْهـِف فوقَـهم جُلـبابُها الجرجارُ
وتظلُّ عبلةُ بالجواءِ حصينة بين . . . العشيرةِ لن يَستفزَّ ثَباتَها الإعسَارُ
لا صـابَها هلعٌ يهزُّ كيـانها ولا . . . حَفلت بِمَن من حول خبائها دَاروا
وتَلُوحُ بَارِقةُ النهارِ قريبةً تَرْنُو . . . وتَبعثُ بالبشائرِ ضَوأَها الأشعارُ
وأَجمعَت القبيلةُ أنَّها لرَجاحةِ عقلِها . . . فقد مَلَكت ولايَتَها ولها الخِيارُ
ولها استعادةُ خَيلِها لِتُسرِجُهُ لعَنترةَ . . . الذى شَهِدَت وَقِيعَتَه وبأنَّه المِغوارُ
ومعذرةً فما في القلبِ فى القلبِ . . . ومن بلدٍ إلى بلدٍ ونحن تَهُدُّنا الأسفارُ
ويُدمـى القلبَ ما يَنْمِى إليه مِن . . . وَجَعٍ بقلبِ الدارِ تَحمِلُه لنا الأخبارُ

وي)ويطمئن الفريق الطبي المعالج لرئيس الجمهورية الشعب السوداني بأن كل الظروف الطبية والصحية لرئيس الجمهورية توكد علي نجاح العملية علي كافة المستويات بتوفيق من الله.)طمنتونا الله يطمنكم!! ووالده شلنا همّ قلنا الراجل يفوتنا ال30 سنة الجايين لمنو؟!!!

كونوا جادين !وادعوا الله ان يخلص الشعب من هذه الطغمة الفاسدة التى خدعت االناس باسم الدين فإن الله يستجيب دعوة المظلوم وإن كان فاجراًً!اللهم عجل بزوال دولتهم واجعل فتنة بينهم لاتبقى ولاتذر!!

يا جماعة فهمونا ده ركب سيارة و لا بني آدم. طوالي بعد تغير المفصل بتلاتة يوم يتحرك. لا لا و الله ده حاجة جديدة في عالم الطب.