اهمال الكوادر السودانية

انطلقت الصيانة الدورية لشركة مصفاة الخرطوم وسط ظروف بالغة التعقيد سياسيا واقتصاديا وتمنينا لو كان شعار المرحله تمكين الكوادر الوطنية الواعده خصوصا بعد تاخر الشركات الاجنبية لظروف نعلمها جميعا ولعل الكورونا واحدة من هذه الاسباب التي ادت لتاخير صيانة هذا الصرح وليس اي صرح مصفاة الخرطوم تعد القلب النابض للوطن خاصه بعد توقف مصفاة بورتسودان فى جريمة ممنهجة فى ذلك الوقت كان الوزير سعد الدين اول من دق ناقوس الخطر محزر من ان تاخير صيانة مصفاة الخرطوم ستكون له عواقب كارثية لكن من كان ليهتم ونظام الجوع يتهالك ويسقط السقوط المحتوم 30 عام من نهب الموارد وتدمير ممنهج نجحت الثورة بفضل دماء شباب اختاروا ان يفدو وطنهم بالدم نعم بالدم سكبو دمائهم فى الشوارع قتلوهم بلا رحمة بعاعيت الانقاذ مشعوزين الهوس الديني ماظن انهم عرفو ولا بعرفو ربنا ما اظن رضعو من ثدي امهات سودانيات لما الطيب صالح قال من اين اتي هولاء الله وحده يعلم سقطت الانقاذ سقوط مدوي يصم الاذان وبدانا رحلة البنيان بنيان ماهدمه وافسده دهاقنة الكيزان ومضي عام 2018 عام التغيير فى 2019 اول وزير من رحم الثورة ولولا الثورة ماكان له مكان لامكان لاحد معهم والكل فى نظر الكيزان شيوعيين وكفار واحقر فى مرتبة الصراصير واذا احتاجوك تشتغل وتشيل مصلحتك وتمشي او يرموك جاء وزير من رحم الثوره عادل وبدا يشتغل وكانت الصيانة اتاخرت واصبح الوضع خطير فعلا خرج علينا عادل بتصريح ثوري ده جن احمر احنا قاعدين فى قنبلة موقوتة كان يتحدث عن تاخر صيانة المصفاة ولكن حتي عادل مشي وغادر المقعد غاضب من اشخاص حول حمدوك المهم مشي عادل والمصفاة بدون ادارة مركب تايهة فى يم وعواصف وبحار وصفوف وواقع نجح اعداء المواطن السوداني من السودانين سودانين والله فى تحويل حياة الانسان لجحيم وعذاب لاينتهي صفوف الغضب صفوف البنزين صفوف العيش تدمير ممنهج لكل شي مدعوم باموال خرافية شيطانيه وقوة داعمة اقليمية لتدمير المواطن السودانية واعادته الي الحظيرة حظيرة الاستعباد والعودة لحياة الولاءات والركوع للسادة الجدد ده المفهوم الوحيد لسياسات الصفوف والجوع وانعدام الامن …

فى 2020 تقلد وزير ثوري شايل هم الوطن وقرر قرارات حاسمة بان صيانة المصفاة ستكون سواء بايدي الصينين او الكوادر السودانية فى حالة عدم حضور الكونتراكتر الصيني وللاسف اقولها للاسف حضر الصيني وسط دموع الكوادر السودانية التي كانت جاهزة للقيام بالصيانة الكاملة not great overhaul but great overhaul بايدي سودانية .

ارامكو تتم صيانتها بكوادر سعودية بنسبة تصل 50% الاردن تصين مصافيها بنسبة 100% لكننا 30 سنة نمارس الترف الممنهج يصينو لينا الصينين اي جريمة ترتكب فى حقك ياوطني من يقتلون الابداع فيك عشان حفنة من الدولارات كانو بجيبو الكنتراكتر الاجنبي لكن هسي مافى مبرر للصيني ولا الجن الاحمر الكوادار السودانية افضل من الكوادر المستجلبة من الخارج وبجدارة راهن عليها حتى الاجانب عندما تستعين ارامكو بشركة شل تساندها بمهندسبن سودانين نعم مهندسين مصفاة بورتسودان اصحاب الايادي البيضاء اصحاب الخبرة يكفي ان شل هي المدرب وشل ماكان عندها عطن ولافساد كفائة تشتغل مابتعرف شغل بدوك قروش وتمشي بيتكم لمتين بنقصر فى حقك ياوطن لمتين بنطعنك فى الخاصره لمتين بنخونك ياوطن نعم خيري قام بما عجز عنه الاخرون لكن خيري يمتلك قرار تكوين اول شركة صيانة سودانية مية المية خيري مكانه النفط وهو قدم وقادر ان يقدم لهذا الوطن بحبه لهذا الوطن اعطو خيري الوزارة ياحمدوك وهو وزير مكلف قام بانجازات عجز عنها من قبله وسنواصل المسير ولو حبوا ولو نحبه حبوا فى سبيلك ياوطن.