نفى المتحدث الرسمي باسم القوات المسلحة العميد ركن عامر محمد الحسن صحة ما أدلى به القيادي بحزب البعث العربي الاشتراكي وقوى الحرية والتغيير محمد ضياء الدين عن أن كل القوى السياسية لديها وجود داخل المؤسسة العسكرية.
وقال عامر” ننفي ذلك جملة وتفصيلاً وهذا حديث يشتت الجهود ويخلق فتنا لا أكثر ولا أقل”، وأضاف” ذكرنا في أكثر من مرة وقد قال القائد العام للقوات المسلحة الفريق أول ركن عبد الفتاح البرهان في أكثر من مرة أن القوات المسلحة لا علاقة لها بالتنظيمات السياسية أو ما يدور من ممارسة سياسية”، مؤكداً أن الجيش يضطلع بمهامه وفقاً للدستور وما يكلفه به الشعب السوداني، وتابع” هذا حديث يسأل عنه محمد ضياء الدين، وما دليله على ذلك؟”.
السوداني
خلينا نحن هسي انت مقتنع بكلامك يا سعادة العميد عامر محمد الحسن
يا خي بتضحكوا علي منو انتو!! الثورة دي لو الشعب بالعبط ده ما كانت قامت أصلاً، فحاولوا تشغلوا عقولكم دي مرة واحدة وقولوا كلام منطقي..
انت يا سيادة العميد مادام صرحت بان الجيش هو حامي الوطن وثرواته وحامي الشعب لماذا لم تتدخلوا في فض الاعتصام؟ ولماذا تركتم حدودنا تحتل من قبل الدول المجاورة؟ انكم منافقون وتطبعتم على خبث الانقاذ
90% من ضباط الجيش الحاليين صغار على كبار كيزاااااان….. يجب على قوى الثورة أن تبحث في سبل إعادة الضباط المفصولين في بداية ومنتصف التسعينات إلى الخدمة بأي ثمن مهما كان أو إيجاد بديل/معادل مناسب ،،،، من غير ذلك فإن الحديث عن إنتصار الثورة سيظل كلام فارغ.
الجيش: الحديث عن وجود الأحزاب في المؤسسة العسكرية يخلق الفتن.
ايوه ، طيب ، كلامك دا دايرين ليهو بيان بالعمل . و كدي بالمنطق كدا الانقلابات منكم لشنو ؟ !! مش عشان دخولكم في السياسه و رغبتكم الشديده في الحكم رقم فشلكم الذريع ذهاء الستون عاما السابقة من عمر السودان . بعدين معظم انقلاباتكم علي منو ، مش علي ناس طلعوا للحكم بالانتخابات بديمقراطية ؟!! بس ما تقولوا جينا نشيل ناس كانوا فاشلين و نحن اردنا ناس يحكموا احسن ؟ ! طيب دا برضو كذبه كبيره ذي كذبات كبيركم بشه ، ما دايرين نحكم و وراها طالعين بكرعينكم و بيدينكم و بسلاحكم كمان !! طيب قولوا لينا حسب نيتكم ، حصل شلتوا زول مدني مثلا كان ما شي كويس في عرفكم و جبتوا زول غيروا مدني ، باعتبار أنكم ما سياسين ، و حطيتوا يحكم ، مع انو دا أصلا شغل الشعب هو اللي ليختار اللي عجبوا و اللي ما عجبوا يشيلوا و يجيب غيرو بالانتخابات و تصويت حر . بعدين أصلا منو قال ليكم أنكم مؤهلين عشان تديروا البلد نحو التنمية و الازدهار ، عمركم شفتوا عسكر بيجيدوا بناء بلد غير دمار ، انتو حسب طبيعتكم ، مجبلون علي القتل و السحل و التدمير و شغل رجاله ما في موضعها ، . عمركم شفتو ليكم عسكري دبلوماسي يجيد علاقات دوليه برزانه و حنكه و حكمه و تحليل منطقي و مشوره من ذوي الاختصاص من المؤسسات التعليمية و بيقول كلام ما بيندم منو بعدين . ما أصلوا العسكريه حسب العرف يعني عندكم أوامر و تعليمات من ابلد واحد فيكم و البقيه كالنعاج ينفذوا حتي لو عندو رأي تاني . عمركم شفتو ليكم عسكري اقتصادي ، يا اخي في الكتل دا الزول الواحد بيملوا رصاص لاكتر من خمسين طلقه لامن يخلو مصفي و تلقي كمان فيها صيحات نشوه كمان ، و ماعارف انو ثمن الطلقه الواحدة اللي هو بيفكها في الهوا ساكت دا بيساوي ثروه ، ياخي طلقه صغيره بعشره دولارات للسلاح الصغير و في اسلحه كبيره زي الراجمات و الصواريخ و سخاير دبابات قد تصل الواحدة فيهم لأكثر من الف دولار و منها قد تصل لمليون دولار ، تلقي عسكري واحد جربون و باوامر من ضابط اجهل منو يقول اضرب بارود عشان نحتفل و تلقاهم في عشره دقايق يكبوا ليهم من أموال ما يكفي لبناء عشره مدارس . بعد دا تقول عسكري قال جاي يحكم و يعمل تنميه عشان الملكية ديل فوضجيه و ما منضبطين في تنفيز الأوامر و يقعدوا يجادلوا و يناقشوا في المواضيع ، يا اخي النقاش دا عشان يصلوا الي وسيله فيها اقل تكلفه للبلد و اكثر انتاجا لاقتصاد البلد .
بعدين اللي قال ليكم ما عندكم موالين للأحزاب منو ؟ انا من محل دا ابصم علي عشره انو عندكم ألوان الطيف السياسي دا كلو موجود عندكم . و الدليل علي دا السيد صادق المهدي ذاتو عارف الحكاية دي كويس و كلما مره يصر عليكم عشان تخطوا واحد من عيالوا جواكم عشان يلحق مولد عسكره السياسه اللي جاري فيكم . بعدين انتو بسبب التعليمات اللي بتاخدوها كل يوم و اللي فيها احتقار للملكية و مؤهلاتهم العلمية و آراءهم و تقديم المفهوم العسكري دايما دا هو اللي دايما بخليلكم شايفين نفسكم أفضل للحكم حتي لو الواحد فيكم ما بيعرف يفكو حروف ذاتو . و دا بيذكرني بقصه أيام الديمقراطية التانيه و اللي السيد الصادق كان رئيس وزراء و قائد عام للجيش حسب مكانته في السلطة ، اذكر انو مره قام عمل زياره للقيادة العامه و طبعا بزيو المعروف بجلابيه ، لامن دخل القياده و كان في مجموعه من العساكر كانوا واقفين عشان طابور شرف للقائد العام ، و فجاه لامن شافوا ليهم زول بجلابيه طالع عليهم كدا و العساكر اللي بورا طوالي قعدوا في الواطه و قالو دا شنو دا ملكيه قائد عام كمان دا كيف دا ، لامن السيد الصادق شافهم غضب منهم و طوالي مشي ليهم و برفقه وزير الدفاع ، لامن شافوا وزير الدفاع بردلب قاموا كلهم و ادوهو التحية العسكريه ، و السيد الصادق بادرهم غاضبا شنو عساكر فوضجيه ما عندهم انضباط ديل ، هنا وزير الدفاع التفت للعساكر و قال ليهم الزول دا هو الرئيس و قائدكم و قائدي انا كمان .
انا قايتو شايف لو في اي تبرئه للعسكر من السياسه يمكن نبدأها من الانتقالية دي و لقدام ، و الكلام دا مابيتم الا بنظافه الهيكل الحالي و تغيير المفهوم العام للعسكريه السائدة من عقليه احتقار الملكية المتعلمين بدأ من المواد التي تدرس في أكاديميات العسكريه و تم ادخالها من قبل الكيزان و هي ليست عسكريه و ابعاد العسكريه من الواجهات السياسيه تماما، بحيث ما دايرين زول بكاكي يتصدر تصريحات سياسيه مدنيه بتاتا ، داير تصرح البس ليك بدله و خش الانتخابات و تقطع صلاتك تماما من العسكر و تأخذ كورسات تأهيل نفسي و اداري و بعض العلوم السياسيه و الدبلوماسية مع شويه علم الاجتماع عشان تحس بآلام الناس بعدين تجلس في كرسي مدني و بعد دا كلو ما تنظر ساكت و تصرح ساكت الا من بعد رأي المؤسسات العلمية المتخصصة في الجامعات ، يعني شغل موسسات مش شغل ركوب راس و علي بالطلاق و حرم كلهم تحت جزمتي و في النهايه يطلع هو اللي كان تحت جزمتهم بتحت تحت و جاري منهم زي الفار لامن يزكوا من بلد لبلد لامن نفسو يقطع بالقانون كمان .
فتش فى العالم ده كلوا شوف ضابط عظيم فى جيش بالواسطة
هل يوجد جيش محترم تتحكم فيه مليشيات
طيب انقلابات من ورئها اليسو السياسين
اكذب ناس هم الصادق المهدي وضباط الجيش !!!!!