صحف الخرطوم : إسرائيل تستثمرفي نفط الجنوب

ده الناقص يعني هي لو جات علي البترول بسيطه بكره اسرائيل تعمل مطار وقاعده عسكريه في جنوب السودان لما نلقي اسرائيل والجنوبيين في الخرطوم ونحنا نقووول لسه م دخلو الخرطوم ..عالم غريب وصامت !!!!!

شىء متوقع بل مؤكد لكن يا جبهجيه انتم كالدجاج لا تنظرون الا اسفل ارجلكم……..

طيب السودان ما عندو علافات استثمارية مع حماس المشكلة وين؟ كان جينا للنصيحة، الجنوبيون ابلد مننا لانهم اختاروا اسرائيل وما حيستفيدوا حاجة، اما نحن بسم الله ما شاء الله فقد اخترنا حماس وسنجد فوائد جمة انتو بس اصبروا

التسوي كريت

تلقاهو وين ؟

في جلدها

افصل سمح يا البشير وطه الله يفصل رؤسكم من اجسادكم

انتو مالكم ومال الجنوب هى دولة ذات سيادة وهى تعمل وفق للاسترجيتها _ الصحف السودانية والمسئوليين السودانيين ليس لديهم شغلة سوى الجنوب عملت والجنوب قالت والجنوب رفضت والجنوب قبلت …… انتو خلاص مشاكل البلدي اتحلت؟ والشعب السوداني اصبح يعيش في نعيم ورفاهية؟ واصبحت دولة السودان يصدر كل انواع الصادرات للعالم من البترول وحى قشر الفول؟
__ شوفوا البلدي الحاصل فيها شنوا اكتبوا عن معاناة الشعب السوداني الكتلوا الجوع والمرض والفقر والاقتتال بين ابناء الشعب السوداني الفضل ,بسبب وبدون سبب بايعاذ من الحكومة الموتمر الوطني .
__اما بنسبة الصحافيين في هذا البلد نقول لهم وهذا راي فيهم انتم يا الصحافيين وانصاف الصحافين وارباع الصحافين ترون الفيل وططعنوا في ظلوا اما عن تكتبوا الحاصل في البلد والشايفوا كل زول الكبير والصغير والمجنون والنصيح كلهم شايفين الحاصل ولكن الصحف السودانية عندما تصدر في الصباح والله الواحد فينا يضحك من شدة العجب لانه يتناول امور لا يهمنا نحن كشعب سوداني اصلا( وعلى سبيل المثال وليس الحصر صحيفة الخال الرئاسي العناوين البارزة كالاتي__ قام سلفاكير وجلس باقان وقتل الحركة الشعبية مجموعة من دينكا بيبور وسافرالور وعاد مبيور والشعب الجنوبي يريد اسقاط حكومة الجنوب لانه ليس راضي عنها……….. انتوا في زول راضى عنكم؟
دي شكل الصحف السودانية والصحفيين السودانيين
_اذا كنتم

ي استاذ انت وانا وكلنانعرف انو سرطان الاقتتال الداخلي بالذات في جنوب كردفان والنيل الازرق وغرب السودان سسبه ومصدره دوله جنوب السودان وهي تعمل كوسيط لكل اجزاء التمرد في السودان وتدعمه وكل العالم والعالم العربي والسودانيين استمعوا الي كلمه سلفاكير المشهوره للمتمردين في جنوب كردفان والنيل الازرق ((لن ننساكم )) هكذا قال لهم السوال هنا لي م ح ينساهم وهو وعدهم بشنووو عشان ينفذوا ليهم؟؟ وهم ونحنا (( كل الشعب )) نبقي تحت رحمه سلفا شيطان الجنوب!! عشان كدا لازم نمشي معاهم خطوه بخطوه عشان م يجووو بورانا عن طريق الظهر ويغدرو السودانيين وطبعا لازم في النهايه نهتم ب امرنا الداخلي ونحل المشاكل من تحت …

دولة الجنوب حرة تتعاون مع دولة قوية ومتقدمة تكنولوجياً فلماذا الجقلبة فليس من حقكم حتي لو تعاونوا مع الشيطان حتي ؟؟؟ إسرائيل دولة نووية عدوة لمصر وتهدد بمسحها من الخريطة وإسرائيل كانت علي وشك من إحتلالها لولا تدخل المجتمع الدولي وتهديد روسيا بحرب عالمية ثالثة ؟؟ ومصرهي الدولة التي تحتل بقوة السلاح جزء عزيز من وطننا ( حلايب وما جاورها ) تتعاون مع إسرائيل في تتطوير الزراعة في الصحراء وتربية الدواجن وإستقلال الطاقة الشمسية في مقابل أن تمدهامصر بالبترول والغاز بسعر تفضيلي أي بأقل من السعر الذي يباع به في مصر ؟؟؟لأسرائيل سفارة ضخمة بحراسة مشددة ومكلفة في قلب القاهرة ؟؟؟ وأكثر ما تستطيع حكومة السودان قوله وعمله هو أن تغدق علي مصر العطايا من لحوم وهدايا بالمجان وكذلك لحوم مدعومة بسعر أقل من بالداخل ؟؟؟ والدنيا مصالح ؟؟؟ فمصلحة العوير أن يتملق ويركع لمصر وإيران وحماس لحماية كرسيه؟؟؟ ويفوج الوفود من السودانيين المرتزقة المحترفين محملة بالأدوية والغذاء والكساء والمال لأطفال فلسطين المحمرة خدودهم من حسن الغذاء والذين يجلسون في مقاعد للدراسة لا يقل مستواها عن مقاعد دول الخليج الغنية ؟؟؟ وأطفال السودان المشردين حتي في العاصمة جائعين وينخر في صدورهم السل وغيره من الأمراض ولا يسمح حتي بقدوم المنظمات الإنسانية الدولية لمساعدتهم ؟؟؟ هذه هي سياسة أخوان الشيطان الكيزان اللصوص القتلة مغتصبي الرجال والنساء والأطفال قاتلهم الله ؟؟والثورة في الطريق ؟؟؟

أبو سكسك ،،، كلامك في جرح ،،، إستفدنا شنو من علاقاتنا مع العرب والفلسطينين ،،، هل نحنا أشد عروبة منهم؟؟؟ ما هم كلهم بيهرولوا نحو إسرائيل وعلاقاتهم مع إسرائيل سمن علي عسل منها الظاهر ومنها الخفي ،، بس نحنا النايمين في العسل ،، حتي ناس حماس ديل ( وبإقرار الكثيرين ) أن إسرائيل ما بنت الجدار الفاصل إلا بتعاون الفلسطينين وخصوصا فئة المقاولين الفلسطينين الوفرت ليهم المواد والأيدي العاملة الفلسطينية ( لأنهم عايزين ياكلوا عيش )… يا أخوانا نحنا ما أكثر عروبة من العرب ….. ولا العرب حتي معترفين بينا كعرب بس زيادة عدد زي الصومال وجيبوتي وحسن أولئك رفيقا.ويا ناس شوفوا مصلحتكم وين .

دخلكم شنو في جنوب السودان ما قولة انشاالله يشربه بالمريسة

نهر النيل
عاشق السودان
**************

التحية والاحترام لطاقم الراكوبة ولكل كم يدلو بدلوه فيها لمصلحة
السودان واهله الكرام ، اما فيما يخص الموضوع فانه جد خطير وشره
مستطير والمشكلة شائكة بعد ان اصبح جنوب السودان دولة مستقلة وذات
سيادة ، هذه الجريمة النكراء التي ارتكبتها ايادي المؤتمر الاوطني
الآثمة في حق الوطن العملاق وفي حق مواطنيه الشرفاء والتي آذنت بخراب
ودمار ماتبقى والشواهد لاحصر لها .
فالجنوب قد انفصل عنا حاملا معه حقده وكرهه لكل ماهو شمالي ولديهم الان
حكومة ترى في الشيطان الصديق الحميم وفي سبيل تركيع الشمال واذلاله يفعلون
كل شئ .
الخطر الذي اود ان اتحدث عنه هو سباق التسلح الذي سينشأ قي القريب العاجل
بين شطري السودان مما يفاقم من حجم المشكلات القائمة اصلا ومتروكة بدون حلول
فعلاقة دولة جنوب السودان بالكيان الصهيوني علاقة مشبوهة وستلقي بظلالها القاتمة
بين الشعبين شمالا وجنوبا ، اما شمالا فالسودان يردح تحت وطأة حكم دكتاتوري بغيض
اذاق المواطن اقصي درجات الاذلال والتعذيب وهو السبب الرئيس في كل معاناتنا والموضوع
شاسع وعميق ومترامي الابعاد ولا يحتاج لشرح فالجميع يعلم حجم الكارثة ولا حولة ولا قوة
إلآ بالله العلي العظيم ، ثم ماذا بعد ؟ لابد من عمل والعمل هو النضال من اجل غد مشرق

طيب مالوا .. ما انتوا فصلتوهم وهم على كيفهم يشوفوا مصالحهم وين ..يعني يباروكم ولا شنو ..عالم عجيبة!!!!!!!!!!!

والله انا لا اخشى احد وسأرد لكل من يستهزأ بالاخرين وانا ضد العنصريه والتفرقه والتطبيل … الرزق على الله والموت بيد الله وما عندى مصلحه فى الانقاذ ولا الجبهة الثوريه ولا الاحزاب ولذلك سأقول رأيى بصراحه