نهال عنبر : زوجة ابني الألمانية زعلت لخسارة فريقها

أنا زعلت أوى لخسارة فريق ألمانيا أمام اسبانيا في كأس العالم وكنت أتمنى أن مباراة النهائي يكون فيها الفريق الألماني طرفا حتى تكون المباراة أكثر حماسية وقوة لأني أحب هذا الفريق جدا واراه من أقوى فرق بطولة كأس العالم وأنا مزعلتش بس عشان أنا بحب الفريق ده لأني أنا كمان بحب فريق اسبانيا لكن لان زوجة ابني ألمانية فاعرف إنها أتضايقت جدا لما فريقها الألماني خرج لكن الرياضة في الأول وفي الأخر مكسب وخسارة.
كان نفسي أوى بجد تكون مصر بتلعب في البطولة دي كان طعمها هيكون بجد مختلف وأنا عن نفسي كنت هتابع مباريات المنتخب كلها وأنا على ثقة أن مصر لو في البطولة كانت وصلت للنهائي لأنها مش اقل خالص من أي فريق مشارك.
لكن إن شاء الله تتعوض المرة الجاية وتكون مصر منوره على رأس الفرق الأخرى المشاركة لان فرحة فوزهم وطعم الفوز وحشني منهم أوى.

mbc