المريخ يُراضي أكرم بالتبادل مع الحضري
أتفق نادي المريخ السوداني مع حُراس مرماه السوداني أكرم الهادي والمصري عصام الحضري على أن يتبادلا كل منهما حماية عرين الفريق في المراحل القادمة.
وبإبرام هذه الإتفاق سيكون أكرم الهادي أساسي مع الأحمر في مباراة الخميس والتي ستُلعب أمام هلال الساحل في إطار بطولة كأس السودان وفي الكلاسيكو الأفريقي ضد الهلال في يوم 19 من الشهر الجاري.
يُذكر أن ذلك الإتفاق كان حصيلة اجتماع قد تم بين مدرب الفريق وبين طرفي عارضة فريق المريخ تتبعاً للأزمة التي أُثيرت مؤخراً بطلب أكرم للاعتزال اعتراضاً على مشاركة الحضري بديلاً له على الرغم من قلة جاهزيته.
وكالات
واحد ماسورة والثاني خازوق والضحية المريخ وجماهيره الغلبانة
انها السياسية يا اكرم يا حبيبي … ناس الانقاذ ديل ابعد مايكونو من الرياضة والفن وحتى الدين بس حرفه وبيلعبوا لصالحهم
حتي الكوره قلبتوها محاصصات و مجاملات و ما بعيد بكره نسمع انو في مفاوضات في اديس ابابا بين الحضري و جمال الوالي و احتمال تقيف بسبب الملف الامني ، غايتو الحضري دا دلعتوه دلع شديد شي تورته و حوا فز و اي حاجه براحته و دا كله منك يا جمال الوالي يا معقد يا فاسد ضيعت قروش الشعب السوداني في الفارغه وعشان تشغلو الناس بالكوره و الغنا دا غير امنيتك تتصور مع الحضري و المصريين يعرفوك ،اشرب يا جمال و الحضري عمره 40 سنه و مستواه في النازل و مافي فريق في مصر عايزه و لو بالمجان لانو بتاع مشاكل و ما محترف ، اما اكرم حاليا هو الحارس الاول في السودان و مستواه افضل من الحضري و لاعب منتخب وطني وعمره صغير 26 سنه ليه تظلموه وتجيبو العجوز يشاركه و هو المفروض يلعب اساسي ، انا مريخابي لكن مفروض لو ما لعب يسيب الفريق و ياريت يفكر في الاحتراف بدل الاهانه في وطنه عشان الاجانب مايزعلو و الغريبه الصحافه بتبرر لاداره المريخ اخطائها و فجاه كده بقو بقولو اكرم وزنه زايد و مع انهم كان بلعبوه مصاب .
دة لعب عيال .. مش كان احسن يكون سر .. وكل مرة يلعب واحد وبالتالي اي واحد يعتقد ان ذلك نتيجة لجاهزية من يلعب .. اما ان يكون هنالك اتفاق فهذا المهزلة ياالسيد جمال الوالي .. المريخ اكبر مما يحدث الان ..
الحضري زايق من مباراة الهلال للعلم ,,, كما زاق المرة السابقة وسافر مصر ,, هل تتذكروا ,,
دائما الحضري يتفادي ملاقاة الهلال ,,,,,,