إيلا (هجيج) !!

اهلنا في الجزيرة قد ارتبط عندهم الفرح والاعياد بمواسم الاحصاد حتى المناسبات الاجتماعية من زواج واختان وعقد قران تكون بعد الحصاد وبالتالي الفرح عندهم يأتي بعد النجاح في العمل وحصاد الرزق ، فلم يزرع ايلا ايصلا حتى ينتظر الحصاد ونقول له ان البطون الخاوية لا تتمايل طربا والرؤوس التى انهكتها المشاكل والمصايب لاينسيها الطرب والحفلات مأسيها ولن تنطلي فكرة افراح السكارى وتكون متوسد التراب وتشعر انك سيد العالم على اهل الجزيرة
لو انه صرف المبالغ التى سوف تصرف على مهرجان الصياعة صرفها في حل ازمة الغاز وتوفير السلع لتمايلت كل الولاية طربا وفرحا
لكي الله يا بلدي

ايلا ده وكت كان غازي الخلال في شعره مدني دي رقصت وهججت وهسي خلاس تابت واهتماماتا اتغيرت .. ادروب ده كلموهو .

في الملين و بمشاركة سلطان الرقيص و الطرب أبو ركبا سايحة الناس فشنو و ال… في شنو بس الإيدو في الموية ما زي الإيدو في النار و يعكس ذلك تصرح الشخص الثاني في حزب الحكومة و في حدي القنوات الفضائية ي}كد إنه شخصيا عبأ انبوة الغاز بي 80 الف جنيه. بس ما داقي فيها طورية ولا ضاربو فيها حجر دغش.

تبت لله و نعم الوكيل

ماذا فعل عمر جعفر و امثاله لمدنى . ازمة الغاز هى ازمة عامة على كل مدن السودان و ليس ودمدنى وحدها .انا من مواطنى مدنى ولا علاقة لى بالمؤتمر الوطنى او غيره افتكر الدكتور محمد طاهر ايلا نعمة من نعم الله لازم نحافظ عليها . كل الولايات عينها على الدكتور من اجل التنمية والخدمات .

ايلا ده وكت كان غازي الخلال في شعره مدني دي رقصت وهججت وهسي خلاس تابت واهتماماتا اتغيرت .. ادروب ده كلموهو .

قلنا الكلام دا من بدري لاهلنا في الجزيره بس قالو لينا انته ناس حاقدين وقالو ايلا
مافيه كلام وعمل ليكم الشوارع والانارات والحفلات في بوتسودان فقلت لهم ناس بورتسودان لايحتاجه الي كل هذا فقط يحتاجه الي الماء والصحه والتعليم والتنميه من خلال خلق الوظائف

حتي الشوارع شيدت بمواصفات ضعيفه جدا والان تحتاج الي الصيانه الدوريه وهذا مكلف
جدا لانها شوارع فرعيه ولاتخدم التنميه

سؤالي الي ايلا ماهي فائدة انشاء عشرات من الطرق داخل الاحياء السكنيه وبماذا ستفيدنا نحن سكان تلك الاحياء ؟هل سناكل منها عيش ام نشرب منها ماء ام نوصل منها كهرباء ؟

بالمناسبه كل احياء بورتسودان التي لاتمتلك الكهرباء كانت ولازالت تسدد وتشتري الكهراء من الحكومه
مايقارب بملبغ 5000 الي 10000 يعني من خمسه الي عشرة مليون لكي يحصله في النهايه علي توصيل الكهرباء يعني ايلا لو داير التنميه الحقيقيه كان يوصل الكهرباء الي تلك الاحياء بالمجان بعدها نقدر نقول دا جزء من التنميه

اها رأيك شنو يا استاذ عووضه انو البشير قال لى ناس مدنى انا فتشت ومحصت فى ناسى ولقيت اصلب زول فى عناصرى وجبتو ليكم ..!!

الجزيرة تحتاج لمهرجان زراعة وليس فن ورقيص من قبل رأس الدولة . ويكفي الشعب تخدير وتسويف لقضاياه وهمومه واشغاله بالغناء والحفلات وليعلم ايلا وبشه أن مدني مدينة زراعية وعاصمة لولاية زراعية وليست مدينة للسياحة.

ايلا برغم كل شي هو الافضل على الاطلاق في جوقة اللصوص والمخربين والازمات التي ذكرتها مستفحلة في كل الوطن.لو كان الرجل رئيسا للجمهورية يمكن ان تسأله عن تلك الازمات.الاحتفالات والمتنديات الثقافية هي هي تنمية في حد زاتها.

صلاح عووضه صراحة ظلم الرجل…..إيلا لديه افكار جيدة…الجزيرة ليست منعزلة عن معاناة باقي الولايات….الإصلاح يحتاج لأعوام….الراجل عمل العليهو..

الجزيرة تحتاج الكثير
وهاى غرب الجزيرة والجامسى تحديدا هل يعرفها ايلا
لا طرق
ولا مشافى
ولا موية
ولا زراعة
ولا
ولا
ولا
هذه المنطقة المنسية تنقطع عن حاضرتها المناقل فى الخريف
وقد حدث ان سافرت من قريتنا زحل الى المناقل سيرا على القدمين لمدة يوم ونصف واحمل شنطة الحديد على راسى
ومنذ ذاك اليوم والى يومنا هذا لم يعبد طريق ولم يمهد حتى تسير فيه البكاسى التى يجرها الراكبون عليها لمسافات ومسافات
ام عن الصحه فمستشفى الجاموسى لاتعرفه الا باللوحة التعريفية المكتوبه عند مدخلة
ذهبت يوما مرافقا لطفل من اسرتنا فوجدت المرضى ينامون خارج العنابر ليلا
وتحت الاشجار نهارا
هذه اشارات الى واقع ماساوى تعيشه تلك المنطقة التى لم تر ولو النذر اليسير من الاهتمام

كلام واقعي وعقلاني
هؤلاء الصغار ماذنبهم حتى يتفرغوا لهذا الخمج والهرج
أو لنقول أين هي الدارس أصلا؟ هي حيشان خاوية وبس !

للأسف ضيق الافق و قصر النظر هو الذى ضيع السودان .ليس الهدف من المهرجان هو البهجة و المسخرة كما زكر في المقال. الهدف هو زيادة الجذب التجاري للمدينة و الاستثمار و هى فرصة لرجال الاعمال للحضور الى المدينة و اكتشاف فرص الاستثمار في الولاية في جو بهيج بعيدا عن الرسميات . كما هو معروف يتخلل المهرجان معرض تجارى يتم من خلاله عرض كل الصناعات و المنتجات و عليه تكون فرصة للزوار و المستثمرين من اجل الاستثمار في خيرات الولاية . من الغباء و الجهل تفسير من يقوم به الوالى محمد طاهر ايلا بالتهريج و حب البهجة الدكتور له وجه نظر لا يفهمها أمثالك . النهضة التى تمت في ولاية البحر الاحمر خلال سنوات قليلة كانت نتاج هذه المهرجانات التى تراها غير ضرورية. نأمل عدم نثبيط همم الرجال و تبخيس مجهوداتهم. و البيان بالعمل كما يقولون .

ناس الشرق مقروضين بالسل والعطش والفقر …وفي احدي زيارات بشه للولاية والي جانبه ايلا وقف البشير كعادته امام الخلق اللموها ليو ناسو ملوحا بعصاه وقال ليه انتو مايكون عندكم موبايلات وتدخلو النت زيكم وزي ناس الخرطوم ….والله اكبر الله اكبر ….في سرحان بالناس اكتر من كده
المشكلة الناس البسطا بصدقوهم وفعلا دورو الهجيج والكل رقص وهجج
زمان لما يجي مسؤول اي منطقة ويكونو اهلها متذمرين من نقص الخدمات بفعلو بالحجار وبسيرو بالبراطيش هسي ده كلو بقا مافي من شنو ده ياربي حاجة تحير

ياجماعه انصافا للحق !! ياريت ما نبخس للناس اشياءهم

برضو افضل الكعبين ، الرجل لسه ما اخد فرصته كلها كم شهر ما تم ، بعدين الرجل مسك مدنى جثه هامده من الحراميه القبله ، ماف شيئ بتم بين يوم وليله خلو الراجل يشتغل واحكموا ..

عليه بس ما هسى ، يعنى مدنى دى خلال ال 26 سنه الفاتت كم والى مر عليها ، ماف زول فوقم سوا شيى عالاقل الرجل شغال ويشهد له بذلك الغريب قبل القريب ، يعلم الله لانى
من مدنى لا فى شيئ بلمنى لا بمدنى لا بايلا ، لكن مالا هسى حتة الظلط والنظافه وتنجيل الاستاد
وحتة مهرجان للناس عالاقل الناس تفرق حبه وتهجج وترقص حبه بدل النفسيات الفوقا دى ،
..برضو شيى كويس والرجل بادى بدايه صح ، عشان كده عليكم الله خلوه يشتغل ، هسى بورتسودان بى صورتا السمحه دى الزول ده انجذ الشغل فى يوم وليله ولا عالاقل اخد ليه 5 سنوات كحد ادنى حتى ظهرت لمسته ، عشان كده ياناس مدنى قولوا الحمد لله وما تنقوا فى الراجل ، وما تدوا فرصه للعفن يرجعوا ليكم تانى ، وشغلوا راسكم ..

وعلى قول المثل ” فسوه من … القرد فايده “..

عشان كده امسكوا فيه قوى لانه احسن منه مابتلقوا صراحه فى ظل حكومة بنى كوز دى

ماذا يمنع إيلا إذا أمير المؤمنين عاوز هجيج..
وكسارين التلج بالكوم..
آلمنى وشعرت بالأسى على شعبنا المسكين عندما إعتلى المنصة أحدالمهرجين ينهك حباله الصوتية وينبح (البلد المافيها إيلا ياحليلها) ..
وإيلا بدوره يطبل لرئيس الجمهوريةويرقصو..
والساقية لسه مدورة…

نعلم بأن سيدك الطيب مصطفى ذو فكر وهابى لايحب الغناء والطرب والخروج عن الحاكم ونعلم بأنك ياعووضة كاتب (أكل عيش) تتواجد أينما وجد الأخير هذا وللعلم والأمانة هو ليس إتهام أوظن منى وإنما إعتراف صريح منك فى مقال يوضح ملابسات الدخول فى زمرةالمنافقين والأفاكين بالصيحة ونعلم بأن كتاب الصيحة ومثيلاتها من ورق المراحيض لديها خطوط حمر رئاسية وخطوط حمر أمنية وخطوط حمر وهابية يمثلها الطيب مصطفى وشيخ (عميرة) ذاك المراهق المستمتع بيده إذا ماذا تبقى لكم لتكتبوا عنه سوى الرقيص وحرمة المولد النبوى الشريف ..

هذا الحدث وغيره كثير مما يجرى فى بلدى الهوة كبيرة بين حكام الانقاذ والشعب المقلوب. لا يحتاج لإثبات العياذ بالله

لا ايلا ولا غيرة يستطيع اعادة مشروع الجزيرة ولا اي حكومة قادمه فقط ايادي المواطنين هي من تفعل ويا الجابرية ما ببنيك غير ضراع لجالتك

أها هججنا ورفعنا الجلابية، وبعدين؟؟

أحد المغتربين طوول من السودان فكر
في زيارته وكان شقيقه المدرس هنالك يكابد في علاج وتعليم أبنائه ومساعدة أسرته الممتدة وضارباه الملاريا وحالته شلش ؟؟؟ وصل شقيقه من الغربة ومعه هدايا فاخرة له ولاولاده ؟؟؟ وعندما تمعن شقيقه في الهدايا الفاخرة لوا بوزه وخاطب والدته التي كانت فرحة بقدوم ابنها وقال ليها غاضبا انت ولدك دا بقي باطل والا شنو ؟؟؟ أنا في شنو وهو في شنو متين شافني لابس لي بدلة ؟؟؟ أنا ما لاقي حق دواء الملاريا يجيب لي بدلة وأولادي جعانين ما لاقين كباية حليب يجيب ليهم تي شيرتات آخر موضة ؟؟؟ فيا دكتور ايلا هنالك أولويات أي يجب الاهتمام بالاهم ثم المهم حتي ما يقولوا عليك با—–؟؟؟
أطفال الشرق الطنشهم ايلا والذين يركضون بجانب القطار حتي يرمي لهم أحد الكرماء قطعة خبز ؟؟؟ وعندما يتكرم احدهم برمي قطعة خبز محشية مربي ! سيطير من الفرح الطفل الذي سيحظى بها ويتباهي بها بين رفقائه ؟؟؟ هذا هو حال اهلنا الطيبين بمدني فليفرحوا ؟؟؟ واللبيب بالإشارة يفهم ؟؟؟

استغرب هذا الانتقاد لوالى الجزيرة الرجل عمل انجازات فى فترة وجيزة عجز عنها ابناء مدنى خلال الثلاثون عاما الماضيةالذى كان اخرهم ابن مدنى البار حاكم الاقليم عبدالرحيم محمود
نحنا ابناء مدنى حسينا بالفرق تماما ومعظم مواطنين مدنى والجزيرة مؤيدة ومؤازرة للوالى الا اصحاب المصالح القطعها ايلا اكلى اموال الموتى الباعو بيوت الموظفين والميادين والدمرو التعليم والصحة …. نفرح ونهجج لانو فى تنمية حقيقية ايلا حديد نعم ايلا حديد غير الفلسفة ما شفنا منكم حاجة وهى دى الضيعتنا وضيعت السودان تجى الانقاذ تمشى الانقاذ يجى الشيطان عاوزين واحد زى ايلاايلا رجل عملى ايلا رجل حق والحق يقال رجل لاينام انا مواطن بسيط بشوف ايلا راكب ركشة اوتاكسى او امجاد متابعا بنفسه لجميع الاعمال اتحدى اى واحد من مدنى اكرر من مدنى ينفى الكلام دا . المدنين والقسم الاول والدرجة
ناس حبيب الله وعوضة ومايو والسنيط ودردق وناصر والمكى وجزيرة الفيل والمزاد والحلة الجديدة بانت وجبرونا وياناس ام سويقو وود كنان والدباغة والانقاذ

اعداء النجاح كتر سير يا ايلاء وشمس اعمالك فى بورتسودان لاتخطئها العين والسودان كلو شاهد على انجازاتك

ردا على الاخ HISHO

انت محبط بالفعل .نسال الله ان يهديك و يزرع التفاؤل داخلك

الكلام دا ما صاح منك ياعووضة لأن العمل العملوا إيلا في شهور عجز عنه ابناء الجزيرة المثلك في 26 سنة ، وثانيا السياحة والثقافة تنمية وإقتصاد وليس هجيج فاضي بي مفهومك السيئ ? ثالثا والينا إيلا شغال ذى النحلة في كل المجالات والاتجاهات ((خدمات صحية تعليمية مياه زراعة صناعة طرق تطهير وتنظيف للولاية من المفسدين واصحاب المصالح الشخصية..الخ)) ونحن مابنتخلى عن والينا وبنقيف معاهو بايدينا وقلوبنا ومالنا ودعاءنا وبنقول ليه سير سير يامحمد طاهر نحن جنودك للتعمير والتدبير وربنا يوفقك ؛؛؛؛ وانا اعتقد كلامك دا ماجور عليه لانه كلام ما عادل ولا منطقي،،،، بلد مافيها إيلا ياحليلها