_ عجز تام وفشل محبط يشل كل الدولة وفساد ينخر في كل الاتجاهات نتيجة حتمية لتسلق الواغ واغ على مسار الثورة والتقسيم الطيزي الذي مكن لشلليات وعاطلي المهاجر ومجردي الموهبة في مفاصل الدولة لتحدث الكارثة وتنهار كافة القطاعات الخدمية والحيوية ويصبح الوطن في مهب ريح الضياع والدولة في حالة كارثة.
_ كل شيء بات اسوأ من المتوقع ولا زال حلم العبور وهم يستزرعه الحالمون في لهيب الصبر ضياع لا يمكن تخيله وسراب يحسبونه في اشتياق كذوب حقيقة، بينما الواقع يقول ان ليس في صف دولة الكفوات برامج تسير على هداه ولا خطة تمضي بها إلى بر.
_ سقطت أقنعة الزيف وبانت حقيقة العجز تحت ضغط التجربة وانكشفت كل الادعاءات الكذوبة بدولة الرفاهية وانتهت سواقة الخلا ليجد الشعب نفسه في جوف المغصلة وأمام جدار التباكي يلعن حاله وكل الأزمات تحاصره والوطن تقاسمته أحزاب النكبات واستولت على ثروته.
وخزة:
انتهت حكاية المنقذ واصبح الرجل افشل من ان يقود حنطور في براري التيه فالرجل صناعة كذوبة يتزين بعبارات التسويف والعجز.
د٠الفاتح خضر رحمة
[email protected]
اصبر شوية يادكتور لان الكلام الحاصل في السودان ده كلنا مشتركين فيهو وحمدوك المسكين جا من لندن شايل عدة الاسعاف وعايز يصلح الاوضاع شوية. لو ما الشعب السوداني كلو استجاب لي موجهاتوا ووقف معاهو وقفة رجل واحد فعلى السودان السلام. حمدوك ليس هو الرجل الخارق واليد الواحدة ما بتصفق والموضوع كلو مربوط بالشعب السوداني وكيفية تفاعلوا مع الاحداث وعزمو وارادتو في الخروج من الحفرة الواقع فيها. ممكن تسميها الملحمة الشعبية الكبرى والنفير السوداني الاعظم في التاريخ. الحصة حصة الشعب وليست حصة حمدوك ويجب على كل سوداني في الخارح والداخل انو يشارك بقدر المستطاع عشان نقدر نبنيهو البنحلمبيهو. بالمناسبة حمدوك ده رمز ما اكتر من كده وهو اخر فرصة للسودان عشان يمشي في التراك الصحيح وكلو راجع للشعب السودانى.
كلام جميل لكن الإحباط تمدد والله ان شاء الله نكون غلطانين
I think you are knows what you are saying
كدي أشرح لينا (التقسيم الطيزي) ده كيف