بطء في إجراءات مكاتب أراضي ولاية الخرطوم
الخرطوم ? نجدة بشارة
شكا عدد مقدر من مواطني محلية كرري من بطء الإجراءات (البروقراطية) والعقيمة التي يتبعها مكتب أراضي كرري، والفتح، وهيئة مساحة كرري بالإضافة إلى الإدارة العامة للتنمية الريفية بالمقرن. وقالت المواطنة “نفيسة عبد الله” لـ(المجهر) إنها (حفيت أقدامها بين الإدارات لمدة تجاوزت الـ (6) أشهر في سبيل مطالبتها بتخصيص قطعة (خدمية) (بالمحلية). وأضاف المواطن “حاتم السر” أنه قد ظل ما بين هذه المكاتب دون جدوى لعدم تعديل الخدمات لأراضي الفتح (2)، وذكر بأن هنالك لجنة تم تكوينها بمناطق الخدمات بالفتح (2) منذ أغسطس من العام المنصرم لمعالجة مشكلة الأراضي وتداخل القطع. واعتبر ذلك بمثابة قتل الطلب بعد تسليم أمره للجنة، واستنكر على جهات الاختصاص بالأراضي مطالبتها لهم بالانتظار المفتوح.
وطالب المواطنون هيئة مساحة ولاية الخرطوم ومدير عام الأرضي، ووزير التخطيط العمراني الفريق “الرشيد فقيري” بالتدخل الفوري لتسهيل وتبسيط الإجراءات ومعالجة (البيروقراطية) بالمكاتب.
المجهر
توجد منطقة تسمي قرية وادي السرح تم مسحها وتسلمنا الدباجات والي اليوم لم يسلم احد قطعة ارض ارجو من وزير التخطيط ومدير اراضي ولاية الخرطوم الالتفات الي مشاكل المواطنين والعمل علي حلها…..
للاسف هذا حال الدوائر الحكومية ومكاتب التسجيلات على وجه الخصوص
تعالى واستكبار من الموظفين على المراجعين وتهاون فى اداء الواجب الوظيفى
وعدم مرعاة ظروف المراجعين و وقت الدوام .
ساعتين فطور وساعة شاى و وونسه و تلفونات
وان طلب منهم المراجع الالتفات الى العمل فلا يجد منهم الا التأخير والتعسف
الذائد وتعال بكره حتى لو كان الوقت الساعة التاسعه صباحاً
هي بقت على التأخير .. ما في مشكلة .. تعال بكرة استلم قطعتك .. يا ريت بقت على التأخير .. يا خوي انت وهو الجماعة شغالين بيع في أراضي السودان للأجانب .. يعني بيع في السودان عديل كدة .. والله يستر على بيوتكم الساكنين فيها ويستر على وليداتكم .. والمشكلة ما في الخرطوم بس كل (ولايات السودان المتحدة) فيها لعب على كيف كيفك .. والعجب روح شوف بورتسودان .. لعبو فيها من كانوا بالأمس القريب نقول عليهم أجانب .. الآن هم من يتحكموا في أراضي بورتسودان .. ومكتب الأراضي كله من القبيلة دي .. عجباً لأمرك يا سودان.
نحنا المشترين بالقماراب لينا 15 سنة وكل مرة بقولوا الشهر الجاى عاوزين محمد الشيخ يصدق التاريخ للتسليم
بيقول انت شغال في الاراضي يعنى الله راضى عليك لكن للاسف على خد علمنا المتواضع ما فضل اراضى في الحرطوم يعملوليها مكتب ..
للاسف السودان بدل ما يتصلح الحال بعد الثورة زاد فساد من موظفى الحكومة رسوم تسجيل الاراضى بالات كررى شئ فوق الخيال ما ادرى هم شغاليين لى مصلحة من هل يعقل بعد تخفيض 50 فى المائة ادفع 800الف جنية بى القديم 800مليون لكى اسجل بيت فى تنظيم قرى مساحته 400متر مربع حسبي الله ونعم الوكيل عليهم 30سنة عشان ابنى بيت لاولادى والان اجلس 30 سنة عشان اسدد رسوم الكلام ده يوم 16/12/2019