تصدير إناث الضأن جريمة أمن دولة !!

الأخ حسن وراق تحية طيبة
أنا الأن فى طريقى لشارع غبيرة وفى أحدى محلات بيع اللحوم تجد خراف جلبت من باكستان بمواصفات اللحوم السودانية التى تعرف بدول الخليج باللحوم السواكنية – القصاب باكستانى يقول للك دى لحمه سواكنية ولمان تقول له كيف تكون سواكنية ونحن نعلم أن لا صادر لحوم سودانية يصل للرياض – ليقول لك هذه إناث وذكور ضان حمرى أستجلب من السودان وأقيمت له مزارع كبيرة فى باكستان – فالخروف والنعجة حمرية والمرعى باكستانى وسعر الكيلو 30 ريال – طيب السودان ما أقرب من باكستان – ما تجيبوها من السودان – قال – فى السودان ما أن يتحرك قطيع الضان من غرب كردفان فى طريقه لميناء بورتسودان – حتى تطبق الدولة ممثلة فى ولايته ومحلياتها عشرات رسوم العبور والضرائب والعتاوات مما يجعل سعر الخروف السودانى لا ينافس الخروف السودانى باكستانى المولد
خلاص با سودان مش أولادك الهاجروا حتى النعاج الحمرية هاجرت

يا استاذ حسن لعلمك ليست هذه اول مرة السنة الماضية تم تصدير 3مليون راس بينها نصف مليون اناث وتلك الصفقه اثارها الطاهر ساتي من موقع الحدث في الميناء واسوا ما في تلك ان المورد السعودي سالوه قال انتم لا تحافظون علي اقتصادكم انا اعمل لكم ايه والاسوا من ذلك ان وزارة الثروة الحيوانية وبنكها صلوا صلاة الشكر للتصدير وهم لا يعملون ان قيمة الصادر لم تورد للسودان لانها كانت بارانيك مزورة وسجلات تجارية منتهية الصلاحية ام ماتوا وانت بالسودان راجع زميلك الطاهر ساتي اما الانكي فهو قبل عقد ونصف تم تصدير الف ناقه وعندما رفض ضابط الجمارك ود النوبة هذا لقبه لمحبة الناس له وظرفه واصر ان القانون يمنع ذلك وانه ينفذ القانون تمت احالته للصالح العام وتم التصدير في عهد الانقاذ القانون في اجازة والفساد يلعب بمزاجة …المحنة اكبر هؤلاء مهمتهم العالمية الاولي تدمير السودان وتحويل ملكيته لهم خاصة

فعلا والله الفهم عقيم لازم يسافرو معاهم محارم ….. الكيزان ضيعو اي شئ ..

لعنة الله عليهم

اخونا وعارض كاشفى الحال ودوراق:: أقول ليك الجماعه ديل وصل بيهم الحال لغاية ماصدروا الاناث عرضنا وشرفنا ووزيرة الرعايه والعمل تدرى!! فما بالك بالبهائم؟؟؟؟!!!

كانت الثروة الحيوانية اخر ماتبقى للسودان بعد ان تم تدمير البنية التحتية الاقتصادية للسودان وعلى راسها مشروع الجزيرة والسكة حديد والخدمة المدنية وسودانير وسودان لاين واضاعة الثروة البترولية مع فصل الجنوب والعمل حاليا على تهريب الذهب بعد كل هذا لم يجدوا امامهم الا تجفيف الوطن من الثروة الحيوانية وهاهم يصدرون اناث الضان .. انهم يفسدون ليل ونهار في اي وقت .. انهم يدمرون كل شئ من اجل حفنة دولارات او ريالات .. انهم ابتلاء ابتلي بهم السودان ونسال الله ان يرفع مقته وغضبه عن السودان فهؤلاء لا ضمير ولا دين ولا قانون ولادستور يردعهم ابدا

كيلو اللحمة السواكنى الحمرى المغترب وارد مزارع باكستان للجدع يعادل 34 ريال للكيلو لحمة ولا أحسن كأنك فى زريبة البهايم بالخرطوم
لكن كيلو اللحمة السواكنى الحمرى الذى لم يغترب وارد ميناء سواكن السودان يعادل 54 ريال للكيلو ولو وجد يأتى على فترات متباعده ويباع فى أسواق هايبربنده
لو أغترب شخص حمرى السودان يستفيد من عائد تحويلاته لأسرته بالسودان
لكن إغتراب النعجة الحمرية يا جماعة معناه خرج ولم يعد والمستفيد من عائداتها يا شخص خليجى مستثمر فى دولة باكستان يا باكستانى يا كوز سودانى من جماعة التمكين يبحث عن مصلحته وإن شاء الله نصيب السودان من ضان الصادر ولحوم الصادر يبقى صفر المهم الكوز يستفيد والسودان يطير
فى تقديرى لو كان الكلام دا حقيقى وفى شخص وراه سودانى من جماعة الأخوان يستحق الحكم عليه بالإعدام 100 مره
أطمئن الأخ الذى سأل عن هل النعجة خرجت لوحدها أم مع محرم ؟ لا مع محرم أطمئن ففى باكستان تقف النعجة الحمرية فى حماية خروف حمرى معقول نحت تقبل خروف باكستانى يعشر نعجتنا الحمرية – يخسىء الخروف الباكستانى فلن يجرؤ ونعجتنا مش حتديه وش
لو طلبت منى إدارة الراكوبة ممكن أصور لها لحم ضان حمرى وارد باكستان
والله الكيزان ديل يقعدوا سنة تانية تلقوا أزريبجان الدولة رقم واحد فى العالم المصدرة للصمغ

بحكم عملي كبيطري خلال الخمسة عشر عاما الماضية اشرفت على تنزيل ملايين من الخراف الاسترالية ولم اشاهد بينها انثى او ذكر فحل فجميع الذكور مخصية ترى لماذا ؟؟؟؟؟؟؟؟؟السؤال لفطنتك

قبل الإنفصال وأيام حرب الجنوب
واحدة راجلها بِجاهد في الجتوب واقفة في شارع مدني شافت شاحنات كتيــــرة شاحنة تيوس
سألت: التيوس دي مِودينها وين؟؟؟
ردوا غليها: التيوص دي مِودينها السعودية!!!
فقالت المرأة بكل عفوية “شكيـــــــتكم لي الله يا الإتقاذ الرجال سفرتوهم للجهاد و التيوس مسفرنهم السعودية طيب نِحن والغنم نمش ويـــــــــــــــــن؟؟؟؟؟

وياإناث الضأن الدور جـــــــايييييكم تمشوا ويــــن بعد ما يصدروا الخرفان ويخلوكم براكم؟؟؟؟
ما تفتحوا خشمكم وتحتجوا دي بقت “جريمة أمن دولة” !!
وأصلاً تفتحوا خشمكم ليه وتحتجوا ليه هي الناس ساكته وما احتجت علي كل الدمار الحاصل في البلد وصامته صمت الحملان تجي إناث الضان تفتح خشما وتحتج “والله عشنا وشفنا قال إناث الضان قال” هي البلد كلها عبارة عن Animal Farm