ساطرح موضوع للنقاش مهم للغاية علينا أن نعرف ماهو الوضع الراهن في البلاد وهل الثورة حققت نجاح وكم النسبة لها
طيب ياشباب انا حاليا شايف انو مافي مطالب اتحقتت لا في حل جهاز الأمن اللا وطني ولا لجنة التحقيق برئاسة أديب عملت حاجه رغم كلو الأوراق مكشوفه و واضحة والجناة موجودين وبالدليل من شهود ومقاطع فيديوهات 🤔 عشان كدا لجان المقاومة ستخرج
✌🏻 مليونية ٣٠ يونيو القادم تطالب بتصحيح مسار الثوره السودانية 👏🏼
اول حاجه لتعلمو جميعا أن جهاز الأمن اللا وطني موجود ويعمل ونفس الناس الكانت بتعتقلنا وتعذبنا وتقتل بلا رحمة شغالين وبنفس العربات المتاحه من الدوله ودي اكبر معضله تواجهنا 😡
لمن طالبنا بتفكيك وحل جهاز الأمن في ناس وقفت ضد الحل وشبكونا كلام فارق لا عندو راس ولا قعر مجرد كلامو خمو بيهو الناس ساكت 🤷🏽♂️
بالفهم البسيط كيف نخلي جهاز تم تعين أفراده وظباطه من نظام البشير المجرم جهاز متربي على الفوضه والقتل والتعذيب ما قادر استوعب الشريحة الدخلوها فينا الي الان بعدم حل الأمن انت انتي منتظره من جهاز زي دا شنو غير الفوضه حل جهاز الأمن واجب وطني وبعدها نقول والله سقطت وثورتنا نجحت غير كدا ح تكون الفوضه موجوده الاعتقالات والاساليب الوسخه من جهاز زي دا محمد حسن بوشي قبل شهر على صفحتو الرسميه كتب
#قبل ما امشي انوم داير اقول ليكم كلام بسيط وبتحدي فيهو تحدي عديل كده
..
اقبضو كل قيادات الكيزان والامن الشعبي
(وهم معروفين بالاسم)
والقتال القبلي في كسلا وكل السودان حيقيف
وكل الازمات بتاعة الخبز والوقود والغلاء حتنتهي فوراً
..
لو مغالطنّي بس كدي جربو
👆🏼 طبعا كلام محمد حسن بوشي ما اظن فيهو شخشخه بالعربي
طيب المسئله التانية لجنة التحقيق في فض الاعتصام برضو كلام ماعندو اساس من الصحة المفروض اللجنة اسبوع فقط لمن بدأت توجه تهم ضد الجناة وعرضهم على النيابه والتحقيق معهم يعني ما محتاجه زمن طويل زي دا في استهبال واضح…
طيب الحاجه الثالثه لازم نعلم تمام انو في أجندة دول عايز موضوع الفوضه وعايزه الحكم الفاسد عشان تنهب ثروات البلد في ناس لعبه كفر علي قول عادل امام مره مع دول ومره مع دول
الحكومة والمعارضه المسلحه هما عملة لوجه واحد المستفيد الغازي او المستمر الخفي المهم الحديث يطول جدا أصدقائي
الان انا انتظر ردودكم وهذا المقال رأي الشخصي
