حزب البشير يرفض نتائج الانتخابات.. طالع التلاعب في الارقام في خبر سونا

نحن ناس الحلفايا وملوكا ما بندي أصواتنا لواحد سفاح اغتصب أراضينا الكنا بنزرعا بعرقنا والسلوكه, وخلوها لينا جدودنا ومن زماااان مملوكه … يلا بلا كذب !وياريت لو الكذبة كانت محبوكه … ساقطين حساب وكل شئ عايزين تخمو ساكت روكه؟؟؟!!!

لوصدقنا الجيلي وضواحيها اماكن السذج البسطاء وقلنا المواطن علي حسب عقلة اما الحلفايا وم حولها هي منطقة التماس ممنوع الاغتراب منها لقطيع الوطني واكاد اقسم لن تجد فيها واحد خنزير وطني

تعرفوا أحمد محمد تاجر وهذا هو اسمه الصحيح من مواطني غرب كردفان ولا علاقة له بالحلفيا ولا بحري ولا العاصمة المثلثة ولكن فوزه المؤتمر الوثني مع أن الدائرة دائرة جغرافية؟!!

تزوير وتوزيع كيكة بدأ قبل الانتخابات مع احواب الفكة المنتفعين الله يرحم السودان بدل مانشيل جنازة الشجرة حقوا نشيل جنازة السودان

بناءا على الصورة المصاحبة للتقرير, اقبال دى ذاتها جات لية للمحل دة, اهو الجماعة الهطلة ديل استغلوا اسم المرة سياسيا وقالوا لينا “فى اقبال على الانتخابات”.
فى داعى يااقبال تعملى كدة, انتى ماعارفة الناس ديل بتوعين حيل وفرص, اهو استغلوا اسمك, وحوروهو لمعنى سياسى اخر خدم سياستهم.
تعرفى يااقبال داير ادى نصيحة وتغنى لجنى الجنه, تعرفى طالبيهم بتعويض وقولى ليهم الاتى :-
1. استغليتو اسمى لمصلحتكم.
2. مرمتو سمعتى السياسية فى الارض, اذ صنفت معكم.
3. استعنتو باسمى جموع كبيرة.
4. صورتونى انا برايا فى المركز, لانو ما كان فى زول بالمركز.
5. روجتو سياسيا باسمى.
اهو وفى الاخير رئيسكم فاز, مع العلم لما جيت للمركز, انا صوت لواحد تانى مش البشير,
لكل هذه الاسباب مجتمعة, وفوز رئيسكم باستغلال اسمى اعلاميا. انا اطالب بتعويض وقدرة (مليار جنية سودانى), وهذا مبلغ زهيد بالنسبة لكم, ويمكن ان يوجد بجيب اى واحد من منسوبيكم.
واذا ما ادوتنى التعويض, حامش للمحكمة الجنائية الدولية, والتى تعرفوها زى عيونكم, واضيف مطالبتى دى لجرايمكم, وشيلوا شيلتكم, انا عاوزة حقى بس.
ورزق المجانين “اقبال” عشان تمشى الانتخابات تانى, على الهبل “المؤتمر الوطنى”, عشان يترشحوا تانى.
والله يكون فى عونك, واعلمى ” ماضاع حق وراءة مطالب” وبالتوفيق وشدى حيلك.