المريخ يترقب قرار نادي نجران السعودي لاطلاق سراح محترفه الكنغولي ديبا..ويشكل لجنة ثلاثية لترشيح المدرب الاجنبي الجديد ويستقبل اليوم حارس الجيش القطري
جدة: هيثم محمد علي
امن مجلس ادارة نادي المريخ علي استقدام مهاجم فريق نجران السعودي الكنغولي ديبا للاحتراف بصفوف المريخ في التسجيلات
الرئيسية القادمة وكثف المريخ من اتصالاته باللاعب والنادي وينتظر الاجتماع المهم الذي يعقده النادي السعودي اليوم لاكمال الاتفاق النهائي بين المريخ واللاعب والنادي السعودي.
يجدر ذكره ان المريخ سبق وان فاوض اللاعب ديبا في الفترة التكميلية للتسجيلات الا ان مدرب الفريق السعودي وقتها رفض اطلاق سراحه للمريخ.
[COLOR=blue]المريخ يشكل لجنة ثلاثية لترشيح المدرب الاجنبي الجديد ويستقبل اليوم حارس الجيش القطري[/COLOR]? كون المريخ لجنة ثلاثية امس برئاسة السيد جمال الوالي ومحمد جعفر قريش والكابتن عادل ابو جريشة للبحث عن مدرب اجنبي للفريق للموسم الجديد في اعقاب قبول خطاب الالماني كروجر وستقوم اللجنة بترشيح المدرب الاجنبي الجديد في غضون الايام القليلة القادمة.
حارس قطر يصل اليوم للاحتراف بالمريخ
يصل الخرطوم بالخطوط القطرية اليوم حارس مرمي فريق الجيش القطري جلال عمر جبارة الله توطئة للانضمام الي كشوفات المريخ بعد ان رشحه الكابتن فتح الرحمن سانتو وثناه الحارس العملاق حامد بريمة.
قوون
حارس من قطر وحارس من فلسطين وبكرة حارس من اليمن انتو ياناس المريخ السودان الكبير دة مالقيتو ليكم فيهو زول يحرس المرمي دة؟؟؟؟؟
الطيب سند—الهادي سليم—حامدبريمة—ديل مش من السودان…….اقعدو فتشوا للحراس من برة لمن تمشوا اسبانيا وتتفاوضوا مع كاسيس زاتوا؟؟؟؟!!!!
لو عندكم قروش ماعارفين تودوها وين شوفوا ليكم مجموعة من الناشئين والبراعم وجيبوا ليكم مدرب حراس زي حامد بريمة وبعد فترة حايكون عندكم ثلاثة او اربعة من احسن الحراس في السودان وافريقيا والعالم العربي…..
ليهم حق يجيبوا حارس من بره,اذا كان حارس المؤتمر الوطنى والجيش والسودان مانافع0:cool: :cool: :cool: :cool: :cool: :cool: :cool: :cool: :cool:
الرئيس النميري كان مريخابي ماذا استفاد منه المريخ؟؟؟؟؟ واذا وردي هلالابي ماذ سوف يستفيد منه الهلال؟؟؟؟؟؟؟ هو المشكله من هو الهلالابي ولا المريخابي أيها القوم؟ المشكله يا أيها القوم من الذي يلعب في الهلال ومن الذي يلعب في المريخ وماذا سوف يضيف للهلال أو المريخ؟؟؟؟؟؟؟؟؟؟؟
لجنة تسجيلات يراسها ابو جريشة متخصص مواسير صدئة الله يكون فى عون كرة السودان