الخرطوم:محاسن أحمد عبدالله
تشهد أروقة محكمة الاحوال الشخصية بجهة الاختصاص في مدينة بحري بولاية الخرطوم، هذا الاسبوع مداولات جديدة في اغرب قضية بسبب الزواج.
وتعود الحيثيات الي إرتباط فتاة شابة من اسرة معروفة عاطفيا باحد الاشخاص رغم اعتراض وتحفظ أسرتها الشديد علي الشخص ورفضها كل العروض التي قدمت لها من اخرين تري الاسرة انهم غير مناسبين لابنتهم.
فيما أكدت الفتاة حبها الشديد للشخص الذي تم رفضه وأنها لن تتزوج غيره ولن تقدم علي الهروب معه للاقتران به كما فعلن فتيات مؤخرا -حسب قولها-
وتقدمت الفتاة للمحكمة الشرعية بطلب اذن للزواج كما طلبت شهادة الدكتور علي بلدو بوصفه مؤسس مدرسة الرومانسية في السودان للادلاء بشهادته وتدعيم موقفها ،موضحة بأن الحب سببا كافيا لزواجها حتي من دون موافقة الولي والوصي والمجتمع ككل.
من جانبه قال د.علي بلدو :(من المنتظر ان تحدث شهادة الخبرة المنتظرة انقلابا في قرارات المحاكم وبابا لانعتاق الفتاة السودانية من السطوة الذكورية والكبت الاسري الذي يمارس ضدها وحلا للظواهر الاجتماعية السالبة التي طفت علي السطح مؤخرا ،وجعل الحب والريدة سببا كافيا لزواج الفتاة حتي من دون موافقة الولي والوصي والمجتمع ككل.)
مؤسس مدرسة الرومانسية
يا ريت لو كنت أسست مدرسة لتحفيظ القرآن تنفعك في حياتك وبعد مماتك .
رومانسية في العالم التالت !!!!!
نحتاج الي مدرسة في الوطنية لتعليم من يجلسون علي كراسي السلطة تقديم المصالح الوطنية علي المصالح الشخصية . في بلد يجوع مواطنه وتهدر حصته في مياة النيل بفعل فاعل في الوقت الذي تجمد فيه جميع مشاريع الري المقترحة كترعتي سد مروي وترعة كنانة والرهد وترعة أعالي نهر عطبرة وستيت وحتي مشروع مياة الشرب من النيل لمدينة بورتسودان.
اسمع يادكتور الهنا ومؤسس مدرسة السجم هو قالو ليك البنية دي اهلها كان ما بريدوها كان عارضوها انت ما تفحص العلة الوليد دا ما لو وعيبه شنو انت مفتكر الرفض دا ركوب رأس ساكت واذا كان موافقة الولي ، الوصي او المجتمع كله ما مهم نان المحكمة الشرعية دي ما واحدة من ادوات المجتمع.
(من جانبه قال د.علي بلدو :(من المنتظر ان تحدث شهادة الخبرة المنتظرة انقلابا في قرارات المحاكم وبابا لانعتاق الفتاة السودانية من السطوة الذكورية والكبت الاسري الذي يمارس ضدها وحلا للظواهر الاجتماعية السالبة التي طفت علي السطح مؤخرا ،وجعل الحب والريدة سببا كافيا لزواج الفتاة حتي من دون موافقة الولي والوصي والمجتمع ككل.)
غايتو كان دا قولك متل الكتوراة دي ما بتناسبنا ولا بتشبه اهل السودان، ثم بعد ذلك هي البنية دي تقعد مع وليانا لحدي المحكمة تنعقد وتجي تشهد ليها انت ودا كله برضاهم ؟ بعدين انت متأكد القصة دي حاصلة في السودان ! عليه العوض ومن العوض!!