«200» ألف سوداني مخالفون لأنظمة الهجرة بالسعودية
10»
الخرطوم : فاطمة رابح: يعاني «10» آلاف سوداني مهاجرون يقيمون في دولة إسرائيل أوضاعا إنسانية معقدة للغاية ،بينما يتم إستغلالهم سياسيا لتحقيق أجندة لضرب السودان . وكشف الامين العام لجهاز تنظيم شؤون السودانيين بالخارج ،الدكتور كرار التهامي،عن معاناة اللاجئين السودانيين باسرائيل من العنصرية والعزل بسبب طبيعة المجتمع الإسرائيلي المغلق.
وطمأن»التهامي» في مؤتمر صحفي عقده بمقر الجهاز أمس لاعلان برنامج مؤتمر رؤساء الجاليات السودانية الذي ينطلق في الثاني من يوليوالمقبل وحتي الثالث منه، أسر الجاليات السودانية بمصر التي تعيش حالة توترعن متابعة السفارة السودانية بالقاهرة لأبنائها هناك،لافتا إلي إحالة ملف الطبيبة القتيلة في مصر أخيرا بواسطة زوجها المصري الجنسية للمستشار القانوني.
إلي ذلك، قدر»التهامي» أعداد السودانيين المخالفين للانظمة الهجرية بالمملكة العربية السعودية ب«200»ألف مواطن ، وقال إن «25» ألف سوداني مقيم استخرجوا وثائق سودانية جديدة، وتعهد التهامي بتقديم خدمة راقية للمغترب تجعله مرتبطا بوطنه، ولفت الى عزمهم افتتاح مقرين جديدين للجهاز في الابيض والخرطوم، وبانعقاد عدد من الفعاليات في «موسم عودة المغتربين» .
ونوه الى مساعيهم لتفعيل منشور بنك السودان الخاص بتسليم ودائع المغتربين بالنقد الاجنبي ولقرب وصول قانون الاتجار البشر الذي اسهم الجهاز في الإعداد له الى منضدة البرلمان.
الصحافة
يستاهلوا الوداهم اسرائيل شنو لو كان قعدوا في مصر مع الحلب ديل احسن ليهم اسرائيل دي معفنة ووسخانة جدا.
الاخ الدكتور كرار التهامى اتحداك ان تقول لى على الملئ عن قرار واحد تحدثت عنه وصدر او حتى اذا صدر نفذ ياأخى اتق الله واعلم انك ملاقيه جهازك يا دكتور هو جهاز جبايه ليس الا.اذكر انه فى عام 2010 حضر لنا احد الاخوه المسؤلين ويدعى عبد الكريم محمد عبد الكريم وهو رئيس الاتحاد التعاونى بالشماليه وبشرنا بأن هنالك قرار امام السيد الرئيس للتوقيع ماهذا القرار قال قرار بخصوص العوده الجزئيه وهويخص العوائل التى عادت للسودان لمصاحبة الابناء والبنات الذين انهو المرحله الثانويه وعادوا للالتحاق بالجامعات وطلع الموضوع كلام فارغ انتم يادكتور تمرستم على الكذب ولا وجود لجهاذل الا للجبايه ولادور لكم مع المغترب فى غربته ولا حتى اذا أراد الرجوع للوطن ونتسائل انا وجميع من اضطرتهم الظروف الى ركوب الصعب ومغادرة الاهل والاحباب (ماذا تقدمون لنا مقابل الجبايه الفاحشه اولادنا يدرسون كما تعلم بالمصاريف الباهظه لاعلاج الا بالدفع والسكن حدث ولاحرج .كل مؤتمرتكم بهرجه واحتفالات وتحضير ومأكله(نأكل مما ندفع)يا دكتور اتقوا الله فينا واتقوا دعوة المظاليم واعلموا انها لاحجاب لها من الله !!!!!!!!!!!
المنشور يحتاج الي تفعيل كما التفعيل ايضا يحتاج الي واسطة ثم تخرج نملة وتاخذ حبة وهكذا القصة المعروفة وعلي ذكر اسرائيل والمهاجرين اليها و( العنصرية)فالعنصرية عاناها ذلك النفر من المهاجرين في السودان وفضلوا الهجرة الي اسرائيل هربا من عنصرية في ديارهم—- العنصرية السودانية يجب ان تقف حتي نطلب من المهاجرين في اسرائيل العودة لوطن يخلو من العنصرية.
يستاهلو هم الوداهم البلد ديك شنو
انا عايش في اسرائيل منذ اكثر من خمسة اعوام لم اسمع ولا رايت عن ما تتحدثين عنه . وبمقارنه مع بعد الدول العربية هناك فرق واسع في التعامل في اسرئيل انا اعمل بدون كفيل حر في عمل حر في اقامتي في اي مدينة اختاره هنالك منظمات تساعد المهاجرين في العمل كي لا يتم استغلالهم المحصل النهائية وللاسف هي اني اكثر راحه من الدول ما يسمع الدول الشقيقة الشئ الوحيدالذي يعاني منه السودانين هي الرجوع الي وطنهم لان هناك خوف من الحكومة الذي شرد كل شعبه 24 عاما وشعب السوداني يعاني من الهجرة
سؤال للحكومة:
ايه سبب تفضيل المواطن الزل والهوان خارج بلده على العيش (كريماَ عزيزاًابياَ)داخل السودان!!!؟؟؟
اسرائيل ، السعودية كلها زي بعض بس افضل من السودان؟؟!!
كل من يحول عمله صعبة للسودان يستلمها فقط بالسودانى و بسعر الحكومه
لا تصدقوا حكومة الكذب
بالنسبة للسودانيين الموجودين في إسرائيل لا بد من حل مشكلتهم بأنفسهم لأن السؤال الكبير المطروح هو كيف ذهب هؤلاء وبهذه الكمية الكبيرة إلى إسرائيل ؟؟؟؟؟؟؟؟؟؟؟ ولماذا إسرائيل بالذات ؟؟؟؟؟؟؟ إسرائيل دولة محظورة للسفر إليها.
أما بالنسبة للمخالفين الموجودين بالمملكة فإن مملكة الإنسانية قد اعطت جميع المخالفين مهلة (3) أشهر لتصحيح أوضاعهم وأنا اعتقد بأن هذه المهلة كافية ، ولكن أيضاً يوجد سؤال مطروح في هذا الشأن وهو كيف يكون الإنسان متغرب من بلده وتحت ظروف قاسية ومع ذلك يكون غير نظامي في بلد يحترم النظام ؟؟؟؟؟؟؟
غايتو الناس الفي السعودية ديل لاحرج عليهم اقلاها ان ماتو هناك بجاورو….لكن الناس المشو اسرائيل ديل مالينا بيهن ..وانشاء الله تبقي عليهم البقت علي الشعيريه…يحشولن البصله ويفرموهن وكمان يفركوهن…هن الوداهن هناك شنو؟؟؟
اوع واحد يقول لي الحرية والديمقراطية…ديل هناك انشاء الله يكونو شافو العنصريه علي اصلها..
كدي خلينا من الكلام دة، إنت جددت إقامتك في السعودية، في المستوصف وله مخالف
هههه شر البلية ما يضحك
التهامي المنافق الكذاب اللص المغترب الغواصة الجعروصة (حسب اعترافه)
نعاني وما زلنا نعانى بوجود اشباه الرجال
لا عذر لمن هاجر لاسرائيل اطلاقا لا يمكن العقل يصدق ان سودانى يهاجر لاسرائيل مهما كانت
الظروف افريقيا فاااااااااتحة ابوابها امشى كافح واشتغل واكسب وعيش محترم وهناك شباب
بجواز دول اوربية لجاْوا لها والان اتجهوا للدول الافريقية يعملون بالتجارة ومرتاحين نفسيا
مالقيتوا الا اسرائيل طيب ما احسن ليكم عذرائيل خارجوا نفسكم يا شباب واضربوا فى الارض
لكن اسرائيل لا ربنا يهديكم
اولا انا في حاله استغراب والغريب في الموضوع انو الراجل المحلفت دا وكما مسئول اللاجيين (التهامي)10 الف سوداني في اسرائيل حالتهم ضعبه جر العنصريه استخدامهم لاغراض سياسيه لضرب السودان )بالله دا كلام شنو يا بني كوز انا حاليا في دوله ال يعقوب واسكن اورشليم القدس ولدي 4 سنه هنا ثانيا انو العدد المذكور اعلاه كاذب السودانين لا يقارب ال 4 الف وانا احد مسئولين هنا كل الشباب الموجودون هنا امورهم ميه الميه وما شي كما ذكره عبر اعلامكم الكاذب .. وبعدين العنصريه البتتكلمو عنه هو احد اسباب لجوئنا هنا وضيق المعيشه ما طلعتو زمتنا عشان كدا شفنا البديل المناسب واخير التحيه لشعب اسرائيل الوفيه والانسانيه
الناس لسة ماشيين إسرائيل ﻻوجود لما تقولون فإسرائيل دولة ديمقراطية هنالك من ذهب الى اسرائيل وعاد الى دولة الذى خرج منها الى اسرائيل ومعه 35000 دوﻻر حصيلة 6 شهور عمل فى اسرائيل واﻻن هو تاجر محترم برضو تقول اسرائيل كذا كذا مافيش فيكم يعرف شى عن اسرائيل ليس هناك من يرقص وهو جائع يامنافقين.ش
يعاني «10» آلاف سوداني مهاجرون يقيمون في دولة إسرائيل أوضاعا إنسانية معقدة للغاية ،بينما يتم إستغلالهم سياسيا لتحقيق أجندة لضرب السودان ؟؟.
بينما فى السودان اكثر من 30 مليون يعيشون اوضاعا انسانية صعبة ومعقدة ومزرية ويتم استغلالهم واثقال كاهلهم بالضرائب الباهظة من اجل زمرة ولصوص قلة تعمل على تفتيت السودان وازالته من الوجود.
زمان لمن كنا بنسمع كلمة اسرائيل الواحد دمه بيفور, و في اللحظة دى لو جنبه اسرائيلى ممكن يقطعه باسنانه. بس الواحد بعد ماطلع بره السودان عرف منو المفروض يتقطع !!!!! الاسرائيلى ارحم من العربى 1000 مره. انا اشتغلت فى جنوب سيناء فى السياحة, الاسرئيلى اقل شى بياكول الاكل البيعمله السودانى, فى عربى بياكل من يد سودانى!!!! ناهيك عن الاشياء الاخرى…وبعدين العنصرية الهناك سببها العرب الاسرائيليين, لسببين الاول لون البشرة, والثانى بيعتبرونهم تهديد لاكل عيشهم. وعندى الكثير من الاحداث لتاكد كلامى. اصحوا يابشر