الخرطوم: الراكوبة
نجحت الشرطة في فك طلاسم بلاغ جريمة قتل هزّت منطقة الإسكان شمال أمدرمان.
وأوقفت شرطة النجدة بمحلية كرري، المتهم الرئيسي على ذمة القضية وضبط أداة الجريمة (سكين) بحوزته.
وبحسب (المكتب الصحفي للشرطة)، فإن خلفية البلاغ تعود إلى ورود مكالمة من الشاكي عبر الهاتف للرقم الخاص ببلاغات إدارة النجدة 999 يفيد فيه بأن شخصاً قام بتسديد طعنة بواسطة آلة حادة “سكين” لشخص آخر وأرداه قتيلاً في الحال وذلك بمنطقة الإسكان مربع 95، وأشار الشاكي إلى أن المتهم ما زال يحمل أداة الجريمة (سكين)، وفور تلقي غرفة عمليات النجدة للبلاغ، تم تحريك وحدتين من أسطول سيارات النجدة إلى موقع الحادث (صابرين وحلايب) حيث تم التعامل مع المتهم من قبل وحدات النجدة والسيطرة عليه واقتياده إلى دائرة الاختصاص بقسم شرطة الإسكان الحارة وتدوين بلاغ في مواجهته تحت المادة (130) من القانوني الجنائي.
طيب وين الطلاسم هنا؛ الطلاسم في حالة يكون مرتكب الجريمة كان مجهول للشرطة، هنا الزول معروف بس مشوا قبضوه!
طيب وين الطلاسم الفكوها؟؟
هسع الطلاسم الفكوها وينها ؟؟؟
حادث قتل تم التبليغ عنه والبوليس مشي لقي القاتل ماسك أداة الجريمة
دي صحافة شنو دي؟؟؟؟
تخلف مريع
الطلاسم فى شنو ؟
فك الشفرة وين هنا زول كاتل لسع شايل سكينو لحقوهو ناس الشرطة قبضو… انتو يا ناس الراكوبة مافي رئيس تحرير براجع الاخبار دي وبدقق في الصياغة، عايزكم دورية الكترونية متميزة طبيز عديم الميز وشخبط لخبط مافي ما بتليق بيكم
وين الطلاسم الفكتا الشرطة؟
زول قتل زول واحد زول ثالث بلغ الشرطة جات الشرطة قبضت الزول القاتل وين الطلاسم الفكتها الشرطة؟
واين هى الطلاسم؟ حادث مشهود ومتهم موجود!!!!!!.
يا هيئة تحرير الراكوبة .. السلام عليكم.. ذبحتونا ذبح بهذه الركاكة المهنية.. “الشرطة تفك طلاسم جريمة قتل هزّت منطقة أم درمان”!!! والصحيح “الشرطة تلقي القبض على قاتل روّعت جريمته منطقة أم درمان إثر ورود بلاغ لشرطة النجدة التي هرهت لمسرح الجريمة وألقت القبض على القاتل”.. أين الطلاسم في هذه الجريمة؟؟!
قمة الغباء…أين الطلاسم فى الجريمة!!!!!!!!!