الخرطوم : الراكوبة
نشرت الطبيبة السودانية (الزلال محمد حسن عجيمي) استشاري الطب الباطني بمركز الرومي الطبي بأم درمان بصفحتها الرسمية على فيسبوك منشورًا بادرت فيه بمجانية الكشف الطبي للفقراء والمساكين وغير المستطيعين، حيث قالت: “اي مريض ماعندو قيمة تذكرة الكشف يجيني في العيادة مجانا ، الوقت وقت وقفة كل السودانيين مع بعض انت بتقدر تقدم شي مجاني ما تتردد قد تحل مشكلة انسان ،فلنتعاون بحب حتي تفرج باذن الله تعالي
وتعتبر “الزلال” إحدى الطبيبات الوطنيات والتي دائما ما تبادر بأعمال الخير وتهتم جدا بقضايا الوطن والمواطن.
اتمني من راش ان يحذوا حذوها و خاصةً الرفيق بتاع مستشفى ابراهيم مالك !!!!
و من لا يعرف راش هم رابطة الأطباء الشيوعيين او الاشتزاكيين و كله عند العرب صابون !!!
ربنا يديك العافيه إنشاءالله لكن الشعب السوداني كلو عارف مرضوا شنو ويعالج نفسه براهو لكن وين الدواء إذا كان ابسط دواء لعلاج مرض بسيط تطاعف 500٪ والبرهان حائم بالطائره لافي العالم ده كلو علي حساب الشعب واستقطاع من قوته بلد م فيها دواء الحوامه لزومها شنو وكمان حميدتي بقي لو ماشي يسلم علي اهلوا لو عندو أهل يركب الطائره والله صور مقلوبه
التحيه لكل أطباء بلادي شكرا لوقفتكم الجاده مع المحتاجين