ثقافة وفنون

السر قدور والموصلي يعدّان نشيد أولمبياد جنوب السودان

طلب سكرتير اللجنة الأولمبية بدولة جنوب السودان د. تونج شور من الإعلامي ومقدم برنامج (أغاني وأغاني) الشاعر السر قدور كتابة النشيد الافتتاحي لأولمبياد النيل الذي تنظمه دولة جنوب السودان الأيام القادمة وذلك من خلال زيارته له بمنزله بالقاهرة.. الاتفاق بأن يتم اختيار عدد من نجوم الغناء السوداني بمشاركة فنانين من دولة الجنوب في أداء النشيد الافتتاحي.. فيما تم الاتفاق بأن يقوم الموسيقار د. يوسف الموصلي بتلحين النشيد..

من جانبه علق الموصلي لـ(خبرك): سأقوم بتلحين نشيد الأولمبياد بعد أن تم إخطاري بواسطة الأستاذ السر قدور الذي اجتمع به المسؤولون من حكومة دولة جنوب السودان.

‫2 تعليقات

  1. ديل ناس قالوا عنا اننا عنصريون وكنا نستعبدهم بدليل انهم اعلنوا يوم لأستقلال جنوب السودان ومن يعلن الأستقلال يعنى انه كان مستعبد ولم يعلنوه يوم انفصال
    انت يا السر قدور ويا الموصلى الناخسكم شنو ويخليكم تؤلفوا لهم نشيد
    بمناسبة اخونا السر قدور خلونى احكى ليكم قصة احد ابناء عائلة بدرى الرباطابية متزوج خواجية ورشح نفسه فى انتخابات بدائرة الرباطاب وجاء من الخرطوم لاول مرة فى حياته يشوف فيها الرباطاب يعمل دعاية لنفسه
    الناس كلها تكلمت وهو تكلم
    طبعا هو متزوج فرنسية او انجليزية لا اذكر
    عمنا احمد ود الهدع حكيم الرباطاب خلى الناس كلها تتكلم وتمجد فى المرشح من ال بابكر بدرى
    صعد عمنا احمد ود الهدع للمنصة وقال للمرشح ياولدى انت بولك بخلت به علينا وبدل ما تكبه فى واحدة من بناتنا مشيت كبيته فى خواجية وعاوزنا نديك صوتنا
    عندنا فى الرباطاب فى تلك الفترة لا تلفونات لا موبايلات لا واتساب لكن الخبر ينتشر كالنار فى الهشيم
    مرشح ال بدرى من امكى محل مايمشى يسمع عبارة ( انت بولك بخلت به علينا عاوزنا نديك صوتنا )
    صاحبنا احرز 3 صوت فقط
    السر قدور انت بولك بخلت به علينا وتمشى تؤلف نشيد للجنوبين
    تعال اترشح عندنا فى الرباطاب

  2. يا جماعة خلو عمنا السر قدور يبول وين ما عايز .. لو كتب ارض الخير فقط لكفاه

    ارض الخير
    من كلمات السر قدور غناء الكاشف
    أرض الخير (افريقيا) مكاني
    زمن النور والعزة زماني
    أرض جدودي جباههم عالية
    مواكب ما بتتراجع تاني
    اقيف قدامها واقول للدنيا انا سوداني
    …………………………………………
    أنا بلدي .. بلد الخير والطيبة
    فيها خزاين .. فيها جناين
    عيون ونجوم بالخير بتعاين
    قمره بيضوي ما بغيب ابدا دايما باين
    نوره بيسقي ليالي حبيبة
    عليها بغني واقول للدنيا انا سوداني
    ………………………………………..
    شمسك طلعت وأشرق نورها بقت شمسين
    شمس العزة ونورها الاكبر
    هلت شامخة زي تاريخي قوية وراسخة
    ملت الدنيا وخيرنا بيكبر
    شمس ايماني باوطاني
    ده الخلاني اقول للدنيا أنا سوداني

زر الذهاب إلى الأعلى