مطعم السودة ..?كمونية? سودانية فى قلب جدة

انتو ما بتشوفوا لاعبينا فى الاندية والمنتخبات كحيانين كيف بالويكة؟؟يعنى جيب ليك احسن لاعب عندنا وخلوه يشوط من خرج منطقة الجزاء وجيب كمان واحدة سريلانكية وخلوها تشوط

بس ما كمونية يااااااااااااااا عثمان قرع

هو دا يعني اول مطعم في جدة.. ولا الشغلة دعاية ومعرفة الكاتب بصاحب المطعم..

وبعدين هذا ما وقت ويكة ولا ام رقيقة ولا أم تخينة.. الناس في شنو وهم بعض الكتاب والصحفيين في شنو…

تقرير غير مفيد وغير مهم البته إن كان زبائن هذا المطعم من السعوديين أو المصرييين أو حتى لو كانوا امريكان..

اكثر ما حز في النفس في التقرير: اقتباس[…..بالرغم من حب السودانيين وولعهم بادام « الويكة « لكن الصحف السودانية نشرت مؤخرا خبرا عن تكوين « جمعيةطوعية شبابية « هدفها مكافحة « الويكة» بادعاء انها « انهكت اجسام مواطني السودان وقال اعضاء الجمعية انهم بعد البحث العلمى الدقيق توصلوا الى ان الويكة « مكون غذائى فقير جدا «انها العامل الرئيس في تدهور صحة المواطن السوداني وتقزم بنيتة الجسمانية للشباب اذ تجد شابًا سودانيا عمره «25»عامًا وزنة 50ك ]

وردي على هذا [ الويكة طولها عمرها موجودة في المطبخ السوداني ولا تخلوا اسرة سودانية بالداخل من وجودها في مطبخها وكانت تأكل مصحوبة بأشياء أخرى في الصينية.. ومرات تكون لوحدها في الصينية ما بعض السلطات الخضراء والحمراء]

ولكن الجمعية الطوعية الشبابية التي تريد ان تحارب الويكة.. سبب هزال الشباب وضعف بنيتهم إضافة للمردود الغذائي فإنا بعتبر أن سهر الشباب وانكافئهم والتصاقهم باجهزة المحمول واللابتوب والشات والدردشة والسهر في الفيسبوك والانترنت والاتصالات المجانية الليلية بعد الساعة 12 هي السبب فيما وصل إليه الشباب…

اقسم بالله كنت في السودان قبل ثلاث سنوات وقد عرفت من بعض الأخوة أن بعض الشباب يكون يتكلم في الجوال من 12 مساء وحتى شروق الشمس يومياً.. بعد ادخاله فقط مبلغ (2) الفين جنيه..

السهر هو السبب كل هذه البلاوي وتغيير الحالة الاجتماعية والإضافات الإلكترونية والثقافية والفضائيات وغيرها زادات من اعباء الإنسان الجسدية والصحية..

فالويكة يا هي الويكة أكلها اجدادنا ومن بعدهم ابائنا ونحن من بعدهم.. لكن لم تكن بها اعباء مصحوبة باعباء صحية زائدة.. فالناس كانت بتنوم بعد سماع نشرة التاسعة ولذلك الوقت تكون قد غسلت وجهك ثلاث مرات لكي تسمع الاخبار وتشاهدها.. اما الأن فتغيرت الحياة..

فالويكة هي الويكة فالويكة ليس لها ذنب ابداً ما حاصل للشباب.. فالحركة الشبابية المفروض تلتفت لمسائل أهم من الويكة…

لاول مرة اسمع في حياتي ناس تحارب اكلة شعبية خالدة خلود قدم الانسان وجيران نيله وانهاره.

كاتب المقال نسي ان يذكر

ان الصعود ( التمباك السوداني ) يباع في تلك البلاد في المطاعم السودانية وبما انه تحت الحظر ويمكن تشبيهه بالقاد نجد ان السودانين هناك يستخدمون مصطلحات خاصة جداً وذلك خوفا من السلطات هناك.
فمثلاً اذا اراد السوداني كيس تمباك ما عليه الي ان يتجه لاقرب مطعم سوداني ويقول لصحاب المطعم اريد كمونية / او ملاح ويكة / او ملاح ضرابه / او ملاح خضرة ……الخ في اشارة الي كيس صعود وبتالي صاحب المطعم السوداني يفهم علي طول ويعطي زبونه كيس الصعود.

كما يمكن الحصول علي الصعود في جدة لدي الترزية السودانين

نادو لي المشتهي الكمونية .. انت وين تعال شوف خبر الكمونية ده ..

يار بي ما فيها قزازة ؟

المشكلة في المطاعم السودانيه في جدة شكلو الماجي زيادة شويه احيانا تحس بوجع في بطنك اعتقد السودة اجودهم وناسو محترمين من العم الجالس يحاسب واليمني البصلح الفول بقي سوداني كل ما يزكرك بالسودان تجده في السودة والمحال الجنبهها

انا كنت صاحب مطعم وللأمانة واسأل اي بتاع مطعم كلهم لحمة مجمدة نيوزيلندية وكلها كتف ولاحظ دائما تحصل لحمة ضلعها كثيرة لانها كتف خروف مجمد وهم من قبل يوم يقوموا بوضع اللحمة في ماء دافي أو فترة خارج الثلاجة ليفك من الثلج ثم يقطع بعد خروج كل الشحم ويتبل
ملحوظة هامة
اللحمة النيوزيلندية المجمدة وملئية بالثلج ارخص اللحوم وتباع بالكراتين وسعر حاليا ما عارف لكن تقريبا 18 ريال لانة يا جماعة لو ذبحوا لحمة سواكنية ما بتخارج

كنت في زيارة الي جدة قبل ثالثه شهور واحد من الأصحاب عزمني عشاء قلت لية نتعشي في مطعم سوداني مشينا مطعم المسودة في بني مالك و الله الذباب لم يتركنا تركنا الأكل كما هو ودفعنا الحساب و خرجنا و قلت الي صاحب المطعم حرام عليكم النظافة من الايمان بأخي نحن جايين نتعشي او نعشي الذباب. وساخة لم أرها في مطعم قبل ذلك