نظام البشير : أفشلنا محاولات أميركية لحظر تصدير الذهب

اولا يا سعادة وزير الدولة بالخارجية..اقعد في الواطا دي وانا العنقالي ده اخت ليك الكلام الما واقع في راسك.. وداير تخمنا بيهو.. قول معاي نمرة واحد:

**نمرة واحد: (قالت الحكومة السودانية، الخميس، إنها أفشلت محاولات أميركية بمجلس الأمن لإضافة فقرات بحظر تصدير السودان للذهب)..الموضوع ده وضعته امريكا لتمرير القرار 2265 وقد اعترضت روسيا والصين وبعض الدول على حظر تصدير السودان للذهب ووافقت على كل البنود التي اتت بالقرار 2265 بالاجماع وهو التدخل العسكري في السودان بموجب البند “السابع” وما أدراك ما البند السابع فانه لا يبقي ولا يذر!!وهذا هو الجوكر الذي فتحت به امريكا على روسيا والصين!

** نمرة اتنين: وبموجب القرار 2265 فقد تم توسيع صلاحية اليوناميد وتم التجديد لها لعام آخر ” ولا ما سمعتا” .. والنظام عامل اضان الحامل طرشاء,, ولكسب الرأي العام الداخلي عمل حميل مات!!!

**نمرة تلاتة: بالتمديد للخبراء لتنفيذ القرار 1591 الخاص بحظر السلاح السابق لما يليه من قرار.. هو أسوأ ما يكون لدولة ذات سيادة..والان الخبير بل قل الخبراء حايمين في السودان بدون اقامة ولا خطاب تحرك!!!

** نمرة اربعة: والله من المؤسف والمضحك والمبكي.. الناس بتتكلم عن الفصل السابع ومآلاته من واقع التجارب وسوابق الاحداث في المحيط الاقليمي..وانت يا سعادة وزير الدولة بالخارجية تتحدث عن خطة خروج اليوناميد؟!! وقد تم التجديد لها.. لتنفيذ ما يليها بعد تقويتها واطلاق يدها تمهيدا للبند السابع! وهل تعرف ما هو البند السابع يا نايم انت !! أصحى !!

طيب اين فائدة ذلك الوطن وحتى بعد تصديركم للبترول؟ الحال زادت سوءا اين تذهب تلك الأموال ؟البلد كل يوم أسعار في السماء لا كهرباء لا ماء غلاء معيشي لم يعرفه اهل السودان من قبل .

يااخوانا اثبتم للشعب انكم فاشلين في إدارة البلد وتطوره؟

قاتلكم الله آنى كنتم يا كيزان.

بختنا فنحن دا قبال الانقاض ما كنا بنحلم بيهو و زي ما فاسد على فاسد كان بيحلم قبل الانقاض يشتري شبشب سفنجة لي مرتو هسا اشترى ليها العمارات شفتو السعادة النحن فيها دي .