من مدني… الخير جاء

المشكلة سياسات ومنهج. لوري مشى وعاد بإبتسامة بناءً على طلب حسين خوجلي. طيب وبعدين؟ فرك الوزير يديه وهو سعيد إستجاب لمناشدة خوجلي. وذهب لقصر الضيافة وعزمكم إنتو الصحفيين فطور تكلفته أكبر من قيمة شحنة اللوري عشان تجو تكتبو زي كلامك الفارغ دا.

بعدين شايفك رميت الحمل على ( رب قائل). سياتك ما (قائل)مع رب قائل دا ولا شنو؟

يا أحمد أبراهيم ديل ناس فاسدين وهم نفسهم فسادهم ما ناكرنو. واللوري بتاعك دا شغل ميديا ما بحل مشكلة. مدني دي والجزيرة كان بتأكل السودان كلو. خلي طالبات الداخلية بحنتوب.

جاي جاري فرحان شايل ليك خبر لوري؟ لوري يخمك واللي بطبل ليهم ديل.

انت يااحمد اخوي كلمة والي دي فنكها ساي ولا شنو وقال الاسم الزبير علي ابن العوام والابو طه علي أفضل الخلق لا حول ولاقوة الا بالله ما كان تقول لي بنزين العربية البتجي الخرطوم تقبض في إخوانك الصحفييين ما بتفطر ليها كم فصل كدا. وبعدين انت ما عارف انو وزير المالية اخر اليوم بشيل حصالة الجباية للوالي .

الاستاذ احمد المصطفى لتعلم سبب الجوع والفقر والضنك والفساد وتعاسة اهل البلد اقرأ كل يوم هذا الورد السياسي 12 مرة ،،،،

من أين جاء هؤلاء ،،،

هل السماء ما تزال صافية فوق أرض السودان أم أنّهم حجبوها بالأكاذيب ؟
هل مطار الخرطوم ما يزال يمتلئ بالنّازحين ؟
يريدون الهرب الى أيّ مكان ، فذلك البلد الواسع لم يعد يتّسع لهم . كأنّي بهم ينتظرون منذ تركتهم في ذلك اليوم عام ثمانية وثمانين .
يُعلَن عن قيام الطائرات ولا تقوم . لا أحد يكلّمهم .
لا أحد يهمّه أمرهم .
هل ما زالوا يتحدّثون عن الرخاء والناس جوعى ؟ وعن الأمن والناس في ذُعر ؟ وعن صلاح الأحوال والبلد خراب ؟
الخرطوم الجميلة مثل طفلة يُنِيمونها عُنوةً ويغلقون عليها الباب ، تنام منذ العاشرة ، تنام باكية في ثيابها البالية ، لا حركة في الطرقات . لا أضواء من نوافذ البيوت . لا فرحٌ في القلوب . لا ضحك في الحناجر . لا ماء ، لا خُبز ، لاسُكّر ، لا بنزين ، لا دواء . الأمن مستتب كما يهدأ الموتى .
نهر النيل الصبور يسير سيره الحكيم ، ويعزف لحنه القديم ” السادة ” الجدد لايسمعون ولا يفهمون .
يظنّون أنّهم وجدوا مفاتيح المستقبل . يعرفون الحلول . موقنون من كل شيئ .
يزحمون شاشات التلفزيون ومكرفونات الإذاعة .
يقولون كلاماً ميِّتاً في بلدٍ حيٍّ في حقيقته ولكنّهم يريدون قتله حتى يستتب الأم
مِن أين جاء هؤلاء النّاس ؟ أما أرضعتهم الأمّهات والعمّات والخالات ؟
أما أصغوا للرياح تهبُّ من الشمال والجنوب ؟
أما رأوا بروق الصعيد تشيل وتحط ؟
أما شافوا القمح ينمو في الحقول وسبائط التمر مثقلة فوق هامات النخيل؟
أما سمعوا مدائح حاج الماحي وود سعد ، وأغاني سرور وخليل فرح وحسن عطية والكابلي و المصطفى ؟
أما قرأوا شعر العباس والمجذوب ؟
أما سمعوا الأصوات القديمة وأحسُّوا الأشواق القديمة ، ألا يحبّون الوطن كما نحبّه ؟
إذاً لماذا يحبّونه وكأنّهم يكرهونه ويعملون على إعماره وكأنّهم مسخّرون لخرابه ؟
أجلس هنا بين قوم أحرار في بلد حرٍّ ، أحسّ البرد في عظامي واليوم ليس بارداً . أنتمي الى أمّة مقهورة ودولة تافهة . أنظر إليهم يكرِّمون رجالهم ونساءهم وهم أحياء ، ولو كان أمثال هؤلاء عندنا لقتلوهم أو سجنوهم أو شرّدوهم في الآفاق .
من الذي يبني لك المستقبل يا هداك الله وأنت تذبح الخيل وتُبقي العربات ، وتُميت الأرض وتُحيي الآفات ؟
هل حرائر النساء من ” سودري ” و ” حمرة الوز ” و ” حمرة الشيخ ” ما زلن يتسولنّ في شوارع الخرطوم ؟
هل ما زال أهل الجنوب ينزحون الى الشمال وأهل الشمال يهربون الى أي بلد يقبلهم ؟
هل أسعار الدولار ما تزال في صعود وأقدار الناس في هبوط ؟ أما زالوا يحلمون أن يُقيموا على جثّة السودان المسكين خلافة إسلامية سودانية يبايعها أهل مصر وبلاد الشام والمغرب واليمن والعراق وبلاد جزيرة العرب ؟
من أين جاء هؤلاء الناس ؟ بل – مَن هؤلاء الناس ؟