انقسام في مواقع التواصل الاجتماعي بسبب صورة لوزير الخارجية رفقة نظيره المصري

الصورة تعبير صادق لحالة العلاقات السودانية المصرية المتوترة وجلسة الوزير تعبير لذلك

رغم اني لست من مناصريهم ، إلاّ انني لا ارى اي إستلقاء لوزير الخارجية !!!

شغل همجي فعلا

let him sit the way he likes .especially infront of the douchbag that is sitting beside him.

عايزنه يقيف انتباه للمصري؟

خليك قاعد قعدتك دي .. مافي داعي تتكبكب في المصريين، عشان يعرفوا حجمهم.

من وين بنعاني من غلاء المعيشة وضنك الحياة ومن وين بنعلق على صورة لا علاقة لها بالدبلوماسية واضح انها جلسة ودية ولا تمت بأي بصلة لمحادثات رسمية ودي عادي بتحصل بين الوزراء والناس بترفع التكليف .. يعني الجلسة قللت من مكان مصر .. ولا وزير الخارجية المصري .. ياريت لو كانت بالجلسات بتقاس الدول .. فوقوا يا عالم احنا ماشين لي تحت شديد اذا كان صورة زي دي بنعمل منها موضوع .. وفي الاخير تبقى العلاقة مع مصر ازلية وتبقى مصر عمق استراتيجية شمالي للسودان تذهب الحكومات وتبقى الشعوب .. وهذا شهر فضيلة نسأل الله ان يتقبل فيه الصيام والقيام والدعاء بدل المشاحنات وتفريغ واقعنا المرير في صورة ..

لو فيه خير ما اتوا به الخونة

من خلال جريدتكم هذه نصيحة لكم وللمعلقين انتبهوا لما هو اهم ودعوكم من هذه التفاهات التى لم تغنيكم عن الخبز والماء والوقود وهذه ابسط حقوقكم ان كان لكم حق عند حكومتكم

الشمار لسع طعمو ما طلع فى الملاح…

انتو يا أخواننا البنزين رقد ولا الموية ولا الكهرباء
العلاج حاله اتصلح ولا التعليم؟
الفساد والهبتة بإسم الجبايات إنتهت؟
الجنيه طلع من العناية والماهية زادوها ولا لسا؟
المؤسسات العسكرية السودانية رجعت لي صحتها ولا لسا مخنوقة منهم؟

يا أخواننا الوجع العندكم دا لو عند شعب تاني كان زماااااااان فرتكها ليهم
فكونا بلا درديري بلا غندور

الدرديرى؟ على السودان السلام

الصورة ما فيها اي حاجة وهي تدل على ثقة بالنفس

جلسة عادية ، الأمريكان يقعدوا وجزمهم في وش الآخرين وما في اي تعليق

انت عايزو يقعد على حافة الكرسى يعنى؟ عالم انصرافية ما عندها شغلة و الله يا ناس الراكوبة بقيتوا مهببن بشكل.

ليس هناك ما يمكن التعليق عليه , جلسة عادية جدأ ولا تعنى شى

الزول ده حا يعمل لسامح شكري ضغط وسكري لو الاجتماعات كترت ده شكلو لايوق لياقة شديدة خلاص كوز بلاستيكي وصواريخو بلاستيكية

قعدة محترمة .. تفش الغبينة

والله قعدة تمام التمام فعلا فيها ثقة بالنفس ياريت لو خلف رجلو كمان

موضوع انصرافي ، يعبر بحق عن أزمتنا العميقة ، زمااان الرئيس السوفيتي خرشوف قلع حذائه عند مخاطبته الجمعية العامة للأمم المتحدة ، أين خرشوف بل أين الأتحاد السوفيتي الذي أتفرتك حتة حتة هههههه

الدرديرى الدخيرى راعى غنم ساكت شن عرفو بالإتوكيت و البروتوكول
ناس ما عندكم شغله

برافو
مثل هؤلاء عايزنهم فى الخارجية . بالذات مع المصرين
قعدة تبعث على الثقة فى النفس
والتعامل بالندية

تمعن ياصديقى في الصورة وأنظر للجانب المملو. اولا وزير خارجية يعني يمثل دولة وليس القرية المولود فيها انظر لجلسة الوزير المصرى وتمعن جلسة الوزير المصرى توحى باحترام الشخص الذى يجلس إمامة وتعبر عن احترامة لحكومتة التى وضعتة فى هذا المنصب ليكون خير ممثل لها وشعبها أمام العالم وتمعن فى جلسة الدرديرى قمة الاستهتار وتعبر عن غرور وتكبر وجهل وعنجهية فارغة الكوز مهما كانت درجته العلمية فهو فى النهاية كوز مقدود تبا لك أيها البدائى

جلسة وزيرنا تعبر عن افتقار لفهم الدبلوماسية … شوف جلسة شكري … عجبي

الشخص الذي يجلس بهذه الطريقة ويضع يده في فمه يفسره علماء النفس بأنه مضطرب وغير واثق من نفسه

مفروض يقابله بفنيلة داخلية

البلاقيك محزم أتمولصلو عريان دا الكلام

نقول كما قال كثير من المدوٍّنين

أن طريقة جلوس الدرديري إنها تناسب الطريقة لتي يتعامل بها الجانب المصري مع السودان.

صدقني افضل شيي مفروض يكون لابس شورت وفانلة وخالف ويرفع كراع في كراع..

زيي الصورة اللي قابلهم بيها الوليد بن طلال لوزيرتهم.. عشان يعرف المعنى كويس

والمفروض يرفع كراعه في الكراع الثانية عشان تكون جزمة وزير الخارجية في وش خارجيتهم

ان شاءالله تكون قعدة بفهم …؟
وما نسمع بكرة من الشمال قامت الشاحنات تتوهج جنوب حامله المدائن والجنائن وحاجات كتيييرة

الصورة تقول: اسمع كلامك الآن يعجبني واسمع كلامك اعلامك اتعجب….!!

جلسة وزيرنا تعبر عن افتقار لفهم الدبلوماسية … شوف جلسة شكري … عجبي

والله المصريين ديل معلمنكو الادب يازول ساكت انت وهو
قبضين على حلايب وشلاتين بعد ان اخدوها حمر عين ورجاله وانت مابتقدر تفتح حتى الموضوع ده فى اى مكان الا فى اسافيركم فقط لاغير
والله نقد تافه وكلام فارغ ماهكذا تقاس الامم والحكومات
انتو وين ومصر وين ياسجمانين

الحين صارت مشكلتنا الدرديري جالس كيف هههههههههههههههه مهزلة

شتان ما بين طريقة جلوس وزير الخارجية السابق علي الكرتي مع الامير وليد بن طلال ،
وجلسة الوزير الدرديري محمد أحمد مع وزير الخارجية المصري!!

رئيس الدبلوماسية السودانية يزور الامير الوليد بن طلال
ويقدم دعوة من البشير لزيارة السودان ـ شاهد صورة حامل الهدية ـ
****************************************
المصدر:ـ “الراكوبة” ـ
ـ 10/10/2011/ ـ
https://www.alrakoba.net/news-action-show-id-31279.htm
استقبل صاحب السمو الملكي الأمير الوليد بن طلال بن عبدالعزيز آل سعود، رئيس مجلس إدارة شركة المملكة القابضة بمكتب سموه بالرياض يوم السبت الماضي وزير خارجية جمهورية السودان السيد علي أحمد كرتي والوفد المرافق له الذي تضمن سفير السودان لدى المملكة العربية السعودية حافظ ابراهيم الرازق والسفير مدير مكتب وزير الخارجية في السودان أحمد يوسف محمد. وحضر اللقاء من جانب شركة المملكة القابضة الدكتورة نهلة العنبر، المساعدة التنفيذية الخاصة لسمو رئيس مجلس الإدارة والأستاذة حسناء التركي، المديرة التنفيذية المساعدة لقسم السفريات والعلاقات الخارجية.

حبذا نحن العرب والمسلمين لوتجاوزنا بعض التفاهات الصبيانية التى لاتسمن ولاتغنى من جوع وننتبه لما هو اهم والعتاب على جريدتكم هذه لنشر هذا المقال التافه مع الاعتذار طبعا لانى لم اجد تعبير كهذا انظروا الى الغرب وجهتهم دائما للامام وهذا سر تقدمهم وتخلفنا ورمضان كريم عليكم وعلى الامة الاسلامية والسلام

شي طبيعي وقعدة عادية ولكن انتو اللي فيكم عقد نفسية