فلكى سودانى يترشح لـ”رحلة بلا عودة” إلى كوكب المريخ

الزول ده كان بيقدم برنامج علمي في التلفزيون اظن ايام نميري اسمو الكون ذلك المجهول ؟؟؟
عبقري فعلا لكن 2023 اييييييييييييييك بعيدة ومامعروف الحياة من الموت..اها الزينا عندهم ذكاء متوسط او تحت المتوسط يمشوا وين الا كان المريخ بتاع العرضة

ياهو ده الفضل…

مبروك ، خارجت نفسك ، عقبال للباقين !!

سبحان الله يا اخى استهدى بالله انتا ضامن تعيش لعام الفين وثلاثه وعشرين كلام غريب

سلم لينا علي جمال الوالي كان لقيتو هناك وما تنسي تاسس نادي المريخ هناك وتصحبك السلامه ويكفي انك ماشي المريخ واقترح ليهم الاقلاع يكون من العرضه واهو رحله تكون من المريخ للمريخ ونشوف الهلالاب ح يمشو وطنهم متين

والله ربنا يوفقك في العالم الاخر (كوكب المريخ) ، فعلا الكرة الارضية رقم اتساع مساحتها لكنها ضاقت بسبب سلوك هذا الانسان العجيب ، النظام الراسمالى صار يقضي على الاخضر واليابس من هذا الكون ، وعدنا لحياة الغابة ولكن بنمط وثوب مختلف في شكله ومتفق في مضمونه مع انسان الغابه الاول ، هذا على المستوى العام في هذا الكون ، اما نحن المنضوين تحت عصبة دول العالم الثالث عربيا وافريقيا ، صارت حياتنا جحيم بفضل ولاة امرنا بتوجهاتهم الديكتاتورية ومطامعهم الشخصية وتحطيم اي عمل وطننى يهدف الى الارتقاء بالانسان وخلق سعادة جماعية للكل ، لو تمعنا الاسلام في جوهره لاخذنا العبر ولكننا دائما نقتص من الاسلام جزئيات بسياقات تودي لفهم عكس ماهو صحيج وقصدي من هذة الجزئيه ان نبين حينما تحدث الاسلام بالاستعانة باهل العلم والمعرفة بتسير امور حياتنا ، ان نوليهم جل اهتمامنا وتطبيق مايجودوون به من علم ، ولكننا نظل دوما في عزلهم وعدم اخذ رايهم ، علما بانهم هم اصحاب الراي الصائب ، لذلك معظم المتقدمين للعيش في كوكب اخر هم من قبيلة هؤلاء العالم الذين لم يجدوا مساحة في هذا الكون .

ما شاء الله تبارك الله !!. أنا كنت محتار بعد السعودية أمشي وين ؟!!. والآن وجدتها وجدتها وعلى فكرة ما دايرين أي هلالابي في مريخنا .. لكن يا شيخنا 2023 بعيدة خالص وخاصة نحن قربنا للستين يعني بعد عشرة سنوات حنكون في مشارف السبعين .. المهم اشرح لينا الدفن هناك كيف ؟ ومقابرهم وين وكدة ؟!!!.

تخريف . ربنا سبحانه قال ما معناه إن الانسان خليفته في الارض وليس المريخ . ( إني جاعل في الارض خليفة ) . وكذلك التكاليف الشرعية لاهل الارض وكذلك الرسل . لم نسمع او يحدثنا القرءان عن رسول او نبي للمريخ . موطن الانسان الارض . منها خلق وإليها يعود ومنها يخرج مرة أخرى . قال مريخ قال .

ما قلت لى يا دكتور القبله بتاعتك حتكون على اى اتجاه…مريخ قال؟

بس كيفن تتخارج من ناس ضفر وبله جابر وموسى الزومة غايتو الا يشيلوك في نقاله … مريخ قال..

اولا من فوائد الذهاب للمريخ انك تكون اتخلصت من مريخ الارض الذى جاء مصطفى استثمار اسماعيل راعيا له -ثانبا ان اليوم فى المريخ بسبعة ايام يعنى الدكتور ماتبقى له من عمر فى الارض بما يقدر بعشرة سنوات يمكنه العيش فى المريخ سبعين سنة -فاذا قدر له الرجوع للارض مرة ثانية سيجد ابناء بنته فى عمر جده وهو مازال شابا يافعا

سبحان الله ان يعيش رجل وهما منذ ان كان طالبا باداب الخرطوم في سبعينات القرن الماضي و حتى اليوم

سنريهم اياتنا في الافاق وفي انفسهم

شيل معاك موبايل ثريا عشان تورينا الحاصل شنو وشبكتكم هناك شنو والمشكلة السكن كيف ؟؟؟؟

هذا منهج في علم الفضاء يسمى بالإستهبال الفلكي!!!!!!!!

ما تنسى اهلك يشيلوك زاد،، ويكه، وملاح ورق و ما شابهه وعشان تمخمخ شيل معاك صعود
و يا شيخنا انتو كان وصلتو المريخ .. الموضوع من اساسه فايدته شنو؟؟؟؟؟

تحياتي لاهل المريخ فردا فردا من حسن ابو العائلة حتى فيصل العجب ((انتا يادكتور مش قلت ماشي نادي المريخ ولا كوكب المريخ ))

ياخسارة الواحد عندو مشاكل في الاذن الوسطي والجيوب الانفية

ياعمي عايز تمشي المريخ الان في واحد اسمه هري السوداني (زغاوي) مقيم في السويد ميليارديرد دفع مقدم وحجز كل الدكاكين الناصيه هناك في المريخ الناس سجلت زمان ا صحي ياعم

أنا ارشح الجبهة الثورية وكل الفصائل المسلحة بالسودان….

وي وي التاشيرة كيف….جواز سوداني..ها ها احلم..

يا دكتور نجمة ما تعتر ليك على العموم لا اعتقد انو حتقدر تعيش هناك دا لو وصلت طبعاً اسبوع ياخي نحن الشمس هنا ما قادرين عليها انت ماشي ليها دي عقلية شنو دا دكتور في اسبيس تون .

انا خايف تمشى هناك ويلاقيك الترابى بالاحضان وخلفه لافتة مكتوب عليها منسقية الدفاع الشعبى

انا الان عايشة فى المريخ نصيحتى ليك ما تجى لانو هنا حاجات حلوه

اتذكر يا دكتور شيل معاك مصلاية وبوصلة اذا كنت بتصلي عشان اتجاه الكعبة اذا عددكم كبير ممكن تعملو مسجد هناك علي الاقل تسيب ذكري و تكون اول من بني مسجدعلي سطح المريخ من المريخ السوداني يا ناس الهلال مين فيك ماشي القمر كمان طبعا المنافسة شديدة اكيد بعد يومين بظهر لينا واحد

يا دكتور الهولندا 42 الف كيلو متر مربع بي الموية و انت من المليون ميل مربع ماشي وين؟ يعني انت ناقصك المشاكل والا مليان بلمشاكل

ههههههههههههههه والله تعليقاتكم قطعت مصاريني من الضحك

عشان كده شايف كل الناس المريخ المريخ حتى هيثم مصطفى مشى المريخ والله بكره ميسي وكرستيانو وشيراكوفا بتاعت التنس ومورينيو كلهم بجو المريخ حظنا نشيل كاس المريخ

ياانور انا ود عمة امك،عليك الله سريع ،رسل فيزا قبل اقفلوها،فيزة راعي ياانور،عشان ناس الضرائب.

يا مااااااان عمك حسبها صاح 8 سنه تدريب دي براها نهمه,, ماكل شارب نايم ومصاريف والشنو ما بعرفو داك,,, والله تفتيحه يا دوك. O_O

كلو عرفناهو… اها التزاوج دا يتم كيف المريخ..؟

المصيبة نزلتك للمريخ تلاقى الثلاثى المرح الطيب مصطفى و امين حسن عمر و اسحق احمد فضل الله طوالى تنتحر و تكون اول حالة انتحار فى المريخ

اعظم تعليقات ضحكت لمن اتكيفت ها هااااااااااااااااااااااااااااااااه

يافردة شوف لينا رمضان هناك كم سنة عشان نفكر في الموضوع….

يازول بالله شيل معاك (جلابية وسروال وجبه وسديري ومركوب وطاقية وسيف وسكين) يا سمح يازول وفي المريخ خليك زول وطبعاً حتكون أول رئيس للجالية السودانية في المريخ ،،،، هههه ،،، لأنك زول والله مش لو مشيت المريخ لو مشيت ،،،،،،،،،،،،،،،،

قال تعالي وَلَقَدْ مَكَّنَّاكُمْ فِي الْأَرْضِ وَجَعَلْنَا لَكُمْ فِيهَا مَعَايِشَ ۗ قَلِيلًا مَا تَشْكُرُونَ

ارضي بما قسم لك الله عالمنا الفلكي الجليل ولا تهرب من الواقع ساعدوطنك وابناءه وانت انسان صاحب علم ربناسوف يحاسبك عن هذه الامانه يوم العرض عليه لماذا نحن في السودان نظرتنا للحياة تشاؤمية انظر للعالم الهندي ابو الكلام الذي كان يبيع الجرايدكافح وبني نفسه حتي صنع القنبله النووية الهندية التي يهابها العالم اجمع

جوازك الاخضر ولا الجديد
مامشكلة امشي وناس الجوازات بحصلوك وبغيرو
اي زمان اي مكان تغير……..بس شيل معاك رسوم

عليك الله لو لقيت هناك في ناس بعرفو ادخلو اقوان وحارس مرمى كارب رسل عناوينهم لي جمال الوالي

غايتو عادي انك تسافر المريخ لكن بدون عودة دي قوية شوية وكان اهلك اتنازلوا عنك وخلوك يكون ما عندك اهل يا دكتور وما في اي رابط اسري بينك وبينهم

هههههههههه والله السودانيين الانقاذ خلتهم مشو اسرائيل وبلعناها دى لكن يمشو المريخ دى قوية والله ضحكتا لمن اتفنقلتا المريخ عديل .

والضمنك شنو انك حاتعيش ل٢٠٢٣ !؟

ناس الأنقاذ مايعتبروك متمرد …وكده ستفقد المريخ والهلال وتنزل كوبر مع صلاح قوش ولاتلقي الأرض

ولا…..المريخ وخليك سوداني أحسن ؟؟؟؟؟؟

يا جماعة الزول دا فاهم الأوضاع هناك كويس، ومنذ أن كان طالبا معنا في جامعة الخرطوم كان بيعمل وهمات عجيبة ولكن يحسب له أنه كان يقرأ ويثقف الناس عن الكون الخارجي هذا المجهول، دلوقت قال داير يتشبر ويمشي يجرب بنفسو، خلوا اليمشي وربنا يديهو طول العمر للوقت داك والله يسهل علينا وعليك ياخ وإذا ما نفعت معاك ممكن تعمل خروج وعودة نهائية وكدا عجايب آخر الزمن….