هيئة الاتصالات : زيادة الضريبة لمحاربة كثرة الكلام ..!!
بررت الهيئة القومية للاتصالات زيادة الضريبة على المكالمات لتقليل (كثرة الكلام) في الهواتف ، في وقت اتهم فيه خبراء شركات الاتصالات بتحصيل أموال طائلة غير مبررة لرفضها التعامل بنظام الثانية . و أوضح مدير الإدارة الفنية بالهيئة القومية للاتصالات مهندس مصطفى عبد الحفيظ في ملتقى المستهلك أمس ان وزارة المالية قالت ان الهدف من زيادة الضريبة على الاتصالات التي بلغت (30%) لتقليل (كثرة الكلام) .
من جانبه كشف د. الطيب مختار مساعد المدير السابق لسوداتل و مدير المبيعات السابق في موبيتل ، عن رفض بعض شركات الاتصالات للحساب بالثانية ، مشيراً لوجود مبالغ طائلة تحصل بشكل غير مبرر مطالباً هيئة الاتصالات بحسم الأمر مع الشركات ، و أشار إلى ان عدد المشتركين بلغ (23) مليون شخص و إذا بلغ سعر الدقيقة 75 قرشاً كما أشيع فإذا تحدث كل شخص لمدة 3 دقائق فان دخل الشركات سيصل إلى (53) مليون جنيه في اليوم و (19) مليار في السنة ، أي ما يعادل 80% من الموازنة العامة للدولة ، مشيراً إلى ان الوضع خطير في ظل الأوضاع الاقتصادية الراهنة و ان تعرفة الاتصالات لا تتناسب مع دخل الفرد بالبلاد ، مشيراً إلى ان الموازنة الجديدة اعتمدت على زيادة القيمة المضافة على الاتصالات .
من ناحيته قال د. ابوبكر الصديق ان الهيئة ليست الجهة المناسبة للرقابة على شركات الاتصالات و لفت لوجود ما اسماهم بالمافيا و الذين يؤثرون على قرارات الهيئة مطالباً بإتباع المؤسسية في ضبط سوق الاتصالات .
صحيفة حكايات
بررت الهيئة القومية للاتصالات زيادة الضريبة على المكالمات لتقليل (كثرة الكلام) في الهواتف!!!!!!!! انتو الهيئة دى قطاع غير ربحى ولاشنو !!!!!
ادعوا كل المشتركيييين للمشاركة فى المقاطعة اعتبارا من يوم الخميس القادم !!
وللا الحكاية برضو بتحتاج الى تصريح !!!
والله ناس زين بالغو يلا نقوم بمقاطعة شبكة زين لانو مابترحم اخير منها ناس اريبا وسودانى
انتو منعتوا الناس من الاكل والشرب وجوعتوهم كمان عاوزين تكمموا افواههم لعنة الله عليكم
تعالو نعمل مقاطعة للكلام الكتير : كل واحد ما يستعمل الموبايل لمدة يوم اولاً . وبعد داك شوفو الجرسة بتاعة شركة الاتصالات وانا اول واحد من الان ما استعمل الموبايل لمدة اسبوع . قبل خمسة سنين ما كنا بنعرف موبايل ماذا يحصل اذا عدنا للوراء خمسة سنوات وناس بش بش رجوعنا قرن كامل . فلنبدأ المقاطعة الان
صباحكم سوداني لان زين بقت غالية ياحليل السودان
المواطـــــــــــــــــــــــــــــــــــــن هــــــــــــــــــــو مــــــــــــن يمكـــــــــــــــــنه وضــــع السعر البعجبه !
كـــــــــــــــــيف ذلك؟؟؟؟؟؟
ببســــــــــــــــاطة:::
مقاطعــــــــــــــة الاتصـــــــــــــــــــــــــــالات لمـــــــــــــــــــــــــدة اسبوعــــــــــــــــين
وبعـــــــــــــــــــــــــــــــدها شوفوا النتيجـــــــــــــــــــــــــــــــــــــــــه
اذا كــــــــــنتم جادين فى اســــــــــترداد حقوقكــــــــم فلنبدأ حمـلــــــــــته المقاطـــــــــــعة
والا فالصــــــــــــــــــــــــــــــــــمت افضــــــــــــــــــــــــــــــــــــــــل
ولا تـــــــــــــــــزعجونا بالصياح والاحتجــــــــــــــــاج العقــــــــــــــــــــــــــــــــــيم
في بلد تحكم بقانون البصيرة ام حمد لا نستغرب اي جديد مدهش – فالبصحى بدري يسن قانون لعصر الشعب الفضل .
علما بان اسعار الاتصالات قبل الزيادة كان الاعلى عالميا ومعروف انو الشبكة في العالم الاتصالات بين مشتركيها مجانا هنا برضو بيشيلو عليها اجر حتى الفضفضة في الونسة بقيتو تبيعوها لينا
التجربة بتاعة اللحمة نجحت فبضم صوتي لصاحب الاقتراح بان تكون المقاطعة لمدة 3 يوم
زيادة الضريبة لمحاربة كثرة الكلام !!!!!!!!! والله الواحد قدر ما يقول يبعد من كلام السياسة والكلام عن الحكومة يجو ناس الحكومة بكلام يخليك تتفجر من الغيظ انشاء الله يا مهندس مصطفى عبد الحفيظ تتكلم براك زى المجنون وزول يسمعك مافى وتمشى وتقطع فى هدومك وتكورك زى ديك الحبش وصوتك الجنبك ما يسمعو انشاء الله حلقك يغلبو النفس ولسانك يقلبو النطق وماتعرف تقول اسم ابوك ويغلبك التعبير الا يدوك ورقة وقلم عشان تعبر .. وانشاء الله يدك بالشلل ما تقدر تكتب به حرف الالف وعيونك بالعمئ ما تقدر تشوف بيها القلم يا حقار يا مستهتر يا لئم …ما نتكلم بنتكلم بحق ابوك ما دافعنو من جيبنا ويمين وعرق جبين قايلو سارقنو زى جماعتك …والله استهتار ما بعدو استهتار..:mad: :mad: :mad:
معقول أن يكون الشعب السودانى وصل إلى هذه الدرجه من الغباء فى نظر الحكومه حتى تقول له الغايه من الضريبه تخفيف كثرة الكلام! يا له من استخفاف ما بعده شئ من الإهانه
يا جماعة فكرة المقاطعة دى فكرة جميلة وتطبيقا حيبين انو الناس متحدة ، على الرغم من انو فى ناس بتعتمد على الاتصالات فى اعمالا ، لكن لو الغالبية قاطعت حتى لو لمدة يوم او يومين حتجيب نتيجة
وممكن الناس تستخدم الرسائل النصية كخيار بديل
بالمقارنة مع دولة الامارات ، 5 دقائق من السودان للإمارات تساوي دقيقة من الإمارات للسودان . بس دخل الفرد لا يتناسب .
اكواد التحويل لنظام الثانية
زين
#60*100*
سيتم الغاء خدمة الاهل والاصدقاء
ليس هناك معلومات اضافية وموقعهم لا يعطيك معلومات
http://www.sd.zain.com/Arabic/Pages/home.aspx
سوداني
#60*1*
الثانية 0.3 قروش يعني الدقيقة بي 18 قرش بيناما في نظام الحساب بالدقيقة بي 15 قرش
الاسعار من غير الضريبة
لمزيد من المعلومات راجع الموقع
http://www.sudani.sd/PublicOne/Content/Mobile/BasicServices.Prepaid