مواكب مليونية “الخميس” لتعيين الولاة وتشكيل “التشريعي”

Why did not you show these demands last immediately after signing the agreements with the killers? why were you keeping silence during the last six months? why just now and not before?

مليونيات المحاصصات والكفوات متين. ،ولا دي خلاص خلصتو منا واتقاسمتوها. ،انتو قايلين الناس دي غبية

بصراحه مليونيه الخروج لتعين ولاه و أعضاء المجلس التشريعي من غير الانتظار لممثلين من الحركات و المعارضه المسلحه بتعتبر كسيحة و ح تولد لينا تاني نفس أشكال ناس اللي ماقادرين ينفذوا قرار تفكيك المؤتمر الوطني و المصادرة للأموال المنهوبه و خلين أعضاءهم كمان يمرحوا و يقندلوا و ينقنقوا في الإعلام زي ما حصل حاجه اسمها ثوره . بالمنطق كدا ، افضل ليكم تصبروا و تقبلوا كلام الحركات المعارضة و تقنعوا ناس عبد العزيز الحلو و تشكلوا حكومه تشمل الجميع و الا الوجوه اللي طالعين ليها عشان تجيبوهم و اللي الصادق المهدي قال داير فيهم نصهم من حزبو ديل ح تجي و تحنكر في المكاتب ساكت و الحاله ياها الحاله ذاتها و لا واحد فيهم ح يعمل شي و لا واحد فيكم بيقول بقم ! و انتو عارفين انو الناس دي كلها دايره اعاده هيكله لكل المؤسسات و تقلقل الحركات المسلحه في الجسم المكون العسكري الحالي اللي ما حصل فيها اي تغيير و لسه شغالين كتل في السودانيين ديل و اللي ما مخلينكم تعملوا حاجه واحده ايجابيه ضد المؤتمر الوطني ديل و اللي اكيد بدون توقيع سلام شامل ما في زول فيهم ح يقتنع بيكم عشان ناس السلاح ما بيقتنعوا الا بناس السلاح زيهم ، و دي منطقهم . و انتو بس ، كلامي دا اتذكروا كويس عشان المندسين اللي بيشجعكم علي التظاهر لتشكيل ولاه ولايات عرجاء ديل دايرينكم تستنفذوا كل كروتكم و الناس بعدين تجي تجوط لامن يلقوكم ما عملتوا حاجه و يحولوها انتخابات مبكره اللي السيد الصادق عندو معلومات عنها و بدا يجهز حزبو و الدعايه لها مبكرا ، و هو زول معروف دايما بيزوغ منكم في اللحظات الأخيرة و يبيعكم في سوق النخاسه زي ما باعكم في اعتصام القياده . ، اصلو انتو كم مره دايرين تلدغوا من نفس الجحر !!؟ و انا من زمان بكرر ليكم تحذيري انو طفيلي النخب المركزيه ما دايرين دخول الهامش في القرارات السياسيه عشان بفقدهم سيطرتهم . ح يحاولوا بكل طريقه يسبقوا المفاوضات و دخول الهامش ، و هسه بعد شويه بيعلنوها طواري اللي رفضوها ليكم و معاها انتخابات مبكره و الكيزان طبعا جاهزين و يجوا ليكم ناطين ليكم من الشبابيك و يحتلوا كل المقاعد و يدوروا تاني حرب مع الحركات و يحنكروا عليكم و الدوره دي لو مسكوها تاني لا مظاهرات تحلكم و لا إضراب مدني تحلكم عشان أصلوا رايحين يطبقوا فيكم قانون شيل التلت و خلي التلتين يعيشوا ، و كلامي بتذكروا كويس بعد الفاس يقع في الرأس !!! احسن حاجه زي ما اقترح الأخ هوشي علق ، اعملوا المليونيه بعد ١٤فبراير عشان تضغطوا علي الحركات يوقعوا علي السلام الشامل و الخروج في الوقت داك فيها مبرر شعبي علي أساس الحركات مع ما متماشي مع الرأي الشعبي و في الوقت داك العالم كلو ح يقيف معاكم عشان القضيه قويه . أما بتاع يوم الخميس دا فيها ريحه ما حلوه علي الإطلاق .