ابحثوا عن البنوك

تدهور قيمة الجنيه مرتبط بالاقتصاد الكلى للبلد والتى نتجت عن التدهور فى القطاع التقليدى يا البونى يا بروف قولو الحقيقة

والله يا الاستاذ مافي شىء ضيعنا الا البنوك الحرامية جونا في دول الاغتراب واخذو قروش المغتربين بالمساهمات ولم يجنو عليها الارباح وحتى الشخص اللي اشتري اسهم ب الفين الا ثلاثة الف دولار عندما اراد ان يبع اسهمها قالوا له اسهمك دا يجيب لك 3 ج بالله دا كلام بلد كلها حرامية ونصابين ، شوف الدولار كان بكم عندما جاؤوا الجماعة الكيزان وحسع كم

عندك مع الناس ديل صفقة وما تموها ليك ولا شنو شاني عليهم هجوم عاصف بلا خبرة يا سيد البنوك ذيها وذي اي تاجر يأسر في ويتأسر باقتصاد البلد الغلاة مربوط بسعر عملتك مقابل الدولار وقوة عملتك بتأتي من نوعية وكمية صادراتك مقابل وارداتك والمسؤل من الكلام ده الدولة اما البنوك دورها فقط مشارك لا موجه كل حسب حجمه وكان للعملة الصعبة بتاعت بنوك القطاع الخاص جميعها لا تعادل عملة بنك ريفي في بريطانيا هل تعلم ياسيد الازمة المالية المرت بامريكا وادت لانهيار بعض البنوك هناك بنك ترتيبو الحادي عشر في امريكا اعلن افلاسه عند التصفية وجرد الموجودات كان مجموعها 480 اربعمائة وثمانون مليار دولار بعداك تعال اتكلم عن بنوكنا ودورها في الحراك الاقتصادي 0

خلاص اتحلت هاهو السيد الرئيس يلتزم بقهر الدولار !!!!!!!! الدولار سيادة الرئيس ينخفض بالانتاج ثم رفع الانتاج . وقبل رفع الانتاج وقف الحرب . وقبل الاثنين ضرب المفسدين . ان الدولار لا يقهر بالكلاش . بل يزيده ارتفاعا على ارتفاع

هم عارفين يعملو شنو .. ورينا نحنا نعمل شنو ..؟؟

الكورة عند امثالك يابروف .

أقتصادي سوداننا الحبيب ينقسموا الي ثلاثة أقسام قسم ركب الموجة وانخرط مع عصابة الجبهة ومهد لهم الطريق للسرقة والنهب المنظم في وضح النهار وأخذ نصيبه وأغتني وكون نفسه ببذخ واضح وهو علي علم تام بكل الأعيب تجار الجبهة والبنوك المنتشرة في الخرطوم كأنتشار النمل حول بقعة العسل الماعندها سيد ؟؟؟ وعلي رأسهم عبقري الأقتصاد السوداني عبدالرحيم حمدي الذي يعرف عنه كل من المقربين منه وموظفي بنك السودان أسرار تلاعبات خطيرة تؤدي الي السجن المؤبد في اي بلد بها حكومة وطنية مسؤولة امام الله وشعبها ؟ ومن ضمن هذه التلاعبات ان مهد لأبوه الروحي صالح الكامل صاحب بنك البركة لأخراج مبالغ كبيرة من السودان وجد فيها صعوبة في اخراجها بأن ساعده في انشاء بنك جديد يقوم عن طريقه بأخراج تلك الأموال وبعدها يقفل ؟؟ جريدة الفاينانشيال تايمز اللندنية وصفت الخرطوم بأنها غابة من البنوك وجيوش من الجياع والأطفال المشردين ؟؟؟ البنوك لاتفتح وتضييع وقتها في بلد مافيها فلوس سايبة وبلداً عندها وجيع وحكومة وطنية ؟؟؟ واحسن مكان لها بلد يكون حاميها حراميها ؟؟؟ بلد رئس الدولة فيها يرأس بنك كبير( أمدرمان الوطني ) كل مساهميه من كبار رجالات الجيش والسلطة وحريمهم ؟؟؟ فماذا يتوقع من هؤلاء ؟؟الفلوس السائبة هي ما يدخله المغتربين في شكل دولارات ورقية عن طريق المسافرين للسودان وتصارع فيها تجار العملة والبنوك والحشاش يملأ شبكته والت تقدر بأكثر من عشرة مليار دولار سنوياً ؟ وهم متطرين لأرسالها حتي لا يموت اهلهم من الجوع والمرض وليس لهم خيار آخر ؟؟؟؟
وقسم حفظ المقرارات واصبح موظف يؤدي مايؤمر به وتطبخ الطبخة امامه ويعمل نايم ( شاهد ما شافش حاجة ) وآخر الدوام يلف جريدته والي بيته والخواف ربي عياله ؟ اما القسم الثالث فهم من الأقتصاديين الوطنيين الذين يعرفون كل الأسرار والخمج والجرائم الأقتصادية التي يرتكبها النظام الفاسد بمساعدة البنوك الفاسدة وعلي رأسها بنك فيصل الحرامي الذي يذبح علي الطريقة الأسلامية الترابية الحاج نورية ؟؟؟ وكذلك بنك البركة الذي اغتني منه صالح الكامل واصبح وجيهاً وبعد ان تزوج صفا ابو السعود الممثلة المصرية الفاتنة اصبح يتكلم في قنواته الفضائية التجارية الماجنة عن الفضيلة والأسلام ؟؟؟ هذين البنكين ممنوعين في كل الدول العربية ما عدا مصر والسودان حيث اللغف النظيف والفساد علي أصوله ؟؟ومن البنوك التي تشيراسماء مؤسسيهاالي فعائلها مثل بنك السلام ومن مؤسسيه المتعافن وخرباش الأماراتي الذي ادين في بلده بالفساد وجرد من جميع مناصبه ؟؟ وعرمان الشاب الوطني الذي يدعو للسودان الجديد وطرحه الثوري في الطريق انشاء الله ؟فيا اقتصادي السودان الخبراء الشرفاء اكشفو لنا المستور أكثر وأنشروا الثقافة الأقتصادية التي حرم منها شبابنا وتمشي عليهم الآعيب جحافل اللصوص من الخارج والداخل والذين يمتصون دما شعبنا المنهوب قاتلهم الله ؟
اتمني ان يقوم احد أقتصاديينا الشرفاء بكشف المستور وتعرية البنوك التي نهبت وساعدت في نهب السودان وتلاعبت بتجارته ومحاصيله وأبرمت الصفقات المشبوهة مع لصوص الداخل والخارج وعلي رأسها بنك فيصل والبركة والآن ببلوس والسلام وغيره ؟؟؟ومالحال الذي وصل اليه السودان الآن الا بسبب هذا النهب المنظم علي طريقة الذبح الأسلامي ؟؟؟

تحياتى اليك يابروف
انت يالبروف عارف الحاصل ماتلف وتدور قولها اى شخص فى السودان يدرى من هو سبب المشكلة والله يكضب الشينة
الحمد الله على كل حال لو ليك اليوم بكرة عليك
مصيروا الشعب يرجع حقوا قربــــــــــــــــــــــــــت :cool:

يابروف لك التحية سؤال
تحت ادارة من تلك البنوك
الإجابة
تحت ادارة الحكومة
بعد كدا يابروف ابنى مقالك