الهلال يحقق مع غارزيتو ويمنعه من التصريحات
الخرطوم: محمد الجزولي:
لم يجد مجلس الهلال مفراً أو مخرجاً للخروج من المطب الذي وضعه فيه غارزيتو غير إستدعاء المدرب الفرنسي ومساءلته حول تصريحات الأخيرة من أجل صب الماء على النار التي بدأ لهبها يتصاعد فوق أسوار النادي بعد أعلان جماهير الهلال رفضهم التام للتصريحات المدرب التي وصفوها بغير الدبلوماسية، حيث عقد مجلس الإدارة نهار أمس اجتماعاً مع الفرنسي ديغو غارزيتو مدرب الفريق، بحضور الأمين البرير رئيس النادي وهاشم ملاح الأمين العام المكلف وعثمان خالد نائب أمين المال وخالد بخيت مدير الكرة، حيث حقق المجلس مع غارزيتو حول تصريحات الأخيرة بحق كابتن الفريق هيثم مصطفى وسأله عن الدوافع التي قادته الى هذا التصرف الذي ربما قاد إلى حالة احتقان وسط أنصار النادي، وقد أعلن له البرير عدم قبول المجلس للطريقة التي يتحدث بها عن اللاعبين وقائد الفريق خاصة، وإلزامه بعدم الإدلاء بأي تصريحات أو إجراء حوارات صحفية في الفترة القادمة الا لقناة الجزيرة الناقلة لبطولة الكونفيدرالية. وقد تقبل غارزيتو قرار المجلس مؤكداً احترامه الكامل لأنصار النادي وكابتن الفريق هيثم مصطفى وتعهد بعدم الإدلاء بأي تصريحات في الفترة القادمة. كما ناقش الإجتماع برنامج إعداد الفريق للمباريات القادمة، خاصة لقاء القمة أمام المريخ في العشرين من الشهر الجاري ضمن مباريات الجولة الأخيرة لمجموعات الكونفيدرالية مع التفكير في معسكر خارجي لأسبوع واحد بالعاصمة المصرية القاهرة قبل انطلاقة نصف النهائي وذلك لخلق مزيد من الهدوء والإبتعاد قليلاً عن الأجواء المتوترة، إلا إن قيام المعسكر مربوط بموافقة إتحاد الكرة بتعديل برمجة مباريات الفريق في الدوري الممتاز ومعرفة مصير منافسة كأس السودان بعد ان أشار بعض مسئولي اتحاد الكرة لإلغاءه هذا الموسم بسبب إزدحام برنامج المنتخب الوطني وفريقي الهلال والمريخ.
ومن جانبه أبدى الفرنسي غارزيتو مدرب الهلال خوفه من ردة فعل جماهير الهلال بعد تصريحاته الرافضة لمشاركة هيثم مصطفى قائد الفريق في المباريات القادمة، وأشار غارزيتو خلال لقائه برئيس النادي انه يريد الحماية من مجلس الإدارة ضد ثورة الجماهير والهجمة الإعلامية الشرسة التي يتعرض لها هذه الأيام حتى يعمل في جو هادئ ويجهز الفريق للنصف نهائي الكونفيدرالية ومباراة القمة ضد المريخ في العشرين من هذا الشهر.
آخر لحظة
البرير بونية موجود سوف يهلهل كل من يتعدى عليك لفظيا بخطافية يسارية مجيهةويرديهفى الحال فأبشر بطول سلامة يا جار سوطو
ليه حق الرقاص الخايب يخب جماهير الخيبة دي ألف سنة, خلاص بقيتو الأسمو البرنسيسة ده صنم و بتعبدوه كمان؟؟ بالله هيثم شنو و قرف شنو البيخلي إدارة نادي تتدخل في شغل المدرب. ألله يخرب بيت السودان أكثر كمان يا وهم. الناس بتموت من الجوع و جيوش الغنم مشغولة بهيثم و البرنس. عالم وههههههههههههم
ياجماعة الخير الرجل قال رايه من ناحية فنية وهو حر ويدري ماذا يقوم لانه مدرب وليست ترزي وانتوا قولوا رايكم من الناحية البتعرفوها جمهور غريب؟عشان الهبالة والعوارة دي ما حنتقدم شبر لي قدام؟يامكوجية
ماكن لك بهذا التصريح ايها المدرب المبتدئ .. لم تكن موفقا فى تصريحاتكم .. والاجدر لك ان تركز فى اعداد الفريق للاستحقاقات القادمه وتترك المهترات التى تهدم ولا تبنى .. ودعك من هثم مصطفى فهو شجره ممتده جزورها فى الهلال منز 17 سنة سابقه …
مدرب غير هثم مصطفى ماعندو شي .. كان الاجدر بك على ان تعمل على ايجاد صانع العاب بديل لهيثم لانو وضح جليلا بان الهلال بحاجه الى صانع العاب لتمويل المهاجمين … ولان كل من تم توليفه فى هذه الخانه فشل ….
دعك من هيثم وحاول غير من طريقه وخطه لعبك العقيمه دى لانها بتلحقنا امات طه بعجلة.. ولان دورى نصف النهائي لا يحتمل المجازفات والتجريب .. لابد لك الان فى ان تكون على علم بمستيات وامكانات لاعبيك والتى لا تتناسب مع طريقه لعدبك الحاليه فوجود ثال ثه فى الدفاع هذه اثبتت فشلها الزريع … لابد من وجود عمر بخيت مع علاء الدين مع هيثم كصانع العاب فى وسط الملعب وهذا هو خط الوسط الذي يجب ان يكون عليه الهلال فى الفترة القادمه حتي يتثنى لك الفوز بالبطوله .. ومن بعدها امشي غير ماسوف عليك والقشه ماتعتر ليك
هذا الهيثم أبلد من خلق الله , يا بليد لعبتة بما فية الكفاية, هذا المدرب أداك فرصة دراسة للتدريب في فرنسا, دي حتكون شهادة تأمن ليك مستقبلك في السودان وخارج السودان. دي فرصة العمر بالنسبة ليك, إنت لا دكتور ولا مهندس ولا تاجر. دا أداك حاجة قيمة في مجالك إنتهز الفرصة, وإلا سوف تندم مدا حياتك.
نرجو ان نعلق من غير سب او شتائم او اساءات قال رسولنا الكريم صلى الله عليه وسلم ليس المؤمن بطعان ولا لعان ولا فاحش ولا بذيئ.
هيثم ذكى . قدر يعمل شغل داير ليهو عالم كبير ويكون بتاع علم نفس . قدر يوهم الناس انو اهم زول وبدون هيثم مافى كوره . ذى الكيزان اوهمو الناس انو لو فتنا نحن بيجيكم الصادق او الميرغنى . واخير ليكم نحن بسرقتنا دى من ديل .. ياخ والله نحن شعب وهم وماعندنا فرق من القرود
ولو عاوزين تتاكدو من كلامى ده افتحو الراديو الصباح وشوفو برامج التلفونات وشكاوى الناس الماعندهم موضوع وشكلهم عطالة كلهم . ياخ والله ………… احى انا منكم
انت جهلة فى كل حاجة سياسيا ورياضيا جمهور جاهل و لاعيبون جاهلون وادارة اجهل منهم جمعيا ماشفت الاتحادالعام بيقع فى ابلد الاخطاء زى (مشاركة مساوي )لانهم ماعندهم علاقة بالرياضة واحدة بتاع صيدلية والثانى بتاع طرق وجسور ديل بتاعين الكرة فى البلد والله غارزيتو افهم منكم جميعا و الكلام القالو صحيح 100% انت بتقول لهيثم العجوز المنتهى عمرو فى الملاعب سيدا والسيادة لله . الزول دا عمرو ماجب كاس خارجى واحد يعنى لاعب محلى وبس لوعندكم لاعب زى صمويل ايتو حتقولوا له الله عديل انت مابتعرفوا حاجة فى ا لكرة خلوا غارزيتو يعمل الدايرو وحيعمل الهلال زى مازيمبي والجاهل عدو نفسه
الحلبى دا حكايتو شنو مع البرنس؟؟؟؟ والله كترا شديد
نحنا جمهور الهلال دايرين هيثم دائما موجود فى كل مباراة….. ختى لو ما لمس اى كورة….. انشاءالله يقعد ياكل تسالى فى دائرة السنتر
فكونا منه غارزيتو ولا جن احمر
مدرب المبتدئ؟ غارزتو هو الذي صنع كل أمجاد مازمبي … والله لم يكذب لمن قال بأن الحقد جنسه سوداني … ألمجرد أنه قال ما لا تودون يصبح الرجل مجرد مدرب مبتدئ؟
أنا لو محل غارزيتو ما أقعد مع الغنم ديل يوم واحد
قال شنو قال سيدا