وهمْ تصعد بتصويت الجمهور وشيرين تنقذ ابن السودان!!
صلاح حسن
وقف الثلاثي وهم، ونايل، وكرار صلاح، بين يدي الجمهور إنتظاراً لنتيجة التصويت وخلال الانتظار قال المشتركين كلمتهم فبدأ نايل، أحب أن أقول لشيرين شكراً على المجهود وتعبت معنا وشكراً للجمهور ومبسوطين هنا، وقالت وهمْ، شيرين هي إنسانة عظيمة وإستفدت منها كثيراً وتعرفت على صابر وعاصي وكاظم، والجمهور العظيم مقدرة ما يقومون به معي ولن أنسي موقفهم، وقال كرار، أحب أن اوجه تحية لشيرين وللمدرين العمالقة والبرنامج خطوة مهمة في حياتي وخاصة عندما تكون مع ملكة الإحساس.
حاول عاصي الحلاني أن يساعد شيرين في الإختيار ما بين كرار ونايل فقال، نايل ستار بكل ما تحمله الجملة من معني وكرار شهادتي مجروحة فيه وكرار كنت منفعل زيادة عن اللزوم وكنت مهيبر زيادة وضيعت شوية من إحساسك وبشهادة صابر، وأتمت شيرين، أنا هقول الإسمين واللي صقفته هتكون أكبر هختاره، وإختارت نايل.
الفجر
شكراً يا نايل يا ود مدني بلد الفن والإبداع على إمتاعنا، وتجربتك الفريدة التي ميزتك على الفنانين الشباب السطحيين، ووضعتك في مضاف العمالقة أمثال وردي وعركي وأبو اللمين وأفراد عقد الجلاد..
يا صلاح انت حفظت الكلام في الحلقة وجيت تسمعو لينا بيجاي ، كان ممكن تكتب الموضوع بطريقة اجمل من كدة ، على العموووم مبروك لنايل التاهل
سامحنى يا نايل بدل 37 رسلت رقم 36 ووهم فازت عليك بنيران صديقة بالجد زعلت من نفسي شديد لمن الرسالة جاتنى وهم تشكرك للتصويت .
لكن المرة الجاية بوعدك بعشرة رسائل يا راقي انت .الف مبروك للسودان
هو صلاح ولي مشارك معاهم؟؟؟؟؟ اتمني ليهو الفوز بالمسابقة
والله لم افرح لنايل وكنت اتمني ان يطير من المناسبة ولاسباب
نايل لا السودان وما بغني بالسوداني وحتي سلوب المخاطبة ضعيف ولا يعرف التحدث وبخجل يتكلم بلغة اهلو ولا قال ما بعرف يغني بالسوداني خلاص الود مايكل جاكسون ياخي في واحد منتظر ان يفوز وقدم نفسه ان شرين صحبتي? عشان كدة بفوز
نايل سودانى اصيل سواء غنى للجغاريو…ولا غنى انترناشونال.
من الصعب ان تكون شيف فى هيلتون.
ومن السهل جدا ان تتعلم عصيدتنا فى 5 دقائق.
الغنا السودانى وسلق البيض هين…ادعموا الولد ليفوز ويصبح ستار بالدرب الصعب.
جربنا البداية بالمديح و الحقيبة…وانهينا باننا لانخترق الحواجز.
برافو نايل.
ما شاء الله يا نايل وربنا يقدمك للأمام .علي الرغم خفت عند لحظة إختيار شيرين لما بين نايل وكرار .
الفاز منو يا شباب ورونا انا والله ماعارف نايل ده وصل وين ولا طار زى مريخنا وهلالنا (مالى هينة كعب الجاى و كعادة الفرق السودانية و حسب الوضع الاقتصادى و حال البلد الجعانة كورة شنو وفوز شنو ( لانايل بفوز ولا الهلال حيقدر يواصل ( عشمى واملى فى الفنان نايل) وبقول ليهو خليك فى غناك وانسى السياسة )
ركاب دربين وقيع
ومساك دربين ضهيب
والله فرحت لنايل وللسودان علي الرغم من إن لم يغني باللون السوداني في وسط الحضور العربي الكبير (والفرحة زادت خصوصا لحظة إختيار شيرين بين نايل وكرار ).بس كلمة حق وهم دبحتنا مثل ماقال عاصي. غنت بشكل رائع .
هو يا اخى الحاجات دى حاصلة وين…نحن ما جايبين ليها خبر…رايحين جايين بين ميدان شمبات ودار المؤتمر السودانى
المهم غنى وأطرب من له أحساس نحن لا نمجد اللغة العربية المهم هو سودانى وغنى بهذا الوصف نحييك يانايل وتبآ للآعراب والعربية
اذا كانت مصر ام الدنيا فالسودان ابوالدنيا .
المصريين يعملون علي كل الاصعده لاعلاء شان يلادهم ارجو ان نكون علي قدر التحدي و خصوصا معركة استرداد كرامة الوطن بارجاع حلاييب لحضن السودان من الحلب المحتلين .لكن هذا لن يكون مالم يتوحد الشارع السوداني لاسقاط نظام الكيزان .ارجو من نايل تصحيح خريطة السودان علي التي شيرت
حلايب سودانية و عاش السودان حرا مستقلا
الآن لدينا فنان عالمي يمكننا الاستماع اليه بحس مختلف بعد ان فرض نفسه في عالم الفن من بوابة MBC1…….
نايل فنان سوداني مبدع ولد في الزمان العجاف بعد نضب المعين الفن السوداني لسنين طويلة تسيد فيها المتهجمين على الساحة الفنية فأفسدوا الاغنية السودانية وهبطوا بذوق المستمع لدرجةة الاسفاف……
هنيئا لنايل وهنيئا للشعب السوداني وهنيئا للسودان بولد ينقل آماله واحلامه عبر رسالة الفن الى الشعوب التي تفهم لغة الفن المعبرة عن الشعوب الاخرى…….
تعرف يا نايل لم تلعبها صاح دخلت فى معترك سياسى وضيعت على نفسك فوز عظيم
انا لو كنت مكان كنت تحدثت عن السودان وعن شعراء السودان وفنانى السودان بصوره اوسع وجميله وكنت اتكلم عن السلام وان يعم البلد السلام وان يعيش العالم بسلام وان تنتهى الحرب بالسودان ويعود السودان كما كان سودان العزه والكرامه كنت تتكلم باسلوب سلس واسلوب راقى مملؤ بالقيم والوطنيه بدلا من تضيع نفسك وتصير فى معترك مع اهل السياسه الان بسبب اغنيه يارئيس يا كذاب
فقدت مجموعه كبيره من المتعاطفين معاك وانت فى تجربه ربما تكون الاول بلا منازع
اتعلم من الايام
وخلى عندك حنكه ودبلوماسيه وتكلم عن السياسه بشكل عام انتقاد بناء
على العموم اتعلم من الايام
وبرضوا بقول ربنا يوفقك
يا شباب حاسي انو حلقة امبارح مطبوخة بين المدربين وادارة البرنامج لزيادة الحماس وزيادة الدراهم لعدةاسباب مع احترامنا للسيدة وهم والمدربة الرقيقة شيري والاسباب هي 1 / شيرين كان حتكون في موفق حرج جدا جدا لو التصويت رشح نايل (ودا اكيد ولكن لا نشكك في زمة المنسقين من التصويت وبعدين نسبة التصويت في واحد بشوفها يعني علي كيفهم ) لانها حترشح وهم علي كرار وحتكون المرة التالتة شيرين تدخلها المنافسة وكدا تكون تحيز واااااااااااااضح جدا وكذلك نفس المشهد في موقف ( خولة وستار) في فريق كاظم 2 / شيرين حتقل شعبيتها عند اهل وبلد كرار 3 / نايل كان هادي جدا وكانوا كان عارف الحيصل 4 / المنافسة في الحلقة الجاية حتكون بين مسخنة لو وهم دي دخلت وتكون بين اكبر جمهورين في الوطن العربي السودان ومصر ودا في مصلحة البرنامج تذيد الشعبية وتذيد التصويت ودا في المصلحة المالية ختاما نرجو التوفيق للشاب نايل مع ملاحظة انو امبارح كانت تنقصه الاناقة التي عهدناها في الحلقات السابقة وبجد هو وخولة حلوين وانشالله في النهائي
لو ما فزته ما مشكله كفاك كنكيشت البت شيرين ههههههههههههههههههههههههههههههه
الود عامل فيها مايكل جاكسون كان تغني ليهم سيفك اللي الفقر قلام او حتى ريله ياريله الله لي من ديل السكنو الجزيرة
الناس ديل لا نحنا بنشبهم و لاهم بشبهونا بطلوا الوهم البتسوو فيه ده
رغم عدم متابعتنا لبرامج المغنى و الهشك بشك الا ان فوز شاب سوداني يسعدنا بعدما صغرت حكومة السجم وشنا في كل مكان …. نحيي في هذا الشاب موقفه السياسي من حكومة الكذب و القهر و رئيسها الراقص الاكبر و الكذاب الاشر و ذلك ما رفع قدرهذا الشاب في اعيننا….
شعب من المبدعين تحكمه عصابة من اللصوص و القتلة فاقدي الانسانية و الاحساس!
مبرووووووووووووووووك نايل تاهلك واتمني ان تكون ذا فويس وانت بنظرنا ذا فويس والي الامام
أولا مبروك لنايل … صح كلامك (((نوارة)))اختى …صراحة ما كان يقول شيرين صاحبتى دى… طوالى المذيعة قالت ليهو شيرين استاذتكم وبتبذل جهد عشانكم ما عارفة ليه قال كدا … كمان شيرين كان عاملة فى صفو أمس أحسستها اتجابنت… ليه تقول أترك الاختيار لجمهور الاستوديو ؟؟؟ ليه ما تختاره مباشرة ؟؟؟ اذا كان جمهور الاستوديو ما اختاره ماذا كان حيكون موقفها ؟؟؟ هنا ظهرت حقيقة المصريين تجاهنا فى الأول كان كلام ابن النيل والأسمر ومش عارف ايه … أخيرا نفسى نايل فى ءاخر حلقة يغنى أغنية سودانية واذا بقولوا العرب ما بفهموا غنانا عندنا كثير من الأغانى بالعربية الفصحى مثلا (((داوى نارى والتياعى)))لزيدان ابراهيم له الرحمة والمغفرة وكذلك (((أغلى من لؤلؤة))للكابلى رد الله غربته على سبيل المثال لا الحصر والكثير الكثير … أتمنى ذلك لأنها الفرصة الوحيدة ليسمع كل الناس أغانينا السودانية الرائعة والجميلة …
مع احترامنا وتقديرنا لكل المعلقين ولكن هل يعتقد اكثر المتفائلين بان هذا الشاب (نايل) لو لم يغنى بالاحنبى هل كان كان سيصل حتى مرحلة التصويت ؟؟ رغم ان الفن الغربى بالسلم الخماسى والفن السودانى ايضا بالخماسى ولا فرق سوى الايقاعات فلدينا ايقاع التمتم والدلوكة والدليب واياقع السيرة ولديهم البوب والرقى والراب والجاز وغيرة كلو واحد لكن المدهش بان العرب يستمتعون بالغربى والخماسى اذا غناه ففتى سنت او مايكل جاكسن او غيرة رغم عدم فهمهم للمفردات ؟؟
وهذا هو السر المر الذى جعل ولدنا (الذكى والطموح) ان يتحايل عليهم لانة فهم نفسيتهم ورفض الغناء بالسودانى بحجة انة لا يعرف الغناء بالسودانى او العربى عامة ؟؟
ياترى هل هذة الطريقة اراحت هؤلاء المصريين واللبنانيين من مشاركة شخص افريقى فى عقلهم الباطن من الغناء بالعربى ؟
هل يعتقد بعض الغاضبين من هذا الشاب بانة تنكر لسودانيتة من خلال تهربة من الغناء بالسودانى لنكن منصفين هل تعتقدون بانة اى نايل اذا تقدم لهذة اللجنة فى اول مراحل اختبار الصوت فرضا اذا غنى لهم المسافة او البنت الحديقة او الطير المهاجر ؟او غربة وشجن او غنى لهم سواااح على طريقة المبدع النور الجيلانى .. هل تعتقدون بانهم سيجيزون صوتة ؟؟؟؟
اراهن بان هذة اللجان التى اشرفت على ارب ايدل وذا فويس لو رجعنا بكبسولة الذمن ووقف امامهم الراحل محمود عبد العزيز بكل جبروتة وعنفوانة واسطورتة وكارزمتة الفنية التى تشبة الماورائيات لسخرو منة وقالو لة (شوو بتحكى ) ..
وللعلم بان سطوة الحوت واسطورتة لم تنبع الا من خلال ثقتة فى نفسة وقناعتة بالفن السودانى والثقافة السودانية فمحمود لم يعير الفن العربى ادنى اهتمام ولم يلتقت للفن الافريقى او الغربى الحوت هو الفنان السودانى الوحيد الذى لم يكن لدية عقدة الغناء العربى ولم يكن يعنى او مهجس بعدم استثاقة الذوق العربى للاغنية السودانية ولا يعنية من امرهم شيئا رحمة الله هذة احدى اسرار عظمتة ..
نعتقد بان الشاب نايل فعل شيئا لنفسة وهو يعنى ذلك وقد نجح ولا اعتقد بانة لا يدرك بان قصة الغناء الاجنبى هذة ستنتهى مع مراسم the voice وهو شاب ذكى وقد اوصل رسالتة ..
با شباب ليس صحيحا ان العرب لايفهمون الغناء السودانى , ولكن الصحيح هو إن العرب لايريدون فهم الغناء والفن السودانى بل لا يريدون حتى مجرد محاولة للسمع والتفاعل ويعود ذلك للعنظزة والعجرفة الفارغة التى أشتهروا بها, فهم يرون أنفسهم أكبر من أن يستمتعوا بالفن السودان , هذا فى الوقت الذى يطربون فيه للأغانى الغربية وهم لا يفقهون فيها طظ من سبحان الله .