(حقوق الإنسان) تتابع قضية شاب اعتدى عليه ضابط شرطة

الجديد شنو فى الموضوع ده . اول مره تحصل ! وما حتكون آخر مره

ما تعاينو لضابط الشرطة دايرين نعرف اللماهو معاهو شنو انا عمرى فاق الخمسين عاما لم اتعرض فيها قط لاى موقف سالب من اى ضابط فى السودان او جندى هذا ليس دفاعا عنهم هم اجدر بالدفاع عن نفسهم لكن الحقيقة مبتورة تأخذون نصف الخبر لزوم الاثارة ضد الشرطة والحكومة نحنا دايرين نعرف عمل شنو المعتدى عليه
امكن فعل شى يستحق عليه كسر رقنته وليس الشى البسيط المصور

الضابط شوه وجه الولدالظاهرغيران منوالله يطولك ياروح

(زار وفد من المفوضية القومية لحقوق الإنسان الشاب محمد حاتم)
وين كانت مفوضيتكم دي من الانتهاكات الدائره في جبال النوبه والنيل الازرق ودارفور
ولا حتى الحادث المماثل مع الشهيده عوضيه قبل ثلاثه اشهر هل هناك اختلاف بين ؟

قبل ثلاث سنوات بعد يوم عمل شاق عدت الى منزلة المتواضع فى هامش المدينة الوديعة كمن امني النفس ان اجد الخلود والسكينة ولكن على قول اولاد بمبة يافرحة ماتمتش اذ
بالحاجة (سكينة) جارتى تقول لي الحق يا (مختار ) الولد ( سيد) قبضوه الحقو فى قسم الشرطة قلتا ليها ولد منو قالت لى ولدي. بعد ما النعسة طارت سألتها مالو ا
قالت لى. اشكل مع نقيب شرطة . فى شنو وشنو اللماهو مع نقيب شرطة شنو اللما الشامي مع المغربى .
قالت والله ياسيد ياخوى وانت فى العمل حسيت بشوية تعب مع المغربية قلت لى مختار جيب ركشة ودينا المركز ألفى اول الشارع. بتاع دكتور (الشفيع ) وفعلا مشينا المركز وحجزت نمرة
6 ستة والبت احترمتنى شديد وكنت تعبانة وجارت لي كرسى جنبها المهم دورى جاء قالوا نمرة ستة بس جا واحد لابس جلابية. معاهو مراه (زوجتة) محننة وتوش داخل للدكتور قام
مختار قال ليهو ياخي حركتك ماجميلة وما لذيذه ياخي النمرة دي أمي وانت شايفهاتعبانة شديد كيف. اها ابوجلابية قال ليها اعمل حسابك وخليك مؤدب. حقيقة مختار انت عارفوا
احمق قال ليهو انا مؤدب اكتر منك لكن مابتدخل قدام أمي اها اشتبك مع مختار
فجاه طلع ليهو موبايل قام ضرب 999. وفعلا جأت العربية وقال ليهم سيد اخوى وربنا يسالنى الزول دا ماتفكؤهو الا لما اجي القسم والبلاغ افتحوهو باسمى. انا الزول عايز أدب
اها انا اللحظة ديك تاني ما حسيت باى شى الا وانا فى البيت هسة ابوهو مشا لحقو فى القسم. الحقيقة انا حسيت فى الوقت دا انو الزول ممكن يكون محتال وماظابط شرطة
لانو ناس الشرطة حتى لو كانو بعضهم عندهم تصرفات مكتسبة من الاسرة الا ان البعض لايمكن ان يصدر منهم ذلك
قلتا ليها ياحاجة سكينة موضوعكم دا اذا كان بالطريقة دى الزول دا تعب معاى شديد اول حاجة بكرة من الصباح وانتي معاي نمشي نشتكي لمدير عام الشرطة وإنشاء الله نصل
الوزير ذاتوووو. والصحافة ناهد علم وأعلام الشرطة وأخد علم لانو الشرطة بتضحى من اجل المواطن وبتساهر على امنو لانو دا شعارهم لكن حكاية موتى احسن من امك دي
غريبة
المهم زهبنا الي القسم لقيت ابو مختار قام ببعض اتصالاته بواحد عميد فى الجيش تصوروا الزول جا من وين اخر البلد عشان يشوف الحاصل شنو سالت دا منو قالوا لي دا
خال مختار ولما عرف الحقيقة لم يصدق فقال للضابط النقيب يا ملكي ياخى دي واقدر امك والله انت مثال سئ لضابط الشرطة ياخي دى زولة تتباهى شديد وكان ممكن تتاخر
شوية ياخي
لكن انا هسة يتأصل بالفريق عادل العاجب وبوريهو تصرفاتك دي الا انه بادر بالاعتزار والتاسف وقال انه فعلا تسرع وقال انا بحضر للحاجة وعشان اعتمر ليها

المهم

ضباط الشرطة القانون قد لايطالكم لكن تذكروا ان هناك رب لايقفل أبدا قال ادعونى استجيب لكم
كل وسط مهني لابد ان يكون فيهو شواذ فالأمر الشاذ لايقاس عية ولايتوسع فيه
اعرف الكثير جداً من رجال الشرطة والضبطية المحترمين ولكن تصرف احدهم مثل التصرف هذا يعم الامر على الجميع

>>> اعربت المفوضية عن قلقها .. !!
… الاعتداء ظاهر فى الصورة .. وبشهادة المفوضية .. (تسنامى) او خليها تنامى ظاهرة اعتداء منسوبى الشرطة تجاه المواطنين .. وفى النهاية النتيجة اعراب عن القلق فقط ..؟! دا ياهو القلق ذاتو بام عينه يا مفوضية حقوق الانسان الضائعة ..!!

ياجماعه الخير لو عرف السبب بطل العجب الرجاء عدم الاصطياد في المياه العكره و تسيس الموضوع اولاد الحاره الرابعه عارفين وفاهمين . اطلعوا منها

مش الواحد يعرف نتيجة التحقيق فى الاول؟؟ وفى حد عارف المشكلة يا احوانا؟ يعنى مثلا انت ضابط ومش لابس يعنى ماشى عادى ولقيت شاب بيعمل حاجات غير مالوفة او ناطى فى بيتك لو لقيته بسرق عربيتك, واى ممكن يتصرف تصرف غير طبيعى اذا كانت الظروف غير طبيعية وما نحكم ساكت ولا عايزين نظلم واحد

الدول المتقدمه في العالم يتخذ من شعار ,,,( الشرطة في خدمه الشعب ) منهجا وتطبيقا ,,
في السودان (الشرطه في خدمه السلطان وخدمه الطاغوط) ,, وهو رمز للقهر والاستبداد .. ومعروف ان معظم منتسبي الشرطة السودانيه هم من المنحرفين والساديين والفاشلين و الذين لايمتلكون ادنى قدر من الثقافه والمعرفه ,,
لوحدثت مثل هذة الحادثه في امريكا ,,, اول شئ يتم ايقاف الضابط من العمل لحين الانتهاء من التحقيقات في القضيه,,, واذا ثبت ادانته ,, يتم تجريده من رتبته وربما ,,السجن ايضا
تخريمه,,
اخبار,, قضيه الضابط قاتل عوضيه شنو؟؟!!!

تعقيب على / محمــــــد أحمـــــــد
ـــــــــــــــــ
و قد يكون و قد يكون و قد يكون يا محمد أحمد .. تتعد الأسباي و الأخطاء التي تستوجب ( كسر الرقبة).

لكن هل من حق هذا الملازم أن يطبق القانوت بيده ؟؟؟ و بقية الخبر المنشور أساسا في الصحف أن هذا الملازم قام بالإعتداء بالضرب على ( الحريم والأطفال ) و ( داخل المنزل) !!!! أين يكمن الفهم للعمل الشرطي هنا ..؟؟ ( واضح غياب المهنية) .
أقدر لك ( حظك ) في نيل رضا ( الشرطة عامة) فأنت من المحظوظين ففي بلدي يوجد الكثير من الشرطيين الذين لا يفرقون بين ( الواجب المهني) و ( الشأن الشخصي) و للتوضيح بعيدا عن هذه الواقعة أضرب لك مثلا ..( طبعا أنت خمسيني و محظوظ) .. أي عسكري يوقفك في مخالفة مرورية يجب أن لا يتعدي الأمر بانك خالفت المادة كذا و هذا من الناحية القانونية يستوجب كذا .. ( علاقة ظرفية يجب أن لا تتعدى حدود المخالفة) إنتهي .. لكن هل هذا هو الواقع ؟؟ لا يا محمد أحمد .. في الواقع تجد الشرطي ( يتصيد )لك الأخطاء و في أول بادرة نقاش تجده يرد عليك ( إنت داير تعلمني شغلي و الا شنو؟ ) و إن لم تصمت فالويل و الثبور لك ..( لو ما إتهزأت ) فستقاد لقسم الشرطة و نجد هذا العسكري يترك موقعه و يأخذك غصبا عن( أهلك) فقط ( ليثأر) لنفسه مسببا فراغا في موقعه و معطلا للمواطن صاحب المخالفة و مسببا لأشغال العاملين بـ( قسم الشرطة ) في موضوع لا يتعدي فرض عقوبةالمخالفة على المواطن … هذا مثال واحد لضعف شرطتنا في السودان التي لم تهتم بتدريس ( العلاقات العامة ) لمنسوبيها و لم تهتم بتعريفهم بأن العمل الشرطي ( وقائي ) في المقام الاول( كما تظهر لنا شرطة المرور في أحد البرامج التلفزيونة)لا شبكة ( لأصطياد ) الناس و فرض الغرامات عليهم و ليت ما يجمع يدخل خزينة الدولة لترصف الطرق أو إنارة الشوارع أو وضع لإشارات المرورية في التقاطعات ،لكن بكل أسف يدخل جزء منها في جيوب بعض القلة ( التافهة ) التي تسللت لجهاز الشرطة و الجزء الباقي يصرف ببذخ في أشياء لا يستفيد منها كلا المواطن و جهاز الشرطة ..!!!
مكامن الخلل تحتاج لندوة يا محمد أحمد و ليس هذا ( النفاج الصغير في الراكوبة) لكن عبره ننوي إن شاء لله نسعى لخلق مكون وعي يمكن الجميع من معرفة حقوقهم و كيفية الحصول عليها او إنتزاعها إن أضظروا إلي ذلك .
و قبل ان أختم أسألك مثل ما سأل (ود محيريب) .. ( عوضية عملت شنو عشان تقتل برصاص الشرطة) هل كانت تحمل ( متفجرات ) !!!( هنا تغيب المهنية و الإحتراف )، و ماذا تم في قضيتها ؟؟ هل تمت التسوية و تم دفع الدية لأهلها ؟؟ و إن حدث ذلك فما هو الإجراء الذي إتخذته الشرطة بحق ( ضابط تجاوز كل الأعراف الشرطية و تصرف بشكل غير مهني) و أطلق النار على مواطنين عزل مما تسبب في موت (المواطنة ) ..عوضية.. ( لاحظ مواطنة مش جندي في حركة العدل و المساواة) ..!!
طبعا أي عاقل حيقول أبسط شيء أن سشكل له مجلس محاكمة عسكري يقضي على أقل تقدير (بفصله) من الخدمة كما يفصل أي (طبيب) “يتسبب” في موت أي مريض ..( لعدم الأهلية و ضعف المهنية)..
و سلام يا شرطة و سلام يا محمد أحمد ..

منذ متى كانت لجنة حقوق الانسان تحمىينا او تتدخل فى شؤؤننا ولادى بدعه جديده قال حقوق الانسان قال امشو جيبو حقوق الفلسطينيين وبعدين تعالو اتفاصحو معانا ولاديك غشان اسرائيل ابشنب ليكم ياجبناء بس شطارتكم هنا تقدرو تزورو الفلسطينيين فى بيوتم اتحداكم ياجواسيس

هو فى انسان اصلا عشان يكن فى حقوق
ياخى فكونا
المواطن السودانى زيو وزى الكديسه ممكن تدهسو سياره فى الطريق ولا فى زول يقول حاجه وممكن يضربو عسكرى جديد ما يساوجزمه ويقتلو ولا فى احد بيتكلم ياخى الشرطه فى السودان عصاااااابه ومحتالين ومجارمه كلهم بى الضباط بتاعينهم لكن الله غالب

كل المعلقين ماناقشين الموضوع الشرطة شافوا الناس نايمين في العسل رغم الحاصل عليهم فضحوا بالزول وضربوه قالوا يمكن الشعب يصحى زي المصريين والتوانسه ولكن لو جربتوه في نص البلد برضوا مافي فايدة وغطيني يازول

ياناس الضباط في الشرطة و الجيش بتعدوا في حد مهامهم الاساسية, اذكر و نحن في معسكر خالد بن الوليد (قبر الكلب للخدمة الالزامية) في ضابط من هذا النوع المريض من اشباه الرجال(اسمه عمران ) فتش حقيبة احد المجندينووجد فيها خطاب من خطيبة المجند و صورة لها و هذا شئ طبيعي لكن عمران المريض قرأ الخطاب امام كل المجندين دون مراعاة للخصوصية لان لان هذا النوع من اشباه الرجال لا يعرف الخصوصية حتى في موضع شرفهلانه ليس له شرف مع ان( منطقته تسمى الشرفة )و بعد ان قرأ هذا المتخلف الخطاب للمجندين وجد صورة خطيبة المجند و عرضها لكل المجندين و بعد ذلك طبق عقوبة الطيارة قامت للمجند البرئ نسأل الله ان يفضحك يا عمران اما اهل الشرفة و امامكل خلائق الله و يوم المعشر

اللهم لاتسلط علينا من لايرحمنا حسبي الله ونعم الوكيل

انتوا تعالو فلاحتكم في المواطن المسكين …. الضابط السوداني همة الاول بتين يتخرج من الكلية ويضع الدبورة عشان يحشش في المساكين من المناظير العجيبة التي اشاهدها في السودان بتاع الامن يظهر المسدس او كما يحلو لهم الطبنجة من تحت قميصة حتي يقول لخلق الله يناس ياناس انا بتاع امن يا جماعة الناس وصلوا القمر ورجعوا منة زمان والان الحرب شي اصعب من تخيلتكم الحرب اليوم حرب لكترونية ….. ولذا يا بتاعين الدبابير اصحوا من نومكم حتي لا يفوتكم القطار وتتسببوا في قتل مسكين اخر في بورتسودان بجهلكم المركب وبعدين التحشيش في المساكين بيضيع هيبة السودان … انا هسع قاعد في دولة ما شخص اسمة بوليس يقول ليق تعال يازول او انت شايل شنو لانهم احترفيين عارفينك انت شايل شنو مش زي العورة بتاعيننا دول

فى أحدى اجازاتى كنت عائدا من دولة خليجية الى وطنى السوداننوكنت أقود سيارتى الكامرى انطلقت من ميناء سواكن قاصدا الخرطوم حيث الأهل والعشيرة وكان الجو ماطرانوحقيقة كنت مستمتع جدا بالرحلة وبمناظر بلدى الطبيعية الجميلة حتى وصلت الى نقطة تفتيش بالقرب من القضارف وأوقفت السيارة وجاء رجل شرطة(عسكرى) واقترب من السيارة ثم وقف بجوارى ملتصقا بباب السواق وقال كلمة أفسدت سعادة يومى وبهجة الرحلة ولاأظن أن أحدا منكم مهما بلغت به الفراسة والكياسة والخساسة والخسة والخفة ووووو أن يتخيل ماذا قال هذا الأبله..قال لى أنت حبشى!!!!مع أنه ملامحى والشهادة لله كلها سودانية وكمان سودانية شمالية لايتغالط فيها أثنان من الصين وليس من السودان..ماهذا ياوزارة الداخلية!!ولكن أخوكم يعجبكم قلت له بلغة التحدى نعم سودانى أكثر منك يامتخلف..ودارت معركة كلامية بينى وبينه أحسست فيها بأنه قليل العلم وقليل الأدب مع أنه كذلك قليل الجسم ولولا سلاحه الذى يضعه فى خاصرته وملابسه العسكرية لطلبت من زوجتى أن تتولى أمره وما أمر فرعون برشيد..هل أمثال هؤلاء يسمح بوجودهم فى مداخل المدن حيث يأتى الأجنبى الزائر والضيف العابر والمغترب الصابر…