شكرا سيدي الرئيس..!ا

تراســـيم..

شكرا سيدي الرئيس!!

عبد الباقي الظافر

بعيد نكسة يونيو 1967 خرج الرئيس المصري جمال عبدالناصر، معلناً استقالته من منصب رئيس الجمهورية.. ناصر كان في ذلك القرار يتحمل بكل شجاعة مسئولية الهزيمة النكراء في حرب الستة أيام.. مصر خرجت عن بكرة أبيها ترفض استقالة الرئيس.. سواء كانت تلك الخطوة حقيقة أم تكتيكاً فقد عدت من أمجاد الرئيس الراحل جمال عبدالناصر. حكمة عبدالناصر غابت عن الرجل الذي بسط حكمه على مصر بعد موت عبدالناصر بنحو عقد من الزمان..حسني مبارك بعد ثلاث عقود من السيطرة المطلقة لم يختار النهاية التي تحفظ تاريخه..حتى بعد ان بلغ من العمر عتيا فكر في توريث الجمهورية لنجله جمال..النتيجة ان ذات الجماهير التي منحت عبدالناصر ولاية رئاسية خرجت تملأ الافاق لتزيح حسني مبارك من عرش مصر. أمس الأول تحدث رئيس الجمهورية المشير البشير للراية القطرية..المشير اكد بوضوح انه لن يكون رئيساً في الدورة الرئاسية القادمة.. بل تقدم الرئيس خطوة حاسمة للأمام وأعلن أن مؤتمر حزبه العام في عامنا المقبل مطلوب منه تسمية خليفة.. هذا القرار الشجاع سيكتب في سجلات البشير .. البشير يدرك أكثر من غيره أن شعبنا ملول.. وأن ربع قرن من الإقامة في بيت الضيافة طويلة جداً. ما إن جدد الرئيس البشير عزمه للتنحي حتى تعالت أصوات أن مثل هذا القرار يجب أن تتخذه أجهزة الحزب.. وغداً سيهمس كثير من أصحاب المصالح أن الوطن سيغرق إن غادره المشير.. ولكن مثل هؤلاء هم الذين كتبوا على رؤسائنا من العسكريين أن يمكثوا في القصور إلى أن يخلعهم الشعب في انتفاضات شعبية. في تقديري أن على الحزب الحاكم أن يستوعب رغبة الرئيس في الترجل.. وأن هذا الانسحاب يجب أن يشمل طائفة من الذين احتكروا الساحة العامة منذ ليلة الإنقاذ الأولى.. وأن قرارالبشير في مغادرة الساحة يجب أن يشمل أترابه في الأحزاب.. يغادر الإمام الصادق ويتنحى الشيخ الترابي ويستقيل محمد إبراهيم نقد.. الأجيال الجديدة تبحث عن فرصتها فامنحوها ذاك طوعاً.. بلدنا في أمس الحاجة إلى تجديد الدماء. آمل من الرئيس أن يقود تغييراً في ذهنية أركان حزبه.. يصبح الحديث عن خلافة الرئيس لا حرج فيه.. هذه الخطوة يمكن أن تتحقق إذا طلب من مؤتمرات الحزب الحاكم على مستوى الولايات أن تقدم مرشّحيها لمنصب الرئاسة.. مثلاً أن تقدم ولاية البحر الأحمر الدكتور عبدالرحمن الخضر مرشحاً لمنصب رئاسة الجمهورية.. وتختار ولاية الخرطوم المهندس شرف الدين بانقا خياراً لها في قصر الرئاسة.. أو أن تختار شمال دارفور الحاج آدم لمنصب الرجل الأول في السودان.. ويمكن للنيل الأبيض أن تعضد الرغبة في رؤية الحاج آدم رئيساً لكل السودان. هذا السيناريو يجعل إمام المؤتمر العام للحزب الحاكم عدداً من الخيارات.. ويمكن أنصار حزب الشجرة من فحص الرؤية الوطنية لكل المتسابقين.. ويقدم لجموع الشعب السوداني نموذجاً يستحق الاحترام. إلى هنا (كتر خيرك) سيدي الرئيس.

التيار

تعليق واحد

  1. انت اقتراحاتك المهببه دي ما تقدمها للحزب مباشرة بدون ما تمر علينا نحن القراء ….. ( .. البشير يدرك أكثر من غيره أن شعبنا ملول.. ) !!!!!!!!!!!!!!!! ده حاتو عارف اكتر من غيرو .. 23 سنه حتي الان و 26 حتي 2015 ؟؟؟؟؟؟؟؟؟ ولو ما كان عارف …… بلا يخمك ياخي … بالله عليك ما تورم فشفاشنا اكتر مما هو وارم …………..  

  2. اهبل منك انا ماشفتا ياخ خلى العبط وساعدنا بصمتك دا شنو دا انحنا عايزين نرميهم فى الزباله يازباله انت جاى وعامل فوقا الود عبدالنصيح انا مره اقترحت عليك انك تشتغل مستشار لسيدك البشير لكن باين عليك انو مرمي الله مابترفع قرف يقرف حياتك الكلها نفاق وكسيرتلج دى وتعرف نوعك دا بعد الكيزان ديل يغوروا في ستين داهيه الا يلبس ليه قناع عشان الناس ماتعمل ليهو انت عارف شنو

  3. كتب الظافر: هذا القرار الشجاع سيكتب في سجلات البشير !!
    يا زول انت جادي ؟؟ واحد كنكش في الكرسي 26 سنة (احدي 2015 الله يحينا و نشوف), و تقول قرار شجاع ؟ طيب لو اتخذ القرار بعد 8 سنوات حكم , كان وصفك حا يكون شنو ؟
    بالمناسبة, أخو عثمان مرغني , و اسمو (علي مرغني), فاتح بوست في سودانيزونلين باسمك , خاتي تلميحات كدة إنك كنت عامل لعبة مع ناس الأمن , و إنك نشرت مقال البروف داك متعمد , و انو اللعبة كملت لمن ناس الأمن قالوا انت و هويدا سرالختم تتخارجوا عشان تحرج عثمان مرغني, و إنك جريت لناس الانتباهة عدوهم…الخ الخ.
    كلام دراب كده !! بالصح انت غواصة يا الظافر ؟؟؟؟

  4. يعني يا عبد الباقي تلف وتدور وبرضه تجبب لينا الرمم دي إنت قايل الناس ديل حايقعدوا للوكت داك .. وللا أقول ليك أحسن تسكت وتخلي الموضوع ده لأنه البشير لن يتنازل لأحد ولن يستقيل ولو إستقال حايمشي وين من لاهاي وللا إنت وأشباهك عايزين تخارجوه منها عشان كده بتفتشوا بدائل من نفس الطينة

  5. يستحق الشكر علي شنو يااخوي ..علي 23عاما من الارهاب والبطش والجبروت والقهر ..لما هذا الانهزام استاذي عبد الباقي. 

  6. هبطت من ادارة تحرير التيار.. وتلجك كتر..

    نحن ياصاحبى شبعنا من شجرة الزقوم.. بلا آدم بلا خضر بلا لمة..

    بس يغوروا من وشنافى 23 وليس 26 ونحن ادرى ببناء راكوبتنابعد رحيلهم

  7. يااخواناانتوعارفين الكيزان ديل بعدماصادروالتياروقفلوهاقاموقرصوالزول ده وقفوا هويدامن الكتابه عشان كده قام انبرش وبقى لاقادريكتب زى زمان ولاقادريخلى الكتابه….قال شكراسيدى الرئيس(رجعت ليناجريدتناكان الجوع كتلنا))قال؟؟؟؟؟؟؟؟؟؟؟

  8. الاستاذ عبدالباقي.. سنكون علي الموعد بعد عام من الان، ان امد الله في ايامنا، و سنري جميعنا ان كان البشير سيتنحي عن الرئاسة ان مد الله ايام رئاسته، عبدالباقي الظافر انك طيب اكثر من اللزوم

  9. نحن عايزين رئيس مستورد من خارج الوطن والسودانى عمره ما بشتغل فى وطنه ولكن بكون زى الحمار خارج الوطن

  10. ويا عبد الباقى الظافر أنطبق عليك المثل (حتى أنت يا بروتس) بعد أن دمر اسلاميوكم مشروع الجزيرة وسرقوه وتناقلت كل أجهزة الأعلام ما فعلتوه فيه , حتى فى مقترحاتك والتى لا تذهب أبعد من خواطر وتمنيات تصر على أن تكون الجزيرة مستبعدة من الرئاسة الخيالية.
    الله يهديك

  11. والله يا الظافر ما بتخجل ولا بتستحي يعني هسي مفتكر بس البشير ده راكب في ضهورنا الزمن ده كلو ومدلدل كرعينو يجي ينزل بالسهولة دي؟ انطم يا خي جاتك نيلة يا اسلاموي يا معفن

  12. الله لا شكره ولا طرح فيه بركة عديم البركة، شكرلااً على شنو؟ و بعدين هو جبان و لن ينسحب إلا بعد يمنحه أحدهم حماية من المحكمة الجنائية بعدم تسليمه لها، أما ينسب كدا ساكت؟

  13. يا ظافر موعد الانتخابات المعلوم 2013.. بقدرة قادر انت والريس اوصلتوها 2015..وغدا ستصبح 2030

  14. انت يا الظافر كدى خلينا من اخبار الرئيس وقولوالجرائد كلها بتدينا اخبارو نحن بنسأل من اخبار زميلتكم هويدا سرالختم خالص بعتوها بابخس تمن قالوا ليكم ما تكتب قلتم السمع والطاعةومن يومها شغالين انت ودميرغنى شكر فى الحكومة شئ تطبيل وشئ نفاق وشئ فخر واعجاب دا كلو ثمنو زميلتكم رجال اخر الزمن مع الاعتذار لاخوانى الشرفاء بالراكوبةمن كتاب ومعلقين

  15. مؤتمرات الحزب الحاكم على مستوى الولايات أن تقدم مرشّحيها لمنصب الرئاسة.. مثلاً أن تقدم ولاية البحر الأحمر الدكتور عبدالرحمن الخضر مرشحاً لمنصب رئاسة الجمهورية.. وتختار ولاية الخرطوم المهندس شرف الدين بانقا خياراً لها في قصر الرئاسة.. أو أن تختار شمال دارفور الحاج آدم لمنصب الرجل الأول في السودان.. ويمكن للنيل الأبيض أن تعضد الرغبة في رؤية الحاج آدم رئيساً لكل السودان. هذا السيناريو يجعل إمام المؤتمر العام للحزب الحاكم

    نفس الوجوه نفس الاخطاء نفس الازمات التاريخ يعيد نفسة حواء حزب الشجرة ولا الحماداب عقر بالله ما بتخجل علي طولك وعرضك عملت شنو طره وطره ما كتابة

    مصيبة البلد دي فيكم انتم تصنعون الطوطم وتنفخوا فيه حتي يتجبر

  16. عبدالباقى الظافر
    الهندي عزالدين
    عثمان ميرغني
    ضياء الدين
    احمد البلال ( اخبار اليوم )
    !!!!!!!!!
    !!!!!!!!
    !!!!!!!!!
    بالله عليكم لو صمتم ما كان الافضل بدلا من هذه التعليقات الغاضبة
    لكن معذورين قطع الأعناق ولا قطع الأرزاق
    يا إخوانا هذه مهنة ولا تعنى المبادئ والاتجاهات والتيارات !!
    الجماعة لا حول ولا قوة لهم !!
    ولو اتشردوا مين حيصرف على اولادهم !!!
    لكم اعذاركم !! والإيدو فى الموية ما زي الايدو فى النار !!!
    يا معلقين الله لا وضعكم فى زنقة ولا كربة !!!!!
    أقفلت الميدان اليوم
    وربما يستر على الراكوبة !! تصادر فضائيا !!!
     

  17. خلينا من كلام البشير(كلام الليل الذي يمحاه النهار)
    خلينا في كلامك
    1- (وأن( قرار)البشير في مغادرة الساحة يجب أن يشمل أترابه في الأحزاب)
    2- (يصبح الحديث عن خلافة الرئيس لا حرج فيه)
    3- (مثلاً أن تقدم ولاية البحر الأحم….. رئيساً لكل السودان.) هذا تزكية للجهوية.
    4- (ويمكن أنصار حزب الشجرة …. نموذجاً يستحق الاحترام)؟

    استلف من قصيدة الاستاذ ازهري محمدعلي
    (شكرا) سيدي الحجاج

  18. السكات من ذهب.
    واحنا الصدقنا انوا ناس الامن ما عايزنك رئيس تحرير.
    ولا كسير التلج دا تجسير مسافات. واستغفار لطلب العوده لبيت الطاعه.
    يعني بتبشرنا انوا البومه دا قاعد لحدي 2015.
    نمره اتنين يفتش ليهوا بديل كوز يحكمنا لحدي ما الشعب يملوا.
    نمره تلاته الناس الهبروا ومصوا دم الشعب السوداني وارتكبوا جرائم الاباده واشعلوا الحروب على بقاء السودان المختلفه وفصلوا الجنوب ياخي لسته مخازي ملينا كتابتها. دي كلوا بس نقول ليهم كتر الله خيركم وجزاكم الله الف خير.
    نمره اربعه ودي المجننا احتكار امر السودان كلوا لمؤتمرات حزب البشير.
    بالله قدم مقترحك دا ورقه عمل في اجتماعاتكم الديكيكينيه ديك والراكوبه حق الشعب السوداني الفضل وليست لاجندات اجتماعات المؤتمر الوطني. ولو اقتراحك بالونه اختبار اقرا الردود دي بتمهل

  19. التحية لهويدا من على البعد..وتأكدى أن توقيفك وسام شرف فى صدرك..والصمت أبلغ من الكلام…ومذمة أتتك من ناقص فهى شهادة لك بأنك كامل..وستظلى فى البال..التاريخ سيسجل لك هذا النصر!! قلم إمرأة ارعب دولة..أهدى هذه الحقيقة للعالم وارشحك كمثال لشجاعة المرأة السودانية ننافس بك صحفيات العالم..وأصمتى ..عشان إستريحوا على الآخر ويحلو مشاكلهم بهدوء ولا تعكرى صفوهم

  20. ((ما إن جدد الرئيس البشير عزمه للتنحي حتى تعالت أصوات أن مثل هذا القرار يجب أن تتخذه أجهزة الحزب.. وغداً سيهمس كثير من أصحاب المصالح أن الوطن سيغرق إن غادره المشير..))
    ليتكم تعلمون إنه اذا كان الكلام من فضة فالسكوت من ذهب يعنى دايرة تنتهى بالبساطة دى

  21. ود الظافر عارق المناصب لازم تكون بلحس ,,,,,, وليست بالمؤهلات,, عشان كده نازل شكر من عيار تقيل..
    بعدين بشيرك دا مضروب وفاقد الصلاحية من أول يوم,, لف لفك وخلى الترابى والصادق ونقد فى حالهم..

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..