قللت الجبهة الثالثة تمازج، من الحديث عن وقوع إشتباكات مسلحة بين أي قوة تتبع لها والقوات الحكومية، وارجعت ما حدث بمجمع رهف السكني، لعدم التنسيق، وأكدت عدم تلقيها اي اخطار مكتوب أو شفهي بإخلاء الموقع.
واكد بيان لأمين الإعلام بتمازج والناطق الرسمي، محمد موسى بادي، ان إقامة وسكن بعض منسوبيها في مجمع رهف السكني ومنهم قادة أعضاء في وفد مفاوضات جوبا للسلام من طرف الحركة، موضحا ان سكنهم بالمجمع بالتنسيق مع مفوضية السلام وعلمها، وقد زارهم وفد منها عدة مرات، مشيرا إلى ان السلطات الحكومية لم توفر لهم سكن بديل على الرغم من بعد مسافة المجمع من قلب العاصمة الخرطوم، وبعضهم أعضاء في لجان الترتيبات الامنية والسياسية ويضطلعون بمهام الاجتماعات والتنسيق.
ونوه البيان، الي أن أحداث اليوم المؤسفة، تأتي لعدم التنسيق أو الأخطار المكتوب أو الشفهي حتى، مما يؤكد أهمية التنسيق والعمل المشترك لتطبيق إتفاق السلام وإحلال الأمن في كافة ربوع البلاد، واكدت الحركة توفر الإرادة لدى قيادة الجبهة الثالثة تمازج، وقوفها مع السلام وتوفير الأمن والاستقرار.
الأحداث نيوز
السلطات الحكومية لم توفر لهم سكن بديل على الرغم من بعد مسافة المجمع من قلب العاصمة الخرطوم؟؟؟؟؟؟؟
ومالكم ومال قلب الخرطوم با أوباش الخلا؟؟؟
لماذا الحضور الى العاصمة بالاسلحة والتاتشرات بالاسلحة التقيلة .. اصلا ماذا تفعلون فى العاصمة
سكن وفد مفاوضات جوبا!!!!!!! هي المفاوضات انتهت زماااااان فتقوم انت يا عاطل يا باطل يا بليد يا مرتزق تشوف ليك سكن بقروشك وتشتغل وتنتج زي بقية خلق الله مش تتبطح جوة وشايل سلاحك مفتكرو بحميك وانت بسلاحك لولا شباب الثورة الخرطوم دي ما كان شميت ريحتها ده اذا كنتوا فعلا من دارفور ولستم حركة صنيعة البرهان والجنجويدي حميدتي من فلول هيئة العمليات وفلول الدفاع الشعبي ومتفلتين تشاديين جابهم حميدتي
تمازج ياهذا حركه تنتمي لغرب كردفان… ما دخل دارفور هنا؟؟ شايف الفيل وتطعن في ضله؟؟؟!!!
كردفان كمان عملت حركات؟ من جاور قوم …
“مشيرا إلى ان السلطات الحكومية لم توفر لهم سكن بديل”
الحكومة توفر ليكم سكن ليه؟ لو الحكومة ما وفرتو تأخذوه بالقوة؟ متعودين على الناس يسكنوكم ويأكلوكم وعاملين فيها حركات كفاح؟ بتكافحو في شنو؟ ليكم عشرين سنة بتكافحو ما الذي أنتجمتوه؟ أنتو في الخرطوم بتتصرفوا كأنكم فاتحين لكن أنتم متسلقون على أكتاف شهداء وشباب الثورة. بعد الشباب ما أسقطوا النظام المسح بيكم الواطه خليتو الإرتزاق في ليبيا وجايين تعيشو بالمجان في العاصمة؟ تبا لكم أذهبو إلى دياركم وعمروها وطلعوا أهلكم من مخيمات اللاجئين ولا لسه عاوزين تتاجرو بيهم؟ تبا لكم.
اصرار عجيب وغريب على بذل الأنفس والجهد والمال لحل مشكل دارفور المستعصي على الحل بحركة تمازج أو بحركة العدل والمساواة او بحركة مناوي أو بأي من الحركات المسلحة الهلامية التي تتناسل وتنشطر بمتوالية سرطانية مزعجة ومربكة لن يتم حل مشكلة دارفور وفي نهاية المطاف سيتم اللجوء لحل الانفصال لحسم هذا الأمر يبقى ولمصلحة الجميع يتم فصل هذا الاقليم أو الانفصال عنه أو بأي صورة من الصور ابعاده ليقوم أبناء دارفور بحل مشاكل اقليمهم وحكمه والاستفادة من ثروات اقليمهم وحدهم لانه عاجلا ام آجلا الانفصال حيحصل فدارفور وشعبها يختلفوا اختلاف شديد في ثقافتهم وتكوين مجتمعاتهم وطرق تقبلهم للآخر والتعايش معه عن باقي أجزاء السودان الأخرى – الحصل في عهود قديمه يتكرر حاليا حين لم يتقبل ابناء دارفور ابعاد اقليمهم عن بقية الدولة السودانية ليعود لوضعه السابق ما قبل 1916م وضم الزبير باشا لهم كدولة لا علاقة لها بالدولة السودانية الآن كذلك يرفضون ويستميتون في البقاء ضمن الدولة السودانية ناقلين معهم كل مشاكلهم التي لا ولن تنتهي للوسط وبعيدا عن اقليمهم كنوع من الحقد والتشفي الذي لا طائل من وراءه يجب عدم الالتفات لدعواتهم بالبقاء ضمن السودان القديم وفصلهم أو حتى الانفصال عنهم لو اصلا هم متحسسين من حكاية فصلهم دي فالناس تنفصل منهم حقنا للدماء واختصارا للوقت والحصل في الجنوب أكبر عبرة ولا يُلدغ المؤمن من جحر مرتين لان البيحصل ده ابتزاز رخيص وشغل همبته وعطاله من الحركة المسلحة دي واعضاءها العايزين يواصلوا يعيشوا بلاش وبالمجان لانهم اعتادوا هذه الطريقة السهلة
الخرطوم تحولت لحرب شوارع ودي ما اول مرة … وحتتكرر الظاهرة دي لي قدام … تاني بنبقى زي الصومال
(ونوه البيان، الي أن أحداث اليوم المؤسفة، تأتي لعدم التنسيق أو الأخطار المكتوب أو الشفهي حتى، مما يؤكد أهمية التنسيق والعمل المشترك لتطبيق إتفاق السلام وإحلال الأمن في كافة ربوع البلاد، واكدت الحركة توفر الإرادة لدى قيادة الجبهة الثالثة تمازج، وقوفها مع السلام وتوفير الأمن والاستقرار)
هذا كلام محمد موسى الامين العام لتمازج اود ان اسال كم حركة مسحله فى دارفور اعتقد قد تجاوز 100 حركة
اولا نحن كنا امينين فى ديارنا قبل ان تنزحوا شمالا بعتادكم العسكرى وتدخلو العاصمه فى اتون حرب العصابات و9 طويله والهجوم على العزل والسطو هذه التصرفات انت المسؤلين منها وهى غريبه على مجتماعتنا ولكن اعتقد السكوت والتقاضى عنها اصبحت من الحكومه محير .هل اولاد البحر كما تزعمون ليس قادرين على الرد
لاتختبروا سكوت اولاد البحر .الجلابه طبقة مثقفة ونريد ان نعيش بسلام فى سودان موحد يسع الجميع .ولكن بلغ السيل الذبى .كل حاملى السلاح المتواجدين فى الخرطوم مرتزقه سلاح ماجور وللاسف الاكثريه ليس سودانين من افريقيا الوسطي وتشاد .على الحكومه الانتقاليه معالجة هذه الظواهر السالبة فى اسرع وقت والانفلات الامنى اصبح مخيفا .اين رئيس الوزارء واين وزير الداخلية من كل هذا .النار من مستصغر الشرر
حاجه عادية الشرطة تمشى اي مكان
و مافى زول ضرب نار غيركم و لا حاجة
والقانون هو السيد
الناس الساكنين اشتكوا منكم .
الأفضل ترجعوا دارفور لتشاركوا فى الاعمار
يعني نحن عندنا قنابير وكدا
دايرننا نصدق أن الشرطة جات داخلة توش كدا بسلاحها
وما أدتكم ولا حتي تلفون تطلب منكم الإخلاء ؟؟؟؟؟
واضح للبيعرف يقرأ إنكم مطالبين بسكن تاني عشان تخلوا دا
ويكون قريب لقلب العاصمة
والسؤال إنتو قاعدين وعلي حساب الحكومة في قلب العاصمة ليه؟؟؟؟
بالمناسبة أنا ما خايف منكم علي العاصمة
خايف عليكم
أرجعوا عمروا بلدكم والحكومة ونحن كلنا بنساعدكم
أقصروا الشر نحن ما محتاجين لحروبات ومشاكل
اتفاقية جوبا تنص علي هيكلة جيوش الحركات لاستيعاب بعضهم في القوات النظامية وتسريح الآخرين … الشيء المحير هو لماذا لم ينفذ مجلس السيادة الشق العسكري هذا الاتفاق وتخلي العاصمه من المليشيات ؟؟؟ اعتقد وراء الأمر شيء ما ولربما مقصود لخلق مثل هذه المشاكل حتي تفشل اتفاقية السلام وتبدأ الحرب في الدوران من جديد … نناشد السيد البرهان أن يتحرك لأن هذه من صميم مسئولياته ، حتي لا تعود البلاد للمربع الأول وينهار السلام الي الابد وتندلع الحرب الاهليه مرة اخرى … لماذا لا يخرج الثوار في مليونيه تطالب بتنفيذ اتفاقية جوبا وحسم امر الحركات المسلحه بالاستيعاب اوالتسريح ؟؟؟
عطالي وصعاليك وراقدين اليوم كلو يتبطحو وياكلو ويشاغلو في البنات ,ومخوفين الناس بالسلاح. لعنة الله علي امراء الحروب وتجار الازمات. لازم الفوضي دي تتحسم بالقوه لانو العطالي الصعاليك ديل تاني مابرجعو