من قال ان مسيرة الكيزان ستفشل !؟

قلتا لي شهداء ياسيادتك !؟
لا تقولوا لي ان مسيرة (كيزان) سيخاطبها كبيرهم ستفشل
لا والله .. ستنج وسيكون عماد الحضور هم شباب الضد .. في كلام كتيرو الله
ـــــــــــــــــــــــ
والبشير يهرف بما لا يعرف : (قتلي المظاهرات شهداء)
إيه العبط ده !!
هو مين سألك ياشيخ !!
(أي ي ي ييي فرحانين .. خلاص سيادتو اثبت شرعاً انهم شهداء ــ شكراً سيدي عمرالبشير ـ شكراً رئيسي ـ شكراً شعبي)
وشااايفك
الحاله دي كاتبين ليك الخطاب !؟
أمال لو كان من راسك (الأصلع) هذا ولسانك (اللي عايز قطعوا) ده كان عملتا شنو !!؟
ــــــــــــــــــــــــ
لن تفشل .. لا لا والله لن تفشل .. ومن سينجحها هم نفسهم الشباب المتظاهرين .
أهالي الشهداء (شهداء ونص وخمسه ـ شهداء رغماً عن انفك وانف “أمك” ـ توضيح : لا اعني والدتك “فهي واحده من أمات هذا الوطن العزيز” ولكنه القول الشائع ولا اعنيها في ذاتها) .
كل اصدقاء ومعارف من راحت أرواحهم بسبب الاحداث الاخيره .
كل من خرج للشارع وفي نفسه شئٌ من حتي (إحساس ظلم)
كل شباب السودان (جميع من لم تجدهم في صف مطبلينكم والمنتفعين والصامتين شبعاً وملئ جيوب) .. البقية كللللها ستملأ لك مكان اللقاء
أياً كان المسمي .. لقاء نصره ، مسيره ارتداديه ، تأييد غيره وأينما كان (من كل الأميال المربعة المتبقية استثني أرض داركم العامر بشارع المطار) فقط مقر المؤتمر الوطني وما عداه نحن وهم حاضرون (الساحة الخضراء او غيرها) .
انتم ياأهل المؤتمر الوطني وياشباب الكيزان إجتهدوا ونظموا اللقاء وجيبوا البشير وأعدوا ما استطعتم من المنصات والبهارج و…. وهو زاتوا ياااحليل البشير الكان وكان .. كان يظهر للعامه ، وكان يتحدث من بكسي مفتوح ، وكان وكان وكانات كتيرات كانن .
هسي “علي اليمين” لو بقي جايي في احتفال او حتي في مقابر يكرّه الحاضرين ما حضروا لاجله .. فتيش ، ودفّير ، ومدافره ، وحمايه أكثر من اللزوم ، وحراسة من يخشي شئ تظلل الأمكنة والجوار القريب والبعيد .

[email][email protected][/email]