القبض على 23 طالباً جامعياً بمحلية القرشي
مدني: مزمل صديق
قبضت أمس شرطة وحدة ود آدم الإدارية بمحلية القرشي على 23 طالباً يمثلون رابطة ود آدم بالجامعات نتيجة قيامهم بالبدء في نفير لصيانة مدارس القرية.
وتم فتح بلاغ في مواجهتهم بالرقم 123/2015م تحت المادة 144، وتشير معلومات الجريدة إلى أن المتهمين كانوا قد أجمعوا على عمل نفير لصيانة وترميم مدرسة الأساس بنات، ومن ثم قام رئيس اللجنة الشعبية لقرية ود آدم علي قرشي بفتح بلاغ فى مواجهتهم بحجة أنهم لم يقوموا بإخطارهم لتنفيذ هذا العمل.
وقال نائب رئيس اللجنة الشعبية بالقرية الفاتح جبارة إن المدرسة غير صالحة خصوصاً فى فصل الخريف، مشيراً إلى أن رئيس اللجنة لم يقم بإخطارهم كأعضاء فى اللجنة ويبلغ عددهم 26 عضواً، مؤكداً أن الشباب أرادوا فعل ما لم تستطع لجنتهم القيام به بعد حصولهم على تبرعات من أبناء القرية من داخل وخارج السودان، وأقر أنهم لم يقدموا لمنطقتهم شيئاً، وقال: كيف يستقيم الحال والعود أعوج.
فيما أشار المدير التنفيذى لمحلية القرشي نورالدائم عبدالمحمود، إلى أنهم لم يتعرفوا على هوية المقبوض عليهم، في الوقت الذي أقر فيه بوجود أحد أبناء رئيس اللجنة ضمن المتهمين، وأوضح أن الإجراء لم يتم عبر المؤسسية، وأبان أنه وبحسب إفادات رئيس اللجنة الشعبية على قرشي أن الطلاب في فترة الامتحانات.
الجريدة
الصيانة بالنفير بتقطع عليهم المأكلة،،، هل جزاء الاحسان الا الاحسان عارفين ليه الناس بتهاجر عشان تخلي البلد لي المعيناهم الانقاذ ديل صدق والله من اين جاء هؤلاء
العمل الوطنى الاهلى لا يحتاج الى مؤسسية حكومية .. وحتى لو وجدت لا قدسية لمؤسسية تمنع العمل الأهلى التطوعى طالما كان فى الإتجاه الصحيح
المادة 144 دي مش الإرهاب !!؟ سبحان الله !!
يعني البصين ويصلح يبقي أرهب الناس ؟
ايواااا صحي هو ما ارهب الحكومه , كيف يصلّح وهي بتخرب !!
أعوذ بالله من ناس المؤنمر اللاوطني و المنتسبين إليهم لا يرحموا الناس و لا إخلو رحمة ربنا تنزل ،،، كما أنهم بائن عايزين نصيب في تلك التبرعات ده مؤكد ذي واحد من الجماعة في جامعة الجزيرة فرع الهلالية عامل فيها المسؤول الأمني بالجامعة عايز إشيل المحاسب لأنه حسب قوله ما مديهم فرصة و نظيف و إبن ناس شوفوا بلدنا عايرين إنضفوها بالتمكين من النضاف ( عجبي ).
دا شنو دا البحصل في البلد دي؟!!!!!!!!!!!!!!!!!!
والله أكبببببببر مهزلة …. حتي عمل الخير محتكر؟؟؟؟ والله يبدو ان قيام الساعة قد دنا …. مقروض رئيس اللجنة الشغبية وحاشيته يكونوا هم المتهمين لتقصيرهم في القيام بالواجب
عايزين يلهفوا أموال المتبرعين ,,, بس ..دي كل القصة
كان شنو. قامو بتكسر الطبقي الوسطي والجمعيات الاهلية البسيطه من صيوان وكراسي لانهم يريدون السيطره علي كبيره وصغيره ومافي حد بجمع لكي يتكلم؟ هؤلاء اخطر من داعش والله. اعملو الفير لانه يرعبهم ويجب كل المغتربين عمل شي في مناطقهم حتي لو بسيط.
حاجة تحير و الله
يعجز العقل ان يصدق
الا لعنة الله علي المنافقين الظالمين الكاذبين الفاسدين المفسدين القتله الحراميه اولاد الكلب
الطلاب عايزين يفوتو الفرصة للمرشح القادم ا: يرنامج سهل مضمون لكسب الاصوات
اري أن الانتخابات لها دور في هذا الامر … والشباب بارك الله فيهم علي غير حزب اللجنة الشعبية
(المؤتمر الوطني )… والحكاية كلها مكايدات إنتخابية …. ولم يذكر التقرير رأي السيد مدير المدرسة وموقفه … بالتأكيد كان وهو وكل طاقم المدرسة موجودين …
ليس في الأمر عجب كما قال الأخوة المعلقون يبدو أن اللجنة تريد أن تلطش منهم الحصالة ، ألا تذكرون يا أخوتي أزمة السيول والفيضانات والشباب الذي قام بعمل كبير في إغاثة المواطنين وكان عملاً رائداً أحرج الحكومة النائمة حكومة الولاية بقيادة اللص الخضر فوصفهم الكيزان بأنهم شيوعيون ويساريون وغيرها من النعوت الجاهزة ، ولذلك لكم التحية أيها الشباب امضوا قدماً فليس في السودان حكومة وليس في المؤتمر الشعبي ولجانه الشعبية رجل رشيد.
لأولاد ديل كان في بلد تاني كانوا كرموهم وعرضوهم في التلفزيون والإعلام كان إستغل الحالة عشان المناطق التانية يحذو حذوهم لأنه البلد كله منظومة واحدة والكل حادب على مصلحة البلد عشان كده هم بتقدموا ونحنا بنتخلف
زمان كان في نشيد ولا ملالوج في التلفزيون بقولوه طالبات
الناس بتمشي لقدام ونحنا ماشين لوراء
وكان أبوي الله يرحمه لما نحنا نقعد نسمعهم ونغني معاهم كنا صغار كان بعجبنا بقول لينا إنتو سامعين هم بقولوا في شنو؟؟؟؟
اللجان الشعبية في جميع القرى هم ناس اميين لايقرؤن ولا يكتبون مجرت تبعيئن والله ديل لو الرحمه نزلت علي العباد هم يطفشوها
لاحولة ولاقوة الا بالله العلي العظيم خبر يقطع القلب .
دي زي ما بقول المثل جينا نساعدوا في دفن ابوا دس الكوريك
انا من سكان 24القرشي اختصار حتى المدينة ادمرت خلي القرى حسبي الله ونعم الوكيل
يريدون ان تقوم اللجنة الشعبيه بترميم المدارس امام الملا وشاشات التلفاز لاستغلالها بالانتخابات القادمة والا ليش يمنوعهم من التعمير في صمت مادام الهدف فايدة المواطن ,,,,,,,هي لله هي لله
والله الجان الشعبية دي متخلفة بدرجة وزير ..زي ناس البرلمان..وكمان ضيف ليهم اتحاد مشروع الجزيرة ..وبعدين لناس ود دادم فيها شخص مرشح نفسة للبرلمان والجنة تبعة لو قال ليهم القبله غرب بقولو ايوه .ياخي ديل زي حمارة المحمدية خاضت الموية مع البقر قايلة نفسها بقرة .وقس علي ذلك بقية اللجان في القرشي.العزازي ..التحاميد.زي روابط الموية.