والدة عمر البشير : امى كانت ماسكاهو قلتا ليها يمة ماتفكيو ..البشير شال الحديدة ام راسين وضربنى فى عضم الشيطان.
كشفت الحاجة هدية محمد زين والدة الرئيس عمر البشير النقاب لأول مرة عن تفاصيل حياة الرئيس الباكرة وذكرت فى حوار مع صحيفة “الأهرام اليوم” بمناسبة عيد الام ان الرئيس كان ملحاحاً فى الإحتفاظ بحقه وكان دائما مايدخل فى شجار طفولى مع شقيقه حسن ..
والدة الرئيس البشير حكت عن طفولة الرئيس قائلة بسودانية جميلة :” عمر كان طبعو كويس لكن مرة دقيتو دقة شديدة عشان نزل البحر وهو طفل والدنيا كانت دميرة وقلت لى امى يمة ولدى بغرق انا ماشة الحقو وطوالى جبتو وكان عندو “قنقر “معانا وقال لى يمة قنقرى وينو ؟ما اشتغلتا بيهو وشلتا القهوة من امى ..قام مسك يدى وقال لى تانى يمة قنقرى وينو ؟ شلتا القهو باليد التانية وبرضو ما رديت عليو ..قام مسك يدى التانية والقهوة اتكشحت ..بعد داك دفرتوا جوة الاوضة انا اضرب فيو وامى تضرب فيو امى كانت ماسكاهو قلتا ليها يمة ماتفكيو لو اتفكا بيعمل فينا مصيبة ..امى فكتو شال الحديدة ام راسين البكسرو بيها السكر زمان وضربنى فى عضم الشيطان وغاب سبعة يوم فى بيت جدو الا بعد داك خجل واعتزر.
واماطت الحاجة هدية اللثام عن الحظات العصيبة الى عاشتها عند انقلاب 30 يونيو وقالت ان الإنقلاب وجدها فى صراصر بولاية الجزيرة التى ذهبت اليها فى واجب إجتماعى وقالت أن اهلها فى صراصر اخفوا عنها أمر الإنقلاب وأنها عرفت الحادث بالصدفة عندما قال احد سائقى العربات لزميله :”ان العميد الذى قلب الحكومة أهله من صراصر ،ومضت الحاجة هدية تقول انها لم تقابل الرئيس البشير واختفى عن ناظريها لمدة 4 ايام ودخل عليها فى اليوم الخامس برفقة الشهيد كمال على مختار واضافت الحاجة هدية انها لم تتمن ان يكون ابنها رئيس للجمهورية ولا لأحد من أبناءها .
واختتمت الحاجة هديه لقاءها مع الاهرام بتوصية نساء السودان بتربية ابناءهم التربية الصالحة وقالت ان عمر لم يقصر معاها وانها “عافية منو ورضيانة عليو ” وعمر قال :” كفاهو ما داير يحكم السودان تانى وقلنا ليو قدم شوية لى قدام قال لاكفاى انا تعبت وانا قلت ياربى البلد دى بلا عمر بتبقى شنو ؟”.
الاهرام اليوم
بتبقى جنةوسلام وامنة
الله يديك العافية ياحاجة ….بس نحن دايرين نتشتكي ليك من يوم ما بقا رئيس بيضرب فينابالحديدة ام ثلاثة رووس
والله ياحاجه هديه ,مع احترامي ليك
لكن المصيبه دي ,,,,فكيتيها في السودان
الله اسامحك ,,,ماكان تخليهو اغرق كان ريحتينا منه.
البلد بلا عمر ….. ح تبقي جنه !!
أبنك ضيع البلد وجاب اصحاب المصالح والمفسدين … والحساب فادم وربنا موجود !!
وكل مصيبة حاصله في البلد هو المسؤول عنها وانما هي أمانه ويوم القيامه خزي وندامه !!
الحفي ولدك أنقذيه وخليه يرجعنا من المحل الي انقذنا منه !!!
وكل الخلائق لو سامحته انا مابسامحه مما عمله في !!!!
انتى ياحجة ضربك فى عظم الشيطان لكن انحنا الشعب السوداني ضربنا فى الشيطان ذاتو !!!! ولدك دا حاجة العملها فينا النجار فى الخشبة ماسواها ، نقدرك ونحترمك بطيبة اهلنا فى السودان الا انصحيهوا يخلى الحكم ويتوب من ظلم الناس
الحاجه هدية ربنا يحفظك واطول لينا في ايامك لانك انجبتي رجل شجاع وفارس وشيال التقيله بشير الخير بحر الدميره رجل لو لا تكفيهو الكلمات ربي يحفظو ويخليهو لي بلدو واهلو يا رب منا الدعاء ومنك الاستجابة احفظ بشيرالحب يا قادر يا كريم واسكت الخونه الماجورين واجعل كيدهم في نحرهم ..امين
السودان بلا عمر حيكون تمام التمام يا حجة وانت قلتي لامك زمان امسكيهو كان اتفكا بيعمل لينا مصيبة وأهو عملها بس حسعي انتي امسكي ولدك عليك تمام عشان ما عمل لينا مصيبة تانية
الله يكفينا شركم .
((امى كانت ماسكاهو قلتا ليها يمة ماتفكيو لو اتفكا بيعمل فينا مصيبة ..امى فكتو))
..
..
اها امك فكتو والمصايب لي أسي شغاله .. الله يجازيك يا حاجه انتي وأمك (ضيعتونا)
والله يا حجة مع احترامنا ليك البلد بلا عمر البشير تبقى جنة الله فى الارض ، وانتى عافية منو قلب الوالد وسوى ليك السمح زى ما قالو اهلنا بس كان تنصحيه من حق الغلابة ، بعدين عضلات الطفولة ما بتنفع فى الكبر اهو ( حكمة اتعلمناها ) !!!!!!!!!!!!!!!
لا حولة ولا قوة الا بالله
ماذا تنتظرون من طقل يضرب امه بالحديدة ام راسين في عظم الشيطان
ياربي لك الحمد
ياحاجه ماليك علينا هسع لو كنتي خليتي البحر يشيلو دا ماكان حالنا. لكن معليش انكي لاتعلمي الغيب. لكن ياحاجه ماولدتي. الله يديك الصحه والعافيه لكن ولدك عندنا معاهو حساب عسير والله اكضب الشينه
تسلمي يا الحجة وكلامك على عينا وراسنا
لكن هي البلد بقت شنو بى عمر
زي ما ضربك في عضم الشيطان…؟؟!! ضرب السودان في مقتل …؟؟!!..وهاهو السودان بعد ربع قرن من الزمان يترنح.. لا يعرف اين يتجه، واصبح يستجدي كل شيء حتى السياسة..؟؟!
لو ما كان جبتي، كلُّ كلُّ، ولاّ خليتي مشى البحر، كان اهون ليكي وللسودان …؟؟
وقلنا ليو قدم شوية لى قدام قال لاكفاى انا تعبت وانا قلت ياربى البلد دى بلا عمر بتبقى شنو ؟”.
ماكفاية ياحاجة ولدك نجضنا حاكمنا 24 سنة. خليهو يتفرغ لمشاكلة مع الجنائية .
ياحجةهدية ام الرئيس الجمهورية وام السودان اموما انابشكرك وبقول ليك ربنايعطيك العافية
والصحة ودام العمل في حياتك جنان في اخرتك
الام هدية ماتخافي السودان ده فوق اكثرمن 350الي 400قبيلة والناس ديل متعلمين وبعمل لي وطنهم السودان ده فيه خيرات كتيروناس عقلاءووطنيين كتيردايريين يحكموبرضوويخدمووطنهم باسلوب جديدمن خلال مايعرف بالدولة الحديثة وماتخافي ان السودان ده بينتهي علي كده بس رجال كتارالبيحكم السودان وشكرا
الامضاء :ابناءالوطن والقوات المسلحة سابقا عبدهادم يحي محمد
الله يديك العافيةويحفظك ويحفظ البشير ليك من كل شر يارب
ياحاجة امك كانت مسكاهو وفكتو ما عشان يضربك فى عظم الشيطان دا فكتو فينا كلنا لسة مدوخنا اليتك خليتيهو نزل البحر ومارجع تاني كن بكيتى انتى وخلاص ومن يبكي اهل السودان كلهم
رئيس فاسد , وبطانة افسد منه , البلد ضاعت بسبب انه هذا الشخص في السلطة ومطلوب بسبب جرائم وما زال يصر على السلطة ولا يهمه ماذا سيحصل ويحل بشعبه السوداني!
حاجة هدية محمد زين والطيب مصطفي العلاقه شنو ؟
يا حاجه ولدك ماسوره ومها ضاقت الاحوال اكيد قلم الظلم مكسور ومصيبتنا انتي زاااااتك بتقولي يقدم ما كان العشم فيك والله
يا حجه البلد دى بلا ولدك بتضيع الجنوب بنفصل والحروب بتاكل اطرافه والفساد بكتر والغلاء وارتفاع السعار بقصو ضهرنا وناس الامن بقتلو وليداتنا وناس النظام العام بدقو بناتنا حنسى النبى فوقك يقعد ما يمشى دى مصيبه شنو الاحنا فيه دى
يا حاجة والله اكبر غلط ارتكبتيه مشيتي جبتيه من النيل
والخطاء الثاني امك دقست فكتو , لو كان ماسكاه لحدي 89 كان ما وصلنا للمرحلة دي
عموما يديك الصحة والعافية وحسابنا تقيييل مع ولدك دة
أم تفتخر بولدها بطيبة السودانيين المعهودة وببساطة أمهاتنا … الله يديك العافية ياحاجه ودائما تفخري بعمر دخري الحوبة وشيال التقيل
والله كويس ياحاجه انك اديتهو عفوك.لاكين ما عارف ام المرحوم مجدي حتديهو عفوها !!!!!ووالدات ال28 ضابط الكتلم في رمضان لقيامهم بنفس العمل الذي قام به.وايضا والده جرجس .والدات طلاب الشهاده السودانيه القتلوا رميا بالرصاص.وكذالك اهل دارفور من المدنيين القتلوا بسبب القصف الجو ومن حرقت ديارهم وشردوا.
هل سيرضي عنه من فقد مصدر رزقه ورزق اسرته ممن احيلوا للصالح العام ؟.هل سيرضي عنه من عوذب في بيوت الاشباح؟هل سيرضي عنه من بات واولاده جياع لايملك لهم غذا او دواء ؟هل سيرضي عنه اهل المناصير من شردوا وضاعت بيوتهم وزرعهم ؟.هل سيرضي عنه من مات لعدم وجود المال الذي يكفي لعلاجه. ياحاجه لانستطيع حصر الضرر الذي اصابنا من ولدك دا واحب ان اؤكد لكي ان الشيطان لن يستطيع احداث مثل هذا الضرر في فتره حكم ابنك الطاغيه.يموم الحساب يوم قد تفريين منه ومما فعل بالناس.الممغوص
السلام عليكم . مسابقة بمناسبة عيد الأم . والجائزة قطعة ارض بكافوري … السؤال . متي كان آخر بص تجاري تركبه الحاجة هديه والدة الرئيس البشير ؟؟؟
والله يا امي ( هديه الزين ) ولدك العملو بوش ما عملو وزي ما قلتي امى كانت ماسكاهو قلتا ليها يمة ماتفكيو لو اتفكا بيعمل فينا مصيبة ..امى فكتو اهي مصايب بالكوم قتل وتشريد وحرق لابنا الهامش ( درافور + النيل الازرق +جبال النوبه ) لكن الجايه من السماء الواطه بتحملها انصحيه يا حاجه هديه انو يترك السودان في حالو
سؤالك صاح البلد دي من غير ولدك ح تكون كيف انا ذاتي محتار قزاز واتكسر
عمتي الحاجه هدية كل سنة وانت طيبة يايمه … انت جاتك ضربة واحد في عضم الشيطان .. هسي نحن جانا الشيطان زااااتو ومعاهو حديدة ابو سبعة راس وشغال فينا ضرب من 24 سنة ماخلي فينا عضمة سليمة وبقينا ماشين بي جنب .. وخلاس هرمنا يايمه ومافضل فينا واحد الا شايلنو ( طب العصب) ودي ياحاجة وليدات الزمن ده مابعرفوها .. يجو نفرين يشيلوا الزول من كرعينو زي القاعد في كرسي والزول يتوحوح زي العاضيهو دبيب .. لكن كتر خيرالله المره دي جات من الجامع زاتو وقال خلاس ماني مقدم تاني ..
حاجة هدية ولدتك خاسرة!!!! قلتى ولدك ضربك باب راسين فى عضم الشيطان؟؟؟؟ واضح انو كان قليل الادب من يومه وماعنده اخلاق ولا رحمة ولاتوقير لى كبير !!! والله السودان بدون ولدك يبقى جنة واصلا هو كان احسن بكتير قبل ولدك مايعمل انقلابو الكارثى ويدمر البلد!
بالله ..ليه ما بتبقى كان خليفة رسول الله والسودان بيتوحم بيهو ..عسكري لا راح لا مشى وفي منو الوف ..والله انا خايف يدخلك النار وتدخليه بي رضاك عليهو ده ؟! راضية عن شنو؟!! ..وما ولدتي !؟
ياخوانا القنقر يعني شنو وعظم الشيطان يعني شنو ؟
أهلنا بيقولو الشقي بقي . عمر كان شقي والعسكرية تمت ليه الباقي. العسكري لو ما شقي ما عسكري
شابكننا الطيب مصطفى خال الرئيس يا هو ظهر امه هدية محمد زين ما يجي واحد يقول هدية محمد زين اسم مركب
ياريت امك كان مسكاه لغاية اسي ، وخالو ابشلاضيم الطيب مصطفي كان وين صحى البت عمة والولد خال
هههههههههههه
والله يا حاجة أريتكم اليوم داك إنت وعمنا العارف بالله كان كلو زول نام فى أوضه براهو
امك فكتو عمل مصيبه وضربك فى عضم الشيطان وانت فكيتيهو علينا ضربنا جوه المصران وابتلينا بيهو والبلد ابتلت بيهو خرب علينا البلد هو وجماعتة واخوانة وسرقوا خيرات البلد وان شاء الله ما يكون واخوانة لوثوك بى قروش الحرام السرقوها
الله يديك العافية ياحاجه بعد عفوك عن ولدك عمر ادعو ليه بحسن المخرج من حكم البلد ده وحسن المخرج في يوم القيامه يوم الحساب فالخليفة الراشد عمر ابن الخطاب راه ابن عباس في المنام بعد ثلاث سنوات من وفاته وسأله عن حاله وفرد عليه الفاروق عمر بن الخطاب بما معناه الان خلصت من حساب ربي وانني كدت أن أهلك لو لا اني وجدت ربا رحيما فكيف الحال بابنك ، عاوزه يقدم شويه وين يمشي ياحاجه
يا حاجة الهدية ربنا يحفظك و يحفظ جميع الامهات لكن ولدك دا ضرب البلد كلها في عضم الشيطان
موش انتي بس .. دا ولد عوقة وولدة خاسرة كان تدي للدميرة بدل يودينا نحنا الدميرة
أريتو كان غرق وأكلو التمساح
البيضرب أمه بالحديده فى رجلها ,, والله يكون إبن عاق مهما قلت عنه ,, والله يقول لاتقل لهما أف ولاتنهما ,,, ولاحول ولاقوة الابالله ويعنى متعود على الضرب من زمان ,, ضرب ناس دارفور والجنوبيين وناس النيل الازرق وضرب الشرفاء فى بيوت الاشباح
والله ولدك لو كان وقع في البحر السمك لو اكله يطرشو ولو كان بقى ليك شحم ولحم كان احسن اها كبر واصبح مجرم وقاتل والارواح دي كلها معلقة في رقبته انا غيتو حقي ما بخلي ليه والله لو حشرو في جهم الا اشفو يعيط واي واي واي وي ويقول اريتو لو امي خلتني غرقتا او ما ولدتني .
يااااااااااااااااااااحاجة هدية …..كلامك دا هدية للسودانيين ليعرفوا مدى بشاعة و فظاعة وقباحة رئيسهم منذ صغره …….يعنى انتى قلتى الكلام دايرة تنظارفىو الله شنو ؟ اها شوفى الهوا الجاكى !
» يمة قنقري وينو «امكن البشير قايل الشعب السوداني شال قنقرو رجعو للزول قنقرو ياجماعة
اتقنقري
قنقري سرقوه، الله ،ياسين، الحالة صعبة علينا…مع الاعتذار لعقد الجلاد
قيتو ما ولتى
يا حاجة هدية نسأل الله ااسواه ولدك في السودان وشعب السودان ينتقموا منه الله في الدنيا قبل الآخرة ونسأل الله يرقد طريح فراش المرض بالسرطان لا يلقى الحياة ولا يلقى الموت يعاني ويتعذب بقية عمره كله الله لا شفاه والله يجعل كل ايامه جحيم على الأنفس البريئة التي زهق ارواحها والناس التي شردت وعزبت والكرامات والأعراض التي أنتهكت في عهده بواسطة كلاب وخنازير أمنه
كانت تخلي ياكلو لينا تمساح ريحك وريح البلد لكن عوير عوارة ولدك ده انتي دفنت الولد وربيتي التبيعة يا حاجة الله يحفظك وبنعنبرك زي امنا بنقدرك وبنحترمك لان تربية الشعب دينيا واجنماعي توقر الكبير وابوه ابونا ولا نؤاخذكم بما عمل الابناء لكن ما عندك جني علي نياتك يا طيبة الله يكرم والدين الجميع في الدارين
ﻭﺍﺿﺢ ﺟﺪﺍ ﺍﻥ ﺍﻟﺤﺎﺟﻪ ﻋﺎﻳﺸﺔ ﻓﻲ ﻋﺎﻟﻢ اخر
الله يطول عمرك عشان تشوفي خيرات البلد بعد ولدك ده إنشاء الله .لكن ولدك قتل العجزة الزيك واﻷكبر منك
كمان بل حرقهم ودهسهم بالعربات والجياد وأكثر في دارفور بصورة خاصة وجنوب كردفان.والنيل اﻷزرق وباقي السودان إنت مسكينه مابجيبوا ليك غير السمح لاكن شوفي عمايله يوم القيامة.
الله يطول عمرك عشان تشوفي خيرات البلد بعد ولدك ده إنشاء الله .لكن ولدك قتل العجزة الزيك واﻷكبر منك
كمان بل حرقهم ودهسهم بالعربات والجياد وأكثر في دارفور بصورة خاصة وجنوب كردفان.والنيل اﻷزرق وباقي السودان إنت مسكينه مابجيبوا ليك غير السمح لاكن شوفي عمايله يوم القيامة.
يا جماعة .. الشال قنقر الريس مييين؟ ارجوكم ارجوكم رجعوا للريس قنقروا يمكن يهدأ
كويس انو جاتك فى ركبتك فى ناس جاتهم فى الرقاب …
بعدين يقدم وين ؟؟؟
خلاص هرمنا يا حاجه هرمنااااااااااااااااااااااااااا
يقدموا إنشاءالله لنار جنهم
والبقدمو ديل زى ما قال ازهرى محمد على ستات الكجيك والشاى ..
حسب علمى المتواضع.. عادة ما يقوم علماء النفس عند تحليل شخصية ما -خصوصاً المجرمين- بالرجوع الى اوقات طفولتهم وكيف كان سلوكهم وهم اطفال لان الطبيعة تغلب التطبع..
عمر البشير كان كارثة فى طفولته.. واصبح ابو الكوارث فى كهولته.. بإختصار هذا الرجل حتى وإن تعددت صفاته الحميدة لا يصلح لتولى مسؤولية شعب بأكمله.. والدليل هو ما نعايشه الآن ومنذ ربع قرن..
اذا كنتي راضية وعافية علية نحنا ماراضين علية وبنشكيه لرب العباد يوم المعاد مزق البلد وشرد وقتل العباد .
يا حاجة هدية متعك الله الصحة والعافية بس داير اقول ليكي انت الظاهر ما قاعد تمرق برا البيت ولدك والله شوانا شوي انا عارف بيتك اسوارو طوال بس انت حاولي ارفعي راسك وشوف برا الحيطة والله تشوف العجايب ناس اكل ما لاقية تاكل
والله حرام زول ماشي البحر رجعتو وفكيتو لينا لو خليتوه اكلوهو الحيتان كان ما اخير يا حاجة
ياحاجه هديه لاولدتي ولاربيتي؟
وجبتينا مصيبه نعلن فيها لي يوم الدين
والمصيبه الجاتكم اننا مابنلعن ولدك براه بنلعن اهله معاه
لانه اسرته افرزت لينا زباله ومجرم حقير
هههههههههههههههه والله تعليقاتكم حلوة وجميلة ومضحكة وتنم على روح خفيفة واحيي فيكم روح الاحترام للحاجة الوقورة دي ذنبها الوحيد انها ام عمر البشير !! الله يصلح شان البلد وكل زول ليه رب يحاسبه
الحاجة هدية ببساطتها وعفويتها وطيبتها سلمتنا ابعاد شخصية ابنها وتركيبته وتحدثت
بحسن نية ويجب ان لا نمس الاباء والامهات ان كانوا احياء او اموات ام عمر البشير اوغيره
لكن ياحاجة هدية اقول لك بصراحة ما عندك اولاد بتعريفة وولدك الضربك فى عضم الشيطان خايض فى
دم ضحاياه دما فات عظم الشيطان ووصل حلقومه وقرب يغطيه المثل بقول الخنفسانة فى عين امها
مرجانة الحاجة هدية شايفة السودان بلا ولدها ما ببقى لو ركبت عربية مظللة وطلبت من السائق
بها فى اطراف الخرطوم وشاهدت السودانيين فى عهد وليدها لبكت طول عمرها ولا ستحلفته ان
يترك الحكم . يمد لقدام وين يا حجة ده هرانا هرى ومفروض من استلم الحكم كل يوم تديه عدم عفوك كان يظلم او يسرق او يفسد لو كنت عملتى كده انت وفاطمة زوجته ربما كان سار صاح ةتحن ما
عافين ليه وسنحتكم معه امام الله فى يوم هو يراه بعيد ونحن نراه قريب
وليه ياحاجة ام البشكير ماحكيتى لمن كنتى بترسلى هو اخوانو يجروا وراء القطارات الماره عشان الركاب يجدعو ليهم بقية الزوادة ولا لمن جيتو الخرطوم ابوه كان بجيب ليهو هو اخوانو الكرتة بتاعت كافورى
الفقر ماعيب العيب انك تطغى بعد ماتغنى و تشبع وبحق الحرام كمان
يا سلالالالالالام … بالله شوفو منظر الحبوبة دي … تشبه حبوباتي الاتنين الله يرحمهم. الله يديكي العافية وطول العمر … دي دعوة ليك من جواي يا حاجة … بس كمان يا ريت توصي وليدك يا الحاجة يكون عليناحنين. بنشكي ليكي قبل ما نضطر نشكي لـ الله.
الله يرحمك و يرضي عليك
و الله انتي ما عارفه الحاصل و نيتك بيضاء و لكين دقست و ماعارفه اولادك عملوا كيف ؟؟؟؟ ما سألتيهم مره واحده من وين جابوا الفلوس دي ؟؟؟ لمن كنتي ساكنه في كوبر كان معاهم الفلوس دي ؟؟؟ ولا كان عندهم العربات و المليارات و المزارع و الفلل و القصور والشقق , والشركات و الاستثمارات في ماليزيا و لندن
ودبي ده كلوا جابو من وين؟؟؟؟؟؟؟
انتي حجيتي كيف ؟؟؟؟؟؟ اوع تقولي ديل الاولادي حججوني ؟؟؟؟؟ من وين جابو الفلوس ؟؟؟؟
يا حاجه انتي عارفه انو كل الشعب السوداني – ماعدا العصابه المجرمه الحاكمه – ما عندهم حق الدوا
ولاحق وجبه, الناس كتلها السل و مافي دوا و كتلها الجوع و مافي فلوس , الفلوس كلها عند العصابه المجرمه
الضاله و المضلله؟؟؟؟
رغم انو اولادك مجرمين لكين انت مره طيبه ندعو ليك بالرحمه و المغفرة لانو ياحاجه دعاء المظلوم مستجاب
اما اولادك و ازلام النظام اللهم ارنا فيهم اياتك في الدنيا و الاخرة
الحاجه كلامها كان بي بساطه كل السودانيات وعفويه الأمهات ؛ طيب لو كانت الحاجه هديه أي حاجه ثانيه وعمر البشير كان ولد ثاني برضو بتوجهوا ليهم نفس الكلام ؛ أرجو من والده عمر أن تسامح كل من أضاف تعليق غير لائق؛ والعندو مظلمه من عمر أن يشكو لرب السماء ؛ والمسامح كريم ؛ أو يوجه الكلام لي عمر مباشره ؛دون زج الأمهات ؛ لانو مافي واحد برضي بي كلمه في اموووو؛ والتحيه لكل أم سودانيه؛
كفاهو ما داير يحكم السودان تانى وقلنا ليو قدم شوية لى قدام قال لاكفاى انا تعبت وانا قلت ياربى البلد دى بلا عمر بتبقى شنو ؟”.
سبحان الله …. حقاً القرد فى عين أمو غزال ؛؛
رجعتى من البحر ليييييه ؟
اللهم أرنا فيه و عصابته الفاسدة عجائب قدرتك فى الحياة الدنيا و من بعد الممات
أريتك اليوم داك لو نطيتى
متعك الله بالصحة والعافية يا والدة يا الهدية بت الزين, الجني اب رويس داالحديدةالضربك بيها دي من زمان ما جدعتوها منو ليه لمن جا قعدنا عليها لي اسي
ندعو لك ياوالدة ونتمنى لكى الصحة والعافية ولكن اسال جيرانك عن حالة السودان وبعدين احكمىا
عمر البشير ده لو ترك الحكم أي زول ضد المؤتمر الوطني والله نؤجروه ونركبو في ضهره .. عمر البشير ده الوحيد المانعنا من التصفيات والقتل يا أولاد الكلب
واحد مسطول كتب رسائل عيد الام :
رسائل عيد الأم:-
(1) إلى أبي: شكراً جزيلاً على إختيارك أمي
(2) إلى أمي: شكراً جزيلاً على كل شيء
(3) إلى أم البشير: إتلومتي عاد …
__________________
الشي البحير الواحد الناس ديل ماقعد يموتوتو ماللن يعني لو ام البهيمه ده حيه لسع هو ح يعيش قدر شنو ؟ اعوذ بالله
ربنا يديك الصحة .. بس لو كان خليتيه غرق في البحر وريحنا مالوا .. بدل مايغرق وطن بي حالوا
الظاهر ياحاجه اليوم داك الحاج كان مستعجل ونسى يطلب من الله ان يرزقه بالذريه الصالحه.
هذا الرجل كان يضرب امه للقنقر تري ماذا يرجي منه الشعب؟
يعني ياالحاجة الشعب ما يسالو من قنقر كافوري والسليت والنصر
والطائف وباقي القناقر .يعني ياالحاجة ضربك بام راسين عشان
القنقر وانتي بتعرفي طبعو .كان سالناه من قناقر الشعب السوداني بضربنا بالكيماوي؟
كلام بسيط وحنين برائحة الزمن الجميل . ارفع قبعة الاحترام لكل المعلقين من ابناء وبنات بلدي السودان ونحمد الله سبحانه وتعالى على سودانيتنا السمحة التي تحترم الصغير والكبير برغم ما بالنفوس من ضيم ، التحية لكل الامهات في ربوع السودان، وربنا يصلح الحال .
ياحاجة بالله كدى جيبى ليك واحد يقرأ ليك الكلام الفوق دا عشان تشوفى السودانيين بريدو ولدك قدر شنو كمان تعرفى البلد بلا عمر كانت كيف وبجيت عمر بقت كيف وبعدو بتبقى شنو ولدك حيزبون وغلطبيس يأذى المسامع وتشمئز منه النفوس .
يا اخونا القنقر هو عيش الريف ( كواريك شفع المغرب يقلبوا فى الجمر قنقر ) الا رحم الله حميد كان حى وسمع قنقر عمر عمل فيك شنو كان بدع .
ياليت اليوم داك ود البشير نام فى الجرف
الحاجة المسكينة ما بتقابل الا الانتهازين والنفعين يعني كلما يجوها البيت بشكرو ليها ولدها عشان هي تقول لولدها العاق فلان قال عنك كده وكده والحاجة مصدقة بسذاجتها القروية انو ولدها بطل …يعني فهموها كمان انو الكفار كلهم ضدو واوكامبو عميل وحقير بعادي ولدها عشان ولدها المجرم الخايب عاوز ينشر الاسلام واليهود شغالين ضدو لكن ولدها (الباطل ) بحاربهم وبجاهد ضدهم ….يعني الحاجة معمول ليها غسيل مخ من الانتهازين والجماعة النفعيين الشغالين لمصالحهم وتكبير كومهم عند ولدها الباطل العاق المجرم الحقير ال ال ال ال ….عييييييييييييييييك دا العارفنو نحن عن ولدك يا حاجة لكنك ما حتصدقي عمايل ولدك فينا …ربنا ينتقم منو دنيا قبل الاخرة وتكون حية وتشوفي بعينك نهايتو الماسوية باذن الله …
اخ بس يا حاجة لو كنتي بتخشي النت ولا بتعرفي الفيس بوك ولا بتعرفي تقري زاتو كان عرفتي ولدك المنافق المجرم عامل شنو في البلد وفي ناس البلد …
يا جماعة ما فيكم واحدة يتبرع للحاجة دي ويقرأ ليها التعليقات دي !!!!
ياااااااااااااااارب الناس البعلقوا ديل توقغ فيهم رئيس يخليهم يهضربوا فى نومهم السودانين لاعاجبهم العجب ولا الصيام فى رمضان كرهتونا البشير ارجل من السودان بحالوا انشاء الله ربنا انتقم منكم البتدعوا عليهوا بالبحر الاشيلكم وعدمكم نفاخ النار غجر
ياجماعه والله عيب مخاطبة الوالده هكذا هي ام لكل سوداني ومالها الا التقدير والاحترام ومااقول لها الا كل عام وانت بخير وليس المجال هنا لقتل السماحة في نفس هذه الام الرؤوم ,, ارجو ان تتحلوا بخلق الاسلام لاتزروا وازرة وزر اخرى ومن كان منكم معارضا للنظام فهي ام على ايتها حال وهذا عيد الام .. والله شعرت بالم لعدم تمتعكم باخلاق المعارضة الرشيدة … كل عام وانت بخير وانت ام للجميع ولك مني وردة عطرة وتقدبر واحترام وربنا يمد في ايامك
بس اساليهو سؤال واحد بس قولى ليهو ماتو كم فى عهدك والاجهزة الامنية العملتها وعلى يد زبانيتك
اساليهو من اولاد زملاه الكان بياكل ويشرب معاهم وساكن معاهم فى بيت واحد اخص منهم العقيد المرحوم محمد احمد قاشم احد شهداء رمضان الذين اعدموا بدون محاكمات ووقع البشير على امر الاعدام بع 4 ساعات من تنفيذ الحكم اساليهو عن الماتو فى دارفور والماتو فى بورسودان والماتو فى كجبار والماتو فى المناصير
اساليهو قولى ليهو انت حتقابل ربك وتقوليهو شنو فى العملتو ده … ده بدون الحصل على باقى الشعب
والبلد المزقه الله يمزق ضلعو ويشتت افكارو اكتر من ده ويجعل مستقره خالدا مخلدا فى الجحيم ان شاء الله هو وزمرته الحيين والهالكين ان الله سميع مجيب ودعوة المظلوم ليس بينها وبين الله حجاب ظلموا وقتلوا واجرموا وافسدوا تنعلهم ملائكة السماء ليل نهار ان شاء الله وينتظرهم ما ينتظرهم من عذاب فى الدنيا وفى الاخرة ان شاء الله تفو عليهم اجمعين
ززززززززززززززززز
والله يا حاجة للاسف ما عرفتي تربي ولدك كويس
وشكلك ما متابعة الحاصل في البلد من وارء عصابة الكيزان بقيادة ولدك
لانك اكيد عايشة في حياة تانية خالص غير حياة السودانيين
ولدك ظالم
ولدك حرامي
ولدك جبان
ولدك شرد نص الشعب ولسعو قاعد
ليهو يوم الظالم ولدك
لاكن الزول ده بياخد جزاهو ان شاء الله في الدنية قبل الاخرة
ان الله يمهل ولا يهمل
اللهم اظلم الظالمين بالظالمين واخرجنا منهم سالمين
You are a great mom and we love you but i know great moms too would get stupid boys and girls and you have got one, it is good his dad is not a live , otherwise he would have killed him long time or may be your son would get more mad and kill you. He is a killer mom but you are good woman, thanks a lot for getting us this rediculous stupid son hahaha
عاقاً، في طفولتة، هتهورا، في شبابه حد القتل، متهماً، بالابادة الجماعية، في شيخوخته، فوجبة، بشهادة الجميع، ليكون شقياً، في قبره، وتعيسا، في حياته تطارده، أرواح من قتلهم غدرا وغيلة، يلعنه الذين ليس بينهم وبين الله حجاب، في الارض، وتأيدهم ملآئكة السماء.. فالظلم ظلمات.
(وضربنى فى عضم الشيطان وغاب سبعة يوم فى بيت جدو الا بعد داك خجل واعتزر). ياريت البشير يغيب عن حياتنا سبعة( قرون).. طبعا بعد ما يعتذر ويتوب ويغتسل في البحر.
الله يديك العافيه يا حاجه هديه ويطول عمرك لحدى ماتشوفى البلد بعد اب قنقر حا تبقى كيف.
وللناس السألت من القنقر نقول انو هو عيش الريف.
يا جماعة الخير هو الزول دا عشان قنقر لبع امو فى عضم الشيطان حقها ما يلبعكم انتو فى عناقركم عشان البترول والدهب والغيرو.
ياخى انت ابيت بالقنقر حقك وضربت امك عشانو كان تابا بحق المواطن المسكين البياكلو فيهو اخوانك وعصابتك.
يا حاجه هديه كلمى ولدك يكتر من شراب المويه البارده(وسقو ماءا حميما فقطع امعاءهم)صدق الله العظيم
يديك العافيةوالصحة ياحاجة
الحمد لله انقطع نسلو من هنا….والله كان يجيب ليك بشاكير وبشكيرات كتار, كان كسرو ليك عضم الشيطان وعضم العرقوب وعضم التخرين والرسغ ولحقوك عمات طه….
بالله خلوها تواصل فى التاريخ الظريف دة لزوم تحليل مراحل العمر
قال قنقر قال
امانا يا امى البلد بلاهو تبقى زينة بس هو يفارق كيف – وتارنا لسع فوق رقبتو ما بنخليه وياما اشتكيناه لرب العباد والله يمهل ولا يهمل – وحقك السوى فيكى حيحاسبه عليه رب العالمين كان عفيتى منو ولا لأ – لانه ولد عاق من زمان -غايتو حقنا بناخدوا بضراعنا والله لايحضرك يوم حسابه لانو قلب الوالد رقيق وما بتستحملى البيحصل ليه وتب حكاية لاهاى دى ما عايزنها ليهو عايزين ناخد حقنا هنا فى بلدنا ومعليش ياوالدة كان كلامى ده حار شوية بس انتى ما شفتى حشا الكتل وليداتم ولدك من دكتور على فضل ومجدى وكتار فى دارفور وللحين البيحصل فى كردفان والنيل الازرق وجبال النوبة ملايين قتلوا وشردوا وعذبوا واغتصبو وولدك هو السبب – علشان كده بقول قلب الوالد رقيق وانشاء الله ما تحضرى يوم حسابه عشان حشاكى ما يتقطع
أي شهادة أكبر من شهادة ام (البشير) علي عقوقه لها؟ و من لم يسمعنا مرة علي التلفاز وهي تصفه بقولها ( و الله ون قام كان شراني)؟ سبحان الله كل يوم تنهتك الاستار و تنكشف الاسرار و يشهد علي سوء فعاله شاهد من اهله.
تلك القصة وان كانت
انها تستقرئ شخصية الرئيس فحينما ذهب الى البحر في الدميرة هذا يدل علي الطيش المبكر
وعندما قالت لامها لاتتركيه قد يعمل مصيبة فامه تعلم طبعه ان غضب لايهمه شيء لذلك ضربها
في عم الشيطان
قد يقول احدهم انه ان طفلا
نعم لاكن الاطفال لايضربون امهاتمهم وكيف انه هرب الى جده خجلا من ضرب امه اليس ذلك يستنتج بانه ان يعلم بكبر فعله لاكن لم يفر فاحتمى بجده
ترى من يحميه اليوم من اوكامبوا وغدا من دعاء هذا الشعب
الصغير الذي يضرب امه اسفلها في ذاك المكان الذي يفترض انه يقبله وهي كل حياته
لاشك حينما يكبر يضربها في اعلى لاكنها لم تكن امه بل كانت امة
السيد عمر البشير ندر ان تلدحواء السودان امثاله فهو الشخص الورع المتواضع الذي قدم الي هذه البلد ما لم يقدمه اي رئس غيره واتحدي اي حد يطعن في هذا و باالارقام
طلب خاص من سيادة المشير ان يعطي السودانيين فرصه البحث عن البديل المناسب ان وجد
وشكرا
لا والله نعم البر بالوالدين ونعم التربيه ده اخر تربية الحريم
والله يا والده كلامك زين واكيد كان بار بامه واهله لكنه حينما وجد رئاسه الحكومه شرد كل الناس ومعاهوا حراميه ياكلو ويبيعوا فى اراضى الدوله بالداخل والخارج الناس تموت من المرض والشباب اغترب من اجل للقمه العيش ماسك الخكم والفساد عائم فى البلد ناس فى عهد عملوا قروش وكروش عمرهم لم يحلموا بها كنا زمان نسمع بابو العلا والنفيدى والبربرى والبرير واحمد قاسم وفتح الرحمن البشير وخليل عثمان وقله قليله كانوا يدفعون من جيوبهم بسخاء للفقراء يعملونه المستشفيات ويعلمون المدارس والمراكز الصحيه والمساجد وهم لا يرجون الى ثواب الله
الان فى عهد عمر البشير انتهى هولائى الناس وظهر الوالى وكرتى والمتعافى والشريف بدر ووووووووووو عالم لا سمعنا بابوهم تاجر او صاحب مزارع او صاحب مواشى ناس ابائهم كانوا قفراء فى حديقه الحيوان صاروا اصحاب مليارات لديهم كنوز لم تجدها عند امراء الخليج ثلاث قصور واربعه حريم وووووووووو
قال عمر ابن الخطاب اخاف لو تعثرت بقره فى العراق ان يسالنى منها الله يوم القيامه ليه لم تفسح لها الطريق يا عمر مابالك يا والده الان ولدك كل الناس انطمست تحت سابع ارض لا حوله ولاقوة لهم منهم جنوا ومنهم ماتوا بالغيظ والحرقه ومنهم يشتكون اليه ويقولون ياعمر البشير نسالك يوم الحق عز وجل لكنه لا يبالى كل الوزراء حراميه وكل المسؤلين شبعوا وطفحوا شبع وهو نائم فى العسل ولا يهمه
والله غضب الله كبير ويقول الرسول صلى الله عليهم وسلم الساكت على الحق شيطان اخرس
يا حاجة يا طيبة أنت ولدت الشيطان ذاتو ربنا يغفر ليك
أرجو أن تمصحي ولدك أن يذهب الآن قبل بكرة … وبعد ذلك أنظري الفرحة في عيون الغلابة
أرحل ….أرحل يا عوير
أول مرة أشوف رئيس عوير
يا حاجةقولي لولدك السودان كان احلي قبلك هههههههههههههههههه
الحاجة الله يديك العافية القرد فى عين امو غزال مع الاعتزار للفرد لانة احيانا بيدخل البهجة فى نفوس الناس يحكى عن ام عمر هذة فى مرة من المرات قاعدة تتونس مع نسوان الحى (بانقا تو) وبودون سبب قالت بان حيهم دا اجمل حى فى السودان لانو مافيهو غرابة وكان من ضمن النساء غرابية مرطبة ولونها فاتح(زى لون بنات الانتباهة المودنهم الكويت)
لزام تقيله وشيال حملها والله ود ناس حكم في ظروف كان السودان يعصف من كل جانب ندر ان تلد حواء السودان بمثله وحقيقه لا ينكرها الا مكابر او حقود ******************ادي البلد فرصه حتي تري ماهو يمثل سواد السودانيين
لو اتفكا بيعمل فينا مصيبة
المشكلة فكيتوهو و عمل مصيبتو فى الشعب السودانى كلوا
أريتك يا حاجة هدية إنتي وأبو عمر اليوم داك لو نمتوا ساكت ،،، وأريتك كمان اليوم داك لو خليتيهو يمشي البحر الدميرة ،،، كان على الأقل يوم 30 يونيو سنة89 شفنا عسكري غيرو
طعم قراصة في قدحا من الدبكر
كواريك شفع المغرب تقلب في الجمر قنقر
الحاجه هـدية على العين و الرأس و لك احترام خاص و انتى فى مقام ام للجميع وهذا يفرض علينا احترامك و دون المساس بك او السب او التجريح نحن اولاد بلد و سودانين اولا و اخيرا واحترام الصغير و توقير الكبير من شيمنا و الحمد لله .
السؤال الذى يتبادر الى ذهن كل أم أن تسأل و لدها اذا شافت هناك تغيير طرأ على حياته ومهما يكون موقعه او وظيفته وما يتقاضاه من راتب وبدلات و حوافز و مخصصات تجعل منه رجل يمتلك منزلا فى كافورى و مؤسس و مشيد على احدث طراز و بتكلفة تعادل راتب مائتين سنه خدمه و اخوانه وما يملكون من شركات و قصور عينه لا توجد الا فى دول الخليج ؟
هذا هو السؤال و الدليل على انتقالكم من الفقر المدقع الى الثراء الفاحش و من حى كوبر البسيط و مسكن بمساحة 306 متر مربع و مبنى بالطين اللبن و يجمع كل افراد الاسرة و تامين لامين و عايشين حياة هنيئه بين عامة الناس و تعتبر من الطبقة الفقيرة المستورة الحال ؟
ايعقل هذا يا حاجه هديه لم يخطر ببالك مثل هذا التغيير المفاجى من سجن المجانين الى المترفين؟
يا ريت لو سألتيه عن هذا التغيير لكان اكتشفتى أنك مغرر بك و الاسلام الذى يتشدقون به و الشريعه التى يننون تطبيقها ما هى فزاعه و ستر و غطاء للنهب و السلب و التعدى على الغير و سفك الدماء و تشريد المواطنين فى كل بقاع السودان لا غربها ولا شرقها و لا جنوبها سلم من تهور ابنك و دمويته و حبه للانتقام وبدل ابورايسن بقى بالكلاش و الدبابه و الطائره والمدفعيه الثقيله و الكيمياوى ايضا استخدم فى غربنا الحبيب .
عفك عنه بحكم أنك ام و لكن الشعب لن يعفو عنه و كل روح ازهقت مطالب بها و باى ذنبا قتلت ؟
الحياة التى وفرها لك وهم ما شاء الله كتيبه و اغتربوا و عادوا الى الوطن و حتى ازواج بناتك نالوا نصيبهم من الكعكه واصبحوا من اثرياء السودان .
هذا هو السؤال الذى من المفترض أن يوجه الى كل ابناءك و انسبائك من اين لكم هذا ؟
والاجابه انشاء الله سوف تكون امام القضاء السودانى الحر المستقل والحساب و لد ؟
يعنى حكاية ضرب الكيزان للحريم دى من زمان فى وتربو عليها كمان
يعنى حكاية ضرب الكيزان للحريم دى من زمان فى 00وتربو عليها كمان000كان كدى سجم خشمنا يابنات امى
يعنى ياحاجه/ هدية هو ولدك كان من صغير(الدندور أب عوة) والله ياحاجه/ هدية أريتك لو خلتيه يمشى للبحر أبو دميرة كان السودان ماتقسم وتشرتم وأهو حبة بكية على صغير وعوير ويروح الألم بعد شهور لكن خلتيه لينا يؤلم فى الملايين من الشعب مدة24 عام لكن ما بالغتى يا حاجه/هدية فى أذيتنا.
هو انتى لسا عايشة ؟
والله يا حاجة أريتك كان سمنتي بيهو وريحتي نفسك من الضرب في عضيم كلدو، وريحتينا والشعب السوداني كلو من المهانة والجوع والالفاظ القبيحة ،، وكمان بتقولي السودان بلا عمر يكون كيف ؟؟ يكون احسن مليون مرة ،ربنا يقلعو هو والمعاه قولي معانا آآآمييين ،،
زول بدق امه بالحديدة فى عضم الشيطان..بغلبو يدق شعبو بالراجمات والدانات…والغريبة انو لمن جلد امه كان كبير وواعى لانها قالت طفش سبعة يوم وبعد داك خجل واعتذر..فى شافع بطفش سبعة يوم..فى شافع بعتذر..يعنى الزول ده كان عاق والدين وبدق امه وحبوبته ..يعنى بغلبو يسرق بترولنا ودهبنا وخيراتنا..يعنى بغلبو يعرس مرت صاحبو المكتول …خسئت ياعاق الوالدين..
لو اتفكا بيعمل فينا مصيبة
فكيتيه ليه يا حاجة يا طيبة
آهـ وآهـ وآهـ وأمسك في الآهـ آهـ آهـ آهـ آهـ آهـ آهـ آهـ آهـ آهـ آهـ آهـ آهـ آهـ آهـ آهـآهـ آهـ آهـ آهـ آهـأهـ
لك التحيه ياحاجه..والله هذه الام تذكرنى ايام طفولتنا وتذكرنى ايضا والدتى الله يرحمها الشلوخ .والقنقر.والقهوه.والدميره .اشياء سودانيه اصيله اندثرت من حياتنا .{القنقر قندول الذره قبل اكتمال النضج يوضع على الجمر ويوكل كالتسالى وهو لذيذ الطعم والنكهة}واى شخص مابعرف القنقر وما اكلو .مشكوك فى سودانيته.
لك التحيه ياحاجه وكل عام وانت بخير.وشكرا مع تحيات ود الجزيره .
بصراحة كدة يا حاجة الهدية انتى فى مقام امهاتنا و حبوباتنا و لكن هل تدركين ان معظم مال ابنك الرئيس و اخوانة من مال الشعب الكادح يعنى فيهو مال يتامى و عمال شغالين تحت الشمس و اموال ضرائب اخذت غصبا من اصحابها و اموال زكاة و فيها اموال البترول الهو ملك لكل الشعب دا غير الارواح التى قتلها ابنك و زمرتة فى الشمال و الجنوب و الشرق و اخيرا دارفور اوكى يا حاجة هدية كمان اضيف الى كدا بيوت الاشباح و التعذيب و اغتصاب بنات الناس و انتهاك الاعراض و اضيف ليك يا حاجة كمان اخلاق الناس انتهت بسبب ولدك ما جوع الشعب و طرد الشباب من البلد و خلى 75 فى المية من البنات عوانس و فى دا كلو يا حبوبة انتو عايشين فى نعيم من عرق الغلابة و اليتامى و المساكين لقمة عيشكم الهنية الحرمتونا منها مخلوطة بالدم و بماء اعراض بنات الناس الشريفات وبدموع الامهات الثكلى و بأهات المعذبين و التأهين فى الارض بنصحك يا حبوبة نصيحة لوجه الله انتى ما عارفة حاجة ابتعدى عن منازل ابنائك فهى ملوثة بالحرام الذى ذكرتة لك و اذهبى للبلد و عيشى هناك بعيد من الحرام لان الله تعالى لا يغفر فى حقوق الناس الا اذا عفا العبد اخية العبد و انحنا ولدك و اخوانة و زمرتة ما عافين ليهم و ان شاء الله ربنا يورينا فيهم يوم فى الدنيا قبل الاخرة و هذا ايوم ليس ببعيد و كل المؤشرات و المعطيات تقول ان نهاية ابنك و اخوانة و زمرتة قد اقتربت فالى ذالك اليوم ..
المشكله عمل المصيبة في الشعب السوداني
يا جماعة الخير الحاجة ما عارفة انو ورتنا السبب الرئيسي ورا سلوك البشكير العدواني اتاريه اتعلم الكبع و اللبع علي اكرم الناس له .اذا كان دي امو ضربا بالحديد …يعني انتو حايضربكم بشنو …عليكي الله يا حاجه ادعي ليهو يخلينا في حالنا لانو دعوة الوالد مستجابة
مايؤسفنى ان هذة المادة المهمة لتحليل مصيبتنا الوطنية لاتجد لها باسم يوسف سودانى للانتقال بنا الى مرحلة المعارضة التلفزيونية من خلال قنوات تخص الوطنيين ولمن لايعرف باسم يوسف هو مصرى يقدم برنامج سياسى ساخر لاذع حول حياة اخوان مصر الى جحيم يعنى لو لقى ليو مادة زى دى البشكير الا يطير .وياحاجة هدية انتى ضربك عشان قنقرو نحنا ضاربنا مالنا.
أحسن مافى التعليقات هو احترامنا لهذه السيدة الأم . وهذا هو السودان .
التحية لكل امهاتنا بقلوبهن الصافيات
ولكن لماذا يصر الكل او اغلب المتحدثين ان خلافة البشير غير ممكنة وان البلاد بدونه عدم فهناك من هو اغير واصلح منه حتما
كم ياتري سيعيش البشير؟
هل سأل القائلين بخلوده هذا السؤال لأنفسهم ولو لمره
حسبنا الله ونعم الوكيل
يعني ولدك يا حاجة هدية من ما قام (عوير) منو العوض وليهو العوض وبتسألي كمان حال السودان ح يكون كيف بعد عمر البشير!!!!!!!!!! ابشرك حال السودان ح يكون بمليون خير اذا اتفكينا من ولدك الرمة دا ,,,, لكن الكلام على المرتزقة المعاهو عاملين بيهو ساتر وما عايزنو يغادر
نسال الله ان يكون مصيره مصير شارون وهامان وفرعون وابو لهب خالدا مخلدا فى جهنم هو وزمرته يارب العالمين
ديشاااااااك..!!!
الزول ده ضرب (أمه) بالحديدة .. أمه عديل .. وخجل بعد سبعة يوم ..
يعني العشمان في إنه يخجل في العملو في الغرباء ينتظر سبعة قرون!!
__
ربنا يديك الصحة يا حاجة .. لكن أريت أكان أدوهو القنقر بتاعو .. وطارت ليهو واحدة في حلقو قطعت نفسو وريحتنا منو وريحتو من دعوات المظاليم .. ودعوات المظاليم و (نبذهم) مرات كتيرة بيصل الأم (ال لا إيدها لا كراعها بتتنبذ بي عمايل ولدها المجرم!!)
يا حاجة بسأل الله يشيل روح ولدك عمر علشان تعرفي كيف تتألمي ألم أمهات فقدن أولادهن وزوجات فقدن أزواجهن ورجال فقدوا رجولتهم ونساء اغتصبن وأهنّ والشعب السوداني كله تعذب بسبب ولدك عمر البشير … قالت ياربى البلد دى بلا عمر بتبقى شنو ؟” قالت …. البلاء الليبلاه.
يا جماعة ما تستغلوا الوضع الحاجة دي زوله طيبه بتتكلم عن ولدها وهي ام ما تربطوا الحكاوي الجميلة في الزمن الجميل بالسياسه ومين فينا ما شقا وضرب اخواتوا واخوانو وانضرب من اخوانو واخواتو وامو وابهو لالالالالالالالالالا
لك تحياتي يا وطني الضائع وسط مجموعة من اللصوص
اللهم مكن باسوندا من عمر البشير الطاغيه
هسة عليك الله يا الحاجة ولدك ده ما أخير منو عدم الولادة ؟؟؟
ياحاجه هديه بالله عليكي قبل عمر البشير البلد كانت كيف فعلا كلامك في محله بعد عمر البشير البيجي الحكومه حيلقي ديون بالهبل وانقسامات داخل البيوت وده كلوا من ابنك
بأمانة يا حاجة فيكى براءة وسماحة كل ام سودانية لكن ولدك مجرم شيطان ملعون الى يوم القيامة
هو يقدر يعيش خارج السلطة ؟ أسألوا السمك كيف العيشة بر البحر ؟!!!
ودي دايره ليها درس عصر ياااااااااااااااااااارب نتخارج من ولدك ده
تنط كيف دى كانت مستمخه و فى عالم تانى @
ربنا يديك العافية ياحاجه
القنقر( كلمة نوبية بدون الف و الام قنقر و تطلق على ااىسنبلة سواء من عيش الريف او الذرة
اما عمر البشير و حكاية الحاجة والدته قيل فيه اكثر مماقاله مالك فى الخمر و شكرنا للحاجة الهدية
ياجماعة دى ام وفي مقام امهاتناوما عندها ذنب في انو ابنها صطا علي السلطة بقوة السلاح كان عندكم كلام في الحته دى جيبو الشيخ المنافق شيخ حسن والثعلب الثاني لرئيس الجمهورية سبحان الله وجهة اتحرف يا جماعة وهو حي وما زال يمشي جيبو ديل واتكلموا معاهم لانو حاجة الهدية دى ما عندها ذنب في الحاصل الا انو الناس يحاسبوها ليه ولدت لينا المصيبة دى وسوف ترد عليكم بكل عفوية تقول ليكم انا كان قائلاهو بيعمل كدا في السودان والسودان اليوم داك كنت نمت ساكت او كنت دافقتو وهو وليد شهر او شهرين لكن ربنا غالب
بالله شوف حاجة الهدية دينايرة وسمحة كيف الله يديك العافية ويطول عمرك
يا حاجه بالغتي عدييييييييييييييييييييل حرام عليكي وراك اخره و حساب بعدين ولدك ده ماهو الخرمج ابوها و فرتقها مليون حته على العموم احنا عازرنك انتي برضوا ام مع انو ولدك الدلوكه ده اخير منو جنا جداده
كل عام وانتي بخيركان تخلي يقرق احسن
يا جماعة هوي، أنا عايز أبر أمي زي ما عمر البشير ما برا أمه. أنا زي حال كل السودانيين، عايز أبر أمي لكن “بريتها” وما قادر أعمل حاجة، أعمل إنقلاب يا ربي؟
دعاء بسيط يا حاجة كان جنبتي السودان الشيطان دا
الله يهدي ولديك يا حاجة هدية ..
بعدين السودان دا فيهو ناس يحكموا العالم مش السودان . بس هم عاوزين فرصة ..
متعلمين قال ياخ انا مهندس في امريكا دخلي السنوي الحمد لله مائة خمسة وسبعون الف دولار اليوم عندي ارض فقط في قريتنا بالقرب من امدرمان ماقادرين نعمل فيها شئ وكان الاغتراب بعمل العمله البشير وإخوانه كان الاغتراب بقي نعمة وبلاش خرافة كيزان الحرامي حرامي
يا خوانا البشير دا طرورة وشايله البحر, الكيزان ديل ورطوه الورطة دي, الزول ما مريس ومتيس, لحدي ما وصولوه النائية وقالو اته بعدا يا خينا ما عندك مخارجة فخليك مكنكش كدا هسه دي المرة الكم نسمع انو البشير ما عايز يترشح, علي عثمان ونافع الاتنين دايرين الرئاسة لكن خايفين من صراع الديكة والدركة الحا تحصل والطامعين كتار
يا حليلك يا بلد وقعتي وقعة سودا ما كيزان الجن ديل وما معروف آخرتك شنو, والله يطول عمرك يا حاجة هدية والله يستر ولدك من الدنائية!
Your son is behind the atrocities of all Sudanese since 1989
including those who sold themselves to him as ..
Not too much difference between him and ALASAAD
What he did to Sudan needs 100s of years to clean as he destroyed Sudanese values and dignity.
I hope to see him and his allies in the Hague
He is in the wrong chapters of human history
يا حاجة هديه الله يديك العافية ويطول عمرك عليك الله ولدك ده يقدم وين كغايه24 سنة لو قدم شوية ما بكون في بلد اسموا السودان عليك الله يمه لميهو
ده يا حاجو بعد ما كبر وبقي رئيس ضرب السودان في النافوخ
الله يديك العافيه. بس ولدك ضيع بلدك.
و بعد ما غنيتوا وما فضل فيه التكتحه يطير ما يرك
ردلود شندي هناك عمرين في الدنيا عمر بن الخطاب رضي الله عنه وعمر بن عبد العزيز اما عمر البشير فموجود في نفسك فقط انت وهو الي السعير وهذا اكيد
ياحاجة هدية الله يديك العافية ويهديك عليك الله قولى ليهو خلاص نشفت ريق الناس ونشفت البلد زاتا.ماسمعتى الشاعر العظيم محجوب شريف قال لى امو شنو… كان ماسمعتى اسمعى . قل ليها ياوالدة دينك كم… دين الوطن كمين .عمر دا حل ياتو دين .
الله يديك العافيه ياحاجه انت ماعند ذنب لكن ولدك ضيع نفسه وصيع البلد معاه فسيحاسب علي فعايله دنيا واخره انشاءالله .ويبدو انه منذ ان كان طفل كان دموي وعنيف لانه اسال دمك وانت امه فكيف ببقية الخلق.الفل لو شاف امه متالمه بيبكي علي طول خليه يضربها
يا يمه التحية ليك
أظنك قايلة الشعب الفضل عايش بمستواكم ومرتاااح زي راحتكم عشان كده يا ربي البلد دي بلا عمر بتبقي شنو؟؟ بنقول ليك الله في وما بضيع عباده..
لمن أشوف الشلوخ ياأخواني جد بطمئن لانهم جيل محنة ورحمة وبركة وحكمة الله يديك العافية.
البلد دى بلا عمر بتاعك ده كان بقت جنة المأوي .. غايتو اكلكم مال السحت واليتامي..
عليك الله انتي ولتي ليك ولادة
ههههههههههههههههه والله في تعليقات لو زعلان زي شنو تضحك هههههههه
ولدك دا ياحاجة عندي معاه ثأر شخصي
بس الحمد لله الجات فى عضم الشيطان
اللهم عليك بالترابي فانه لا يعجزك
اللهم ارنا فيه عواقب قدرتك
جني
الله يرحم الادب والطبع السوداني الاصيل ,الحصل عليكم شنو بقيتو ذي النسوان بتلوكو في الكلام والمره الكبيره دي ذنبه شنو دي في النهاية ام.
بصراحة في بعض التعليقات مخجلة
والعايذ يسوي هنداك عمر البشير شتمو واعمل الانت عايذو فيه لكن ما تتشطرو على الام (لا يغير الله ما بقوم حتى يغيرو ما بانفسهم)
وبالمناسبه انا ما سوداني واعرف انو الكيزان خربو البلد لكن لا احب ان تنمحي شيم اجدادكم التي اعرفاه ودرستها .
ولسلام عليكم
قليهو لا … يايمه لا!!
قليهو لا… عليك الله لا..!!!!
كفانه لا …عليك الله لا…!!
قليهو…..ضيعت البلد!!
قليهو… يتمت الولد!!
قليهو … اضعفت الجلد!!
قليهو… نحست السعد!!
قليهو … اخلفت العهد!
قليهو…ارحم شعبا ازيتوه جد!!!
قليهو .. فر.. قليهو كر.. كر.. ياولد!!
الولد دة كبر وغدر بالسيدة الاولى .. قال ايه ,, نسوان الشهداء .. المرة الطيبة دي عفيت منها قالت ( أبارك لو )…؟؟؟؟ ما باركت لو … المذيعة غايتو بالغت .. الغريبة في تلفزيون السودان … هههههههههه
http://www.youtube.com/watch?v=D9gsluHE5sI
للاسف الشديد بعض الردود غير محترمه وتدل على عقليه سطحيه وانحطاط فى الفكر وعن جهل عميق هذه ام اتعلمون ماذا تعنى كلمه ام الام فوق كل شىء ولا اريد ان ازيد حسبى الله ونعم الوكيل
يا ريت لو خليتيهو مشى البحر وغرق وهو طفل او ليته كان الطفل الذي قتله سيدنا لابدلك الله خيرا منه زكاة واقرب رحما ولكن حافظت عليهو حتى كبر وجلب لك فلوس الحرام وادخل اخوانه وعشيرته في الحرام واغرقهم فيه حتى الثمالة ولن يخرجوا منه ابدا واقول لهم نعم ستنعمون بالحرام في الدنيا ولكن سيكون وبالا عليكم يوم القيامة خصوصا وانتم اغترفتم اموالا ما كنتم تحلمون بها لولا وصول ابنك للسلطة من اموال عامة والاموال العامة لن تغتفر الا ان يرضى اصحابها واصحابها كم عددهم في السودان ( يا شيخة انت شبعتي في الحرام )
سؤال كيف كان حالكم قبل 30 يونيو 1989م وكيف حالكم الان ؟ وهل كنتم تحلمون بقصور كافوري هذه قبل سرقة السلطة ؟ وهل المسجد الذي اهدي لكم من قبل الاتراك كما تقولون هي هدية لله ؟ واذا كان ولدك قد سرق السلطة وجاب اهله في كافوري وصارت ضيعة لكم فهل انتم قادرون على حملها يوم القيامة؟
وهل انت راضية على ولدك لانه قتل اكثر 300 الف في دارفور؟ ام لانه مازال يقتل ويحرق القرى في دارفور والنيل الازرق وجنوب كردفان ؟ ام لانه فصل الحنوب ؟ ام لانه فرط في الفشقة وحلايب وشلاتين والعوينات وبقية اجزاء السودان ؟
عزيزتي اذا كنت تفتخرين بولدك هذا في الدنيا عليك ان ترجي الراجيك من الله يوم القيامة ؟
اما اذا كنت مربية عظيمة فعليك ان تمسكي بيده وترديه للحق وتقولي له لن ارضى عنك الا ان ترد الى كل ذي حق حقه ؟ وقولي له كما قاتلت الصحابية لزوجها وهي توصيه بجتناب الحرام وفي معنى حديثها تقول ( اننا نقوى على تحمل الجوع ولكننا لا نقوى على تحمل النار يوم القيامة )
فلو انت امراة صالحة خذي بيد ولدك وبقية اخوانه ليكفوا اذاهم عن عباد الله لان دعواتهم لن تذهب هباء وان كنت غير ذلك اتمنى من الله الله ان ياخذ كل ظالم اخذ عزيز مقتدر ومن رضي عنه ومن شايعه ومن سكت عنه وهو قادر على فعل شيئ
اللهم امين
ماذا تتوقعون من إبن عاق قام بضرب أمه؟؟؟
نحن لانحاسب البشير على اشياء فعلها فى الصغر كلكم عملتوا اشياء فى صغركم ومنكم من ضرب المدرسين بس نحن حسابنا معه يبدأ من الانقلاب اللي قسم السودان
?ان فی واحد من ال?یزان ولدو عندوا ریاله سایله طول الوقت. اصلو ماب تقیف. واداهو اوروبا و امری?ا (التی دنا عذابها) ل?ن ما لقی لیهو علاج قام واداهو لی فقیر ?تبلو. حجاب طوالی ریالتو وقفت. ال?وز الخبار قرب ی?تلوا قام فتح الحجاب لقی م?توب فیهو اسم م?رر: عمر حسن احمد البشیر عمر حسن احمد البشیر عمر حسن احمد البشیر عمر حسن احمد البشیر عمر حسن احمد البشیر. ال?وز الخبار قرب ی?تلوا قام راح للفقیر وبعد ش?رو سالوا عن سر الحجاب فاجاب الفقیر:
یا حاج:
عمر حسن احمد البشیر دا نشف ریق 35 ملیون یغلبوا ینشف ریق والدا? دا
الحاجة هدية لك التحية نتمنى أن يطول عمرك وتحضري نهاية ولدك وتشوفي فيه يوم زي ما شافن الامهات في زمن زلدك التعيس واتعحرق حشاك زي ما حرق حشا امهات كتار وتبكي دموع الدم وتموتي بحسرة ولدك وما تلقي اليقيف على موتك ولا تلقي البشيع جنازتك أصلا الحكام المتسلطين نهايهم غير سعيدة وليك في القذافي عبرة
يا حاجة دفنتوا الولد وخليتوا التبيعه .. هذا الاهبل الرقاص مصيروا السجن في لاهاي .. وجهزي ليهو بطانية من هسع ولدك الكضاب الرقاص .. مجرم الحرب هذا لا بد من تسليمه للعدالة طال الزمان ام قصر وهي مسألة وقت بس … إذا كان ضرب والدته بالحديده ام راسين … فماذا يفعل بالشعب السوداني المسكين بالله عليكم .. تف عليك يا شبيه الرجال
يا حاجة حال السودان بدون ولدك حيكون جنة .
كلنا قرينا الطب وأقتربنا قبل البشكير وأخوانه لكن ولله الحمد بنينا البسيط بالحلال وأكلنا أولادنا بالحلال وعلمناهم بالحلال ولمان يجينا الموت أن شاء الله حنكون راضين لأننا لا سارقين لا كاتلين لا حاقديين ووالدينا أكلناهم الحلال وكانوا عنا راضين ومع أهلنا ما مقصرين وهذا حال الكانو والماذالوا مغتربين .
اللهم أرزق أهل السودان بالخير
اللهم باعد عن أهلنا كل سوء
اللهم نجي أهلنا من البشكير والكيزان وعملهم
اللهم شتت شمل الكيزان ومزقهم شر تمزيق
اللهم وحد قلوب وكلمة اهل السودان
بعد التحية لكل امهات السودان . ياناس حرام عليكم دا الرئيس بشير احسن رئيس جانا فى السودان واحسن رئيس فى العالم . لو عازين تحاكموا حاكموا الناس المعاهم . ولاتسمعوا كلام الخونة الملعونيين الا مابيحبو السودان
ياناس حرام ياسودانييييييييييييييييييييييييييييين قولوا خير
يعنى شنو
يايمة الله يديك العافية . لكن السواها فينا ولدك اخير منها الشيطان وعضمو .
قالت توصي الأمهات يربن أولادن كويس. غلفاء وشايله موسها تطهر
ياريت لو شال الحديدة كسار السكر دي و كسر ليكم عضام شيطانكم كلكم .. ناس ما محترمين
هو طبعاً القصد من هذا المقال أو بالأحرى المقابلة مع أم البشير أن تأتي مثل هذه التعليقات السخيفة التافهة غير الأخلاقية. ورحم الله أمرء عرف قدر نفسه .
والله يايمه غايتو بس ربنا يديك العافيه لانك مره كبيره ونحنا اولاد قبايل نحمد الله ورببينا ورضعنا العزة والكرامه من اهلنا ومابنقول كلمه شينه لزول كبير….لكن ان شاءالله لكل ظالم نهايه لانو اتظلمنا واتعزبنا والناس جاااعت وبقت لاقادره تقرا لاقادره تتعالج واتشردت من شقلها وامواله اتنهبت والاقتصاد والتعيم والصحه انتهوا والبلد اتقسمت ولسه ماشه الي الحضيض …نحنا بندعوا ليك انتي بطول العمر والعمل الصالح لكن ولدك حسابو معانا هو والمعاهو نااااااااااااار حمرا باقه من جوة قلوبنا
الوالده العزيزة لم تنس ان الطفل صغير ضربها مع انه كبر واوفى لها من الوفاء الكثير يعنى الطفل منذ صغره غاوى مشاكل موية دميرة يبدو ان السودان الان غارق فى مياه العكننة ربما بكفايته وتولى الحكم رجل رشيد يطلع اهل السودان من بائسهم وبؤسهم باذن الله