سعد الدين حسن ..الهجرة إلى أمريكا

14 مارس، 2013

يتردد ان مذيع قناة النيل الأزرق سعد الدين حسن قد حزم حقائبه قاصدا الهجرة الى الولايات المتحدة الأمريكية تاركا بيته قناة النيل الأزرق وقناة العربية التي اثبت فيها تميزاً ملموساً، وخلال مسيرته في مجال الإعلام قدم سعد الدين نموذجا نادرا للوفاء، حيث رفض كل المغريات لمغادرة قناة النيل الأزرق بيته

الأول الذي كان له اسهام كبير في جماهيريته.. أسباب الهجرة غير معروفة(إن شاء الله تكون الحكاية شائعات وبس).

الرأي العام

14 مارس، 2013

تعليق واحد

  1. لو تحصلت على اللوترى فعلا لا تقعد وانت لسع شاب وامامك مستقبل كبير ان شاء الله واتمنى لك اقامة طيبة والسودانيون كتار باميركا وما تخاف وانا لو ما كنت كبير فى السن كنت رحت امريكا ولكن بالسعودية نقول الحمد لله

    رد

  2. حرام عليكم كلكم طلعتو من البلد خليتونا نحن برانا للكيزان ليه بس كدا ده والله نجري اليوم كله وبعد ده مافي شئ أي شئ مافي ياتبقي كوز ياتبق داعر حتي تعيش لكن والله انا قاعد وعندي هدف واحد بس منتظرين يوم سقوطهم واني أره قريب حتي افش مغصتي وأخد قصاص كل من ظلم منكم وابني سوداني ليسع الجميع دون كيزان وقوم لوط ليبقي الوطن للشرفاء الأمناء

    رد

  3. الكل عاوز يهاجرالى امريكا قايلين حايفرشو ليكم الارض ورود انتو فى وجه نظرهم من افريقيا المتخلفة وحاتشوفوا المعناة البتشكو منها فى السودان وحاتقولو ارحم الكيزان وبلدنا طبعا فى ناس حايختلفو معاى ويقولو مافى اسوا من الكيزان ده مجرد حقد وتعصب بس حاتشوفو الاسوا فى الهجرة وبكرى تشوفو اما اذا كانت الهجرة للخليج فالسودانيون فى وجهة نظرهم عبيد دى حقيقة ثابتة وبقولو من خرج من دارو قل مقدارو والوطن مهما ساء حكامو هو الملاذ الامن مش غير ياشباب عوووووووووووووووك

    رد

  4. لعمرك ما ضاقت بلاد باهلها ولكن اخلاق الرجال تضيق
    واذا المرء ضاق الاضهاد بارضه فابحث عن بلاد ليس فيها رفيق

    رد

  5. الذهاب الى بلاد الكفر بغرض العمل حرام وبدخلك غصبا عنك فى الحرام فاولى لك بلدك ولكن من اجل التعليم و العلاج او شى مهم فلا بأس

    رد

  6. اختلف مع الاخ (عمر الحسن) في تبسيطه لما يفعله الكيزان (السفلة) في هذا البلد الطيب أهله وادعاؤهم الكاذب بأن ما يغترفون من جرائم نهب وسرقة وإفقار وتشريد هو من أجل (الدين) كما يزعمون كذبا وبهتانا(هي لله) غشيتهم لعنة الله.. وأتفق مع المعلق في قوله أن السودانيين في نظر أهل الخليج هم مجرد (عبيد) وذكرني قوله هذا بقصـة مؤلمة ومع ذلك لا تخلو من طرافة رواها أحد المغتربين الاوائل وهي كالتالي: (سافر أحد السودانيين بتأشـيرة عمرة ومن هناك زاغ للبحث عن عمل.. فعثر على وظيفة متواضعة لدى أحد الشيوخ في احدى قرى المملكة فاجتهد صاحبنا في أداء كل ما يطلب منه من أعمال فأعجب به الشيخ وقـرر أن يصحح وضعه ويمنحه إقامة ليكون تحت كفالته.. فدعاه الشيخ وسأله عن اسـمه وكان اسـم صاحبنا (عبيد) فقال للشيخ اسمي (عبيد) فضحك الشيخ وقال له: أدري إنك (عبيد) بس ويـش اسـمك؟!! طبعا السودانيين في الخليج يسـمون (السوادنة)..

    رد

  7. ( هو الذي جعل لكم الارض ذلولا فامشوا في مناكبها وكلوا من رزقها واليه النشور ) صدق الله العظيم

    ارض الله واسعة … والسودان ليس جنته علي الارض . السودانيون في كل بقاع الارض موجودين واينما حلوا ابدعوا . وفقك الله فيما تنشده .

    رد

  8. السودان بلدنا ونحن بنحبو .. لكن تجبرك الظروف للهروب من الواقع المرير الموجود الان .. وانا متأكد100% انه اي سوداني موجود داخل السودان لو لقى طريقة اتخارج ما بتردد لحظة .. واخشى يجي يوم ما تلقى ولا واحد سوداني موجود في البلد غير اعضاء حزب المؤتمر المنتفعين بثروات البلد اما ناس قريعتي راحت ديل الله يكون في عونهم (تبكي بس) انشاءالله ربنا يخارجنا من الحكومة دي عشان الطيور المهاجرة ترجع الى وطنها وتغني يا وطني يا بلد احبابي في وجودي اريدك وغيابي
    التحية لكل المهاجرين الصابرين على مرارات الغربة والخزي والعار لكل من سولت له نفسه بسرقة قوت هذا الشعب الطيب المعطاء

    رد

  9. والله يا سعد لو عارف التعب الفى امريكا ما بتقول مهاجر وانت بالفيه دا ملك لكن لو عايز تقراء معليش ما حاتقتنع بالكلام دا الا تشوف بعيونك ياما عارفين ناس فى السودان دكاترة ومهندسين ومدراء بنوك بقو سواقين تكاسى مع احترامى للمهنة كلنا كنا زيك لكن لقينا امريكا خدعة

    رد

  10. قلت كدي يا سعد؟؟؟
    يازول والله اخير ليك ..
    بالله يا جماعة آخر زول يطلع من السودان يخلي المفتاح تحت بورتسودان ..
    وكان غلبك حلها .. اطفش خلها …

    رد

  13. حرام البلد تفقد إعلامى بقامتك لكن العالمية أفضل بكثير وأنت مؤهل لها!!

    رد

  14. سعد اعرفه من اول يوم دخل فيه الاستديو بتلفزيون الابيض ولاية شمال كردفان ولا يخفى على الجميع انه طور موهبته, ولكن فكرة الهجرة الى امريكا على الاطلاق غير صائبة ان فكر فى العمل فى نفس المجال لان عامل اللغه مهم وبصراحة قد يصعب تعلمها والنطق بفصاحة فى زمن وجيز. اما اذا كانت الهجرة لاسباب اخرى فاليوفقه الله.

    رد

  15. كل الشعب السوداني هاجر للخارج إلا الذي لا يمتلك تكاليف السفر وهؤلاء تمنون اليوم الذي يخرجهم من هذة البلد التي ضاق العيش فيها .اما بالنسبة الي سعد الدين فمستواك لا يوصلك الي العالمية خليك مع جمهورك ده لو كان عندك جمهور فعلا ولا اظن لان شعوب الدول الاخري مثقفين جدا وبمعني آخر الماشي ليهم ديل انت ما بتاكل معاهم عيش وعلي رأي المثل(الطشاش في بلد العمي شوف)

    رد
جميع الحقوق محفوظة، لصحيفة الراكوبة© 2025 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..