السماح بذبابتين فقط في المراحيض العامة!
سمحت معايير جديدة اصدرتها الهيئة البلدية المكلفة بتحسين صورة المدينة، بوجود ذبابتين كحد اقصى في المراحيض العامة للعاصمة الصينية على ما ذكرت الصحف. وهذه التعليمات تطبق على المراحيض في المتنزهات العامة والمحطات والمطارات والمستشفيات والمراكز التجارية والسوبر ماركت على ما اوضحت صحيفة «شين جنغباو». ومن المعايير الاخرى التي اعتمدتها الهيئة عدم تراكم البول او المياه في المراحيض وافراغ سلال المهملات بانتظام.
من جهة اخرى، يجب ان تزال النفايات التي تقع على الارض في غضون نصف ساعة كحد اقصى في حين ان الاعطال في هذه المنشآت يجب ان تعالج في غضون نصف ساعة. اما الاعطال الكبيرة فامامها مهلة 12 ساعة.
وسبق لبكين ان أطلقت في الماضي حملات عدة لتحسين معايير الصحة والنظافة في المراحيض العامة ولاسيما قبل دورة الألعاب الاولمبية في 2008.
انتو الصينيين ديل مايجيبوهم لينا في السودان….ان شاء الله كمحترفين…لانو محترفي الكرة مامستفيدين منهم اي حاجة.جيبو الصينيين ديل لعل وعسي يقضو علي الذباب وغيره من الحشرات…
ياسلام على الصينيين .. النظافة من الايمان ..
…ضبانتين بس..!!..الباقى يمشى وين ؟المطاعم ولاّ البوفيهات؟وبعدين الضبان غذاء الضببة والعنكبوت وخاصة العنكبوت الصغيرونة العاملة زى الماس فرغيسون بتاع الحراتة,,انتو دايرين تعملوا لينا ربكة ولخبطة فى التوازن الطبيعى والسلسلة الغذائية ولاّشنو يا ناس الصين؟انا متأكد كنفشيوس قال ليكم ماتهبشوا!وبعدين الضبان ده فاتح بيوت للاطباء وعمال مصانع الادوية والصيادلة!وكل الصناعات المرتبطة بالادوية!انتوا قايلين الضبان ده هين ولاّ ليّن ؟بعدين مذكور فى القرآن الكريم,,والتحية والاحترام لاهلنا وشيوخنا فى ام ضبّان شرق النيل بدون فرز.
يجب علي من قرائها ان يرسلها خاصة ضباط الصحة
الصين دولة غير مهتمة بالنظافة والمراحيض العامة تحتاج لمعالجة فنية ومن ثم النظافة, حيث لا يمكن لغير الصينين تحمل الروائح الكريهة والقاذورات.. ذبابتين فقط يعني أن الصين بدأت تهتم بالنظافة وفي طريقها للتطور المجتمعي
بس اشمعزة ضبانتين يخلوهم تلاتة اربعة – اكيد الصواينه عندهم مشكلة في تربية وانتاج الضبان – لو عرفنا الفولة كويس ممكن نصدر ليهم كميات مهولة من هذه السلعة الاستراتيجية وبلا بترول بلا بطيخ عندنا من كل الانواع والاحجام عايزين للمستشفيات نديهم – عايزين لمحلات التيك اويي والمطاعم نديهم – عايزين من النوع البظهر في استديوهات التلفزيون نديهم ولا شنو ؟