«الحاج يوسف» كان اسمها (القوز) ..وعمرها 400عام
الخرطوم-سماح صديق
«القوز» هذا هو الإسم القديم لمنطقة الحاج يوسف الحالية كما قال الشيخ الصديق يوسف أحمد بلال سارداً تاريخ هذه المنطقة التي سميت على الحاج يوسف ود دهاشة مشيراً إلى سر هذه التسمية وقال مفصلاً ذلك، الحاج يوسف ود دهاشة رجل صوفي من البطاحين منطقة (أبو دليق) درس بخلاوي ود الفادني ومسيد ود عيسى لحفظ القران وأخذ الطريقة الصوفية على يد حمد ود ام مريوم وذهب إلى المملكة العربية السعودية ومكث فيها 81 عاماً وعاد إلى السودان واستقر بمنطقة القوز بالخرطوم
وانشأ فيها الخلاوي وسميت عليه وكانت منطقة الحاج يوسف تتكون من سبعة بيوت فقط هي، بيت محمد حسن وأولاد، الشايب وأولاد، حمد الله وأولاده، الهادي وأولاده، محمد ود البشير، بيت شيخ العرب محمد أحمد ود بلال وبيت الشيخ الحاج يوسف وخلوته. وعاش الشيخ الحاج يوسف 521 وبعد وفاته ظلت الخلافة متوارثة بين أحفاده. ويبلغ عمر المنطقة 004 عام تقريباً.
ويضيف شيخ عرب البطاحين الصديق يوسف احمد بلال شيخ حلة الحاج يوسف أنهم يتمنون الحوار الوطني من أجل وحدة الصف وأن جميع شرائح قبائل البطاحين وخاصة بالحاج يوسف يقفون صفاً واحداً وراء فخامة الرئيس البشير رئيس الجمهورية ويتقدمون له بخالص التهاني باختيار المؤتمر العام للمؤتمر الوطني ترشيحه لرئاسة البلاد سائلين الله له التوفيق والسداد.
آخر لحظة
لا حول ولا قوة الا بالله ,ونعوذ بالله من الذين يطبلون للظلمة وآكلي مال السحت واليتامى والغلابا والمساكين , والذين يحرفون شرع الله ويسرقون ثم يتحللون …وحسبي الله عليكم جميعا واستغفر الله رب العالمين
كضابين البطاحين جنهم و جن البشكير دا
البطاحين عندكم شو فى الحاج يوسف اسى كلو بعتو ليه تتكلمو يى اسمو ماعندكم غير القبه الفى المايقومه ولو لقيتو طريقه بتبيعو كمان
البطاحين سكنوك وسكنوا امثالك ديل
دار جدي الهادي كلها والبياره لسه محلها موجود ومافي زول عندو فيها شبر والتاريخ موجود والبسال ما بتوه انا محمد توفيق الخضر عبدالرحيم الهادي ساكن المايقوما محطه 17اسال اي زول بجيبك ديوان حاج الخضر أصل وتعرف
سبحان الله .. قبل الحاج يوسف هذا لم يكن هناك من يقيم في المنطقة ولم يكن لها إسم !! لأنو تاريخ السودان أصلو ما بدأ إلا عندما دخلوها ناس الحاج المضروب دة !!
كانت منطقة الحاج يوسف قبل ذلك جزء من مملكة إسمها علوة وعاصمتها سوبا .. لماذا نتفادى هذه الحقائق التاريخية التي لا تحتاج إلى إثبات ؟؟
أقرأ هذا مع موقف اليهود من فلسطين السليبة!!
البطاحين وغيرهم من المستعرب مستعربين الذين يدعون العروبة ودخلوا الى بلاد
النوبة والبجة الفور والدينكا مهاجرين ومستضافين غير مسموح لكم نسب أي منطقة الى
مجموعاتكم المهاجرة … فانتم حكمكم ( مجتازين غير مقيمين في هذه الديار )حسب
اتفاقية البقط والاماكن الانتو ساكنين فيها نحن نعتبرها ( منح وهبات وصدقات ) ..
منحه ليهم جدك ولا شنو
عيب عليك الكلام دا البطاحين عرب قحطاني كمان عندي دليل بفحص dna وتاريخم ما محتاج اوريك اصلا لو مطلع بس الدار دار جدي الهادي فيها الابيار في نص المقابر والحاج يوسف نزل في دار جدي الهادي وزي ما قلت قبل كدا الديار يتاكد يجي المايقوما محطه 17ديوان حاج الخضر ودعبد الرحيم ود الهادي
القوز منطقة محضورة ما بين محطة 13 إلى محطة 16 وما قبل محطة 13 تعرف بإسم (السلمة) ونحنا ياسادة سكنا الحاج يوسف وتجاورنا مع البطاحين ومنطقة الحاج يوسف دي حكر على البطاحين وما جاورهم وتعايش معهم والزارعنا غير الله يجي يقلعنا بلاش نوبة وبلاش عنج وفونج.
غلط ما حكر الدار دار جدي الهادي ونزل فيها الحاج يوسف والتاريخ لا يرحم يا أستاذ وكل الدلاال موجوده علي انواقدم دار دار الهادي
هل المقال دعاية لمبايعة البطاحيين للبشير ام تعريف بتاريخ الحاج يوسف؟ الرجاء عدم خلط الكيمان, فتاريخ الحاج يوسف لا يتجاوز المائة , فالرجاء التحقق من الارقام الصحيحة