أسر تحمل شركة “صن اير” مسؤولية تدهور صحة مرضاها
الخرطوم:
اشتكت أسر عادت من القاهرة على متن طائرة “صن اير” يوم 14 سبتمبر إن أمتعتهم لم تصل حتى وقت متأخر من مساء أمس.
وحملت أسرة الجزولي دفع الله شركة صن اير مسؤولية تدهور صحة الجزولي الذي يعاني من مرض “الجلطة” بسبب عدم وصول ادويته، فيما تعاني زوجته من مرض القلب ولم تصل أدويتها.
وقالت نهلة الجزولي إن صحة والدها انتكست لعدم وصول الأدوية التي يجب ان يحقن بها كل يوم.
وفي السياق قالت شابة مصابة بمرض السرطان إن أدويتها لم تصل حتى الآن، وأشارت إلى تدهور صحتها.
الجريدة
ياخوانا ماتضيعوا وقتكم دي شركه محميه وكابتن س. محصن تماما
هذه الشركة العشوائية تلازمها في كل شئ – ولهم تجاوزات كثيرة جدا – وتم توقيفها عدة مرات ولكنها تظهر مرة أخرى بإسم جديد حسب إفادات موظفين بسودانير يظهر إنو وراءها أحد الطقيليين. على المتضررين التضامن وإتخاذ الإجراءات القانونية المناسبة.
اساسا المخليكم تسافرو بصن اير شنو؟ دي الدقسة الاولى. الدقسة التانية في انسان عاقل بيشيل ادوية مهمة في عفش مشحون ولا عشان دافسين الشنط الشايلينها معاكم (Carry-on baggage) اكل وريح نسوان وحاجات خايفين عليها تبوظ وتتكسر. يعني في النهاية احسن تختشو وتسكتو.
يا اخوان و يا جماعة الخير بالعقل كدا و بالمنطق زول عندو جلطة و الزوجة عندها قلب و الشابة مصابة بالسرطان نسال الله ان يشفيهم جميعا هل يعقل ان تشحن الادوية المنقذة للحياة مع العفش ابسط شي الادوية و الاشياء الثمينة بتكون في شنطة مع الراكب داخل الكابينة و مسموح بعشرة كيلوجرامات مع الراكب .. نعم الخدمات سيئة و نقر بذلك لكن لا يعفي الركاب من الاهمال ياخوانا اقل شي الزول بشيل معاهو بندول في الشنطة لاي طاريء في الطيارة فبالله كيف لي زول عندو جلطة منتهى الاستهتار و الاهمال ما تحملوا الشركة مسئولية زي دا و صاحب العقل يميز .. و الله انا ضد كل شي انقائي لكن كمان الشي بالمنطق يا جماعة الخير .. نسال الله لهم السلامة و يا شافي يا معافي ..
الجزولى دفع الله شخصيا” ؟؟؟؟؟؟